شعر امام موسی بن جعفر(ع ) ازکربلایی طاهرنوروزی🌴🌴🌴 25رجب شهادت امام کاظم(ع) تسلیت 🌴🌴🌴🌴🌴🌴🌴🌴🌴🌴 منم کاظم موسی بن جعفرم من منم کاظم نجل پیمبرم من منم کاظم مرتضی مظهرم من منیم خیرالبشر تک عزتیم وار علی المرتضی تک هیبتیم وار منم کاظم مریضانه معالج آدیم موسی لقب. باب الحوائج بو درگاهیم ویرر عالی نتایج رهِ دینه من ایشقلی. سراجم مریض ناعلاجه من علاجم منم کاظم محمدی مرامم متقینه من هفتمین امامم بنده ارزنده. ذوالکرامم بوزنداندا عبادت ایلرم. من مسلمینی. هدایت ایلرم. من منم کاظم دلبند صادقم من خالقمه بنده عاشقم. من شیعیانه امام. لایقم من یا ربنا ذکر روز و شبیمدی بلون زندان منیمده مکتبیمدی منم کاظم که غوغا ایلرم من بو زندانی مصلی ایلرم من بلون قرآنی احیا ایلرم من طرف دوشتوزبوگونده شیرالن سیز منی قورخودمیون زنجیرلن سیز منم کاظم گل پغمبرم من منم کاظم عزیز حیدرم من دنی حاکملره باش اگمرم من قالام من حبسده مین ایلده گر آج بلون ویرمم دغا هارونه من باج اولونوبدور قولاریم زنجیره بسته بوایش چوخ چوخ گوزلدی حق پرسته بله قربان. دمم من قوم پسته وریلسا گر حسین تک آنّما داش بلون خصم دغایه اگمرم باش بلون جدیم پیمبر نوری منده حسینون مصحف عاشوری منده علی المرتضانون زوری منده بلون دینه خاطر خصمه اسیرم وگرنه من اوزوم شیراوغلی شیرم اولوبدور مصلحت زنداندا قالدیم اسوب بادخزان گل تک سارالدیم سولوب عمریم بهاری تز قوجالدی اوماهم یوخ خبراولدوزلاریمدان اللهی دویمادیم من قیزلاریمدان منم کاظم غریبلر سر دسته سی منم کاظم زندانلارین خسته. سی نحیف ایتدی جسممی غم پنجه سی هارو ن دون سندی منه یار ایتدی گوندوزومی بو حبسده تار ایتدی اوغول رضا تزگل یامان گونومدی ظلم الیله گل قوجالان گونومدی عجب چتین گونه قالان گونومدی ثانی کیمی وراندا سندی سیلی اولور ننم مثلی یوزومده نیلی بوظلمه یوخ بیرکیمسنون دوزومی اوغول رضا کمه دیوم سوزومی اوزون یتور باغلاگلان گوزومی سندن صورابیرکیمسیه یوخ نیاز تیزگل اوزون جنازه مه قیل نماز نوروزی یاز رضا اورک داغلادی گلدی آتا گوزلرینی باغلادی سلیمان بزم غم قوروب آغلادی حسین جسمی ولی چولرده قالدی زینب صداسی گوگلره اوجالدی 🌴🌴🌴🌴🌴🌴🌴🌴🌴🌴 التماس دعا👋👋

⚘زبانحال حضرت امام کاظم (ع)⚘ هارون دَنی گتدی منی جانه الهی پیک اَجلی یولّا بو زندانه الهی گوندوز منه زندانیده لِیل غم اولوبدی ایللَربویی مَحبسده بو قَدّیم خَم اولوبدی زنجیر اَریمیش پیکریمه همدَم اولوبدی جسمیم اَریدی تا یتَه پیمانه الهی من خَلوت زندانیده مُشتاق عبادت ظُلمینده تاپوب سِندی شاهَکده جسارت ائتدی نَه ستملر منه بو کان شَقاوت حسرتلیم اول خَلوت عِرفانه الهی غُربتده اَسیرم بیر عیادت ائدنیم یوخ مَحبسده غَریبم گَلنیم یوخ گئدنیم یوخ شهپرسیز اولان بیرقوشام امّاچمنیم یوخ اوغلوم گَله جَک شام غریبانه الهی هو حَق بِله زندانیده هَنگِ نَفَسیمدی وصل عالمی خَلوتده منه سجده بَسیمدی تَرلانه مِثالم که بو زندان قَفَسیمدی تنگ اولدی قفس یارَه لی ترلانه الهی هارون ائلین ظلمی دوزَنمز اوجا داغلار یکسر سارالار گورسه بو احوالیمی باغلار بغدادیده من ، یثرب اَرا قزلاریم آغلار معصومه باخار یولّارا اَلانه الهی گرچه منی زندانیده چوخ یوردی بو دشمن حاشا باش اَگم ظالم غَدّاره بیلورسن جَدّیم کیمی لا کلمه سینه مُمتحنم من باشدان اَیاقا گر بویانام قانه الهی یارب سن ئوزون ایله کرم ائت منه امداد یورقون بدنی ایله بو زندانیدن آزاد زهرا نَنه مَه قوش منی اولسون ئورگیم شاد اَعوانیم اگر چه گَلر افغانه الهی 🌴🌴🌴🌴🌴🌴🌴🌴

سلام و درود برشما استاد محمدی عزیز نفستون گرم👌👌

حنجرتون بیمه باب الحوایج استاد محمدی 😭😭😭😭

حالات حضرت موسی بن جعفر(ع) #گریز به #راه_شام بهزاد قاسمی اردبیلی آغلا ای دل گوز یاشیلان درد دلبردن دانیش عشق بازارین دولان قیمتلی گوهردن دانیش گوشهٔ زندانه گئت، موسی بن جعفردن دانیش معنویت دفترینده نقش اولان تصویره باخ بو آدامسیز سیّدین بوینوندا کی زنجیره باخ گر چی زندان اینجیدوب یورموشدی یورقون جانینی چوخ کریمیدی آچاردی سفرهٔ احسانینی هامّیدان آرتیق دعا ایلردی زندانبانینی چون امام اثبات ائدر بو نوعی فضل کاملین جدّی مقتلده دعا ایلردی حتی قاتلین اون بیر ایل زنداندا قمچی آلتدا ائتدی سوز و ساز توزلی بیر سجاده اوسته ایله دی راز و نیاز عمه سی زینب کیمین اوتدوق یری قیلدی نماز دیل دوداقینده توان اولمازدی ذکر شب دیه ایپ کسن قوللاری تیتردی گئدنده سجدیه دوشدی دیلدن اولمادی تسلیم اما ظالمه علتی وار شیر تک ائتمزدی ذرّه واهمه سر درِ زندانینه یازمیشدی چون یافاطمه ثابت ائتدی عالمه نور جلینون اوغلیدی صبرینی کیم گوردی بیلدی بو علینون اوغلیدی سسلدی من راه عرفاندا بلادن قوخمارام حجت اللهم جفای اشقیادن قوخمارام من حسینون اوغلیام قانلی منادن قوخمارام آج قالوب ئولسمده نان ذلّته ال دگمرم باشیمی ذبح ائتسه لرده ظالمه باش اگمرم هاشمیه منصبم یعنی پیمبرزادیم هاردا ظلم اولسا عموم عباس تک آمادیم گر مین ایل قالسام بو زنداندا گینه آزادیم قوللاریم باغلانسادا من قبله ی راز اوغلیام نیزه اوسته داشلانان باشین سرافراز اوغلیام قفل و زنجیریله سینماز گوهر شخصیتیم دوزدی پیرم ظاهراً اما جواندور همتیم مدرک حریتیمدور بو بوکولموش قامتیم بو اسارت زینتیمدور صبریمی تفسیر ائدر چونکه شیری، بوینونون زنجیریدورکی شیر ائدر اون بیر ایلدور هرگونوم ظلمتدی یوخدی گوندوزوم قالمیشام ازبس قرانلوق یرده دای گورمور گوزوم هم قولوم پینه وئروب تپراقین اوسته هم یوزوم یر رطوبتدور، چوخالدور محنت بی حدّیمی سقفی آلچاقدور بو زندانین بوکوبدور قدیمی قالسا هرکیم من قالان یرده ئولر قالماز دیری من چکن دردی جهاندا چکمیوب چکمز بیری توختاماز ئولسمده بوینومدا بو زنجیرین یری نیلمک قسمت بودور دیلدن دوشم عنقا کیمین یاره لی قبره گئدم منده ننم زهرا کیمین گورمسین ای کاش هئچ کیم دشمنین نامردینی باشیمه هرگون فلک گویدن توکور غم گردینی من کیمی بیلمز بیری دنیاده سیلی دردینی ویردی ازبس سیلی بو زنداندا زندانبان منه سیلی ویرماقدان یورولدی،آغلادی زندان منه آه یاموسی بن جعفر سنده یان بو محنته دوزدی چوخ سیلی ویریلدی سن کیمین شخصیته هئچ کیم امّا زجر تک سیلی ویرانمز صورته گر اینانمورسان بو جریانی آقا قالما خَموش گئت او سیلی دردینی اوچ یاشلی عموندن سؤروش سؤز آچیق سوزدور، توان یوخ منده شرح محنته بیر آغیر ال سیلی ویرسا خیرداجا بیر صورته گور او صورت صاحبی آیا قالار نه حالته گوزلرین یومدی خانم دوشدی یوزی اوسته یره سسلدی یاندی یوزوم آز قالدی اوردا جان وئرهپ تئز ایاقه دوردی یردن سیلدی توزلی معجرین نه چاغیردی عمه سین امدادینه نه اکبرین عرشه ساری قوزادی قمچی گویردن اللرین سسلدی ناموس زهرایه قسم وئرّم سنی اینجیدیم دنیادن الله بسدی دای ئولدور منی نیلورم بو جانی جانانیم بویاندی قانینه آت چاپیلدی قتلگهده پیکر عریانینه داش ویریلدی نیزه اوستونده لب عطشانینه لطف ائله یارب منیمده آل بو یورقون جانیمی تا گلوب عمّم قویا قبره تن لرزانیمی گر قصوریم اولسا عفو ایله منی یافاطمه اولین باریدی یازدیم نوحه اوغلون کاظمه کاظمینی گورمگه چوخلار ائدولّر واهمه چونکی یوخ امنیّتی اهل ستم قدرتده دی «#قاسمی»اما او شهری گورمگه حسرتده دی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

مداح اهلبیت،ع،آقای سعید سلطانی: 🍂نوحه حال احتضار حضرت موسی بن جعفر (علیه السلام)🍂 🎶سبک یخیلوب عباسیم.... ✍حسین خدایی زنجانی گل رضا جان تئز گل،چاتوب پیک اجل رسوله مهمانم یوبانما اوغلوم دوداقا جان گلدی آتان باخ دینجلدی الی باشدا اما دولانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. بو بلالی باشیم اگر دوشدی درده ولی دیل واللهی گنه شکر ایلر نقدر زنداندا شکنجه من چکدیم دئدیم اما بیر گون گئدر بو گونلر اورگیم صد پاره ،باشا سال سن قاره بالاجا اطفالیم جهاندا نینر ؟؟؟ منه ظلم اولدی چوخ، بو درده درمان یوخ الی قویوندا بس دایانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. چکیلوب گویلرده ، ائله بیل که قاره بو نچه ایل عمروم چاتوب پایانه منه عالم آغلار ،یانور دریا داغلار ولی تکیه ایله، علی ایمانه باجیوی تک قویما ، وفا رختین سویما قالار اسلام زنده، قسم قرانه نه یاماندی هجران ، یانور کون و امکان دانیش دردین الان ،اوتانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. من موسایه کاظم شکنجه چوخ گوردوم ولی الان گلمیش اجل فریاده ایستیور صبری غم ، آخور اشگیم نم نم گلر وار امیدیم آنام زهراده منه بلبل اغلار ، یانوب سنبل اغلار سیزیلار دیل اغلار ایکی دنیاده اجلیم یول گوزلر ،دونور قانه دیلر گوزومی سن باغلایوبانما اوغلوم دئنن ای وای بابا گله داده زهرا یا زهرا یا زهرا آنا یازهرا #شهادت_امام_کاظم_علیه_السلام #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

🏴زبانحال حضرت موسی کاظم علیه السلام🏴 🎼سبک:منم یه مادرم پسرمو دوسش دارم موسی بن جعفرم/من وارثِ پیمبرم زندانِ ظلموده/خلوت نشینِ داورم ایللردی حسرتیم/بودی اولیدی خلوتیم شکر اولسون آللها/ایندی اولوبدی قسمتیم افسوس اولا کی من/هارون اسیری اولموشام خزان گورَن گولم/از بَس دویوبله سولموشام اشکیم آخیر یوزه بولود مثالی دولموشام باشی بلالیم /اوز ایویمدن آرالیم زنجیره باغلیدی/ایاقلاریم یارالیم دوشدوم بلایه من/مَحبَس اولوب منه وطن سِنده دییون منی/سحر،آخشام دویور نَدن یوخدور دییَن اونا/قوجانی دویمه نانَجیب طبیبِ عالَمم/قالموشام ایندی بی طبیب یوخ دادیمه گَلن/وطن غریب،اوزوم غریب عالَم طبیب اولا/ئولومه یوخدی بیر دوا ایکاش بو صون نفس/باشیم اوسته گَله رضا من دیده سی تَرم/بالالاریمی گوزلَرم گویلوم چوخ ایستییر/معصومه می گینه گورَم یولدا قالار گوزی/رسمِ جهاندی هر ئولَن جان اوستیم ولی/نه وار گیدن نه وار گَلَن حالیم یاماندی یوخ/بو حالِ زاریمی بولَن یوخ رحمی دشمنین/سولدوردی عمر گلشنین آغیردی اللری/شغلوم اولوب داد و اَنین اشکیله گوز دولوب/الله بولور منه نولوب زهرا آنام کیمی/گول صورتیم کَبود اولوب زندانِ تاریده/شمعین مثالی یانمیشام آنا آنا دییوب/غم الینده اوسانمیشام خُمِّ بَلالره/هر رنگیده بویانمیشام دیللرده رایجم/هر درد اولا معالجم مَحبوسِ دشمنم/اوزوم باب الحوائجم غریب و (بیکَسم)/دیللر یانار اگر دئسَم بیر کیمسه گلموری/هر قَدری داده سسله سم هرنه جفا بولور/حقّیمده روزگار ایدیر هم کُنده اینجیدیر/همی رطوبت اینجیدیر آه و نوالریم /عرش خدایه تک گیدیر ______________ #شهادت_امام_کاظم_علیه_السلام

🌸🍃🌾🌼 🍃🌺🍂 🌿🍂 🌼 حضرت موسی ابن جعفرعلیه السلام حاج اصغر فرشچی ( عدلی تبریزی) كيمدی موسی يوسف زندانی آل عبا يتدّی مينجی پيشوا دور بعد ختم الانبيا عصمت كبرای حقّه زُهرۀ هفت آسمان شرزه شيربيشۀ مولا علی المرتضا وارث صبر حَسن آئينۀ حُسن جميل چون حسين بن علی مست می قالوبلا سجده گاه عشقيده مانند فخرالسّاجدين مستجاب الدعوه عابد ايليينده هردعا صادق آل مُحمّد فقهينه وارث اولان سينۀ سينای دينه بير كَليم بی عصا دوشدی صيّاد ستمگـر دامينه اولدی اسير سِجنيلرده ظلم ايدوب هارون بی شرم ودغا آه جانسوزی قلوب مؤمنينه گرم بخش سالك قرآن مسيری مسلمينه رهنما نالۀ شبگيريسی شمشيريدن كسراقيدی ظالمه پَرخاش ايدن مظلومه ديلدن هم صدا يدّی ايل يا اون بيرايل زندانی اولدی بی گناه مَحبسی تاريك و زندان بانی بی شرم وحيا قويميوب راحت قالا ويردی اذّيت روز و شب تازيانه يرلری اوخشادی زهرايه اولان حِصن ولا رهروان دينه اولدی بو پيام آخری حفظ قرآن اوسته اولدوم كشتۀ زهرجفا اولدی چون دردی مزيد زهر ايلدی جسمه اثر يوزدوتوب معبودينه عرض ايتدی معبوديم خدا يورقونام قورتار منی ملحق ايله اجداديمه من غريبم بی كسم ای خالق عرض وسما نچّه ايل دور حسرتم اولاديمون ديدارينه صون نفسده باشيم اوسته كاش اولا اوغلوم رضا آختارار چون جانويرن اوز سويدوقون "رحمان حق حاضر ايتدی اوغلونی چون مستجاب اولدی دعا باشنی آلدی آتانون ديزلری اوسته اوغول عرض ايدوب گلديم بابا جانيم سنه قربان اولا ای دوزن درد و بلايه آختاران ايستكلیسين بو منم باشون ديز اوسته آلموشام دينه فدا ايش برعكس اولدی ندن كربو بلاده بولمورم باشنی آلدی ديز اوسته نو جوانين چون آتا باخدی گوردی ممكن اولماز حمل اكبر دوغرانوب يغماقا نعشين يره آچدی ير اوسته بير عبا نچّه ايل زندانيده حسرت قالان اولادينه ای اولان باب الحوائج اللری مشكل گشا بزم ماتم مسكنی دلده شعاری يا حسين (عدلی) دوريازدی عريضه دلده غم ايلور نوا وارمريضه بير قزی سن بول قزون معصوميه دردينين درمانين ايسته تا ويره الله شِفا 🍃 🌺🍂 🍃🌾🌼 🌸🍃🌾🌼

اهنگ ：دایه دایه وقت جنگه سرود مبعث حضرت محمد (ص ) ✍️ شاعر علیرضا علوی زنجانی ✍️ سس گلوب غار حرادن نور ذات کبریادن قم فاانذر یا محمد ناگهان پیک خدادن حکم اولوب سن سن رسول ؛ سروریم احمد ای رهبر امت سوره طاها محمد مونس دلها محمد عیدیانه ویر بیزه ای سرور بطحا ای گُوزلری زیبا مقدمون گُُل, صُورتون گُل, گُل آدون گُل قویما شیعه چوخ داریخسون آی گُوزل گُل عیدیانه ویر بیزه ایله کرم مولا ای شافع عقبا یا محمّّد یا محمّد جنت اعلا محمّد مبعثن به به رسول الله مبارکدی به به نه گویچکدی سن حبیب لم یزل سن شاه بیت هر غزل سن شانوی قراندا گوردوم هر گوزلدن سن گوزل سن خاتم پیغبران جانلار سنه قربان ای منبع قران سرور و سالاریم احمد سسلرم جان یا محمد عیدیانه ویر بیزه مولا رسول الله جان حسین مولا آسمانلاردا تانولار آدین احمد یرده سسلولر سنی مولّا محمّد آدم و حوا سنه فخر ايلير مولا جان سسلير مولا سرور و سالاريم احمد سسلريك مولا محمّد عيديانه وير بيزه مولا رسول الله جان حسين جان نُور پاک اَزَلىِ سن جلوهِ لَم يزلى سن چوخ گُوزل گَلمیش جهانه سن گُوزلر گُوزلی سن باخ گُوزلیقده بونون یوخ مثل مانندی الله بینندی ؛ الله بینندی ای گل زیبا محمد قامتی طوبا محمد خلقين گُویچک لیگی یوزده نمایاندی بیر پارچا قراندی شانیوه بسدی بیوردی ربّ الافلاک اولماسیدون اولمازیدی هیچ بو الافلاک الّلهین زیبالیقی بوندا نمایاندی سیمای یزداندی یا محمد یا محمد سوره اسراء محمد عیدیانه ویر بیزه مولا رسول الله جان خانم زهرا روح تقوادى محمد دُر زيبادى محمد انبيا گر قطره اولسا مثل دریادی محمد شاهکار خلقت یزدان محمدی بو نور ایزدی سوره الاعلی محمد نور كرمنا محمد دُ ر دريای شرف ای منجی انسان ای منبع احسان کهکشانلاردا اونا خاطر یاراندی اون بیر عیسی سی اونون چون جاوداندی بیرده مانندین اُونُون گُورمز بُو زمانه گلمز بو جهانه یا محمد یا محمد ای شه بطحا محمد یاز بو جَمَعه بیر برات کربلا مولا جانِ خانم زهرا یا محمد یا محمد سرور و آقا محمد یا محمد یا محمد ✍️ شاعر علیرضا علوی زنجانی ✍️

: زبانحال حضرت موسی بن جعفر علیه السلام سبک؛میگذرد کاروان . . گوشۀ زندانیده جان ویریرم گل رضا عمق سیه چالیده عمر ییتیشدی باشا . کنده و زنجیر دن جسمیم اولوبدور رها محبسِ تاریکیده جان قوتاریر گل بالا . مقتولِ زندانم گل اوغول زهرایه مهمانم گل اوغول . گَل غربتده دیده م باغلا سینه داغلا . بغدادیده یوخ آغلیان گل سن آغلا . . . . . . . ایللر اولار که منی محبسه هارون سالوب مقتل مرطوبیده صبر و قراریم آلو ب . تیر مصیباتیله قلبیمه بیر اوخ چالوب ماه رخون گورمگه گوزلریم حسرت قالوب . مقتولِ زندانم گل اوغول زهرایه مهمانم گل اوغول . گَل غربتده دیده م باغلا سینه داغلا . بغدادیده یوخ آغلیان گل سن آغلا . . . . . . سلسله و کنده لر ذوب ایلییب جانیمی سسله میشم دادیمه حضرت جانانیمی . گل گور اوغول حالیمی دیدۀ گریانیمی یول یول اولان پیکری حال پریشانیمی . مقتولِ زندانم گل اوغول زهرایه مهمانم گل اوغول . گَل غربتده دیده م باغلا سینه داغلا . بغدادیده یوخ آغلیان گل سن آغلا . . . . . . . شاهکین اوغلی ایدن حیله و تزویره باخ گوندوزوم اولموش منیم شام کیمی ت . شدت شلاقیدن آه جهانگیره باخ جسمیم ایله ذوب اولوب گَل قوری تصویره باخ . مقتولِ زندانم گل اوغول زهرایه مهمانم گل اوغول . گَل غربتده دیده م باغلا سینه داغلا . بغدادیده یوخ آغلیان گل سن آغلا سلام استادان گرامی این قسمت چطوری خونده میشه گل غربتده دیده م باغلا سینه داغلا بغدادیده یوخ اغلیان گل سن آغلا

✅. مرحوم حاج سلیم موذن زاده اردبیلی ✅. سه گاه "کيم ديلده حسين آدين ايدوب اَزبَر آپاردي قبره الي بوش گيتمدي بير گوهر آپاردي تپراقدا خيانت ايلمز عشق حسينه قبر ايچره بولر گوهر جان پرور آپاردي چوخ گورمشوخ عالمده ئولن وقته حسينچي قبره نه جلاليله اوني اِللّر آپاردي گيت مجلس ترحيمينه باخ جاه و جلاله گور عشقيدي يا مسئله ديگر آپاردي بو عشق قمارينده بلي هيچ کيم اوتوزماز اوّل اوتوزندا گوروسن آخر آپاردي هر کيم کي جوان عمريني بو يولدا اوتوزدي آخر بله گوردوک آقادان نوکر آپاردي هر کيم کي بو درگهده قوجالدوقجا اوجالدي باشي آغاران رتبهي والاتر آپاردي چوخ آغ گونه چخدي قره تپراقلارون آلتدا هر کس قره دسماليلن اشک تر، آپاردي فکر ايلمهسن آغلادون اشگون هدر اولدي زر قدريني از بس تانيدي زرگر آپاردي سن گورموسن امّا دولانور شيشهسي الده گوز ياشلاريني فاطمهي اطهر آپاردي خولينون عيالينه خانم گورنه بيوردي بو اشگون امانتدي امانت گر آپاردي چون اوغلوما سن آغلادون الان ئوز ايونده بو خاطرهني فاطمه تا محشر آپاردي

✔️ حضرت موسی بن جعفر علیه السّلام سبک : ارباب خوبم ماه عزاتو عشقه ... ای صبا یلی همت ایت وار غم نهانیم آخرین نفسده فقط وار سنه گمانیم سال یولون بقیعه خبر ویر بتوله گلسون رآفتیله سیلسون آنام چشم خونفشانیم عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— اولمادی بو زندانیده من غریبه چاره بوینومی غل اهرمن ایلیوبدی یاره وار ایاقلاریمدا آغیر کنده کنج زندان تار و تیره دور اف اولا چرخ روزگاره عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— اون بیرایل بو زندانیده حالیمی بولن یوخ وار جراحتی جسمیمون مرهم ایلین یوخ گوزلریم نه مدت قالوب یولده انتظارم نه رضا نه معصومه نه یانیمه گلن یوخ عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— ساحتیم منزهدی بولمم ندور گناهیم عرش داوری یاندیرار گونده سوز و آهیم سند نابکار ایلیوب رکن دینی محزون چاره سیز قالان لحظه لر رب اولوب پناهیم عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— قرب حق بو زندانیده باشمی اوجالتدی پوزدی رنگ رخساری محبس منی قوجالتدی سیلی وردی رخساریمه پاسبان هارون حالیمی مشوش ایدوب صورتیم سارالتدی عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— بیر بیله جفایه عدو ایتمدی قناعت حال زارینه باخمیوب قویمیوبلا راحت قمچی لر وروبلار باشیندان قولوندان اعدا زهر کینیله باغریقان ایتدیلر نهایت عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— یوخدی بیر نفر تا یوزون قبلیه چویورسون اولمادی رضا باشینی تا دیز اوسته آلسون جان ویروبدی زندانیده آغلاشوب ملک لر وار یری بو غمده فلک باشه قاره سالسون عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من —---------------------— اولمادی گلن بیر نفر ایلیولله صحبت جسم شاهی تشییع ایده وار خبر صراحت دفن اولمادی جسمی اوچ کون مثال جدی دفن اولماقوندا حسینیله وار شباهت عالم نهیبی موسی ابن جعفرم من غملر شکیبی موسی ابن جعفرم من زندان غریبی موسی ابن جعفرم من #حضرت_موسی_بن_جعفر ✍️ حاج علی زلفی تبریزی

ئولورم  تنگه دوشوب روح و روانیم آنا گل یغشوب  سینمه  ایستور  چیخا  جانیم آنا گل    ئولورم  تنگه دوشوب روح و روانیم آنا گل یغشوب  سینمه  ایستور  چیخا  جانیم آنا گل   دئمورم منله  گلوب  سجن محنده اولاسان دئمورم  پیک  اجل  داده  گلنده  اولاسان دیـورم  باشیم  اوستنـده  ئولنـده  اولاسان گورم اوّل سنی اوندان چیخا جانیم آنا گل   آخرین دم باخا یورقون گوزوم آغلارگوزوه قـولاقیم  سامع  اولا   سن  دانشـانـدا  سوزوه گورسدیم  قمچیلرین  ردّینی  بیـر بیر  اوزوه چوخ  یوبانما  قوتاروب تاب  و توانیم آنا گل   قوری یرده دونورم صاق صولا جان اوسته اوزوم ولی  دوندوقجه گوزتلور  در  زنـدانی گوزوم ئوزوجودیم کیمی زندانی اولوب دلده سوزوم دیـه  بلمـور  سـوزومی  اوتلـی   زبانیم آنا گل   آدوی  ورد  ایلیوب  راز و  نیاز ایلیورم در امیدی  بو  پاک  آدیله  باز  ایلیورم گر چه  پیرم  گنه  احساس  نیاز ایلیورم سسلنور جسمیده یورقون ضربانیم آنا گل   حبسیده پیکریم آزقالدی که جاندان دوشسون یورولوب مرغک روحیم طیراندان دوشسون شریانیمده  کی  قانیم  جـریاندان  دوشسون هله  شـریانیده   سیرینـده دی  قانیم آنا گل   بـو قرانلوقـدا  نـه احوالیمی دل اهلی بلور نگران گوزلریمون اشگینی بیر کیمسه سیلور نفسیم  تنگه  دوشوب  گاه  گلور گه کسیلور قصدون اولسا گله سن آزدی زمانیم آنا گل   سن که  یاده  سالوسان  غربیـده  بیگانه لری روحون  آواره  گزور  شرقیـده  ویرانه لری آدوی یوزده یازوب گوزیاشیمون دانه لری من سنون   ئوز  بالوام  دلـده فغانیم آنا گل   نگرانم اودی که ترک ایلمور جسمیمی جان اینجدور ئوز نفسیم  روحیمی چیخمور آسان رو بـه قبلـه  ایلیـن  وار نـه  الیمـدن یاپشان واردی نه قاری ، نه ده فاتحه خوانیم آنا گل   چوخ  ائلیم  واردی  وار  آغلیانیم کیم اولاجاق گوروب  احوالیمی  دل داغلیانیم کیم اولاجاق جان  چخاندا  گوزومی  باغلیانیم  کیم اولاجاق سنه  چاتدی گنه  جان  اوسته گمانیم آنا گل   من  او  ماهم باتورام تاپمورام اولدوزلاریمی قویمشام   گوزلری  یوللاردا  آدامسیزلاریمی سالمورام  یادیمـه  حتی  نگـران  قیزلاریمی انتظـارم   سنـه  آی  نـام  و  نشانیـم آنا گل   او قـدر  آغلامیشـام  غم  قاریشوبدور  قانما قصـد لله ائـله جان اوستـه نـنه گـل  یانما نجه گور رخنه ایدوب رنج رطوبت جانیما سالدی  دلدن  بو  رطوبتلی مکانیم آنا گل هادی_اردبیلی حضرت_موسی_بن_جعفر

باسلام سرود مبعث حضرت محمد مصطفی علیه السلام باآهنگ از صلابت و ملت وارتش سپاه ما           فارسی و ترکی مبعث رسول خدا حضرت _  محمد است این بشارت از جانب ذات حق_ به احمد است عید مبعث رسول خاتم  آمده جشن شادی بر تمام عالم آمده یا محمد   محمدا   یا محمد  2بار افتخار عرش برین بود دادخواه اهل. یقین. بود رسالتش در جهان جاودان مبارک است  بر همه عاشقان یا محمد محمدا یامحمد  2بار درحرا رسالت به حکم خدا _  به اورسید حی لم یزل بر نبی کرد  عطا _  به اورسید آمد آن رسول حق به امر کردگار نور پاک او شده به امت آشکار یامحمد   محمدا   یا محمد  2بار ختم مرسلین نور کبریا وی بهانه ی  خلقت سما که مبعثت کشته جشن سرور جهان شده سربسر غرق نور یا محمد محمدا  یامحمد 2بار ذات حقدن آلدی پیامبر بوگون _ رسالتین زنده ساخلاسین حضرت مصطفی _ ولایتین غرق شادی و شعف اولوبدی قدسیان جشن مبعثه گلوب بوتون بو عاشقان یا محمد   محمدا   یا  محمد   2بار سربه سر جهان غرق نور اولوب جشن شادی و جشن  شور اولوب پیمبره     گلدی     حقدن نشان جهان اولوبدی بوگون چون جنان یا محمد    محمدا     یامحمد 2بار باب رحمت آچدی بوگون ذات حق_  بو امته چاتدی حق الیله رسول خدا _   رسالته نور ایچینده جلوه ایلیوبدی مصطفی سس گلوب محمده  دیوبله مرحبا یا محمد   محمدا   یا  محمد   2بار حجت خدا. دینه رهنما فخر انبیاء.   زینت سما آشکار اولوب نور حق گورسنوب آدینی ملک لر بوتون  سسلنوب یا. محمد.    محمدا.    یا محمد. 2بار نچه مین پیامبر اونون مثلنی _  گورنمیوب رتبه سین جلالین اونون سیرنی_ بیلمیوب یوسف اولدی مشتری اونون وقارینه قدسیان وله قالوب گوزل جمالینه یا محمد  محمدا   یامحمد   2بار فخر ائدور. بونا ذات کردگار نور ایزدی. صاحب. وقار دوشوبدی گویده آدی دیللره مبارک اولسون بوتون ائللره یا محمد    محمدا    یامحمد 2بار حسنونی گورنده اونون مروده _  صفا تاپوب پاک آدیلا هر دردی وار امتین _ دوا تاپوب ذات حق ائدوب محمده عنایتی انبیاء لرین ده وار اونا ارادتی یامحمد   محمدا   یامحمد     2بار فخر اوصیا.     فخر اولیا زینت سما.   ختم الا نبیا ستون دینون اولار  محوری رسالت اوسته دولار گوزلری یا محمد.   محمدا      یامحمد 2بار ملتمس دعا مهدی ملکی 💐💐💐

گلم مزارون اوسته ئوزوم هرجمعه آخشامی گوز یولدا قویمارام سنی آی مهربان آتا آی زحمتیمی چکن آتا کیپریکلریملن سیلسم اگر قبریوین توزون اولماز بوگردنیمده کی حقین ادا آتا وفالی آتا ،زحمتکش آتا آی یاسا گلنلر،نه گوزل اولار دده جان ورنده جوان بالا باشین آلا دیزی اوسته، الله هیچ کیمی غریب ئاولدورمه، امام موسی بن جعفر آقا زندان گوشه سینده یوزون دوندردی بالالارینا اوغول رضا ئولورم، گوردی هراینه گلن اولمادی، دیدی افسوس بوغربتده غریبم وطنیم یوخ صد حیف عیادت گدقندی گلنیم یوخ چاره ام ندی الله اگر ئولسم کفنیم یوخ بئله غریب ئولورم آیییییی آتاجان ،آی ایویمین یاراشیقی دده، کوینگون آغ ساخلارام یوارام آغ ساخلارام بیرده قوناخ گله سن گوزوم اوسته ساخلارام آی دده آتانین تکجه آدی کل بودنیایه دییر آتانین بیر باخشی ملک سلیمانه دییر عزیزان من آتا بیر گلدی گلستاندا اونا تای اولماز آتانین عطری بوتون باغ وگلستانه دییر اَللّهُمَّ اغفِر لِلمُومِنینَ وَ المُومِنَاتِ وَ المُسلِمینَ وَ المُسلِمَاتِ اَلاَحیَاءِ مِنهُم وَ الاَموَاتِ ، روح پر فتوح مرحوم.......شاد الفاتحه مع الصلوات سبک بانوای حاج نادر جوادی

میلاد حضرت علی اکبر(ع) 🌴🌹🌼🌴🌹🌼🌹🌴 اکبر ائدوبسن عالمی گلستان ائویم اولوبدی باغ رضوان بزندی آسمان هفتم جهان اولوب ستاره باران اکبر تولدون مبارک اولسون(2) اکبر آدون جهانه روح و جاندی جوانلارا یوزون جناندی شکنج زلفوه اسیرم مژه ن،گوزل،قاشین کماندی اکبر تولدون مبارک اولسون(2) اکبر گوزونده جلوه لندی غمزه فدا اولوم بو راز و رمزه سنون یوزونده قاره خاله بهشتده عاشق اولدی حمزه اکبر تولدون مبارک اولسون(2) اکبر بو سس،صدای عندلیبدی جوار گولده دینجلوبدی حسین دیور تبارک الله اذان دیین بالام گلوبدی اکبر تولدون مبارک اولسون(2) اکبر سنون نازین چکر فرشته فدا بو طینت و سرشته قسم شرافت حسینه که بیر توکون دئیر بهشته اکبر تولدون مبارک اولسون(2) اکبر عزیز رب لم یزلسن ایکی جهاندا بی بدلسن دییر:بو حسنی،گورسه یوسف گوزللر ایچره سن گوزلسن اکبر تولدون مبارک اولسون(2) اکبر شبیه حضرت پیمبر ای افتخار آل حیدر سنی ئوپور عمون ابوالفضل نه شوقیلن باخور ملکلر اکبر تولدون مبارک اولسون(2) بهلول حبیبی 🌹🌸🌺🌼🌴🌹🌸🌺

#شعرعبرت نامه وگُريزبه احوالات غريب بغداد 🍁 گلشن   سولاندا    بلبل نالانى آغلادار گل پَرپَر اولسا صحن گلستانى آغلادار پروانه چوخ شتاب ايليراوددا يانماقا اماغمينده شمع فروزانى آغلادار شمعى شراره مجمرغمده مذاب ايدر خاموش اولاندابزم شبستانى آغلادار گون صورتين حجاب شبه گيزلدن زمان قاره گيير شفق مه تابانى آغلادار قهر ايله سه بولودلاراگر ياغماساياغش ايلر دعا قارشقا  سليمانى آغلادار حاذق طبيب   قالسا گر  عاجز طبابته حكمتده حكمتيله اولقمانى آغلادار گلشنده گل يرينده تكان اوتراق ايله سه بلبل گلر فغانه گلستانى آغلادار مست اولسا كيم مجا زى ميه هوشه تيز گلر امامي رياست هرامكانى آغلادار فرصت زمانه گر ويره بد فعل اولانلارا دنيانى غرق ايدر اودا انسانى آغلادار منصب دوتار  اوزون  ايتيرر حاليدن چخار كام دله يتيشمَگه  وجدانى آغلادار اوز نسلينين آدن ايتيرر آيرى آد قويار جيران دونوندا تولكى چوخ اصلانى آغلادار چوخ اَيرى  وار كه  دوز  گوره انسان صلاحيدور ليك, اَيرى گورسه كيم دوزى قرآنى آغلادار فكرايله مز عمللرينين خيروشرينه هريرده قلب زارو پريشانى آغلادار زندانه يوسفى دارا منصورى چكديرر طشت ايچره ذبح ايدر سريحیٰی نی آغلادار بنده  چكر على كيمى بير شخصين اللرين ايلر ايوينده قهريله زندانى آغلادار ناامن اولار اوزامن ايوى موسى بن جعفره بغداديده اوسرور خوبانى آغلادار معصومه نین  قالار  گوزى يولدا هميشه ليك هجران غمى اوديده سى گريانى آغلادار درد فراقينه گيجه گوندوزفغان ايدر ناله  صداسى  عالم  امكانى آغلدار آهين شراره سى اوجالار عرشه سينه دن عرش اهلينى اوناله وافغانى آغلادار جنتده  باش  آچارغمينه ختم  الانبيا نوحه صداسى ساكين مينانى آغلادار تحليله  جسمى گيتدى گجه شاه ممتهن آه و نواسى  عرش  معلانى آغلادار زنداندا اون بير ايل گيجه گوندوز نوا يدر سيندين جفاسى خلقت دنيانى آغلادار معصومه نین گوزونده دونر قانه گوز ياشى معناده محنت و غمى زهرانى آغلادار افسوس اولا كه جورزمان اولمادى رضا معصومه شاد اولا بوغم  انسانى آغلادار امابوغم چتین چاتا آلام زينبه  كرب بلا مصيبتى دنيانى آغلادار نفسين اسيرى شمر جفاكار ايدن جفا كرب بلاده عترت سلطانى آغلادار مقتلده ذبح اولاندا قفادن يارالى باش شمرون الينده خنجرعُريانى آغلادار قانلى جنازه قملارن اوسته قالان زمان بى كفن ودفن زينب عليانى آغلادار فرش ايلينده معجرينى قانلى مقتله اى واى حسين صداسى  اومأوانى آغلادار شرح ايله سه قلم اويرين ماجراسينى انصارينين الينده كى ديوانى آغلادا ر #التماس دعا

‍ دنیای فانی من بو دنیانین بش اون گونوخ جلالین نیلیرم من بو دنیادن فقط بیر کربلا محتاجیم آغ کفنلن رسمیدور دفن ایلیلر میتی من ولی قبره گدنده باش قرا محتاجیم ( رجوعیم یوخ زینب نجه گلدی گودی قتلگاهین کنارینه باخدی قارداشون یارالی جنازه سینه) شراب عشقی ایچیب جانه گلمیشم یارالی بو قانلی مقتله مستانه گلمیشم یارالی ایاقه دور ایویمی یخما دربدر باجوام چوخاتما دردیمی درمانه گلمیشم یارالی قوناقینم منه خوش گلدین ایتمسن ئولم آخی امیدیله بو بیابانه گلمیشم یارالی غیرتی اولسا گرک دای نهر علقم آخماسون آسمانلار اندیریب باشین اشاقه باخماسون ناگران اولما گونه تاپشرمشام چوخ شاخماسون 👇👇👇

▪️▪️▪️▪️▪️▪️ ✍متن روضه موسی بن جعفر علیه السلام السلام علیک یا ابالحسن یا موسی بن جعفر ایها الکاظم یابن رسول الله....‌ دست توسل ووراق باب الحوائج آقا موسی بن جعفراتگینه ....اورگلری آپاراق کاظمینه .....به یاد زندانی بغداد او آقایی که زندان گوشینده گئجه گوندوز آللهینن رازونیاز ایلردی جانم یا موسی بن جعفر اله دیردی بارالها تنگ اولوب زندان منه حبسده بیر ایل کچور هر آن منه موسی جعفر ابا ابراهیمم یاخشی ئوز گوسترمدی دوران منه صادقم صادق امامون اوغلیام عبد صالحدور گوزل عنوان منه اولدوم اول گونکه امام کاینات یتدی سندن رتبۀ شایان منه آلله سنی آندورم موسی بن جعفرین قولونداکی غل وزنجیرینه .... گوزی بومجلسده اولانلاری الی بوش یولا سالما آی غریب آقایا دملی دردی اولانلار غریبه آغلیان اولماز....غریب جان ورنده گوزلرین باغلیان اولماز آقانین همیشه گوزلری یولدا اولاردی آخی زندانی اولانین ملاقاتینه گله لر اون بیرایل زندان گوشینده نه بیر حالینی بیلن اولدی نه بیر ملاقاتینه گلن اما قیزین علاقه سی بابایا بیر آیری علاقه اولار.....باباسی اولمیان قیزین داخی هیچ کسه نازی اولماز خانم معصومه آخشام اولاندا اورگی تنگه گلردی .....هرکاروان مدینه دن رد اولاندا ...‌.گوزی او کارواندا اولاردی دیردی شاید بابا م اوکاروان ایچینده اولار آلله سنی آندورم موسی بن جعفرین گوزی یولدا قالان بالالارینا هیچ بالانی آتایا خاطر نیسگیلی ائلمه😭😭😭 اما آی اورگینین گیزلین سوزین موسی بن جعفر آقایا دینلربیر بالاجا قیزدا چوخ آتاسینین انتظارین چکدی گریز ب حضرت رقیه س⬇️⬇️⬇️ من بیر قیزی تانورام آخشام اولاندا گون باتاندا سسلیردی بابا هاردا قالوبسان.....بابا بیر کس سفر اوسته سنین کیمی یوبانما دی گلردی سیخیلردی عمه سی زینبین قوجاقینه عمه....😭شامین قیزلاری منه دیل یاراسی ووردیلا....امان امان دیل یاراسیندان عمه یزیدین قیزی منه گولدی....عمه مگر قارداشسیزا گوله لر....جان یارقیه دییوم دئمیوم نه عالم اولدی زینبه دیردی:منیم عمه ازل گونن بابامدا چوخ گوزوم واردی بیرآز دینجلسه بوردا سوز آچلسا چوخ سوزوم واردی بی بی هانسی بالا قیزدا بواندازه دوزوم واردی بابامدان آیرلان گونن باشما هر بلا گلدی آلله هیچ کسین قارداشی بالاسین یتیم ایلمه سین جان ویردی بابانین باشی دوشدی بیر یانا بالا دوشدی بیریانا خانم اوبالاجا بالانی باسدی باغرینا دئدی قلبین آلان دومان بالام...‌.‌‌ بابادان دویمویان بالام...‌‌.. باباسینون قانلی باشین گورن زمان...‌‌ قورخوسونان ئولن بالام..... سسسلن دردیوه یارالی یا حسین😭

‍ ✍موسی جوانــــــــی تبریزی احوالات حضرت موسی ابن جعفر(ع) چخدی زندانیــده جـانیم گل آنایا زهرا اوج ائدوب عرشه فغانیم گل آنایا زهرا           گل منیم  قیدیمه  قال           باری سن گوگلومی آل غریبم من = غریبم من = غریبم من اون بیر ایل باغـــلادیلاراهل جفا اللریمی کنــج زندانیـــــده  قـــان ایلـــدی اشگتریمی آرتیـروب دشمـــن قــرآن ستــم و غملریمی یوخـــدی یـــارای توانیـم گل آنایا زهرا            گل  منیم  قیدیمه قال            باری سن گوگلومی آل غریبم من = غریبم من  =غریبم من انتظــارم سنه گل باشیمـــی دامانوه آل آخرین لحظه لریمدورآناجان قیدیمه قال رافعتیله اوسلامت قولــوی بوینوما سال ای منیم  روح و روانیــــم  گل آنا یا زهرا              گل منیم  گوگلومی آل              باری سن قیدیمه قال غریبم من =غریبم من = غریبم من بیحیاهـــارون ائدوبــدی منی ظلمیله اسیر ویــــردی قولاریمـا محبسده ستملـــه زنجیر قوجاوقتیمده چوخ اینجتدی اونامرد شریر ایتــدی  زندانـــی  مکــــانیم گل آنا یا زهرا            گل  منیم  قیدیمه قال            باری سن گوگلومی آل غریبم من = غریبم من =غریبم من یوخدی هارونیـــده انصاف ومـروتدن اثر گورمیوب دهریده عمرونده عطوفتدن اثر قویمـــادی گلشن عمرومده لطافـــتدن اثر قالمـــــوری شرحـــه توانیــم گل آنا یا زهرا           گل  منیم   قیدیمه آل ‌          باری سن گوگلومی آل غریبم من = غریبم من غریبم من رنج زندانی منه آرتیروب اول شوم وعنید اولـدی مامور ستم سند جفـــاکار و پلید بوغــریب وطنین دردوغمین ائتدی مزید اوج ائــدوب دادو امانیـم گل آنا یا زهرا            گل  منیم  قیدیمه  قال             باری سن گوگبومی آل غریبم من = غریبم من = غریبم من سند بی شرمین الیندن گونوزوم شام اولدی ویردی غیظیله یوزومدن گوزومه قان دولدی ائلـــه بیرظــــلم ایلیوبـدی گل عمروم سولدی یشتـــوب فصـــل خــــزانیم گل آنا یا زهرا ‌    ‌      گل منیم  قیدیمه  قال           باری سن گوگلومی آل غریبم من = غریبم من  = غریبم قعـــرزندانیـــده اولــدی منه مونس آهیم یاندورب قلبیمی دشمن پوزولوبدور جاهیم دوزموشم هـــرغمه عالیمــــدی بونا اللهیم چوخ اولـــوب درد گــرانیم گل آنایا یازهرا

* مناجات امام کاظم(ع) در زندان * فارسی - آذری الهی خلوتی در راز دارم بزندان سوزدارم سازدارم گرفتار قفس شد مرغ روحم هوای گلشن و پرواز دارم تاپیلماز دردیمه درمان و چاره خزاندا حسرتم بیرده بهاره منی بیرحاله سالدی سند کافر گجم قاره گونوم اونناندا قاره شده یارب بدین زندان هارون شب وروزم سیه حالم پریشون مگرمرگ آیدو این جسم زارم کشد ازکنج این زندان بیرون غریبم حالیمه بیگانه آغلار کوزلمیش اود دل سوزانه آغلار دانیشسامن چکن هجرانیدن شمع پروبالی یانان پروانه آغلار غریبم ناتوانم دستگیرم بدست سندی شاهک اسیرم بزیر تازیانه بی قرارم خدایا کن خلاصم تا بمیرم قوجابیرسیدم افتاده یارب کیمیم واردورگله امداده یارب گوزوم یولدا بو آخر ساعتیمده گله اوغلوم رضا بغداده یارب وجودیم آزقالوبدور جانه گلسون غمیمده کلک غم افغانه گلسون خبر وئر ای صبا ملک حجازه ننم زهرا باری زندانه گلسون دئنن یا فاطمه تزگل آماندور ئولورمحبسده اوغلون باغریقاندور گل آهسته گلنده چونکه اوغلون سینان پهلولروندن ناگراندور #استاد نادر بابای

آغلارم شام و سحر سبط پیمبر حالینه جان ویرن زندانیده موسی بن جعفر حالینه   آهیله دل داغلارام    غصه دن قان آغلارام   بولمورم بو سرورین هانسی غمین تعداد ایدوم گوز یاشین رخساره جاری چون شط بغداد ایدوم ذلتین یاد ایلیوم یا غربتیندن داد ایدوم بیر یانار اوددی باخاندا اول شهین هر حالینه   بسکه چکدی گوشۀ زندانیده بی حد بلا اولدی بیر نوعی ضعیف اول سرور ملک وفا یل دگنده میل ایدردی گه صاقا گاهی صولا حالتی تشبیهیدی برگ گل تر حالینه   گورمیوب عالمده هرگز بیله غربت بیر غریب چکمیوب موسی بن جعفر تک مصیبت بر غریب یوخ سراقیم چکماقا بر بیله ذلت برغریب بیله غربت هیچ کیمون اولموب مُقدَّرحالینه   گوشۀ زندانیده اون یدی ایل شام و سحر بو غریبون آلمادی بیر کیمسنه حالین خبر نه گلن نه بیر گیدن زنجیریده خونین جگر بیله دور بالله باخان اولماز غریبلر حالینه   ایتمدی هارون بو قدری جور و ظلمه اکتفا بیر نچه دانه رطبده گوندروب زهر جفا قالدی مجبور ایلدی میل اول امام ماسوا یاندی قلبی اول شهین یاندی ملکلر حالینه   زهریله مسموم اولوب خیلی پریشان حالیله جان ویروب اوچگون جنازه قالدی بو منوالیله گلدی اوچ گوندن صورا بیر تخته دوت حمّالیله بیله تشییعی اولونموب هیچ ئولنلر حالینه   ائتدی تشییع جنازه اول شهی چون دوت نفر تا او احواله سلیمان ایتدی قصریندن نظر اوز غلامین ایتدی احضار آلدی احوالی خبر کیمدی بو بیکس بو گون باخموبدی کسلر حالینه   اولدی تعجیل تمامیله غلام اول دم روان بولدی احوالی گلوب تفصیلیله قیلدی بیان باشینه ووردی سلیمان ایتدی فریاد و فغان آغلادی اول بیکس و بی یار و یاور حالینه   گلدی قصریندن ویروب غسل ایتدی پر قیمت کفن ایستیوب اوز اهل بیتین سویلدی با صد محن بو غریبه آغلیون بیر اوخشیون فریادیلن یوخ یانیندا آغلیا باجی برادر حالینه   واریری بو غصه دن یکسر گوگوللر قان اولا حشره دین نوحه سرا بو عالم امکان اولا عالمون جانی حسینون جاننه قربان اولا هیچ کیمون حالی قیاس اولماز او سرور حالینه   اولمادی کرب و بلاده کیمسه عاشورا گونی غسل ویرسون دفن قیلسین کربلا مظلومینی جای اینکه قویماسونلا بی کفن گل جسمینی سویدی رختین یانمادی قوم ستمگر حالینه   یا حسین بو ایل (شهاب) اون یدی ایلدی هو چکر درگهون ایلوب طلب درویش تک شام وسحر قیل بو جمعین سایه سینده بو حقیره بیر نظر گاه گاه ایلر نظر شهلر گدالر حالینه    مرحوم شهاب تبریزی منبع مجموعه کانالهای مدح و مرثیه