نوحه حضرت علی اصغر (ع) (نوحه شماره ۲۴) الهی الهی عالمین پناهی صود امر بالامین نئیدی گناهی نه عباسیدی نه اکبر مه لقا گتیرپیم الیمده ایچسون آب بقا حرمله اوخ ووردی صودامر قوناقا بیلمدی وار غریبینده بیر اللهی ششماهه سربازه اوچ پر اوخ وورمازلار عمرونون شیشه سین غمده سئندیرمازلار آتانی بالادان شرمنده قویمازلار بی حیا حرمله یاندیردی بو شاهی گئجه لر دویونجا صود امیب یاتمادی آتدی گهواره نی باباسین آتمادی ئولدی آلتی آیدا ئیلینه چاتمادی بالامین آز عمری دردینون گواهی منیم عسل بالام عشق ازل بالام دفتر عشقیمده شیرین غزل بالام اوخا اولدی نشان آیدان گؤزل بالام اوت سالدی قلبیمه دیلده سوز آهی بالاجا قنداقی قانینا بلشدی بالامین حالینا قوزولار ملشدی بوغازی یاره لی دوداقی گولشدی آتاسین آغلاتدی غمزه لی نگاهی اللری قماطه باغلی بالام لایلای سوسوزدان ئورگی داغلی بالام لایلای لایلای قرمزی قنداقلی بالام لایلای سن ئولدون ربابین گئدور عز و جاهی شیشه ی عمرونه ویردیلار غم داشی حلقینه اوخ دگوب اوزولوبدور باشی رقیه یولداشی اکبرین قارداشی سوسوز ئولدی سودان آیری دوشن ماهی🔰 @Hazrate_Abalfazll🔰

نوحه حضرت ابالفضل ع (نوحه شماره ۲۵) عباس من عباس من عشق من و احساس من ای یاور حساس من برخیز علمدارم . سپهدارم . اسیر غربتم از داغ این محنت . غم و آهت . خمیده قامتم ای صاحب مشک من ریزد اشک من از دیده به رخسارم سوزد دل قدسیان قلب آسمان از آه شرربارم ای جان من بی تن مرو عباس من بی من مرو قارداش مزاده چاتموسان اطفالی گؤزدن آتموسان تپراقلار اوسته یاتموسان بس قوللارین هانی . آنام جانی اویان سس وئر منه آچ گؤزلرین یاتما . منی آتما گؤزوم قربان سنه سن عترتین یاریسن پرچمداریسن سقای حرم سن سن دور مشکوی آل اله سو احسان ایله دریای کرم سن سن عطشاندی قیزلار دور گئدک آغلور سوسوزلار دور گئدک درد و ملالین بیلمیشم نهر فراته گلمیشم سن گؤز یوماندا ئولموشم ئوپدی گؤزون اوخلا . سنی یوخلار سه ساله دلبریم لایلای دییر یاتماز . گؤزون یومماز لب عطشان اصغریم سئندی سنین شهپرین دوشدی اللرین دور سئندی بئلیم قارداش آغلار قویوبسان گؤزوم دور واردور سوزوم ای آرخام ائلیم قارداش یوخدور حسینون چاره سی دشمن وورور دیل باره سی🔰 @Hazrate_Abalfazll🔰

استمداد از صاحب الزمان (عج) (نوای شماره ۲۷) ای منجی عالم فرزند زهرا گل داده ظلمیلن غرق اولدی دنیا مهدی اماندی گل آخر زماندی گل ئورکلر قاندی گل یا صاحب الزمان یا صاحب الزمان (۴) سن سیز بیزه دنیا زنداندی مولا یوللارووه شیعه قرباندی مولا وصلون هامی درده درماندی مولا ای مظهر وفا ای دللره صفا ای دردلره دوا یا صاحب الزمان یا صاحب الزمان (۴) ای جان اشراره لرزه سالان گل ای عشقینه شیعه بیمار اولان گل زهرای مظلومین قانین آلان گل ای روح جاودان دلدار عاشقان ای یار بی کسان یا صاحب الزمان یا صاحب الزمان (۴)🔰 @Hazrate_Abalfazll🔰

نوحه حضرت ابالفضل ع (نوحه شماره ۲۹) ای اوجا بوی علمداریم ابالفضل غم گونی یار و غمخواریم ابالفضل دور ایاقه گئدک گؤزلور یولوی خیمه ده تشنه قیزلاریم ابالفضل آه و واویلا - قارداش ابالفضل(۳) دور ایاقه منیم محکم دایاقیم دیزلریم اسدی سوز دوتمور دوداقیم باشون اوسته قالام خوشدور ابالفضل خیمیه گئتمگه گلمور ایاقیم آه و واویلا - قارداش ابالفضل ای منیم دردیمون درمانی قا داش آچ گؤزون گؤزلرین قربانی قارداش محنتیندن چکوبسن گربلایه آغلادوبسان ننم زهرانی قارداش آه و واویلا - قارداش ابالفضل باش یارا گؤز یارا سینونده یاره جسمونده یاره لر گلمور شماره قول دوشوب بیر یانا پرچم بیر یانا بیر طرفده سو مشکون پاره پاره آه و واویلا -قارداش ابالفضل بلبل اوخشار گل اوسته نم دوشنده آغلارام یادیمه علقم دوشنده قامتیم خم اولوب چاره م کسیلدی اللریندن یئره پرچم دوشنده آه و واویلا - قارداش ابالفضل حالیمی برهم ائتدی باش یاراسی اوخدان چوخ وار باشیندا داش یاراسی اولسا درمانی هر یاره ساغالسا توختاماز سینه ده قارداش یاراسی آه و واویلا - قاراش ابالفضل🔰 @Hazrate_Abalfazll🔰

نوحه شهادت علی اصغر (ع) (نوحه شماره ۳۰) ای منیم صودامر جیرانیم لایلای سو اوسته لب تشنه جیرانیم لایلای حلقوه اوخ دگوب رنگین سارالدی آخرین سرباز قرآنیم لایلای حرمله اوچ پر اوخ قویدی کمانه غیضیلن ووردی طفل بی زبانه ایستدیم سو اوغول اوخ داده گلدی گل بوغازین اوخا اولدی نشانه أوچولار آهونین بالاسین وورماز صحراده اینجیدوب صاق صولا قؤماز باخورام حلقوه قلبیم آلیشور یاره وی باغلاسامدا قانی دورماز بو یارا قلبیمی یاندیردی والله خانه صبریمه اوت ووردی والله عباسه دگن اوخ سنه نیلدی شیشه عمروی سئندیردی والله آلتی آیلیق بالام قانه بویاندی یاتمیشدی اوخ صداسیندن اویاندی اولمادی بیر دیین اعدایه ٬ اصغر نه اوخ آتان نه ده خنجر ووراندی خیمیه گئتمه سم الدن گئدرسن نفسدن دوشرسن والله ئولرسن آماندی اوخ یئرین آنون گؤرمه سین یاره وی زینبه نشان وئررسن ئورکده قالانیب غصه غم اوسته ال ایاق چالما چوخ قال سینم اوسته سسله سم قارداشیم داده گلنمز دوشوب قولسوز یارالی علقم اوسته🔰 @Hazrate_Abalfazll🔰

🍂دعا به درگاه خالق رحمان با توسل به 14 معصوم علیهم السلام🍂 🔰@Hazrate_Abalfazll🔰 ✍حاج اصغر فرشچی ( عدلی تبریزی) قسم ویرم خدایا مصطفایه علی خیبر شکن، شاه ولایه نمازاوسته اولان دینون فداسی گیدن حقی الیندن مرتضایه بتوله ، فاطمه ، کلثوم آناسی الی باشدا گلن دشت نوایه جگردن اودلانان قاسم آتاسی حسن اولاد حیدرمجتبایه خداوند شهیدان شاه دینه آخان قانی شهید کربلایه خانم زینب اسیرعشقه یارب دونن گوندن گونی ماتم سرایه علی اکبرهمان لیلی عزیزی دوشن یوم بلاباشی بلایه علی اصغر اولان شش ماهه سرباز آخان قانی گچن باشی جدایه ربابه سینه سین داغلاردی اصغر صودی اولمازدی ویرسون بینوایه اولان باب الحوائیج منصبینده علمدار شه گلگون قبایه حسینون اوغلی فخرالساجدینه دوزن عمرونده هر جورو بلایه محمد باقروصادق امامه چکن دین گلشنون بحرصفایه چکن زندان قوجا وقتینده موسی گلن درده دیین دردین خدایه همان که هی دیردی یاندیم الله چخاردی ناله سی آهی سمایه حسین تک جان ویرن توپراقلار اوسته غریب شهر طوس موسی الرضایه جواد وهم نقی درد آشنایه امام عسگری اول پیشوایه امام عصر والصّاحب زمانه اولان لنگر زمین و نه سمایه قسم مین بیرآدا پروردگاره ایچینده اسم اعظم انبیایه اولان اسلام وقرآنون فداسی شهید لرقانینه هم او صیایه خدایا وزر دور بی حد گناهیم دخیل دوشدوم سیزه صاحب عطایه عطا و جودیوه وار احتیاجیم ملقّب سن خدایا قُل کفایه منم عاصی اوزوم عبد ذلیلم امیدیم وارسنون تک مقتدایه مریض ایتمه منی یوخ درده تابیم اولام محتاج دکتر هم دوایه بغیشله سوندان اولدور بارالهی تابیم یوخ قائلم نار وجزایه اولن گون اذن ویرگلسون حسینون یتور منده او لطفون منتهایه اگر گورسم حسینی من اُولنده گیدروحشت سالاندا باشه سایه اگرچه عاصیم بی بند وبارم ولیکن عاشقم کربوبلایه اوشاقلیقدان علاقم وارحسینه آنام اورگتدی گیتدیم من عزایه اولوب روحیم عجین مِهرحسینه عنایت چون ائدر شاه و گدایه حسین ذکری حسین فکریله چاتدی سنون «عدلی» بوعمرون انتهایه گل ایسته عاشقانی زایر اولسون سنیله اربعینده کربلایه شبتون متبرک به نگاه دوازده امام چهارده معصوم علیه السلام 🙏 🍂 @Hazrate_Abalfazll🍂 ✨اَللّهُمَّ عَجِّل لِوَلیِّکَ الفَرَج✨💫

نوحه حضرت ابالفضل (ع) زبانحال امام حسین (ع) (نوحه شماره ۴۲) اویان قارداش حسینم امام عالمینم دوشن قوللاری گؤردوم آلیشدی یاندی سینم ایاقه دور - باشین اوسته - گلوب سلطان ابالفصل سوسوز قیزلار - یانان دللر - سنه قربان ابالفضل قالاندی غم غم اوسته نه حالدی علقم اوسته نه غوغادور سالوبلار بو قانلی پرچم اوسته یوروبلار چوخ - ووروبلار اوخ - جبینوندن یارالی سو مشکین پاره قوللارین - دوشوب تندن آرالی بنی هاشم هلالی قنادسیز قوش مثالی دوشوبسن بال و پرسیز سو مشکون یئرده خالی باشون یاره - گؤزون قاندی - سوزور قان گؤزلریندن دانیش منلن - دوتوق قلبیم - آچیلسون سؤزلریندن حسینون ائللرینده عطش وار لبلرینده یولون گوزلور سوسوزلار سو جامی اللرینده رقییم آغلیور سسلور - عمو تیز گل اماندی علی اصغر - کیچیک گهواره سینده نیمه جاندی یل با غیرتیم دور امید عترتیم دور اینان قارداش غمیندن اگیلدی قامتیم دور گؤروب قارداشوی تنها - چالور دشمن ال عباس یورولموشسان - باشون قوی سینم اوسته دینجل عباس @Hazrate_Abalfazll 💫🌾💫🌾💫

کانال مداحی محبان اهلبیت،ع🎤عاشقان حضرت زینب،س، پیوی مدیرکانال:شعبانپور @Haram75 روضه و نوحه های ناب از مداحان ترکی و فارسی https://eitaa.com/joinchat/2115895304C4149e19122 کانال عاشقان حضرت زینب،س،را به دوستان خودتان معرفی کنید🙏☝️☝️☝️☝️

#ولادت- امام محمدباقر (ع) . . سبک :: استخاره کردم امشب . #زلفی_تبریزی . ویر بشارت اهل عشقه اوّل ماه رجبدی آل اله جام طهورا فصل مستی و طربدی . . مژده گلدی ماه توحید ماه رحمت ماه امید حضرت باقر بو آیدا جلوه لندی همچو خورشید . . حمد بر حی تبارک مقدم پاکی مبارک . یابن زهرا مرحبا۴ . . . مست و عاشق جامی دولدور عشقیله نهر رجبدن شاد و خرم باده نوش اول دوشمه سین دیل تاب و تبدن . باشلا قیل عشقین نمازین روح و جسمه ایله آذین قویدی دنیایه قدومین عالم شرع و موازین . حمد بر حی تبارک مقدم پاکی مبارک . یابن زهرا مرحبا۴ . . . یر یوزی نورٌ علی نور عرش اولوبدی بحر انجم شور دوتموش ماسوانی باش آچوبدی مهر پنجم . جلوه دن زین العبادی پنجمین نور ولادی حضرت سجادین اوغلی الحق الحق دلربادی . حمد بر حی تبارک مقدم پاکی مبارک . یابن زهرا مرحبا۴ . . ماه عالم درده مرهم عشق داور نجل حیدر هم امام و هم امام اوغ_ _لی گلوب الله و اکبر . باقر العلم و امین دور هم امام متقین دور بیر آدی الشاکر الله قبله اهل یقین دور . حمد بر حی تبارک مقدم پاکی مبارک . یابن زهرا مرحبا۴ . . . #سبک_استخاره_کردم_امشب . . #باقریه_میلادیه #ویر_بشارت_اهل_عشقه #ترکی .

کانال رسمی معروفان اهری (معروف) شاعر اهلبیت ع: ورود به کربلا (نوحه شماره ۴۳) زینبیم بو دشت محنت وادی کرب و بلادی مدفن شاه شهیدان تربتی خاک شفادی مکتب عرفاندی زینب محضر جاناندی زینب گلمیشم کرب و بلایه من فقط اللهه خاطر محض ایفای وظیفه نه مقام و جاهه خاطر جانیمی سالدیم خطرده امت گمراهه خاطر اعتلای دین احمد آرمان پر بهادی مقصدیم قرآندی زینب محضر جاناندی زینب متصل ماه محرم اولدی چون ماه حرامه عشقیمی اثبات ائدم من خالق دین و مرامه ترک ائدوب میقاتی گلدیم یئتمدی حجیم تمامه کربلا میقات عشق و زمزم و سعی و صفادی موسم ایماندی زینب محضر جاناندی زینب بو یئره ایفای عهده اکبر و اصغر گتیردیم اصغره یوللاردا یولداش نازنین دختر گتیردیم قله قاف بلاده سئنماقا شهپر گتیردیم روح جاویدانه روحیم دلبره جانیم فدادی حقه جان قرباندی زینب محضر جاناندی زینب اگلشوب کشتی عشقیم بو دل دریاده زینب موج ائدور طوفاندا روحیم جان گلور فریاده زینب امر ائله الساعه اولسون خیمه لر آماده زینب بو دیار غم بش اون گون مسکن آل عبادی کشور سلطاندی زینب محضر جاناندی زینب باخ باجی نهر فراته داشلانور شور و شریلن چوللره ساری رواندی رحمه گلمز اصغریلن هی باخار حسرت رقیه علقمه چشم تریلن سسلر ای سو قطره سندن اصغره مشکل گشادی لبلری عطشاندی زینب محضر جاناندی زینب اولدی ذهنیمده مجسم هر نه درد و ابتلا وار علقمین دور و برینده آیری بیر حال و هوا وار پاره مشکیلن برابر یئرده بیر قانلی لوا وار عالم معناده گؤردوم ائللریم صاحب عزادی خیمه لر سوزاندی زینب محضر جاناندی زینب @Hazrate_Abalfazll 💫🌾💫🌾

#نوحه -طفلان حضرت زینب (س) (نوحه شماره ۴۴) 📢 مداحان عزیز این نوحه را در سبک های مختلف میتوانند بخوانند📢 زینبین وار ایکی قربانی حسینجان یولوا هم ئوزوم هم ایکی اوغلوم اولا قربان یولوا گؤرورم عرصه ده یالقیز سنی قلبیم آلیشیر گؤزیاشیم گؤزدن آخور خون دلیلن قاریشیر ایکی اوغلومدا عزیزیم سنه خاطر چالیشیر بودی نیت وئره لر عزتیلن جان یولوا سنله پیمان السته دئمیشم منده بلی حک اولوب سینه مه پیمان وفاق ازلی من علینون قیزیام سنده که زهرا گؤزلی افتخار ایلیورم خسرو خوبان یولوا سؤزومی سالما یئره اذن وئر اوغلانلاریما پیرو دین خدا گوش به فرمانلاریما قوی ائدیم فخر حسین منده بو قربانلاریما سن بویور گلسین عزیزیم ایکی طفلان یولوا وئردی لیلا علی اکبر کیمی شهزاده سنه جان فدا اولسون اخا نوگل باغ حسنه صف عشقینده چاتوب نوبت لبیک منه امر ائله رگ به رگیمدن سپرم قان یولوا منی البته کفیل ائتموسن ئوز عترتوه باخورام حظ ائدورم هیبتوه صولتوه سنی وئررم قسم حق اوسته اولان نهضتوه قوی اولوم منده بوگون سرزده مهمان یولوا آیریلاندان وطنیمدن بیلوسن نیله میشم صاحبیم جعفره افکاریمی واضح دئمیشم بو گونی سن کیمی بیر عمردی من گؤزله مشم ایستورم لایق اولام شاه شهیدان یولوا زینبین فدیه ویروبدور یولوا هر زادینی عشقووین دفترینه یاز ایکی طفلین آدینی اکبرین تک بیله لر فیض شهادت دادینی وئر اجازه گؤزلیم گر اولا امکان یولوا خدمتیمده سنه نققصان اولا خجلت چکرم ئورگیمده بیلوسن بوته محنت اکرم ناامید ایتمه قاپیندان منی ای کان کرم گلمیشم فرش ایلییم زلف پریشان یولوا

#نوحه- حضرت رقیه (س) (نوحه شماره ۴۵) ای گئدن کفن سیز قبره ئورک یارالی سنه آغلار گؤزوم مدینه نین مارالی روح و روان رقیه آرام جان رقیه ای آنام زهرا تک سیلی دگن یوزونه ضربه سیلیدن صدمه یئتن گؤزونه .دویمادیم بالامین صحبتینه سؤزونه شیرین زبان رقیه آرام جان رقیه کربلادن شامه یوللاردا یولداش منه یات قیزیم ویرانه چاتدی سنه غم منه ئولونجه توکرم اشک ترین دامنه مندن دویان رقیه ارام جان رقیه ای دوشن اللره خورداجا گوشواره سی غربتین اسیری آی وطن آواره سی حشره جک ساغالماز ایاقوین یاره سی مرغ جنان رقیه آرام جان رقیه اکبربم هاردادی گله قرآن اوخیا فاطمه اگنوه تازه کوینک توخیا یات آلا گؤزلری حسرت قالان یوخیا سنه قربان رقیه آرام جان رقیه حیف اولا آغلادیندردین بیلن اولمادی گؤزون قالدی یولدا ولی گلن اولمادی بو درده آغلارام جسمین کفن اولمادی قاره سالان رقیه آرام جان رقیه بئله فکر ائله مه وفا یولون آزمیشام ئوز الیملن بالاسنون قبرین قازمیشام مزارون داشینا اکبر آدین یازمیشام پرپر ووران رقیه آرام جان رقیه ئولدی تازیانه یوران بالام دینجلدی یوخودان دیسگینوب دوران بالام دینجلدی یوللاردا زجر و شمر وورران بالام دینجلدی قلبی سئنان رقیه آرام جان رقیه قارداشیندان اوزاق خرابه یئرده قالدی قمچیلر آغریسی اونون آرامین آلدی زهرای سه ساله آنامی یاده سالدی دردی نهان رقیه آرام جان رقیه

‍ ( شهادت امام هادی(ع)) بو گون جدّینه ملحق شه بوالحسن اولدی دونوب سامره غرق ملال و محن اولدی گوزل شهرتی هادی ، دل و جانی تقی دور علیدور آدی امّا ، ملقّب به نقی دور اونون حقّینی انکار ایدن قوم شقی دور اونا گاه جفای نهان ، گه علن اولدی دولوب سگّیزه سینّی ، گیدوب الدن آتاسی قضا اگنینه بیچدی ، غم و غصّه لباسی اونون باشلانوب اوندا ، هامی درد و بلاسی غم اطرافینی آلدی ، غمه مرتهن اولدی خم درد و بلاده ، غمین رنگه بولاشدی دولوب کاسه ی قلبی ، غم و دردیله داشدی اله سیل مصائب ، آشوب باش دن آچدی که بیر باشی هزاران ملال و محن اولدی او شاهه متوکّل ، جفاسین علن ایتدی اولا قویمادی راحت ، غریق محن ایتدی آییردی وطنیندن ، جلای وطن ایتدی وطن مالکی جبراً جلای وطن اولدی وطندن آیراندا او شاهی نلر اولدی او آیریلدی غمیله ، حرمخانه سی دولدی دوشوب وحشته باغ ، حیا گللری سولدی ئوزی قالدی نه حاله ، دیمه بیر بولن اولدی قالاردی وطنینده ، گر اولسیدی امانی مگر قویدولا راحت ، او مولای جهانی ایله سالدی فشاره اونی دشمن جانی داخی سیر جهاندان ، شه ممتحن اولدی چکوب گه متوکّل ، اونی بزم شرابه شراب ائتدی تعارف ، شه عرش جنابه اوخوتدی گهی اشعار ، او معنای کتابه او اشعارده ناصح ، شه موتمن اولدی بویوردی اولاری که ، سالوبلار اله فرصت توکوبلر نچه قانلار ، به عنوان ریاست ئوبن گونده بوللر ، ایدوبلر نه جنایت ایشیتدی دیمه نادم ، او روح فتن اولدی بیان ائتدی دوباره او شومه شه ابرار غروریله یاتانلار ، اولار قبریده بیدار ایدر جمعی نی طعمه ، گهی مور و گهی مار بو صحبتده هراسان ، او شوم زمن اولدی اوتوز بش ائل ئوز عمرون ، قوتاردی شه خوبان ایدوب ظلمیله مظلوم اونی دشمن نادان یانوب زهریله قلبی ف غریبانه ویروب جان اب و جدّینه تابع ، او وجه الحسن اولدی دوشوب اوغلی امام حسن سوز و گدازه گوزل طرزیله ایلوبدی تشییع جنازه نمازین ئوزی قیلدی ، فدا ایله نمازه همی دفنه مباشر ، امام حسن اولدی ولی جدّی لب عطشان ، غریب ئولدی وطن سیز قالوب پیکری باشسیز ، باشی گیتدی بدن سیز یارالی گون ائوینده ، دوشوب جسمی کفن سیز او چولده خس و خاشاک ، او جسمه کفن اولدی گلوب زینبی تاپسون ، او رنجور وفانی گوروب مقتلی رنگین ، ایدوب قرمیزی قانی دوتوب عطر حسینی ، او صحرای بلانی همین عطر او سمته ، یولون دوندرن اولدی خانم گوردی حسیندن ، نه آثار و نشان وار چوخور یرده ولی چوخ سنیق تیر و سنان وار بولوب داشلارین آتدا ، گل عطر فشان وار او عطریله حسینی ، ئوزون گوسترن اولدی قلیج اوخلاری بیر بیر ، کنار ائتدی او خسته حسینی یوزی اوسته ، تاپوب قلبی شکسته الین آتدی چووردی ، اونی آرخاسی اوسته یوزه گوز یاشی جاری ، چو درّ عدن اولدی دیدی هانسی یارالی ، یارالی سنه بنزر وجودینده یارالار ، گل سوسنه بنزر دولوب گل یارائیله ، گوزل گولشنه بنزر غجب مقتل عشقون ، صفالی چمن اولدی گوزل طینتی نور ، بهشتیله سرشته اولان سلم ازل طرح ، اولان شرح نوشته دونوب سن یخیلان یر ، گلستان بهشته ایدن بو چولی جنّت بو زیبا بدن اولدی بو قدری یارا واردور ، بو صد پاره تنونده اوپم صاف یرون یوخ بو زیبا بدنونده گیدوب غارته مندن آلان پیرهنونده یارالاردان آخان قان سنه پیرهن اولدی یقین ئوزلری تائب ، ایدوبلر سنه نصرت کتابوندا ایدوبسن ، بیله نوحه کتابت ایدوبدور قلمونده ، کتابتده قیامت دوزون ئوزلری سالدی ، گوزل بو سخن اولدی #استادطالبی کانال مداحی محبان اهلبیت،ع🎤عاشقان حضرت زینب،س، پیوی مدیرکانال:شعبانپور @Haram75 روضه و نوحه های ناب از مداحان ترکی و فارسی https://eitaa.com/joinchat/2115895304C4149e19122 کانال عاشقان حضرت زینب،س،را به دوستان خودتان معرفی کنید🙏☝️☝️☝️☝️

‍ شهادت حضرت امام هادی (ع) سبک : ای دل اگر عاشقی ... ای شه لب تشنگان ... سبک دیگر با اضافه کردن واگیر : می گذرد کاروان ... ای بوغازین اوچ پر اوخ مرحوم میرمحمود آقا شوری تبریزی آغلا اَیا فاطمه ، ناله و فریاده گل اوغلون علیّ النّقی ، جان وئروری داده گل اولمادی اوغلانلارون دهریده بیر شاد اولا غصّه و غمدن خانم لحظه ای آزاد اولا شغل لری دائماً ناله و فریاد اولا هئچ بیرینون گُل یوزی گُلمَدی دنیاده گل اُول متوکّل لعین اوغلووا اولدی دُچار کینیله باطنده کی بغضون ائدوب آشکار قویمادی راحت قالا چوخ اونا وئردی فشار هر نه خیاله گلور ائتدی او ناشاده گل جدّی پیمبردن هئچ ائتمدی شرم و حیا آت دوشینه سالدی گَه اوغلووی اُول بی حیا قصد ائلیوبدور هامی خلق آرا توهین اولا دادینه باری اؤزون عالم معناده گل بیر ستمِ ناگوار ائتدی او خانه خراب حاضر ائدوب مجلسه اوغلووی ائتموب حجاب عیش بساطین قوروب میل ائلیوبدور شراب اوغلووا تارُف ائدوب الده دوتوب باده گل(1) قورخمادی خلّاقیدن ایلمیوب شرم و عار(2) ائتدی مکرر سوزون دشمن پروردگار قالدی نه حاله بالان ایلدی چوخ آه و زار چاره سی یوخ نیلسون باری سن امداده گل بس که گوروبدور فشار گول کیمی رنگی سولوب قلب شریفی خانم درد و غمیلن دولوب دشمن الینده بالان آخری مسموم اولوب ائتماقا چاره اؤزون دوغرانان اکباده گل گل بیر اؤزون قیل نظر گور که نه حاله قالوب زهر جفا عاقبت اوغلووی دلدن سالوب بسکه مؤثر اولوب طاقتین الدن آلوب گوزلری یول سسلوری هی سنی فریاده گل بو بالاوون غملری چوخ سنه ایلوب اثر شامیده یا قلبیوه چوخ یتیشوبدور کدر؟ مجلس آرا صف چکوب عترت خیر البشر زینبون آغلور دیور ای آنا فریاده گل اولمادی بُلمم ندن بیله جهانی خراب اوندا که قوردی یزید شامده بزم شراب ناخوشی ساخلوب ایاق اوسته قولوندا طناب من دیه بولَّم دیور ای آنا جان داده گل «شوری» اماموندی بو ائتگیله چوخ آه و زار سامره ده گورموسن یاخشی گوزل قبری وار بیرده سنون اولسا گر قسمتون اول دورت مزار اؤز حرمینده دئنه آی آقا جان داده گل #آغلا_ایا_فاطمه_ناله_و_فریاده_گل @Asheghane_hazrat_zeynab