نوحه حضرت زهرا علیها سلام دوشدی محاقه سپهر غم ماهی یاندی جگر ای علینون اللّهی یومدی گوزون زهرا صولدی گل طه فاطمه جان وئردی قالدی علی تنها الله الله الده حسینون سو کاسه سی بوشدی سو وئرَنی یوخ سوسوزدی ناخوشدی فتنه دن آخر زمانه دینجلدی نازلی حسینی یتیملره قوشدی زینب ائدر ناله طایر بی باله دورت بالامی سالدی غصه یامان حاله الله الله توکولدی ماتم حجازه یا زهرا یوخومدی مَحرم بو رازه یا الله بلالی زینب آچوبدی سجّاده فاطمه گلمور نمازه یا الله دیور آنام گئتدی مقصدینه یتدی بو آیریلیق یا رب باغریمی قان ائتدی الله الله قوپدی قیامت حکومت اوستونده فاطمه ئولدی ولایت اوستونده شاهد اُل الله وصیّ طاهانین قولّاری باغلاندی بیعت اوستونده اِئوه هجوم اولدی حجازه غم دولدی اَسوب قرا یِللر منیم گُلوم صولدی الله الله موضوع: #حضرت_زهرا علیها سلام سبک: #مادر_چرا_سخن_نمیگویی شاعر: #کلامی_زنجانی

نوحه حضرت زهرا علیها سلام زهرا گیدوب الیمدن غمخواریم ئولدی یارب درمان دالنجا گَزدیم بیماریم ئولدی یارب مندن بیری سوروشمور گُل تک ندن سارالدون آیا سنه نه گَلدی اوچ دورت گونه قوجالدون حکمت سنوندی الله باشیم بلایه سالدون سن ویرمیشیدون آخِر، سنده الیمدن آلدون دشمنلریم سویوندی چون یاریم ئولدی یارب بیر دردیدور بو هجران الده دواسی یوخدی بو غملی روزگارین حُسن و صفاسی یوخدی وار دورت بالام ایویمده عشرت اساسی یوخدی ناز اورگنوبدی زینب افسوس آناسی یوخدی دل داغلیام بو غمده دلداریم ئولدی یارب غسلین ویرنده لوح آمالی پاره گوردوم تردیده دوشدوم اوّل باخدوم دوباره گوردوم پوشیده ساخلاموشدی من آشکاره گوردوم ایکاش گورمییدیم جسمینده یاره گوردوم ایوای آشنای اسراریم ئولدی یارب اولموشدی بسکه زهرا طاها غمینده مضطر روح الامین گَلردی دیدارینه مکرّر دای فاطمه اُلندن گَلمور او پیک داور گَلسه گورر قالوبدی منزلده خالی بستر دردانه ی رسول مختاریم ئولدی یارب با اینکه قونشولار چوخ ووردی اونا کنایه همسایه لردن امّا هیچ ایتمدی گلایه دوزدی به جای نفرین آچدی دلین دعایه سکناسی بیت الاحزان اولدی بدون سایه جاندان دویوب انیس اذکاریم ئولدی یارب یارب نولوردی زهرا اوچ آیدا ساق قالِیدی راحت دوروب حسینین قول بوینونا سالِیدی محسن صود ایستینده آغوشینه آلِیدی گهواریه یالِیدی بیر لای لای چالِیدی گُل سولدی، باغبان گلزاریم ئولدی یارب یاندی قاپوم او گونکه اود چخدی آسمانه قولّاری مرتضانون باغلاندی ریسمانه زهرا او حالدا ایتدی جانین سپر بو جانه گُل پیکرین گویتدی آثار تازیانه گُل سولدی پاسدار درباریم ئولدی یارب سولدی گُلیم، باغمدا دورت نازلی بلبل آغلار بلبللره بقیعده مدفون اولان گُل آغلار گُل عاشقی گولنمز هر نه دیسن گول، آغلار بو غصّه دن کلامی باشه سَپر کول آغلار شیرن زبان و شیرین گفتاریم ئولدی یارب موضوع: #حضرت_زهرا علیها سلام سبک: #دوباره_مرغ_روحم شاعر: #کلامی_زنجانی

سبک دوباره مرغ روحم☝️☝️☝️☝️☝️☝️

حضرت زهرا نوحسی گریز به حضرت علی اصغر علیهم السلام سبک نوحه : قدم قدم با یه علم ان شاء الله اربعین میام سمت حرم سلام اولا بوجمعیدن...قاپی دالیندا کی سولان فاطمیه باشی بلالی قد کمان...ئورگی قانه غرق اولان فاطمیه یاحیدر باشه قاره باغلا یازینب سینه وی گل داغلا اللرده ئولدی زهرا آخر حسینیم گل حسنله آغلا آغلادی بزم یاره گئتدی اشکین توکدی عذاره گئتدی قویدی آخر علینی تنها سینه یاره مزاره گئتدی سلام اولا بوجمعیدن...قاپی دالیندا کی سولان فاطمیه باشی بلالی قد کمان...ئورگی قانه غرق اولان فاطمیه باشدا واردور غم بی کران یاده دوشدی غم مادران محسن اولدی شهید آخر تا رباب اولسون،سینه سوزان اوخلاندی صودامر دلبری یوخلادی با وفا اصغری گهواره غارت اولدی آخر کربلاده اولوب محشری ((لایلای بالام..ربابی ای گوزدن آتان ..لایلای بالام)) ✍شعری از سیامک پندی ارسالی ذاکر اهل بیت جناب کربلایی حسین میرزاخانی

خادم شعبانپور: السلام علیک یا فاطمه الزهرا سلام الله علیها ✅زبانحال حضرت زینب سلام الله علیها ✍سیف الشعرا سیفی اردبیلی منیم وقاریم آی نه نه اورک قراریم آی نه نه چراغی سوندی عمروون سولوب بهاریم آی نه نه سوزولوب ستاره سی زینبون کسولوبدی چاره سی زینبون ساغالان دگول اولنه کیمی اوره گینده یاره سی زینبون اوزون مراده چاتمیسان منی گوزوندن آتموسان نه تیز حیاتیدن دویوب قرانلوق ایوده یاتموسان اورگیمده غملی سوزوم قالوب نه رمق قالوب نه دوزوم قالوب باخارام یانان قاپیا نه نه یخیلان یرونده گوزوم قالوب یانوبدی عترتون دیلی سنوبدی حیدرین بیلی جفای ثانی سوندوروب پیمبر ایگلین گلی اوخورام نوای فراقووی گزرم سنون بوش اطاقووی ستم و جفالری امتون کسوب اوز ایووندن ایاقووی خزان وروب بهاره وی کسوبدی راه چاره وی ویرنده غسلووی آتام سینونده گوردی یاره وی اورگین بو مسئله داغلادی یوزه اشک غصه نی باغلادی در خیبری گوتورن علی اوجادان هارای چکوب آغلادی یادیمدا وار اوگون که سن دیلونده آتش محن قنادی باغلی قوش کیمی ایوه گلنده کوچه دن اورگیمی قان ایلدون نه نه ملیوب فغان ابلدون نه نه دیدیم اولما سیلی دگوب سنه یوزووی نهان ایلدون نه نه شیوخ پست و پر فتن ایدوبدی کینه سین علن اوتوردی ایوده مرتضی یاسووا اولمادی گلن شه لافتی سینه داغلادی یاسا اگلشن قاپی باغلادی حسن آچدی کوچه قض کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

مقدمه و روضه حضرت زهرا(س) من او زهرایم آز عمرومده جگر داغلامشام آقامون جنگیده دوخسان یاراسین باغلامشام یاراسین تئز تئز اوپوب سینه وروب آغلامشام معرفت واعظی منبرده دیر یازهرا عشق رزمنده سی سنگرده دیر یازهرا مرتضی جبهه خیبرده دیر یازهرا سر یحیی طبق زرده دیر یازهرا من دیرم دردیم وار سنده دئنن یازهرا سوزومون محوری زهرادی قلم ایله تلاش نجه زهرا اونا حوران بهشتی قره باش دیمه قارداشسیزیدی ورما دل حیدره داش هم اونا همسریدی شیر خدا هم قارداش فاطمه باغ نبوت گلودی نه گل یاس بو گلون عطرینه مین رایحه ایتمز احساس شأنیده فاطمه نی مریمیله ایتمه قیاص ایکی دنیایه دیر اوغلی علمدار عباس روز محشرده کی حق محکمه سی باشلاناجاخ اهل گمراهه اوگون چاره یولی باغلاناجاخ فاطمه گلمسه امت اوت ایچینده یاناجاخ مصطفانینده گوزی فاطمه نی آختاراجاخ یا حسین سسلینی الله اوتاندرمیاجاخ فاطمه امر ایلسه اوت بیزی یاندرمیاجاخ گله لعنت خانمن درگهینی یاندرانا ملکنی غصب الیوب غاصبه حدین دانانا ئوز ایوینده اونی مین درد و بلایه سالانا نجه انسان دیوم آیا اونا سیلی ورانا قویما دائم زینب باشه قرا معجر باغلاسون شعله آهیله قلب مجتبانی داغلاسون آغلاسا عالم اگر قویما حسینیم آغلاسون کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

زبانحال حضرت زینب (س) در مصیبت حضرت زهرا (س) سبک :: سن آغلوسان من دوزنمورم سبک :: خداحافظ ای آنام باجی ابوالفضل عباسی معروفان اهری ( معروف ) منیم ننم مهربان ننم ئولدی باغریقان ئولدی سالوب فلک اختیاریدن ویردی خسته جان ئولدی ننم منه مهربانیدی خاطریم چوخ ایستردی محبتلن دیندیروب منی سینه سینده بسلردی ووراردی هی زلفیمه شانه چوخلی حرمت ایلردی بش ئیل آغوشینده زینبون گویلونی آلان ئولدی گجه اولور غم گلور منه آسماندا آغلور آی دوشنده یاده سئنان قولی سسلرم ننم ایوای اولوب دیلیم ازبری منیم نازیمی چکن لایلای گجه گونوز دورت بالاسینون فکرینه قالان ئولدی گرک قوشام اوخشاما ننم صحبتین دییم الله آنام کیمین روزگاریدن من گلیلییم الله اماندی رحم ائت آناسیزام بیر یتیمه ام الله جهاندا بش سنیده قیزون تک قویان ننم ئولدی ایدم بیان درد و محنتین گوزیاشیم امان وئرمز او قدری غصه چکوب دئسم غملری سانا گلمز بودور خیالیم که حشره جک قلب زاری دینجلمز بوکوب بئلون غصه لر ننم قامتی کمان ئولدی بنا اولوب کج مداریده کج بناسی دنیانون غریبه دور گردشینده یوخ آشناسی دنیانون ئولوم حقدور هر گلن گئدر یوخ وفاسی دنیانون جفای دهره دوزن ننم حیف اولا جوان ئولدی کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

در فراق مادر درسبک (خبر دارای عاشقان ابولفضل) باقلم بهنام تخت مینا تبریزی منه خاطر یاتمیان آنا لایلای منی گوزدن آتمیان آنا لایلای صفای قلبيم آنام لایلای دوای دردیم آنام لایلای غمونده گوزیاشیم هی آخار آغلار بوقلبمی یاندروب یاخار آغلار دوشنده یاده اورک سنی ایستر بالالارون عکسیوه باخار آغلار صفای قلبيم آنام لایلای دوای دردیم آنام لایلای آنا قدرون چوخلی کاشکی بولیدیم سنون هرگون خوش اوزیوی گوریدیم گئدندن سن ورد ذکریم اولوبدی اولونجه سن کاش آنا من اولیدیم صفای قلبيم آنام لایلای دوای دردیم آنام لایلای اورگ سنسیز هیچ غمه داها دوزمز سنون تک هیچ کس بودردیمی بولمز منه سلطانلار گله اولا یولداش سنون بیر لحظه یرون منه ویرمز صفای قلبيم آنام لایلای دوای دردیم آنام لایلای سبک نوحه بانوای بهنام تخت مینا تبریزی👇👇👇👇👇 کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

سبک(اوپدی بوغازیندن سنون)عاملی باقلم : بهنام تخت مینا تبریزی گل گونلریم تالان اولوب سنسیز آتا نجه یاتوبسان قبریده منسیز آتا گتدون آتاسیز قالمیشام سن سیز ایله داریخمیشام گل گور اوزون احوالیمی گل تک آتا سارالمیشام لایلای آتا. لایلای آتا. جانیم سنه قربان آتا سن تک بودنیاده منیم دردلریمی بیلن اولماز منه نوازش ایلیوب گوزوم باشین سیلن اولماز یامان گونومده غم چکوب کناریمه گلن اولماز آیریلقا دمه منیم دوزوم واردی دوزوم واردی بیرگجه گلسن یوخوما سنه چوخلی سوزوم واردی لایلای آتا. لایلای آتا. جانیم سنه قربان آتا روز پدر اولان زمان آتاسیز لار یانار آغلار دییر آتام اولوب الله باشینا بیر قره باغلار بایرام گونی هانی گولر آتاسیز لار اورک داغلار دییر الله آتام گله منیم بیرده گویلوم آلا ایکاش گلیب بیرگجه ده کناریمده آتام قالا لایلای آتا لایلای آتا. جانیم سنه قربان آتا بانوای بهنام تخت مینا تبریزی 👇👇👇 @Hazrate_Abalfazll

‏برای پیوستن به گروه واتساپ من، این پیوند را دنبال کنید: https://chat.whatsapp.com/HOljaph1HWUHIeqZG1whJ1

آموزش مداحی ترکی باسبک☝️☝️☝️☝️☝️

ای ناز ائلییه‌ن سینه‌ی پیغمبره زهرا بند دل طاها دیداریمیـزی قــوْیـدو فلــک محشـره زهـرا یانسێن بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان دونیا سنیلن ترسه مدار اۆسته دوْلاندێ ظۆلمینده دایاندی خیر گورمه سین دشمنیوی حقّیوی داندێ نه منده‌ن اوتاندێ اوْد ووردو عدو درگـه ایجـلالیـوه یانــدێ سینه‌ن یارالاندێ تۆش ائتدی گؤزه‌ل دامـه‌نیــوی آذره زهـرا یانسێن بئله دونیا دیداریمیـزی قــوْیـدو فلــک محشـره زهـرا یانسێن بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان سن همّت ایله دوْققوز ایل اوْلدون منه غمخوار ائی یار وفادار چنگال سیته‌م ائتدی سنی درده گیریفتار دیلخسته وْ بیمار چکدین شرری هئجریله چوْخ سینه‌مه داغلار قوْیدون منی آغلار آیدێن سحریم دؤندۆ منیـم محشـه‌ره زهـرا یانسێن بئله دونیا ظلم اهلی سالێب خیرمن آمالیوی ناره قوْزاندی شراره ناکس سنـی ووردوقـجـا علـی ائتـدی نظـاره باخ صبر و قراره نیسگیل بودو قوْیدوم سنی گیزلینده مزاره پهلولری یاره باخدێم نگران تئـز یـومـولان گؤزلـره زهـرا یانسین بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان قوْیدو سنی دونیای دنی خوْش گونه حسرت یات قبریده راحت عفـو ائیلـه منـی ساخـلامادێــم یاخچـی امانـت وار منده خیجالت باغـلار سینـه‌ویـن یاره‌سینـی ختـم رسالـت ای لاله‌‌ی جنّت خالیق یئتیرر قاتیلیوی کیفره زهرا یانسین بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان 📢حاج مهدی رسولی

گلم مزارون اوسته ئوزوم هرجمعه آخشامی گوز یولدا قویمارام سنی آی مهربان آتا آی زحمتیمی چکن آتا کیپریکلریملن سیلسم اگر قبریوین توزون اولماز بوگردنیمده کی حقین ادا آتا وفالی آتا ،زحمتکش آتا آی یاسا گلنلر،نه گوزل اولار دده جان ورنده جوان بالا باشین آلا دیزی اوسته، الله هیچ کیمی غریب ئاولدورمه، امام موسی بن جعفر آقا زندان گوشه سینده یوزون دوندردی بالالارینا اوغول رضا ئولورم، گوردی هراینه گلن اولمادی، دیدی افسوس بوغربتده غریبم وطنیم یوخ صد حیف عیادت گدقندی گلنیم یوخ چاره ام ندی الله اگر ئولسم کفنیم یوخ بئله غریب ئولورم آیییییی آتاجان ،آی ایویمین یاراشیقی دده، کوینگون آغ ساخلارام یوارام آغ ساخلارام بیرده قوناخ گله سن گوزوم اوسته ساخلارام آی دده آتانین تکجه آدی کل بودنیایه دییر آتانین بیر باخشی ملک سلیمانه دییر عزیزان من آتا بیر گلدی گلستاندا اونا تای اولماز آتانین عطری بوتون باغ وگلستانه دییر اَللّهُمَّ اغفِر لِلمُومِنینَ وَ المُومِنَاتِ وَ المُسلِمینَ وَ المُسلِمَاتِ اَلاَحیَاءِ مِنهُم وَ الاَموَاتِ ، روح پر فتوح مرحوم.......شاد الفاتحه مع الصلوات 🥀🥀🥀🥀

توسل به اقا امام زمان عج یاز قلم سوزلریمده اثر وار حجت ابن الحسندن نظر وار باش چکر بزم عرفانه مولا ‌‌‌‌ ‌ اغلیار شاه عطشانه مولا مهدی فاطمه بی بدلدی یوسف مصریدن چوخ، گوزلدی ایت مخاطب قلم شیعیانی صدقیله ایلسونلر دعانی یولا سون حق او صاحبزمانی ، ذکر حقده خدادن نظر وار مهدی فاطمه بی بدلدی جمعه اخشام اولاندا عزیزان حجت حق اولار چوخ پریشان اولمادی چون ظهوری نمایان سسلنر صبر ایدون تا سحر وار سویلیوب حجت حق جهانه عجل عزض ایلیون عاشقانه تا اولام کعبیه من روانه هر دعاده بولون چوخ اثر وار مهدی فاطمه بی بدلدی چوللری دیده گریان دولانام شیعه احوالینه منده یانام کربلاده بقیعده دایانام سسلرم دور انا درد سر وار مهدی فاطمه بی بدلدی ظلم دوتموش جهانی عزیزان هر مکاندا یانور اهل ایمان گورنه مظلوم اولوب حکم قران ‌‌‌‌‌ قلبیلرده بولون چوخ کدر وار مهدی فاطمه بی بدلدی شیعه ل جمع اولون هر مکاندا سسلیون عجلی هر زماندا چوخ دعالر ایدون سیز اداندا صبر ایدون غملره داد گروار مهدی فاطمه بی بدلدی اف اولا بیر بیله روزگاره شیعه دوشموش نقدری فشاره تاپموری درد بی داده چاره دنیادا جهل وار فتنه گر وار مهدی فاطمه بی بدلدی مهدی اقا شیعه گل تک سلوبدی جدیوین دینی پامال اولوبدی حکم قرانه گل گور نولوبدی امت جدوه یوم شر وار مهدی فاطمه بی بدلدی کعبیه دیده گریان دایانی سسلیر دادینه شیعیانی یرده قویماز قالا جدی قانی ، یاز بهشتی بیزه تاج سر وار مهدی فاطمه بی بدلدی یوسف مصریدن چوخ گوزلدی تقدیر از تمام منتطران مخلص التماس دعا ✨اَللّهُمَّ عَجِّل لِوَلیِّکَ الفَرَج✨💫

‏برای پیوستن به گروه واتساپ من، این پیوند را دنبال کنید: https://chat.whatsapp.com/ElKk3RwpbzZJaJuX4Xul4J

آغلاما دا، ای منی آغلادان آغلاما دا منه گلسین قادان آغلاما دا گتملی بیر قوناقی یول دا ساخلاما ، آغلاما هی اوتوروب دیزلریوی قوجاخلاما، آغلاما عم اوغلو جان ائتمه منیم باغریمی قان ، آغلاما اوشاخلارین باخیر بیزه چوخ اوجادان آغلاما آغلاما دا ای منی آغلادان آغلاما دا منه گلسین قادان آغلاما دا ........................................... گتملی بیر قوناقی یول دا ساخلاما ، آغلاما هی اوتوروب دیزلریوی قوجاخلاما، آغلاما هی دیمه گتمه فاطمه، علی!قالا بیلمورم گتماقا راضی دویورم ولی قالا بیلمورم قصد الدیم ساکت اولام ائوده قالام ، حیف اولا چوخ ایستدیم من سنی اللردن آلام ، حیف اولا مغیره بیر ایش گوروب الدن گدنی بوشلادیم قوللاریما غمچی ویراندا من سنی بوشلادیم آغلاما دا ای منی آغلادان آغلاما دا منه گلسین قادان آغلاما دا ........................................... قلبیم اولوب قان که اورک داغلاماقین گورمیم قانه بویاندیم که سنین آغلاماقین گورمیم گلمسه قوللاریم گوزون یاشین سیلم باغیشلا چوخ اولدی زحمتیم سنه حلال ائله باغیشلا آغلاما دا ای منی آغلادان آغلاما دا منه گلسین قادان آغلاما دا 📢حـاج مـــهدی رســولی 🔶آغلاما دا، ای منی آغلادان آغلاما دا ... ☑️پست ویژه به مناسبت فرارسیدن ایام شهادت حضرت زهرا (س)