‍ روضه حضرت علی اصغر(ع) ظهرعاشوراکمکسیز قالدی شاهنشاه دین کوفه نین ارزلری آلدی او شاهین دوره سین مرکز میدانیده تا سسلدی هل من معین عرصده گهواره تک ویردی او سس لنگر یره ناگهان گهواره دن آتدی ئوزون اصغر یره یعنی روشندی منه قلبینده کی رازین بابا غم یمه گرچه ئولوب سردار ممتازین بابا خیمه لرده وار هله بیر خردا سربازین بابا فیض بزم کربلادن قوی ربابین قالماسون باشینی زهرا حضورینده اشاقه سالماسون بی کمک شاهه یتیردی سوزلرین ایمائیله تشنه قربانین چاتوبدی آلتی آیی کامله عرصه گهده اوخ سنه ساری آتاندا حرمله آلسان آغوشه اقلا بیر سپر اولام سنه بیر اوخون حتی قاباقون ساخلاسام بسدور منه سوز یتیشدی نقطه حساسه یا صاحب زمان چلیه قویدی سه پر اوخ سنگدل بیر اوخ آتان اوخ کماندان چخجاقین ایتدی حسین قدین کمان صید اولان قوش مثلی چالدی الرین عطشان بالا گوزلرین یومدی حسین سسلندی بیر یول جان بالا سپدی خون اصغری عرش معظم سمتینه اشکی گوزده غم انیسی دوندی همدم سمتینه قویدی بوینون چینینه هی باخدی علقم سمتینه یعنی قلبیم سوز غمدن یاندی قارداش هارداسان الریم اوسته بالام اوخلاندی قارداش هارداسان @Hazrate_Abalfazll

✅ وداع حضرت اباعبدالله الحسين علیه السلام نوحه وداع (نوحه شماره ۸۱) ای عزیزیم گئتمه دایان دور زینبی ترک ائتمه دایان ای یاور قرآن دور اماندی گویلومی آل گل قوللاروی بوینوما سال زینب سنه قربان بیر رحم ائله قارداش گئتمه بئله قارداش اشک تر زینب دوندی سئله قارداش منی سالموسان نظردن گئدوسن بو خیمه لردن ائدیرم دعا که سالم گله سن حسین سفردن ابی عبدالله حسینجان(۴) باخ حرملر ناله سینه قیزلارین حسین وای سسینه رحم ایله اماندی بئله یالقیز گئتمگوه تنها بیزی ترک ائتمگوه زینب نگراندی ای حاصل زینب زیبا گل زینب دور سنله سؤزوم وار بند دل زینب گیدوسن بو یولدا من سیز نئدرم جهاندا سن سیر ئولرم بو یئرده قالسا بدنین اگر کفنسیز ابی عبدالله حسینجان(۴) باشین اوسته پروانه زینبدی دگول بیگانه زهرای زماندی وئرور عطر گل دهنون اگنیندن گیین پیرهنون زهرا توخیاندی یار اوجا قامت قامت نه قیامت اگنینده گؤزلدی بو رخت شهادت هامی قلبیمون قراری منیم عمرمون بهاری منه مژده عزادی آنامین بو یادگاری ابی عبدالله حسینجان(۴) گیدیب الدن عباسیم اول دلبر با احساسیم دردینده غمینم سنه آغلور هم قیزلار هم خیمه ده قارداشسیزلار هم نازلی سکینم سسلور منی بابا قویما بئله تنها ائتمه بو گئدیشده گؤزیاشیمی دریا بورا نینوادی بابا ئوزی پر بلادی بابا منی گل یتیمه قویما سنه جان فدادی بابا ابی @Hazrate_Abalfazll

✅ قتلگاه حضرت اباعبدالله الحسين علیه السلام نوحه قتلگاه (نوحه شماره ۸۲) حسینیم وای. نور عینیم وای منیم مظلوم. قارداشیم لایلای وجودین قان پیکرین قاندور قهرمان قارداش سسیمه سس وئر وفالی یاریم اویان قارداش ئورک‌دردین بیلمیشم قارداش باشون اوسته گلمیشم قارداش بو دنیانی نیلیرم سن سیز اینان منده ئولموشم قارداش فلک سالدی باشیمه قاره قالدیم آواره دور ایله بو بی کسین قارداش دردینه چاره سینون اوستونده یاران چوخدی ندن جسمون سربسر اوخدی علمدارین یوخ کنارینده قالوبسان تک قارداشین یوخدی باجون ئولسون پیکرینده قارداش یاران واردی سینونده اوخ یاره سیندن چوخ داش یاران واردی باجون زینب دویمادی سندن سالوبلا آیری سنی مندن آخور قارداش حنجریندن قان کسوب قاتل باشوی تندن باشون یوخدور تا ئوپم عطشان لبلرین قارداش اجازه وئر من ئوپوم قانلی حنجرین قارداش سالوبلا تپراقه قرآنی منه سس ویر سن آنام جانی رقیوه نه دیوم قارداش سوروشسا عمه بابام هانی باجون قارداشسیز رقیون آخر یتیم اولدی اوغولسوز قارداشسیز عالمده عترتیم اولدی @Hazrate_Abalfazll

✅ شام غريبان حضرت اباعبدالله الحسين علیه السلام نوحه شام غریبان (نوحه شماره ۸۳) سبک .... آی گویده کی اولدوزلار مهپاره ننم ئولدی ..... یاندیم آنا یا زهرا گل شام غریبانه عباس عوضی باش چک بو جمع پریشانه گل گور نجه عالمدی سرگشته و حیرانم قلبیم آلیشیر والله خیمم کیمی سوزانم من بو گجه بو باشسیز اخیامه نگهبانم نیلیم کسیلوب چاره غملر گتیروب جانه گؤرسن آنا اخیامی قلبین آلیشار والله غارت اولوب اسبابی آرامین آلار والله بو محفله باش چکسن باشیم اوجالار والله قربان ائدرم جانیم من سن کیمی مهمانه بو نصفی یانان خیمه غمخانه ماتمدی درد و غم و اندوهین اسبابی فراهمدی بزم محنین مجلس گردانی رقیمدی شوره گتیرور هر دم نسوانی بو دردانه حسرتلن آلور گاهی غم دیزلرین آغوشه گه غش ائدور آشفته قان رگده گلور جوشه سسلور باباوای آغلور هردم که گلور هوشه شمع رخ دلبرده کول اولدی بو پروانه قارداشلاریمی آلدی بو چرخ فلک مندن آه اوسته چکیب آهی غمدن یانارام دلدن عطرون آلیرام هر دم بو خوردا شیرن دیلدن بنذور سنه سیماسی اوخشو گؤزی مرجانه تا آی گؤزونی یومدی عاشورده گون چخدی گون شاخدی بلا یاغدی زینب ائوینی یخدی قارداشلاریمون دردی داغلی ئورگیم سخدی صبر ایستورم اللهدان درد و غم هجرانه @Hazrate_Abalfazll

در آرزوی کربلا ایستورم کربلا نصیبیم اولا من اولام عشق اولا حبیبیم اولا ایستورم دردیمی حسینه دییم فاطمه سویگولی طبیبیم اولا ایستورم کربلاده خیمه قورام آغلیوب عاشقانه سینه وورام خیمه گهده گؤزوم یتشین الییم الی قوینوندا تلون اوسته دورام ایستورم مقتل امامی گؤرم هرنه وار محنت تمامی گؤرم خاطریمده بلا گونی دولانا ظلم اوتوندا یانان خیامی گؤرم ایستورم کشتی نجات اوسته یاتمیام صبحه جک فرات اوسته آختاروب خیمه ی ربابی تاپام تا گؤرم اصغری قماط اوسته ایستورم عشق ناب رهبردن ذکر ائدم پیکر مطهردن دوغرانان نعشه بیر سلام ائلییم کام آلام شاهزاده اکبردن ایستورم اکبری خطاب ائلییم یاد ششماهه ی رباب ائلییم قاسمون حجله گاه عشقینده یوزومی اشکیلن خضاب ائلییم ایستورم شهر عشقه رشک آپارام گؤز دولی گؤزلریمده اشک آپارام یاد ایدم خجلت ابالفضلی بیر اوجا پرچمیله مشک آپارام ایستورم ابر غصه مثلی شاخام نهر تک سو اولوب خیامه آخام منده عطشان بالالارین مثلی ایچمیم سو فقط فراته باخام ایستورم ره‍بریم ئولن یئرده پیکر بی سری دوشن یئرده یوز قویوب تپراقا بیر آز سورونم ساربان اللرین کسن یئرده ای خدا سن منه عطا ائده سن لطف ائدوب حاجتیم روا ائده سن نه اولار قانلی لبلره خاطر زائر دشت کربلا ائده سن @Hazrate_Abalfazll

✅ شام غريبان نوحه شام غریبان (نوحه شماره ۸۴) 📢 مداحان بزرگوار در سبکهای مختلف میتوانند این نوحه را بخوانند بو گجه شام غریباندی حسین زینبین حالی پریشاندی حسین قاریشوب خون دلیم گؤز یاشیما یغمیشام اهل و عیالین باشیما آغلورام الده ئولن قارداشیما منه هنگامه هجراندی حسین زینبین نصفی یانان خیمه سی وار هیئتینده آقا وای ناله سی وار هره نین بیر غمی بیر غصه سی وار بو نه عالم بو نه افغاندی حسین هر گجه ای شه گردون خدمه پاسبانیدی ابالفضل حرمه دئنن عباسه او صاحب علمه باجون اخیامه نگهباندی حسین یا اخی انت ذبیحا بقفا و انا العالم بالسر خفا ائتمیشم عهدیمه شایسته وفا زینبین نهضته قرباندی حسین گلمیشیدیم بو گجه مقتلوه دل آلیشدی گؤزلیم مشعلوه دی نه گلمیشدی حسینیم الوه ساربان دوز چؤرگی داندی حسین باغبان دوشسه چمندن اوزاقا ابر غم غملی گلستانه شاخا یتیشر آفت او افسرده باغا مونسی خار مغیلاندی حسین او باغا بنذیور الان چمنین شمع یوخ غصه لیدی انجمنین غارته گئتدی اخا پیرهنین خیمه لر نار غمه یاندی حسین آغلیور خیمه ده اصغر آناسی گئدیب الدن سووا حسرت بالاسی اینجیدور سینه ده درناق یاراسی صود امر جیرانی اوخلاندی حسین بو گجه صبحه کیمین یاتمیاجاق گؤزونون یاشین اوجوز ساتمیاجاق بئله بیللم داخی آی باتمیاجاق آی ربابیله نواخواندی حسین یا حسین منده سنه آغلیارام آغلیوب دردوه دل داغلیارام باشیمه باش قاراوی باغلیارام چشم (معروف) در افشاندی حسین @Hazrate_Abalfazll

نوحه دفن شهدا (نوحه شماره ۸۵) قبیله ی بنی اسد منه حمایت ایلیون امامین اوغلونا کمک بو غملی ساعت ایلیون اگر چه کوفیه گئدن زماندا من اسیریدیم امامین ئولدورنلرین الینده دستگیریدیم بو گونده لیک حامل وظیفه خطیریدیم خدای حیین امرینه گلون اطاعت ایلیون مقرر اولدی من گلوب آتامی دفن ائدوب گئدم شبیه جدی اکبری مزارینه قویوب گئدم بوغازی یاره اصغره دویونجا آغلیوب گئدم گلون عزالیام منیم غمیمده شرکت ایلیون بنی امیه نین یالان جلالینه اینانمیون غریب آشنا منم منی غریبه سانمیون بو امر کفن و دفنده قصور ائدوب دایانمیون بو غمکش زمانه نین سؤزون اجابت ایلیون اگر چه ناشناسدور سیزه چوخی ئولنلرین نشان وئروم آدین دیوم بو بی نشان بدنلرین اماندی حاضر ایلیون ئولنلرین کفنلرین اصول شرعی من دیوم سیز استجابت ایلیون بو یئرده کی بدنلرین بیر عالی امتیازی وار باخون بو جسم بی سره هویت حجازی وار آتام حسیندی دفن ائدم یقین کفن نیازی وار حصیر پاره اولسادا گئنه قناعت ایلیون تدارک اولدی بیر لحد قویوبلا جسم بی سری ایاق طرفده دفن ائدیب جوان علی اکبری قویوب آتا قوجاقینه او شیرخواره اصغری بویوردی قارداشیم آتام سیز استراحت ایلیون گؤرن زمان عموسینون او پاره پاره پیکرین سلام ائدوب بویوردی بس عمو هایاندا اللرین غرض او سرو قامته قازیلدی قبر بی قرین بو دردی هر کتابده یازیب حکایت ایلیون آقام حسین صفالیدی صفالی کربلاسی وار مزاری آلتی گوشه دی نمای دلرباسی وار گئجه گونوز او صحن ده حسین حسین صداسی وار او مرقد مطهری گئدون زیارت ایلیون @Hazrate_Abalfazll

شماره ۸۵

✅ كوچ از قتلگاه نوحه کوچ از قتلگاه (نوحه شماره ۸۶) سبک ... دوشوب عجب قرا گونه .... دور ای بلالر عاشقی بلالی زینبون گئدور دالیمجا وئر اذان حسین وفالی زینبون گئدور بو لطف لایزالدور که من حسینه خواهرم امام عشقسن سنه همیشه یار و یاورم دیار شامه عازمم ولی شکسته خاطرم فراقه دؤندی عاقبت وصالی زینبون گئدور قطاریمی چکور عدو بو گونده شام و کوفیه اجازه وئرمیور سنه باجون ئورک سؤزون دیه ارداه پیکرین قالیب باشون بدنده یوخ نیه بدندن ای دوشن باشی آرالی زینبون گئدور نیازه ال آچان بشر همیشه اهل راز اولار امامین ئولدورر مگر او کس که بانماز اولار عیاندی دفن اولان زمان سنه کفن نیاز اولار حصیره اکتفا ائله یارالی زینبون گئدور جوار ماه حسنوه بیر آسمان ستاره وار ستاره لر قدر حسین سنون سینونده یاره وار نه چاره ایلیوم مگر منیم الیمده چاره وار فدا کسوک بوغازووه حیالی زینبون گئدور بلا چولونده ای خدا چکوبدی چوخ بلا باشیم قرا باشیمدا دائما غم اولدی یار و یولداشیم ئولونجه من عزالیام ئولوبدی یدی قارداشیم بو باره دن کدر اولان خیالی زینبون گئدور یاریم گون عرضی غصه دن هلاله دوندی قامتیم و لی آزالمادی اخا سنه اولان ارادتیم حسین هاچان یتر باشا بو شرح بی نهایتیم یاواش یاواش زمانه ده جلالی زینبون گئدور وداع آخر ایستورم جهانی داغلیام گئدم ئوپم کسوک بوغازوی یاراوی باغلیام گئدم اگر که وئرسه لر امان دویونجا آغلیام گئدم اقلی بیر تسلی وئر عزالی زینبون گئدور @Hazrate_Abalfazll

مدیحه سرای زیبا✅✅✅ 🎤حاج_حسن_جعفری_زاد 🌸🌺شب میلاد امام جواد(ع)و حضرت علی اصغر(ع)🌼🌹 🌷@Hazrate_Abalfazll🌷

🍃 آغاز پذیرش حوزه‌های علمیه خواهران سال تحصیلی ۱۴۰۱_۱۴۰۰🍃 📚پذیرش در مقاطع عمومی(سطح۲-کارشناسی) 🕰 زمان ثبت‌نام: ۲۵ بهمن‌ماه ۱۳۹۹ تا ۳۱ اردیبهشت ماه سال ۱۴۰۰ ⬅️جهت ثبت نام به پایگاه اینترنتی paziresh.whc.ir مراجعه نمایید و یا به مدرسه ریحانه النبی(س) به آدرس مارلیک فاز 3 مسجد خاتم الانبیاء(ص) حوزه علمیه ریحانه النبی(س) مراجعه نمایید. در این لینک زیر پاسخگوی سوالات شما هستیم👇🏻👇🏻 https://eitaa.com/joinchat/941686888Gfe37c3c8a0 🔺🔺🔺🔺🔺🔺🔺 تلفن تماس :02165197902 ┄┅┅❅ 💎❅┅┅┄ #فرارسیدن_نصرت_مولای_غریب #پذیرش_طلاب_خواهر #هر_طلبه_یک_داوطلب

🔹میلادیه حضرت امام جواد علیه السلام فرهاد فکری اردبیلی لطف ایلیوبدی حی تبارک میلاد مولا اولسون مبارک مولود زیبا بادا مبارک شاد اولدی زهرا بادا مبارک دنیایه گلدی زهرا نشانی نوری ایدوبدی روشن جهانی شاد ایلیوبدی قلب رضانی میلاد مولا اولسون مبارک مولود زیبا بادا مبارک شاد اولدی زهرا بادا مبارک نوری یایلدی یکسر فضایه زینت ویریلدی عرش خدایه الله عنایت ایتدی رضایه میلاد مولا اولسون مبارک مولود زیبا بادا مبارک شاد اولدی زهرا بادا مبارک سنسیز جهانه بیگانیم من عشقونده مولا دیوانیم من سن شمع حق وپروانیم من میلاد مولا اولسون مبارک مولود زیبا بادا مبارک شاد اولدی زهرا بادا مبارک من درگهونده بیر بینوایم محتاج عفو و لطف و عطایم سن تاجدار و من بیر گدایم میلاد مولا اولسون مبارک مولود زیبا بادا مبارک شاد اولدی زهرا بادا مبارک ای یر یوزونده حقدن نشانه آدون دیلیمده اولموش بهانه کرب وبلانی ویر عیدیانه میلاد مولا اولسون مبارک مولود زیبا بادا مبارک شاد اولدی زهرا بادا مبارک عالمده اولسا دردون زیاده قالسون کمند رنج و بلاده یاز بیر عریضه گوندر جواده میلاد مولا اولسون مبارک مولود زیبا بادا مبارک شاد اولدی زهرا بادا مبارک

میلادیه امام جواد (ع) . . رمضانی_خاکی مژده ای دل یتشوب موسم شادی اوجالوب تهنیته صوت منادی قادر آلله آقامیز امام رضایه هدیه ای اهل ولا وئردی جوادی . گلدی نور حق ظهوره عالم غرق اولوب سروره . اولسون مقدمی مبارک (2) . بوگجه شادی ائدور گویده مللکر بزنوب نور جوادیله فلکلر اولوب ای شیعه غم و غصه فراموش گنه شوریله دولوب غملی اورکلر . یاران چاتدی روز میلاد قلب ماسوا اولوب شاد اولسون مقدمی مبارک (2) . یوخ گوزلیکده بو دنیاده مثالی گوزی شهلادی ایکی قاشی هلالی کیم باخیب گل یوزونه سسلدی بی شک کشور حسنه بو شهزاده دی والی . بنذور غنچی یه دوداقی اوخشور لالی یه یایاقی . اولسون مقدمی مبارک (2) . قد رعناسی بونون سرو رواندی کنز جودو شرفه در گراندی پسر فاطمه نون گل قدمیندن شهر یثرب بو گجه رشک جناندی . تبریک خلق عالمینه اوخشور جنته مدینه . اولسون مقدمی مبارک (2) . بو همان لاله ی گلزار فدکدی خوان احسان و کراماته نمکدی قاپیسیندا ال آچوب حاتم تایی قسم اولسون آدینا جودیده تکدی . حقه عبد محترم دی خلقه شاه محتشم دی . اولسون مقدمی مبارک (2)

آتالار ... 🍃🌹✨🌿🍃🌹✨🌿 #رمضانی_خاکی . گوهر کنز محبتدی بو یورقون آتالار مشعل خانه ی الفتدی بو یورقون آتالار باشیمیزدان بولارین کسمه خدا سایه لرین بیزه دنیا بویی نعمتدی بو یورقون آتالار اورگه تاب و توان، نورو ضیا گوزلروه جسمه جان، دیزلره طاقتدی بو یورقون آتالار هرکیمون یوخدی آتاسی ائوینین رونقی یوخ مایه مجدو مسرتدی بو یورقون آتالار پینه لی اللرین ئوپ جنته آل اذن دخول شافع روز قیامتدی بو یورقون آتالار حشریدن خوف ائلمه خاکی آتون اولسا رضا چونکه محشرده کفایتدی بو یورقون آتالار سالما آلله اولاری آیری حسینن ، بیزه چون هیئته گئتمگی اورگتدی بو یورقون آتالار

میلادیه حضرت علی (ع) #فارسی_ترکی . . . سبک : نامهربانی (سرهنگ زاده ) در آواز دشتی . #مصیبی_تبریزی . #فارسی . امشب ز عرش – خدا ریزد ستاره دلم شد پاره پاره قلب خلایق – ز شادی بی قراره دلم شد پاره پاره پیک امین پر زد صوت جلی آمد بر فرشیان مژده مولا علی آمد این جشن میلاد – به یاران تهنیت باد ((بگو بادا مبارک)) شاه ولا را – خدا بر شیعیان داد ((بگو بادا مبارک)) مرغ دل امشب – شهپر گرفته از دست ساقی – ساغر گرفته این دل درِ حیدر زند هی در زند ، هی در زند این جشن میلاد – به یاران تهنیت باد ((بگو بادا مبارک)) شاه ولا را – خدا بر شیعیان داد ((بگو بادا مبارک)) . . #ترکی . . مست اولدی شیعه ولایت باده سیندن صفا سجاده سیندن شیعه ال ئوزمز نجف شهزاده سیندن صفا سجاده سیندن شمس الضحی گلدی بَدرُ الدّجی گلدی نخجیر جانانه شیر خدا گلدی میلاد حیدر – دئیون؛اولسون مبارک دئیون؛اولسون مبارک باریتعالی – اونی خلق ایلیوب تک دئیون؛اولسون مبارک مولانین آدی – درده دوادی مشکلده قالسان – مشکل گشادی باش اگمرم بیگانیه گللّم بو داروخانیه میلاد حیدر – دئیون؛اولسون مبارک دئیون؛اولسون مبارک باریتعالی – اونی خلق ایلیوب تک دئیون؛اولسون مبارک . #سبک_نامهربانی @Asheghane_hazrat_zeynab

میلادیه حضرت امیرالمومنین (ع) . . کربلایی محمدرضامحمدی( ناعم ) . ویرخبرساقیه پیمانه گتورسون عشق ایدوبدورمنی دیوانه گتورسون گلدی سلطان شرف..دللره دولدی شعف جان علی جان جان علی جانم علی جان علی جانم علی جان علی جان . . . . کعبه ده آچدی گوزحیدرجهانه تهنیت محضرصاحب زمانه لطف ایدوب حی جلی..گلدی دنیایه علی جان علی جان . . . . آلدی آغوشه ... .

مدح و میلادیه حضرت امیرالمومنین (ع) . . مرحوم #تائب_تبریزی . بیت حقدن گلوب ، عالمه مرتضا کعبه نی دولدوروب ، نور وجه خدا . مرحبا مرحبا مرحبا مرحبا گلدی بو عالمه مظهر هل اتی . . . . تا قدم کعبیه ، قویدی شاه نجف دُندی بیت خدا ، اولدی بیت الشرّف سر بسر عالمی ، دوتدی شور و شعف بزم شادی قوروب ، یکسر اهل سما . مرحبا ... . . . . کنز پنهانیدی ، گوله بیت الحرام آلدی بو گوهری ، تاپدی عالی مقام اولدی آدی عَلم ، دهرده مُستدام فاطمه چون صدف ، گوهری مرتضا . مرحبا ... . . . . ملک لاهوتده ، بیر ایشیق آفتاب مُلک ناسوتده ، مُشتَهَر بو تراب تَم سَلونی دیَن ، اُزی اُمّ الکتاب مَکَّه بو فخریله ، اولدی اُمّ القُری . مرحبا ... . . . . رشگ طوبا اولان ...

میلادیه حضرت علی (ع) #فارسی_ترکی . . . سبک : نامهربانی (سرهنگ زاده ) در آواز دشتی . #مصیبی_تبریزی . #فارسی . امشب ز عرش – خدا ریزد ستاره دلم شد پاره پاره قلب خلایق – ز شادی بی قراره دلم شد پاره پاره پیک امین پر زد صوت جلی آمد بر فرشیان مژده مولا علی آمد این جشن میلاد – به یاران تهنیت باد ((بگو بادا مبارک)) شاه ولا را – خدا بر شیعیان داد ((بگو بادا مبارک)) مرغ دل امشب – شهپر گرفته از دست ساقی – ساغر گرفته این دل درِ حیدر زند هی در زند ، هی در زند این جشن میلاد – به یاران تهنیت باد ((بگو بادا مبارک)) شاه ولا را – خدا بر شیعیان داد ((بگو بادا مبارک)) . . #ترکی . . مست اولدی شیعه ولایت باده سیندن صفا سجاده سیندن شیعه ال ئوزمز نجف شهزاده سیندن صفا سجاده سیندن شمس الضحی گلدی بَدرُ الدّجی گلدی نخجیر جانانه شیر خدا گلدی میلاد حیدر – دئیون؛اولسون مبارک دئیون؛اولسون مبارک باریتعالی – اونی خلق ایلیوب تک دئیون؛اولسون مبارک مولانین آدی – درده دوادی مشکلده قالسان – مشکل گشادی باش اگمرم بیگانیه گللّم بو داروخانیه میلاد حیدر – دئیون؛اولسون مبارک دئیون؛اولسون مبارک باریتعالی – اونی خلق ایلیوب تک دئیون؛اولسون مبارک . #سبک_نامهربانی ( برای مشاهده سایر متن ها در این سبک روی هشتک #سبک_نامهربانی کلیک کنید )