در فراق جوان ترکی با سبک : بسدی رباب (اسفندیلری) با قلم : بهنام تخت مینا تبریزی الله هچ مسلمان اورگین داغلاما سین الله هیچ آتا اوغول گوزی باغلاماسین هیچ آنا اوغول وای چاغروب آغلاما سین قلبلره چوخ یاره ویرار اوغول داغی اوغول داغی جوانی اولن ننه همیشه اوغلونا قاره گییر بالاسی اگر طویسوز اوله شمعلری قاره بزر عکسینه باخوب جوانینون هی ملیر هی ملیر گورمیه خدا هیچ بیر آنا اوغول داغی اوغول داغی سسلیر اوغول گل هارداسان خونجگرم سن گدندن آی بالا ایله دربدرم دربدرم منیلن دانیش دانشماسان دای اولرم آنانی پریشان ایلیر اوغول داغی اوغول داغی دفتری آچوب هر گجه لر ورقلارام سنی آدیوی دئیوب آدون سراغلارام سن دوشنده یاده عکسیوی قوجاخلارام نه چتین اولارمیش ای خدا اوغول داغی اوغول داغی !!!!!!!!!!!!!!!!!!!!!!!!!!!!!!!!! شعر از بهنام تخت مینا تبریزی

زبانحال حضرت معصومه (س) سبک : شبانگاهان اولوب قلبیم فرقتونده قان، ای شه خوبان هارداسان قارداش گلن یولاره باجون قربان، ای شه خوبان هارداسان قارداش قالوبدی یولدا گوزوم قارداش سنه دلده وار سوزوم قارداش ای رضا جانم (2) 🌹🌹🌹🌹 آخور بو سولموش جمالیمه غربت اولکده گوزیاشیم قارداش اولوب سندن آیریلان گوندن ناله و افغان یولداشیم قارداش آز عمرومده چوخ بلا گوردی، بو فنادنیاده باشیم قارداش اولور تز گل خواهر نالان، ای شه خوبان هارداسان قارداش قالوبدی یولدا گوزوم قارداش سنه وار دلده سوزوم قارداش ای رضا جانم (2) 🌹🌹🌹🌹 نجه روشن گوندوزوم دونمز، دردو محتدن ظلمت شامه منی قارداش غصه صیادی سالدی بو غربت اولکده دامه جانیم چیخیر سینمون اوستونده ، قالوب الان سن یازان نامه اجل عمریمه وئرور پایان، ای شه خوبان هارداسان قارداش قالوبدی یولدا گوزوم قارداش سنه وار دلده سوزوم قارداش ای رضا جانم (2) 🌹🌹🌹🌹 خاکی ﷽🍁

#حضرت_معصومه_سلام_الله_علیها کانال رسمی کربلایی صابرثمودی سبک : ز داغ تو دل حزین است بسیار عالی 🌴🌴🌴🌴🌴🌴 باجون غربتده قالوبدی عُذاره اشگی آخوبدی (۲) سنون عشقونده باجون معصومه اوزونی درده سالوبدی (۲) بار گیجه گوندوز صبح و مسا باخاردی یولاّره مولا دیردی گَل ای منیم قارداشیم باجون هجرونده یانوبدی (۲)بار عطریوی آلارام غربتده قالارام هجرونده یانارام ( رضا ) (۲) بار —------------------- صبا یتور قارداشیما کی شوقی دوشوب باشیما(۲)بار هایاندا دور تز گله اماندور امان وئرسون گوزیاشیما (۲)بار وصالی پرُ هَوَسیمدور منیم آخر نَفَسیمدور دمِ آخرده گلیدی کاش سایه سین سالِیدی باشیما (۲) بار غریب الغربا معین الضعفا علی موسی الرضا (اخا) (۲بار) —------------------— گل ای سلطان خراسان منی قویما دیده گریان منی سالدی غربته فلک گل اُولوب باغریم غصه دن قان گوزومی یولاّردا قویما اماندور تز گل یوبانما یانور قلبیم هجر اوتوندا گل تز یوبانما تا من ویروم جان (۲بار) آقالار آقاسی دردلرون دواسی زهرانون بالاسی ( اخا ) (۲)بار —------------------- اورک حقّه باغلارام من بو غربتده آغلارام من باسوب نامه وی اورگیمه آه چکوب سینه داغلارام من گل ای هاّمی درده درمان گَلَن یولاّریوه قربان یانیق لی دیلده اورک سوزونی قیامته ساخلارام من (۲)بار ای حُسن و ای نیکو عالمه آبرو یا ضامن آهو (اخا) ۲ بار ✍ بهمن جعفری زینجناب

زبانحال حضرت معصومه (سلام الله) سبک نوحه : یا فاطمه من عقده دل وا نکردم قم شهرینه ایله گذر فرصتدی قارداش جان اوسته معصومه سنه حسرتدی قارداش یرده یوزوم، یولدا گوزوم، سینمده نامه من بی کسی قان آغلادان فرقتدی قارداش ((گوزلر یولوندا قالدی رضا جان دردیم اورک ده قالدی رضا جان)) عالم سنی غمده منه یولداش یازاردی بو شرح حالی یوزده کی قانیاش یازاردی گوزیاشیم آخدوقجا یوزه قارداش یازاردی قارداش دیوب من آغلارام مدّتدی قارداش سنگ فراقی چرخ دون آتدی اوزاقه آدون دلیمده، روز و شب یاندوم فراقه تا یِتمه میش من وصله، جان یتدی دوداقه ایلوم نه چاره من یازی قسمتدی قارداش وادی غمده دردیمه حیران قالاردیم هردم بو زخم فرقته مرهم سالاردیم گوزیاشلی نامندن سنون عطرون آلاردیم دائم منه بو ناله هم صحبتدی قارداش غمدن اَرینمیش بیر بدن قبره آپارّام سندن نشانه بیر محن قبره آپارّام بو نامه نی سینمده من قبره آپارّام من بی کسه بو مایه ی عزّتدی قارداش زوّار قبروندن گَلر توشه گوتورسون آندور بو ناکامی اولار کامه یِتیرسون قبرون توزوندان قبریمه بیر آز گَتیرسون عطرون آلوم گوگوم سنه حسرتدی قارداش باجی ویرنده جان، کسر قارداش کنارین ویران اولِیدی گردش دور مدارین سن طوسی مسکن ایلدون، من قم دیارین یوخ چاره، بو غم جانیمه منّتدی قارداش عشقونده بیمارم ولی من بی طبیبم نه بیر گَلن وار نه گیدن آخِر غریبم ایتمم گله ایلدن بو گون من بی نصیبم غربتده جان ویرماق بیزه عادتدی قارداش واردور یری بو غم شرر دنیایه سالسون حقّ ایتسوب حسرت منیم گوگلومده قالسون خوشدور باجی باشین دیز اوسته قارداش آلسون هجران ملالی بیر یامان محنتدی قارداش ✍شاعر از اعظمی تبریزی

زبانحال حضرت معصومه (س) سبک: ای باد صبا کربُبلایه گذر ایله بانوای کربلایی محمد نوروزی 🏴🏴🏴🏴🏴🏴🏴🏴 صیاد اجل سالدی منی دامه رضاجان غربتده حیاتیم یتور اتمامه رضاجان یوزقبله ده جان سینه ده گوزلر سنی گوزلر قارداش کرم ایت خواهر مضطر سنی گوزلر دلده آدوی ایلیوب ازبر سنی گوزلر آیدین گونی هجرونده دونوب شامه رضاجان ای کان کرم گل اوخی قرآن باشیم اوسته گل منتظرم گل اوخی قرآن باشیم اوسته جان بذل ائدورم گل اوخی قرآن باشیم اوسته گل ایله مهیا کفن اندامه رضاجان ائلدن آرالی سالدی منی شوق وصالون گل قوی منه قسمت اولا دیدار جمالون جان اوسته دی الساعه رضا غرق ملالون عمروم گونی گل چاتدی لب بامه رضاجان نامون منه تا چاتدی ایا شاه خجسته ئوپدوم اونی اول صورا قویدوم گوزوم اوسته گزدیر میشم هریانی اوزومله من خسته سینمده دی الاندا همان نامه رضاجان روح اله رمضانی خاکی 🏴🏴🏴🏴🏴🏴🏴

‍ زبانحال حضرت زینب (س) در شهادت حضرت زهرا (س) حاج علی پور علی ( جاهد ) یاسلی عزالی جوان ننم لایلای باشی بلالی جوان ننم لایلای قبره گئدن گوزلرینده قان لکه سی سینه یارالی جوان ننم لایلای شهیده ی قرآن حبیبه ی سبحان جوان ننم لایلای جوان ننم لایلای دار فنادن دویان ننم لایلای زینبین آغلار قویان ننم لایلای آچ گوزوی بیر حسینه ایله نظر یاتما یارالی اویان ننم لایلای شهیده ی قرآن حبیبه ی سبحان جوان ننم لایلای جوان ننم لایلای غملری دریا جوان ئولن ننه وای قامتی غمدن کمان ئولن ننه وای ثانی بی شرم و دون جفاسیندن لاله کیمین باغریقان ئولن ننه وای شهیده ی قرآن حبیبه ی سبحان جوان ننم لایلای جوان ننم لایلای گول کیمی رخساری تئز سولان ننه وای باغری قیز قانیلن دولان ننه وای آتش ظلمیله اودلان قاپوسی سینه سی مسما ره توش اولان ننه وای شهیده ی قرآن حبیبه ی سبحان جوان ننم لایلای جوان ننم لایلای سیندی قولون قنفذین جفاسیندن یاندی قاپون ظلم نارواسیندن سیندی حریمون شهید اولوب محسن اوچ یوز عُمَر سیرتین خطاسیندن شهیده ی قرآن حبیبه ی سبحان جوان ننم لایلای جوان ننم لایلای سینه و دیوار و در حدیثیندن گلدی فغانه فلک لر آغلاشدی فضه خذینی دیینده غملریوه عرش خداده ملک لر آغلاشدی شهیده ی قرآن حبیبه ی سبحان جوان ننم لایلای جوان ننم لایلای #سبک_تنهاترین_سردار با صدای حاج مرتضی عزی