باسلام شعر جدید میلادیه حضرت زهرا سلام الله علیها باآهنگ الله و اکبر خمینی رهبر الله و اکبر الله و اکبر دنیایه گلدی زهرای اطهر 2بار گل آچدی گلشنده گلدی مه انور عشق آسمانینده ماه ملک منظر گوز آچدی دنیایه دلبنده پیغمبر شهر مدینه اولدی نورانی جمالوندن حیران ایکی دنیا قالوب جاه و جلالوندن الله و اکبر الله و اکبر دنیایه گلدی زهرای اطهر 2بار محبوبه ی یزدان پاک آدینه قربان طاهایه دلبردی فخر مسلمانان دنیایه زینت دی عالم اونا حیران زهرادی آدی حضرت طاها یه دختردی ما فوق خلقتدی خانم دریایی حکمتدی الله و اکبر الله و اکبر دنیایه گلدی زهرای اطهر 2بار دریایی عصمتدی معنای قرآندی زهرای اطهردی شمع شبستاندی به به نه زیبادی بر جسته انساندی پای ویردی طاهایه بومولودی حق مننان آرام و جان حضرت طاهادی ای یاران الله و اکبر الله و اکبر دنیایه گلدی زهرای اطهر 2بار آچدی بو گون گللر شاد اولدی بلبللر آواز آخور بلبل خوشحال اولوب ائللر گلدی بو دنیایه فرزند پیغمبر چهچه وروبدی شوقیدن باغلاردا بلبللر قونداقینی آغوشینه آلدی ملا ئکلر الله و اکبر الله و اکبر دنیایه گلدی زهرای اطهر 2بار گون تک منوردی دخت محمدی معنای غیرتدی دارای عفتدی یار ولایتدی دریایی عصمتدی نورین سالوب دنیایه دنیا اولدی گلباران فخر ایله سین شیعه بو مولوده مسلمانان الله و اکبر الله و اکبر دنیایه گلدی زهرای اطهر 2بار آی گون قالوب حیران بو ماه سیمایه یر گوی دیور احسن اولاد طاهایه اولدی جنان عالم چون گلدی دنیایه گلدی جهانه یادگار حضرت خاتم دنیا ایشقلاندی اولوبدی چون جنان عالم الله و اکبر الله و اکبر دنیایه گلدی زهرای اطهر 2بار پای ویردی زهرانی پیغمبره داور خلقا و یا خلقا طاهایه چوخ بنزر تهنیت عرض ایلور یکسر ملائکلر یازدی بو شعری مکه ده «مهدی» ایدوب پایان کعبه کناریندن نشانه قالسون ای یاران الله و اکبر الله و اکبر دنیایه گلدی زهرای اطهر 2بار حاج مهدی ملکی زنجانی

ولادت حضرت امام علی علیه السلام سبک: سریال امام علی ساقی کوثر شیر دلاور گوز آچدی دنیایه تهنیت اولسون بوگیجه یاران رسول بطهایه علی علی جانم علی علی جانم علی علی جانم علی 2بار گلدی جهانه در یگانه لطف ایلیوب داور عالمه سالدی نورینی مولا اولدی جهان انور شاهه ولا دی شیر خدادی یاور پیغمبر عرض ارادت ایتدی ملک لر بوتون اومولا یه علی علی جانم علی علی جانم علی علی جانم علی 2بار واردی بو شاهین عزت و جاهی وصی طاهادی حسنونه حیران قویوبدی ماهی عالمه مولادی شیعه نین اولموش پشت پناهی بو گل زیبادی همسر والا گلدی که اولسون حضرت زهرا یه علی علی جانم علی علی جانم علی علی جانم علی 2بار مکه ده آچدی گوز بو جهانه شاه ولا گلدی روشن ایدوبدی خانه ی حقی شیر خدا گلدی شیعه یه رهبر عالمه سرور روحه صفا گلدی ساقی کوثر عشق پیمبر رسوله پیرایه علی علی جانم علی علی جانم علی علی جانم علی 2بار عشقینه حیران قویدی اومولا یکسره دنیانی گلدی جهانه ایلدی روشن کعبه جانانی ایتدی تلاوت عشقیله یاران آیه ی قرآنی خالق مننان ایتدی عنایت امیر والا یه علی علی جانم علی علی جانم علی علی جانم علی 2بار شافع محشر جنته زیور گوز آچدی دنیایه عاشق داور فاتح خیبر گوز آچدی دنیایه شیر دلاور ماه منور گوز آچدی دنیایه عرض ارادت ایتدی ملائک او ماه سیمایه علی علی جانم علی علی جانم علی علی جانم علی 2بار دردلره درمان یار یتیمان یا علی مولا مدد عالمه سلطان جان سنه قربان یا علی مولا مدد روحیمه ریحان ایت بیزه احسان یا علی مولا مدد مکه مدینه بنزیری یاران جنت العلایه علی علی جانم علی علی جانم علی علی جانم علی 2بار ناطق قرآن دلبر جانان فخر بشر گلدی شاه ولایت کان کرامت گور نجه گوزلدی معدن غیرت زینت جنت عالمه سروردی جهاندا گلدی یار اولا یاران عصمت کبرایه علی علی جانم علی علی جانم علی علی جانم علی 2بار حاج مهدی ملکی

‍ ❣﷽❣ 🔶#مولودی_امام_باقر ع 🔷#ترکی 🔷#سبک : همه جا بروم به بهانه تو ✍بقلم استاد فرهاد فکری اردبیلی مژده ای عاشقان گل آچدی گلستان گوزوز آیدین اولا دلبر ائلدی عیان بلبل لر اوخور زیبا ترانه محمد باقر گلدی دنیایه 🔷میلادون آقا بادا مبارک 🔶ادرکنی مولا بادا مبارک یوزی آی پاراسی گوزلدی سیماسی پیمبر نوه سی  زهرانون بالاسی قلم قاشلاری طاهایه بنذر گوزل گوزلری زهرایه بنذر 🔷میلادون آقا بادا مبارک 🔶ادرکنی مولا بادا مبارک قرادی گیسولر  خنجردی ابرولر یری وار دوغراسا اللرین مه رولر چوخلار گئدوبلر عشقون بادینا مین لر زلیخا قربان آدینا ملک لر یکسره  اندی گویدن یره تهنیت دئدیلر شوقیله بیربیره 🔷میلادون آقا بادا مبارک 🔶ادرکنی مولا بادا مبارک بزیون دنیانی عالم امکانی مشتولوق آپارون سسلیون زهرانی میلاد مولا لطف ازلدی محمد باقر دنیایه گلدی گل آچدی چیچکلر شاد اولوب اورکلر قنداقین آرایه  آلدیلار ملک لر دئدیلر ای حی تبارک مقدم باقر اولسون مبارک 🔷میلادون آقا بادا مبارک 🔶ادرکنی مولا بادا مبارک 🌹هدیه به حضرت معصومه سلام الله علیها (صلوات)🌹

سرود عرض ارادت به مولای متقیان امیر المومنین علی(ع) اهنگ：افتخاری خاکسترم کردی 🌺🌺🌺🌺 مشگل گشا مولا علی درده دوا مولا علی هر دردیم اولسا سسلرم مولا علی مولا علی ساقی کوثر سن دلاور. سن او صفدر سن آدوندی مرتضی همسر زهراسن. دلارا سن او مولاسن. آدوندی مرتضی ای دردلره درمان اقا مشگل گشا مشگل گشا جانم علی جانم علی جانم علی جانم علی(۴) 🌺🌺🌺🌺 ای نور جاویدان. علی امراضچون درمان. علی شیعه سنه قربان علی مولا علی مولا علی سن شاه خیبرسن دلاور. سن او صفدر سن آدوندی مرتضی اللهه مظهرسن غضنفر سن او صفدر سن آدوندی مرتضی ای ساقی. کوثر علی یا شاه قنبر یا علی جانم علی جانم علی جانم علی جانم علی 🌺🌺🌺🌺 ای بیزلره. امید علی ای مظهر توحید علی عاشقلره مرشد علی سن شاه. مردان سان آدین قربان علی مولا علی سن جان جانان سان آدین قربان علی مولا علی ای دردلره درمان اقا مشگل گشا مشگل گشا جانم علی جانم علی جانم علی جانم علی 🌺🌺🌺🌺 ای حجت خدا علی ای قلبیمه. صفا علی موسی دکی اعصا علی مولا علی مولا علی بیش ایل خلافتده اولان الگو علی مولا علی عدل و عدالتده اولان اولگو علی مولا علی ای دردلره درمان اقا مشگل گشا مشگل گشا جانم علی جانم علی جانم علی جانم علی 🌺🌺🌺🌺 ای حامی قرآن اقا شیعه سنه. قربان اقا بو جمعه ایت احسان اقا مولا علی مولا علی عشقیم اولوب حیدر اورک سسلر علی مولا علی ای زینت. منبر آدی قنبر علی مولا علی ای ساقی کوثر علی یا شاه قنبر یا علی جانم علی جانم علی جانم علی جانم علی(۴) 🌺🌺🌺🌺 التماس دعا

🌴مدح امیرالمؤمنین (ع)🌴 علینین عشقینه من دل خوش اولدوم ایچیب من باده سیندن سرخوش اولدوم علینی سسلیم من چاوش اولدوم علینین آدینی چون ازبرم من بودی فخریم علیه نوکرم من علیه عاعشقم عاشق خدادی علی عشقی جهان ایچره جدادی دیئر هرگون علی آدین منادی بو آد فرشیله عرشه آشنا دی علی آدی تمام درده دوادی علینین عشقینی هرکس آناماز علینین مدحینی هئچ کس یازانماز علینین مثلی دنیاده یارانماز سوزوم یوخدی علی شیر خدادی علینی مدح ائدن چون لا یرادی علی دست فقیرانی دوتاندی علی حال یتیمانه یاناندی علی جاندی علی جان جهاندی امیرالمومنین گون تک عیاندی اونا عاشق اولان اهل جناندی علینین عاشقی گویده ملکدی علی عشقینده سرگردان فلکدی قلوب شیعیانه آدی حکدی تاپوپ قلبیم صفا آدین دینن اولوب وردیم آنامنان ئورگنن وئرنده صود دئدی اوغلوم علی دئ چالاندا لایلاییم اوغلوم علی دئ یخلدون دوردون اوغلوم یا علی دئ دئدی اوغلوم علی الدن دوتاندی علی آدی قوای روح و جاندی جهانی حضرت سبحان یاراتدی وجود شیعه ده ایمان یاراتدی علینی عالمه سلطان یاراتدی جهانه ختم پیغمبر نبی دی امیرالمؤمنین مطلق وصی دی وئروب فرمان الهی جبرئیله یئتور فرمانیمی فوری رسوله دئنن اللهیدن دور بو مقوله کلام حق گوزلدی دلنشیندی سنه حیدر عمواوغلون جانشیندی علینی عالی و والا یاراتیدیم مقامین شامخ و اولا یاراتدیم علینی خلقه من مولا یاراتدیم دئنن بو امر حی داور اولدی علی حقین دانانلار کافر اولدی ثمودی نوکر شاه نجفدی علی عشقی منه عمده هدفدی علی اوج شرافتدی شرفدی علینی چوخ سوون اهل یقیندی فقط حیدر امیرالمومنیندی... التماس دعا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

به مناسبت مولود کعبه حضرت علی علیه السلام سس گلوبدی عالمه آسماندان یا علی اولدی زیبا مقدمون زینت دنیا علی یا علی و یا علی یا علی و یا علی فاطمه بنت اسد بنده ی حی احد قلب ایویندن کعبه ده سسلدی آلله مدد عشق صادق موج ایدوب ایلدی غوغا علی یا علی و یا علی یا علی و یا علی باخدی بیر گفتارینه بیرده که دلدارینه گوردی باشدان دوشدی خط کعبه نین دیوارینه بنده سین خوار ایتمه دی خالق یکتا علی یا علی و یا علی یا علی و یا علی اعتقادین باغلادی احترامین ساخلادی حقدن امداد ایستیه ن هم گولوب هم آغلادی سسلدی اوندان فقط عشقیلن بیر یا علی یا علی و یا علی یا علی و یا علی انعکاس صوت ناز ایتدی نا گه کشف راز کعبه نین دیواری دای کامل اولدی باز باز چکدی افواج ملک عرشیدن هورا علی یا علی و یا علی یا علی و یا علی آسمانلاردان صدا گیتدی تا عرش خدا فارغ اولسون بنده سین ایلدی آلله دعا ایسته دی اولسون ئوزی حرمتون اعلا علی یا علی و یا علی یا علی و یا علی لطفی آشدی داورین دولدی سطحی خاورون خانه ی ذات حقه وارد اولدی مادرون آچدی دل تحسینووه مریم و عیسی علی یا علی و یا علی یا علی و یا علی آل چالوب گویده ملک مطمئناً تک به تک آللهین اعجازینه باخ دیدی چرخ فلک تاپسون الآن آختارور دیده ی دنیا علی یا علی و یا علی یا علی و یا علی شاهد اول برنامیه یاز تولد نامیه ثبت ائله تاریخیده بیر گوزل اعلامیه یعنی دنیایه گلوب کعبه ده مولا علی یا علی و یا علی یا علی و یا علی کوه سینادن کلیم سر معناده علیم احترامیلن دیدی عرض تبریکین سلیم عشق ایدوب فردوسده آدم و حوا علی یا علی و یا علی یا علی و یا علی نوح و داوود و خلیل کل مرسول رحیل سسلدی اعجازووه مرحبا رب جلیل ویر بیزیم حکمی بو گون ایله سون امضاء علی یا علی و یا علی یا علی و یا علی خلق ایدندن آدمی تا رسول خاتمی انبیانون حکمینی سس گلوب غیب عالمی تک به تک امضاء ایدوب عالم معنا علی یا علی و یا علی یا علی و یا علی ایستر حتماً حامله وضع حملی قابله یازدون احسن (گوهری) واژگان نابله اولدی ام الغیرته قابله حورا علی یا علی و یا علی یا علی و یا علی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه حضرت ابوالفضل (ع) علم افراختم از فخر بر این چرخ بلند   چون تو کردى به علمدارى خود تعیینم هر که افتد بشود با کمک دست بلند   چه مرا دست که برخیزم و یا بنشینم   قارداشین درو برین خلوت ایدیب اندی یره گوردی گوز گورمور ولیکن روی دلدار آختارور فکر ایدیب نیلیم ابوالفضلین داغلسون غملری الله الله بو یارالی بیر پرستار آختارور بولمدیم نه گوردی یازهرا حسین یومدی گوزون بیر اییلدی باخدی قولسوز قارداشا گوردی جسمینده چاتوب اوخ باش باشا بیر اوجادان آغلادی چکدی صدا سسلدی قارداش سنه جانیم فدا سن شهید اولدون یتیشدون مطلبه وای منه بوندان صورا وای زینبه عباس جنازه ن اوستونه تک گلمیشم قانا بویانام اوتانما گوزلرین آچ گلمیوب رقیه بالام حمل ایدنده من اوغلوم اکبری رزمگاهیدن دارالایمنه سن منه کمکلخ چوخ ایلدون من گرک عوض ایلیم سنه چوخ گذشت اله گلموری بئلیم چاره یولاری باغلیوب منه گوز آچ یاراوی باغلیم یانان دیلیمی داغلیم سن آغلاما من آغلییم بو باشی هر گلن ویرور بو چولده ویرمین ویرور باشین آچخ گورن ویرور یاتما یارالی یارالی یارالی باخولا آغلیانمرام بساط غم گورانمورام بئلیم سنوب دورانمورام یاتما یارالی یارالی یارالی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه غارت خیام جهاندا ظلمولن اوت آشیانه ورمازلار قانادسیز قوش اگر اوتدا یانه ورمازلار یاناندا مرغ ئوزونی هی ورار اویان بویانا اگر پناه آپارا آشیانه ورمازلار (دردی اولان مریضی اولان حاجتی اولان آند ویرم او غارتده یانان بالالارن احترامینه ،آندویرم غارتده ایتن بالالارن احترامینه، خدا اورکلریمیزین گیزلین دردلرینی زینب کبری(س)بر طرف اله) یاناندا مرغ ئوزونی هی ورار اویان بویانا اگر پناه آپارا آشیانه ورمازلار توکولسه گلشنه غارتگران غنچه و گل یولالا گلری اچت گلستانه ورمازلار ورولدی رأس حسین نیزیه دین اولموب امام باشینی نوک جدایه ورمازلار یخلسا گلشنه بیر باغبان گر یارالی دوباره اوخ یارالی باغبانه ورمازلار الله بولوری خیمه یاناندا نلر اولدی خیمه تالانوب صاحب سامانیله گیتدی بعضی بالا گیزلنمیشیدی خار ایاقندا اوت گلدی یانوب خار مغینالینه گیتدی مشغولیدی گهوارئیله اصغر آناسی گهواره ده اوت دوتدی گئدن جانیله گیتدی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

نابرده رنج را چه کسی گنج میده؟ یک یاحسین بگفتمو داراترین شدم هیئت که آمدم سرو رویم سیاه بود لطف حسین بود که آقاترین شدم بر روی سنگ قبر من اینگونه حک کنید مجنون کربلایمو لیلاترین شدم اختر تابنده گردون مداریمسن حسین گرچه من بی اعتبارم اعتباریمسن حسین اولماقا نوکر وجودیمده لیاقت گورمورم من سنه ننگم ولی سن افتخاریمسن حسین یوخ بولورم عمرولره اعتبار بیرگونی منده ئولرم یاحسین قبره قویوب هامی گیدنن صورا اوردا سنی گوزلویرم یاحسین قبریمین اول گئجه سی گلمسن فاطمه جانی کوسرم یاحسین دست رد سینمه محشرده خانم ورمویاجاخ رشته الفتینی نوکریلن گیرمیاجاخ من حسین عاشقیم اوت منی یاندرمیاجاخ نه غممیم شافع محشردی منه زینب آدی (زینب باخدی باخدی او داش آتانلارا) کاروان عشقیدور آی واردی اولدوز واردی بوردا قارداشی الدن گیدن باجی اوغولسوز واردی بوردا بی نقاب و گوشواره بیر گلین قیز واردی بوردا رقیه حالت عرفانیلن جدایه باخور جداده جلوه لنن شمس والضحیه باخور الین قویوب گوزونون اوسته بهتیده دایانوب گورن دیور او قیز حتما اروجدی آیه باخور دیور بابا منی سن چوخ آلاردون آغوشه بو گوزلریم گینه آغوش آشنایه باخور بو یرده وار یری گلسون حسین ده گفتاره نوازش ایلسون اول دختر دل افکاره سالانمرام باشیمی نیزه دن اشاقه بالا الیم کی یوخدی آلام من سنی قوجاقه بالا دعا اله باشیمی بانیم اندیرسین گلیم اشاقه قویاخ بیر دوداق دوداقه بالا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه وداع آخر امام حسین (ع) باجی بو وداع آخریمدی هنگام شهادتیمدی زینب یغ باشیمه آل مصطفانی دیدار بوساعتیمدی زینب باجی نه پوزول نه بیله آغلا نه سوز غمه اورک کباب ایت نه ور یوزوه نه گل فغانه نه کسرت غمدن اضطراب ایت فرض ایت یوخوموش حسین ازلدن بو عالمی ده فنا حساب ایت هرحالیده ویرمه صبرین الدن بو عمده وصیتیمدی زینب حسین فداقدملریوه بیرزمان شتاب ایتمه گلنمیرم باجون ئولسون بیرآز دایان گیتمه نه بیرجه عورته نه اوشاقه رحم ایدوسن بیزی بو دشمن ایچینده قویوب هارا گیدوسن؟ فدا لولوم سنه ای پادشاه آزاده منیم کیمی باجی هیچ گورموسن بو دنیاده؟ باجیلار ایچره بونوعی ئوزومی خار الدیم ئولوم آتین گتوروب من سنی سوار الدیم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

احوالات حضرت رباب (س) دانشان وقته سوزون رشته سی بیردن دولانور بولمدی هیچ دانشان کیمدی مقابل دایانور فکر ایدوبدور یوخودان اصغری العان اویانور پرده وهمو خیالات عوض اولدی گوزونه اصغری اوخشاماقا ویردی اجازه ئوزونه ننوم من بالا دائم بویانانان گوز یاشنا وردولار شیشه امیدیمی هجران داشنا قونداقون بیر داغ اولوب غصه لی قلبیم باشنا باسارام باغریما ئوز قلبیمه تسکین ایدرم اوپرم قنداقوی قاتله نفرین ایدرم من خیال عالمی آلام سنی کی آغوشه گویلوم ایستر کی گیدم منده سنیلن هوشه سسین آلجاق گلر عشقیله محبت جوشه دیسگینوب بیردن آیلام علی لایلای دیرم یریوی بوش گوروب اوغلوم ملرم وای دیرم یاده سالام گجه لر صاق و صولا دونماقوی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه حضرت علی اصغر(ع) نچه یول عرشیدن گلوب بو صدا که حسیندور شفیع یوم جزا رهبر شاهدان اعظمدی جنتیم بی حسین جهنمدی شیعه باش گوشما فانی احزابه افتخار ایت حسین تک اربابه باغبان اولدی باغ معناده حسین کی دیرم گلرین ساتدی قالدی صحراده (ابوالفضلیم ئولوب ، علی اکبریم ئولوب، تازه داماد قاسمیم ئولوب خدایا دای منه امداد الین یوخدی) تک قالب عرصه گهده چکدی بیر آه دیدی رحـم ائت حسینه یا الله عاشق باده نوشیوم یارب بیر قوجاگل فروشیوم یارب صبحدن گل ساتیرام الده سنه سن خریداریدون بوچولده منه سالمادین ریسمان عشقه دوگون باتدی یتمیش گلوم گلابه بوگون لحظه به لحظه افتخار اله دیم گلشن عشقی نوبهار اله دیم سنین اولدی آزیم چوخوم نیلیم ساتماقا ایندی گل یوخوم نیلیم ای منیم ذوالجلال بی بدلیم شرمسارم باغشلا بوشدی الیم اوحیاهوده اسدی طاق سماء هاتف غیبیدن یتیشدی ندا اشیت ای باغبان فرزانه گرچه ویردون صفا گلستانه نقصی واردور ولی بوگلزارون باغ عشقین قوی آچیم من اسرارون سن ئوزون معنی ائت بوعنوانی غنچه سیز کیم گوروب گلستانی (حسین ابوالفضلیوی ویریبس حسین علی اصغرین بشیکده ال ایاق چالور) هیجان گتدی باغبانه بوسوز حسین سوزو سازین سمایه عازمدی گلشن عشقه غنچه لازمدی ساخلادی آخر بازاره سوسوز صود امرین کیم وفا جبهه لرینده بئله قربانی تاپار (گیتدی خیمه لره زینب ربابیدن بالانی آل ننم یولون گوزلور ) آلدی یورقون آتا آغوشینه یورقون بالانی یولا دوشدی بو امیدیله تسلانی تاپا سسلدی ام بنینین بالاسین اوخلویانی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه حضرت زینب(س) سلام او زینبه اولدی حسینه هم پیمان دیدی بلایه بلا شوق کربلاسیندن سلام او زینبه اولدی یتیمه لر آناسی ورولدی دشمنه چوخ فاطمه آناسیندن (اله بیر ایلشیبسن زینب حرمینده اوزاقدان سلام ویر) گونوز چالشدی گجه قیزلارا طبیب اولدی دایان سوزون گوتوروم پرده محتواسیندن گونوز شهیدیلرین یاره سیندن اوخ چکدی گجه چخاتدی تیکان قیزلارین یاراسیندان (الله بو زینب نقدر مصیبت چکیب، زهرا روضه سی اوخورسان خانم زینب دییر جوان ئولن ننم لایلای، قتلگاه روضه سی اوخورسان زینبدی دییر حسین بو اوخ ورانون کاش الی دوشسون بیلگیندن، رقیه روضه سی اوخورسان زینبدی دییر آجنان ئولن بالام لایلای اما شام غریبان گجه سی گور نیلدی زینب ) شب نمازین اله دی شام غریباندا به پا گجه صبح اولدی دیدی قوخمویون ای اهل عزا کربلادن گدیروخ کوفیه آماده اولون هاردا من ایتسم اشاره چاغرون یازهرا آی سالانلار باشا قاره چاغرون یازهرا ورسالار قمچی دوباره چاغرون یازهرا مصلحتدی بو اسارت داریخوب اینجیمیون آدمی کوفه ده هرکس خبر آلسا دیمیون کیم تصدق گتیسه اللها خاطر یمیون بوردا ئولسوز ده بیرینن سوغذا ایستمیون بو پیامی اشیدن زینبه ایمان گتیرر (اوندا گوردولر بیر خانم گلدی اسرا محضرینه ) کیمه خرمانی ویروب ام حبیبه یمه دی یالواروب هرنقدر ، رد ایله دی ایستمه دی خبر آلدی بیوکوز کیمدی اوشاقلار دیمه دی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه وفات حضرت زینب(س) یورولان مسافره بنزیرم یولون اوسته خار وخس اینجیدوب قنادی سنان قوشا اوخشورام سیخوب اللی ایل قفس اینجیدوب نفسیله خلق خوش اولسادا منی چکدیقم نفس اینجیدیب او نفس که سینمی یاندیروب ولی سوزشین گورن اولمادی شهدا غمین اسرا غمین چکوب هر مصیبتی گورموشم الی باشدا مقتله قاچمیشام عمل جنایتی گورموشم کسیلنده قارداشیمون باشی علناً قیامتی گورموشم باخوب آغلادیم کمک ایستدیم منه بیر کمک ایدن اولمادی آخشام چاقیدی چکدی خانم بیر درین نفس ویرانه لر ده یوخلامیان یومدی گوزلرین عاشق گرکدی جانینی معشوقینه ویره جان اوسته آختاروردی اودور نور دیده سین مقتلده حنجرونن اوپن زینبم حسین جان اوستیم یوبانما گل ای کوی حق نشین عباسیمی دیردی گلنده گتورمیون بوللم اوزوم او یارلی شیرین خجالتین یوخدور الی کی ال آتا تابوتیمه منیم بیر یول اوتاندی بسدی داخی اولماسین غمین زینب خلاصه یومدی گوزون ئولدی شامیده القصه گویدولار خانیمی مغسل اوستونه غساله گلدی دفن ایده سادات عمه سین اول یتیشدی گوز دولوسی باخدی زینبه دولدوردی گوزلرین ددی یا رب العالمین زینبدی بو؟مدینه ده چوخلی اسم و رسمی وار واریدی (۷)قارداشین ناز پرورین آهسته قویدولار خانمی مغسل اوستونه اول باشندان آچدی اونون قاره معجرین آهسته قاره کوینگینی خارج ایلدی بولمم نه نوعی گوردی او نون نیلی پیکرین ویردی عریضه مطلبی سجاد میر امم بو طرزیله سوروشدی اونون رمز رحلتین کرب وبلاده عمه ن آقا جنگ ایدوب مگر باشدان باشا یارالیدی جسم بو مدفنون واردور اورگیمده بیر یارا چوخ یاندرور منی کانال عاشقان حضرت ابالفضل، ع، #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه قتلگاه ایوای باشی دالدان کسیلن قارداشم ایوای ایوای یوزی اوسته یخلان قارداشیم ایوای ایوای بالاسی اوخلانان عطشان قوجاقندا ایوای قالان عریان بدنی گون قاباقندا ایوای داغلان پیکری آتلار ایاقندا (آتلارون نعلین عوض اله دیلر دیدی حسین دوزدی ننم ام المصائب آدلانوب اما منیم مصیبتیم اولاردان باش گلدی کربلاده) اگر باشی ننمین کوچه ده بلالره دوشدی یوزونه سیلی دیوب گوشواره سی یره دوشدی ننمین هاردا گوزی شمر الینده خنجره دوشدی؟ گر جوان ئولدی ننم مقتل بلاسین گورمدی بیز باجی قارداشین هجران ماجراسین گورمدی زینبون شامین حسینون کربلاسین گورمدی یاخجی کی زهرا سینونده اوخ یاراسین گورمدی آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی بواوخ ورانون الری دوشسون بیلگینن بواوخ باجوون کاش دییدی اورگینن هانسی اورگین قانی چخبدور کورگینن #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

🌹تبریک از زبان حضرت زینب (س) در میلادیه حضرت علی اصغر (ع) .🎼سبک : دایه دایه ای عزیزیم نور عینیم گوزلرین آیدین حسینیم وئردی الله بیر اوغول سیماسی گوهردی همتای اکبردی یا حبیبی الله الله احسن احسن بارک الله .. . آلدیم آغوشه اونون ئوپدوم گوزوندن جنتین عطری گلوردی گل یوزوندن . قاشلاری بنذر هلال یک شبه قارداش توکمه گوزوندن یاش . آل قوجاقه ئوپ جمالین عترت اللهین هلالین . هدیه وئردی اصغری قارداش سنه الله قیمتلیدور والله . یا حبیبی الله الله احسن احسن بارک الله . .. . لطفونی کامل ائدوب حی تبارک تازه مولودین قدومی چوخ مبارک . لبلریندن گل یاغور سیماسی زیبادی ماه دل آرادی . هدیه خلاق داور آدی اصغر ، شانی اکبر . وئردی الله اصغری قلبیم صفا تاپسون دردیم دوا تاپسون . یا حبیبی الله الله احسن احسن بارک الله . . #سبک_دایه_دایه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---