‍ طشت گذاری دولانین طشت عزانین باشینا فاطمه مشتریدی گؤزیاشینا آغلیون تشنه فرات اوستونده آقامین الده ئولن قارداشینا جان فدا عرصه ده تنها آقاما آغلیور نهریله دریا آقاما مشکه باخدوقجا دیون یا سقا مشک شرمنده دی عباس آقاما آقاما خیمه یولون باغلادیلار ئورگین تیر غمه داغلادیلار ائشیدن وقتده سوسوز ئولمگینی تشنه لر حالینه قان آغلادیلار ساخلیون مد نظر محنتوزی یقین عباس بیلر نیتوزی منصبی باب الحوایج آقادی تئز برآورده ائدر حاجتوزی شعر از عباسی ممعروفان

‍ ‍ #حضرت مسلم #گریز به حضرت #ابوالفضل علیه السلام مسلمم من سفیر حسینم بیشه حقده شیر حسینم اهل کوفه کمنده سالوبلار قاچمارام من اسیر حسینم ای منیم سروریم یا حسین گل حجت داوریم یاحسین گل بی وفالر منی ئولدورولر یولدادی گوزلریم یاحسین گل گلمسن مسلمه کیم ویرر سس قالمشام کوفه شهرینده بی کس گردنیم قالدی جلاد الینده ای باشیم صاحبی هارداسان گل عاشق خسته دلداری سسلر بی قرارم دلیم یاری سسلر مسلم بن عقیل عاشقانه جان ویرنده علمداری سسلر آی منیم یاوریم آی ابوالفضل قالمشام من غریب آی ابوالفضل مسلمی قبلیه دوندرن یوخ باشیوه گل دولانم ابوالفضل (اوچ نفرین جنازه سین اوجایردن یخدلار یره، بیری امام جواد علیه السلامدی راوی دییر کوچه دن رد اولوردم گوردوم دامن اوستوندن بیر عده قوش انیر قالخیر کنیز دن خبرآلدم اودامدا نخبروار جواب ویردی مگر خبرین یوخدی فاطمه بالاسنین جنازه سی گون قاباقندا قالب ملعونه همسری زهر ویرمیشدی جنازسین قویموشدی دامن اوستونده اله کی بولدی مردم خبردار اولدولار امام جوادن جنازه سین دامن اوستوندن آتدی یره ایکمجی جنازه جناب مسلمون جنازه سیدی دارالعماره نین اوستونده اول باشین بدنینن آیردلار آتدلار یره دالسیجا جنازه نی آتدیلار یره اوچومونجی جنازه کیمیدی) گوردی باش آچخ قولسوز آتدان یخلیر سقا تاب ایتمدی بو حاله خاتون بهشت آرا رد اولجاق آت اوستوندن عباسی دوتوب زهرا گلدی عباس آدی سو صحبتی یاندی اورگیم گوزده حی جلوه لنوب کرب وبلا میدانی گوردی عباسی باسوب باغرنا اسلام علمین مشکی ساقدی هله ایستیر چخا نخلستانی چخدی امانجه چخماق نه صاق ال وار نه صول ال نجه چخسون هارا گیتسون یارادی هریانی حرمله ایتدی کمین گوردی عجب فرصتدی اوخلارینان سچیب اوچ شعبه لی بیر پیکانی سجده آثاری اولان آنی نشانه دوتدی گوردی نه واردی حریفین الی نه قلخانی اوخ دیوب قالدی هدفده یازیرام یازهرا سن کی اوردیدون ئورون گورموسن اول بحرانی ال اگر اولسا مین اوخ دیسه ده انسان چخادار ال اگر اولماسا بیر اوخدا یخار انسانی گوردولر ام بنین اوغلونی مشکلده قالوب اشک آخور مشکه باخور ضعف دوتوب اعضانی ایکی دیز دوتدی اوخی باشینه ویردی حرکت دوشدی عمامه عیان اولدی سر عریانی گور سپرسیز باشا نیلر دیه بیر آهن عمود قالدی بیر حاله دولوب گوزلرزنه القانی یل اسوب گوزلرینین قانینی پرچم سیلدی گوردی مشکینده سویوخدی اوجالوب افغانی دیدی گل سیدی شرمنده علمداریوی تاپ یخلدی سقا یره باش یارالی قان گلور اوسسلنور یاحسین داده اوخ وران گلور یاحسین یاحسین گل هرایه هارداسان گلدی زهرا ننم کربلایه هارداسان گوزل آقام ئوز آقام واراورکده سوز آقام من سنسیز دوزنمیرم سن بودرده دوز آقام حیدر اوپن الره دوشمن وردی گوز آقام آختاریردیم بوحالی هرگئجه گوندوز آقام وای منه وای منه وای ربابه وای منه گل یولون گوزلورم گوزلریم قربان سنه #سبک بانوای استاد سید محمد عاملی

غدیریه حاج رضا محمدی شه زمین و آسماندی حیدر امام خیل انس و جاندی .حیدر نه قدرتیم وارسسلرم بو..ذکری فقط امیرالمومناندی..حیدر سپهرغیرت ماهیدور..........علی تمام شاهلار شاهیدور.......... علی علیدی اعلاء علیدی مولا علیدی آقا- یاحیدر حیدرعشقیمه هدفدی حیدر منبع شرفدی حیدر خسرو نجفدی امیرخیبر یاعلی یاعلی علی اعلا یاعلی یاعلی حیدرحق ستاندی حیدر حیدرقهرماندی حیدر ٢ منیم آقام دنیاده بی مثلدی بوتکسوار عرصه ی جدلدی جمالین الله بیله خلق ائدوب کی هامی گوزللردن اقام گوزلدی دولوب جهانه یبله زمزمه علی اولوبدی سرور عالمه هامی ملکر ، دیولله یکسر امیر خیبر ، یاحیدر حیدر شاه لافتادی حیدر فخر اوصیادی حیدر شیعه لر آقاسی حیدر آدوون فداسی حیدر گوزلرون قاداسی امیرخیبریاعلی علی حیدر.......................٢ سبک با صدای کربلایی محراب سلیمانی ⬇️

بیابانیدی پهناور یوخیدی مسکن آثاری شجاعت حضرت ابوالفضل(ع) سال ۵۴ حاج #سلیم موذن زاده

استاد حاج غلامرضا عینی فرد زنجانی 🔊 طشت گذاری سال ۷۶

باسلام شعر جدید زبانحال حضرت رباب در شهادت حضرت علی اصغر علیه السلام به سبک لای لای ای جبهه لرین لای لای ای اوچ گونون عطشانی علی جان بالا لای لای آغلادان مادر نالانی علی جان بالا لای لای            آناوی درده سالوبسان              نجه خوش ایندی یاتوبسان 2بار علی جان چوخ سوزوم حسرتله ئورگیمده قالوبدی تشنه لب ئولماقین اود جان شرر باره سالوبدی دیزیمین طاقتینی درد وغمین آلدن آلوبدی درک ائدن جنت العلانی علی جان بالا لای لای            یات بالا جان سنه قربان            خسته و تشنه وئرن جان 2بار آلتی آی زحمتیوی چکدیم اوغول منده سنین سالدی دیلدن آناوی ائندی علی درده و غمین ئولدورر درد فراقین آناوی ائندی یقین غصه سی آغلادان اعدانی علی جان بالا لای لای        گون کیمی صولدون علی جان            سن منی یوردون علی جان 2بار بیلمزیدیم علی بیر گون سنی گون تک باتاجاقسان عالمی باشدان آتوب قبریده یورقون یاتاجاقسان تشنه لب قانه باتوب سن منی گوزدن آتا جاقسان یاندران غملری زهرانی علی جان بالا لای لای         اکبر  قاسیمه یولداش         حالیوه آغلوری داغ داش 2بار آچمادون گوزلرین اوچ گون آناوی درده سالوبسان اوخ دگوب گولدون اوخا طاقتیمی آلدن آلوبسان ائله فکر ائتدون علی سن بالا جان یئرده قالوبسان اوج ائدن گویلره ای قانی علی جان بالا لای لای        قان اولا آب فراتی            قویدی لب تشنه بناتی 2بار سو کناریندن سوسوز جانیوی قربان ائلدون سن عشق و ایثاریوه بیل عالمی حیران ائلدون سن کربلاده علی جان عشقیده طوفان ائلدون سن آغلادان عالم و امکانی علی جان بالا لای لای          تاپادیم دردیوه درمان            اولموشام ائندی ئورک قان 2بار نه صودوم اولدی دوشمده نه ده سو تاپدیم علی جان اولمادی دردیوه چاره بالا جان اولدوم ئورک قان آرزوا چاتدون اوغول اولدون علی دینوه قربان داقلادون سینه ی سوزانی علی جان بالا لای لای            اوخ دیگوب گولدون اویاندون            تشنه لب قانه بویاندون 2بار سوسوز احوالیوه عالمده سنون شیعه لر آغلار   آل ایاق چالماقیوا گویده ملک دیده تر آغلار شأ نیوه نوحه یازار  «مهدی» ئورکدن ملر آغلار لای لای ای اوچ گونون عطشانی علی جان بالا لای لای       دشمنین چوخدی جفاسی           دردیمین یوخدی دواسی 2بار ملتمس دعا مهدی ملکی

باسلام شعر جدید شهادت حضرت ابوالفضل علیه السلام نوحه  به سبک‌ تا مشکتو تو آب زدی فراتین اوسته سیدی نفس دوشوب شماره گل آلوبدی دوریمی قوشون ویروبلا بس که یاره گل یولون گوزلر نوکرین مولا گل اماندی دوشوب قوللار پیکریم یکسر لاله قاندی الین گل چک باشیمه قارداش جان ویرم من یوبانسان قارداش منیم باشیم پارچالاندی                 حسین جان 4بار وروبلا   یاره باشیمه دا گورموری یولی گوزوم سنه فدا اولوم  آقا ئورکده قالدی چوخ سوزوم منیم قارداش مشکیم اوخلاندی اولدی دل قان سوسوز لاردان شرمسار اولدوم من حسینجان ایاقیندان گل ئوپوم بیرده ماه تابان دیزین اوسته باش یارالی تا من ویریم جان               حسین جان 4بار کنار نهریده آقا ئورک دوشوب فشاره گل یخلمشام یوز اوسته من یوخ ایندی الده چاره گل علم یاتدی قوللاریم دوشدی اشکبارم دیوب بیر اوخ مشکیمه قارداش بیقرارم قالوب یوللاردا گوزوم مولا گل اماندی دم آخر دیدیوه شاها  انتظارم حسین جان 4بار بو چولده منده ظالمه باش ایگمدیم آقا یقین دوشوبدی ایندی قولاریم اولام گرک فدای دین منه ووردی دل یاراسی بو قوم خونخوار یوخوم چاره قالموشام قارداش ایندی بی یار باتوب قانه اکبر و قاسم تک جوانلار منه یوخدی بیر نفر سنسیز یارو غمخوار              حسین جان 4بار ئوزون یتیش هرایمه یولوی گوزلورم سنین دولوبدی گوزلریمه قان ائدوبدی دشمنیم کمین غم هجرونده حسین سینه داغلارام من سنون حالیوه بو میداندا آغلارام من یانور قلبیم اصغره قارداش خیمه لرده گلینجه سن پرچمی قارداش ساخلارام من              حسین جان 4بار فرات اوسته یخلمشام گل ای وفالی قارداشیم بو چولده مشگیم اوخلانوب گوزومده واردی گوز یاشیم منیم ایستور باشیمی کسین قوم غدار سنی گل بیرده گوروم قارداش یارو دلدار گوزل قارداش گل گلن یوللاره فدایم علی اصغر دن اوتاندیم ای شاه ابرار            حسین جان 4بار بهار عمرومین گلی   خزانه دوندی قارداشیم وروبلا  آندیما بیر اوخ دونوبدی قانه گوز یاشیم سنین قارداش حرمتین بولار ساخلامازلار غمینده قارداش سنین سینه داغلامازلار ورالار اوخ قلب زاریندن ای یارالی یا ران بو چولده گلوب قارداش باغلامازلار               حسین جان 4بار ملتمس دعا مهدی ملکی

در فراق پدر سبک زیبا در فراق پدر دور بابا قبرون اوسته گلمیش آغلیان قیزلاروی دیندییر یاندورور هجرون شراری باقری قان قیزلاروی دیندیر آغلاروق _ هرگجه گونوز ئولمگوه آغلاروق _ بیز سنون غریب ئولمگوه(۲) گوزل بابام _مهربان بابام(۲) * نیلیوم یوخدی راه چاره قلبیمی سیخدی رنج و مُحنت التماس ایله کِردگاره باشه چاتسون غم و مصیبت آغلادیم _ روزگاریم ایوای دیدیم یاره لی _ گلعذاریم لایلای دیدیم(۲) گوزل بابام _ مهربان بابام(۲) * آی آتا سینم اوتلانوب گل فُرقتونده اورک یانوب گل دای ائوه چوخ گئدنمورم من چون یرون ائوده بوش قالوب گل باخورام _ بوش یریوه من آغلیورام آیرلیقدان _ سینمی من داغلیورام(۲) گوزل بابام _ مهربان بابام(۲)

🌷غزل درشأن شاهزاده على اكبر(ع)🌷 سالانداعشقیله یاده کونول سیمای حورانی نظرده جيلوه لنديرم جمال شبه طاهانی نجه نظمه چکم توصیف ایدیم شانیندبو بسدی چکر زیر سئواله. قامتی مین نخل طوبانى جمالی باج آلارگونن جلالی عرش اعظمنن چکرشمس الضحی خجلت گوره اول ماه تابانی قراکپریکلر اوخ قاشلارکمانی گوزلری شهلا سالاردام کمنده هرنگاهی مین مسیحی نی یانغلار لاله مثلی غنچه لبلر پستهٔ خندان ایچه شهدلبین کیم ترک ایدر شهدمصٌفانی ملکدور باغ جنّتدن گلیب دور دیرناسوته یِراوستونده بشرحاشاگوره مثلینده انسانی اولیدی مصریده بازاریوسف اوج ایدن وقته کمیدی اوندایوسف گورایده واله ذلیخانی اونی ويرميشدى خلاق جهان بوخلقته زینت کلیمُ الله گوره رخسارینی ترک ایتدی سینانی قراکپریک دگنده بیربیره چشم خُمار اوسته ایدردی جمله مجنون هرنگاهی اوندا لیلانی کمانی قاشلاری بیرجلوه ویرمشدی اومه رویه ایکی شهلاگوزون اطرافین آلمش قاره مژگانی جمال. انورینن . رد. اولاندا طرهٔ. افشان دیردون که بولودآلتدان چخوب اول ماه تابانی اونون نقشین چکیب نقاش معنا سن یازانصاری که دست خلقتین حاشا اولا نقشینده نقصانی التماس دعا

🏴 زبانحال حضرت امام حسین(ع) درشهادت حضرت ابوالفضل العباس علیه السلام خطاب به خواهرش حضرت زینب(س) ▪️نوحه ای بسیار سوزناک 🎼سبک: سن آغلوسان من دوزنمورم.. 🎼سبک : عم اوغلی چوخ گول سارالار... یخوبلار عباسیمی باجی الده قالمیوب چاره حرمده گئت آچ بو معجری باغلا باشیوه قاره . . . کناریوه ییغ حرملری ای بلاکش مغموم دئنن کی عباس با وفا دوشدی توپراقا مظلوم بیلون کی بوندان صورااولوب دای سویولماقیزمعلوم اسارتین ماجراسینی سویله تشنه قیزلاره . . . جفا اوخی قلبیمی دئمه دلمه دی باجی زینب چوخ ایستیوردوم او دم گوله گولمه دی باجی زینب دئدیم گئداخ خیمیه ئوزی گلمه دی باجی زینب دئدی یوزوم گلموری اولام روبه رو سوسوزلاره . . . بلالی میدانیدن باجی گل کی درد و غم گتدیم بیر اوخلانان مشک آبیلن قانلی بیرعلم گتدیم گورنده باشین یاراسینی قدّیم اولدی خم گتدیم نئدوبدی گور قوم کینه جو باوفا علمداره . . . چیخاندا جانی دیوردی کی غرق حسرتم قارداش دورانمورام من ایاقیوه بس جراحتم قارداش سو قولی وئردوم رقیه وه چوخ خجالتم قارداش دولوبدی قان مشک آبیمه ایش دوشوبدی دشواره . . . بوگون گلستان عشقیمین یاسی نی آلوب دشمن کمان کینیله قلبیمه تیر غم چالوب دشمن نه گوردوم عباسیمین باجی قوللارون سالوب دشمن همان او قوللار اولار شفیع حشریده عزاداره . . . عمود دشمن وروب باجی کاری بیر یارا باشه رقیّه مه خیمه لرده دی باغلاسون قرا باشه باجی داخی آز قالور چاتا غملی ماجرا باشه بو گوز بو قول بو یارالی باش عشق اولا خریداره . . . اونون یانان حالی زینبیم یاندیروب منی یاخدی دونوب منه آخرین نفس حسرتیله بیر باخدی صورا دان اولدوز کیمی باجی اوج شرمیدن آخدی چاتوب کمال شرافته عشق اولا بو سرداره . . . دوشنده توپراقه قارداشیم گلدی باشینه زهرا دئدی کی گل سینمه بالا قانلی سینه سی دریا حسینه قربان کسیلمیسن ائتدون عهدیوی ایفا وئروبدی باب الحوائجین رتبه سین علمداره . . . قیامت احوالی دور باجی بو بلالی میداندا دانوللار آللهین عترتین کوفیان بو دوراندا ایاقلانوب دین مصطفی دوغرانوبدی قرآندا ائدوبلر آل پیمبری کربلاده آواره . . . گئدوبدی الدن کمکلریم باخ عداوته زینب یتوبدی آزار کوفیان اوج شدته زینب سن اول مهیّا اسارته من شهادته زینب بو یول همان راه عشقیدور عشق اولا بو یوللاره ___________________

نوحه حضرت علی اصغر(ع) باتوبدی قانه گلوم مناده ، سولوب بهاریم دوباره زینب دیوبدی پیکان بالام ویروب جان ، سوزوبدی دلسیز ستاره زینب چکنده تیری بوغازین اوپدوم ، بویاندی قانه دلیم دوداقیم گوزون یوماندا وجودیم اسدی ، دیدیم یتیشدی غم فراقیم امیر ملک شهادتم من ، سالوبدی دیلدن منی زمانه قرا گیندیر ربابه زینب ، سوسوز بالاسی باتوبدی قانه باتوبدی قانه گلوم مناده ، سولوب بهاریم دوباره زینب دیوبدی پیکان بالام ویروب جان ، سوزوبدی دلسیز ستاره زینب

مرحوم #صراف_تبریزی . ای نور عینیم منزل مبارک بی کس حسینیم منزل مبارک . چوخ اشک چشمون بنزتمه سیله یاندوم منی گل یاندورما بیله دور بیر آناوا خوش گلدین ایله ای نور عینیم منزل مبارک . دیندیر منی من زهرا آنانم بو دینمه مکدن چوخ بد گمانم سن خانه صاحب من میهمانم ای نور عینیم منزل مبارک . باشوندی مشکوة آیات نوره مطبخ سرانی دؤندردی طوره خولی اوتانموب قویموش تنوره ای نور عینیم منزل مبارک . لازمدی یاتسون بلبل گول اوسته تا سایه سالسون گول بلبل اوسته دور سینمه گل یاتما کول اوسته ای نور عینیم منزل مبارک . کسمیشدیم ایندی قان ایچره یانون خشک ایلیردیم زلفمله قانون ناگه یتیشدی ئوز ساربانون ای نور عینیم منزل مبارک . ای پادشاه ملک مدینه اولدون نشانه شمشیر کینه سنسیز حسین بس نیلر سکینه ای نور عینیم منزل مبارک وجهی ندور بس اهلون آتوبسان چون اشک زینب قانه باتوبسان اکبر نولوبدور یالقوز یاتوبسان ای نور عینیم منزل مبارک . گؤردوم وئروب جان یئتمیش ایکی جان بیر آغلیان یوخ اولدوم پریشان گلدیم دوتام من شام غریبان ای نور عینیم منزل مبارک . گیرم داغیلدی جاه و جلالون تالانه گئتدی مال و منالون هاردا قالوب بس بیکس عیالون ای نور عینیم منزل مبارک . یوخسا چکوبسن گوندوز اذیّت ایندی اولوبسان بیر لحظه راحت دور یانما یاتماز اهل محبّت ای نور عینیم منزل مبارک . گلدون وجوده «صرّاف» عدمدن گئتمه کناره گل بزم غمدن قوی نوحه اولسون جاری قلمدن ای نور عینیم منزل مبارک . متن دیگر از مرحوم #ذلیل_تبریزی #ای_دل_شکسته_منزل_مبارک

بسم الله الرحمن الرحیم زمزمه ونوحه مقدمه ماه محرم سلام ای ماه محرم ، سلام ای اوقات ماتم سلام ای ماه حسینی،سلام ای ماه پرازغم سلام داور/سلام حیدر/ سلام کوثر/ به این ماه سلام اکبر/سلام اصغر/سلام نوکر/ به این ماه ای هستی زهرا ای دلبر مولا از هرکجا باشد برتو سلام ما جانم حسین جانم..... سلام ما بر بُرِیرَت ، سلام مابرزُهیرت سلام ما برتمامِ یَلانِ خَتمِ به خیرت سلام خاتم/سلام آدم/سلام عالم/ به این ماه سلامم هر دَم/ به توای جانَم/سلامی مُحکم /به این ماه ای جانفدای حق خونِ خدای حق صدهاسلام ازدل بر ماجرایِ حق جانم حسین جانم... سلام ای ماه پُرازفَضْل، سلام ای ماه پرازبَذل سلام ای ماهِ سعادت، سلام ای ماهِ ابالفضل سلامِ مذهب/ سلامِ مکتب/ سلام زینب/ به این ماه به یارب یارب/سلامم ازلب/سلامم هرشب/به این ماه ای با وفا یارم ماه شب تارم درمحشر و قبرم عشق تورا، دارم جانم حسین جانم.... "تایارکه راخواهدومیلش به که باشد" "التماس تفکر" ─┅─🌿◼️🌿─┅─ ✍سیدهادی موسوی نوشاد

#شعر ترکی غدیریه -(جام ولا گتور ساقی گلوب بهار )جام ولا گتور ساقی گلوب بهار 🍀🌼🍀🌼🍀🌼🍀 مولا علی اولوب بو گونده تاج دار عشقینده ایلیوب عاشق لرین خمار وار دور لیاقتی = اخلاص و همتی . بخ سنه علی اولدون حقه ولی هویا علی مدد مولا علی مدد . . . . وحی اولدی احمده ای ختم الانبیا افشا ایله بوله یر اهلی بر ملا سندن صورا علی رهبر گرک اولا تاپشورامانتی = جمع ایت رسالتی بخ سنه علی اولدون حقه ولی هویا علی مدد * مولا علی مدد . . . . تکمیل دین ایدر واردور عدالتی تفویض قیل اونا امر ولایتی ویردوخ عم اوغلوا بو گون امامتی وار دور عدالتی = دوز گون قضاوتی بخ سنه علی اولدون حقه ولی هویا علی مدد * مولا علی مدد . . . . مولا سن هرکیمه مولا اونا علی دنیای دین اولار نوریله منجلی 🌸🌼🌸🌼🌸🌼🌸🌼🌸🌼🌸

#شعر ترکی غدیریه 🍃🌻🍃🌻🍃🌻🍃🌻 (مژده عزیزان مژده کامه چاتوب دنیا )مژده عزیزان مژده کامه چاتوب دنیا تاج ولایت باشه قویدی بوگون مولا . بنددل طاها عبدحق یکتا . خندان وثناخواندی حقه گویده ملکلر تزیین اولونوب امرخدائیله فلکلر . روزغدیراولدی عیدکبیراولدی یرگویه ای شیعه حیدرامیراولدی . گویده دیورگوی اهلی جانم علی جانم یرده دیوریراهلی آدینه قربانم . . . . . . . اندی یره شوقیله حضرت جبرائیل سسلدی ای پیغمبردینون اولوب کامل . لطف خداشامل غملراولوب زایل . دورامته اعلان ایله سن نام ولی نی قوزایوخاری دست توانای علی نی . ای شافع محشر عالملره سرور خلقه اولارهبر شایسته دی حیدر . گویده دیورگوی اهلی جانم علی جانم یرده دیوریراهلی آدینه قربانم 🌸🌼🌸🌼🌸🌼🌸🌼🌸

#عید_غدیر (الا ای ساقی کوثر غدیرخم مبارکدی)۲ امیرالمؤمنین حیدر غدیرخم مبارکدی علی مولاعلی علی مولاعلی(۲) الا ای اولین مظلوم عالم یاعلی مولا شهنشاه نجف دلبند خاتم یاعلی مولا شفیع محشر و دلبند خاتم یاعلی مولا یگانه حیدر و صفدر غدیرخم مبارکدی علی مولاعلی ..... علی جان لطف حق کی شامل اهل جهان اولدی خلایق لطف ذات کبریادن شادمان اولدی الیکه بلبل گلزار جنت نغمه خوان اولدی نوایه گلدی بلبللر غدیرخم مبارکدی علی مولا علی........ سنی خلاق عالم شهرعشقه انتخاب ایتدی سنی اندیشه دار دولت ام الکتاب ایتدی سنی بعداز نبی پیر و امام شیخ و شاب ایتدی که یعنی عالمه رهبر غدیرخم مبارکدی علی مولاعلی........ سن اولدون عالمه رهبر عدالت برقرار اولسون به حکم حضرت داور شریعت استواراولسون دیانت شیوه رفتار اهل روزگار اولسون دیسون اهل جهان یکسر غدیرخم مبارکدی علی مولاعلی.......... علی جان مظهرعدل و عدالت شاه بطحاسن کفیل حضرت خاتم جهانه میر و مولاسن بلاغت حکمینه دارا امام اهل تقواسن اورکلرده اولان باور غدیرخم مبارکدی علی مولاعلی........ جهانداساقی کوثر فقط سن سن فقط سن سن علی اول علی آخرفقط سن سن فقط سن سن امیرالمؤمنین حیدر فقط سن سن فقط سن سن که گفتارایتدی پیغمبر غدیرخم مبارکدی علی مولاعلی ........ بوسوزگفتار شیوا و دلانگیز پیأمبردی علی ابن ابیطالب امام اهل باوردی کیمه مولامنم حیدراونا مولا و رهبردی دیون ای فاتح خیبر غدیرغم مبارکدی علی مولاعلی ....... علی قرآن ناطقدی علی خلاقه عاشقدی علی عبد خداوند و علی فخر خلایقدی علی (مژده )یازان اشعاره حق اوسته موافقدی

غدیریه بوگون دنیا دولوب عطر ولایه ولایت سالدی سایه غدیر خم چولونده گلدی آیه رسول مصطفایه ایاسلطان سرمد شهنشاه موید رسول حی ایزد هامی خلقه سرآمد وصی ایله علی نی ئوز یروندا یامحمد علی مولاعلی مولاعلی مولاعلی جان ﹍﹍﹍﹍﹍﹍﹍﹍﹍﹍﹍ بوگون دنیایه حیدر شاه اولوبدی ولی الله اولوبدی علی نجل رسول الله اولوبدی یوزی چون ماه اولوبدی علی حقه محکدی شه انس و ملکدی علی فخر فلکدی آدی سینمده حکدی امیرالمومنیندی'یوخ تایی'دنیاده تکدی علی مولاعلی مولا......................... علی نین آدی هر درده دوادی علی شاه ولادی علی باشدان باشا لطف و صفادی هامی خلقه آقادی علی حق الیقیندی علی سلطان دیندی شفیع المذنبیندی امام المتقیندی فقط حیدر بو دنیاده امیرالمومنیندی علی مولاعلی مولا......................... بوگون گویدن ملکلر فرشه اندی هامی عالم بزندی ولایت نوری خم دا جلوه لندی ئورکلر تازه لندی هامی دردلر دواسی محبت آشناسی اوقدری وار عطاسی اولوب شاهلار گداسی بوگون اولدی امیرالمومنین دنیا آقاسی علی مولاعلی مولا......................... بودور فخریم آقام شاه نجفدی امام انس و جاندی ایاقدان باشه ایمان و شرفدی امیرالمومناندی علی ده شوکته باخ وقار و صولته باخ الهی عزته عزته باخ بو نفس غیرته باخ سلیمانه دنن گل شاهیمیزده حشمته باخ علی مولاعلی مولا......................... بویوردی مصطفا من کنت مولاه اونا مولادی حیدر کیمه من سروریدوم رهبریدوم اونا آقادی حیدر علی سیر الی الله علی حق مع الله علیدور قدرت الله علیدور حشمت الله اوجا ده (اشهد ان علیا حجت الله) علی مولاعلی مولا......................... #بو_گون_دنیا_دولوب_عطر_ولایه #غدیریه #حاج_رضا_محمدی_ولایی

#سرود #غدیر

حالات ورود به کربلا بو صحرانی گورورسن بیاباندی سراسر نه وار منزل و مسکن نه وار باغ مشجّر حسینون قانی ایلر بو تپراقی معطر گوررسن کی بو صحرا نجه گلشنه بنذر دییرسن کی الهی بورا عدن خدادی سلیمان زمانون اولار گوندوزی قاره قالار گللریم حسرت منیم فصل بهاره او قدری کی ویراللار بو چولده منه یاره گیدر طاقتیم الدن سالار جسمی فشاره کسن باشیمی دالدان باجی شمریدی آدی بو وادی بلاده باتار قانه وجودیم قویار عالمی حیران چوخور یرده سجودیم منی سجده ده گورسه خداوند ودودیم دییر اهل سمایه او سرچشمۀ جودیم باخون کرب و بلایه او شاه شهدادی کربلایی نویدآسال

نوحه اول محرم آهنگ ماتمون گلوب ای ارباب بی سر باشلانوب عزا ای صاحب پرچم گیمیشــــوخ قرا گلدی ماه ماتم دردمنده دی گل مطب آچیلدی دردیــــــوه دوا ایلـــر شهِ علقم بو آیدا مهــــــدی باشینه قــــاره باغلار اوخور حسینه نــــوحه و سیـــــنه داغلار قوتارسا گوز یاش روضه دیوب قان آغلار آغلاروخ یـلِ پُر احساسه ساقـــــیِ تشنه لب عباسه سسلنر عالم لبیک حسین، ابوالفضل دنن دمـــادم لبیک حسین، ابوالفضل گلوب محرم لبیک حسین، ابوالفضل بزم یــاسه باخ گور نه با صفادی صاحب عزا چوخ گوزل آقادی جَنَّـتیــم حسیـــن نیلورم بهشتی باغ جَنَّــــــتیم صحن کربلادی آدیــــــوی مـــــولا سسلـنر اهل عالم گوگده دوشوب سس گلدی مهِ محرم قاره وی باغـــــلا آچیلدی قاره پرچم آغلاروخ یلِ پُر احساسه ساقیِ تشــــنه لب عباسه سسلنر عالم لبــیک حسین، ابوالفضل دنن دمادم لبـــیک حسین، ابوالفضل گلوب محرم لبیک حسین، ابوالفضل شاهیمیــز حسین ماهیمیز ابوالفضل عشقیمیز حسین جاهیمیز ابوالفضل فخریمــــیز بودور نوکروخ حسینه قصدیمیــز حسین راهیمیز ابوالفضل عشقیمیز عباس نهریده قولسوز یاتوب اصغره خـــــاطر عالمی باشدان آتوب ناز ایلیـــــوبدور سُووا مرامه چاتوب آغلاروخ یلِ پُر احساسه ساقیِ تشــــنه لب عباسه سسلنر عالم لبیک حســین، ابوالفضل دنن دمادم لبیک حســین، ابوالفضل گلوب محرم لبیک حسین، ابوالفضل ای شــــه ِ وفا احســــاسیوه قربان ظلمـی دوغــــریان الماسیوه قربان حیدره مَثَـــل ،باشدان باشا غیرت شمری خار ایـــــدن عباسیوه قربان یاراتدی محشــــر زاده ی ام البنیـن اگمــــدی شمره باشینی سردار دین تلیده دوردی جیردی امان نامه سین آغلاروخ یلِ پُر احساسه ساقیِ تشنــــه لب عباسه سسلنر عالم لبیک حسـین، ابوالفضل دنن دمادم لبیک حســین، ابوالفضل گلوب محرم لبیک حسین، ابولفضل

‍ ورود ماه عزا 📝استاد شهاب ➖➖➖➖➖➖➖➖➖➖ داغلار آغلار داشلار آغلار (۲) ( ماتمونده یا حسین نیزه لرده باشلار آغلار )(۲) وای حسین وای - وای حسین وای (۲) ماه ماتم باشلانوبدی (۲) غملی گوزلر یاشلانوبدی ( اهل عالم گیدی قاره سرور دین حیدر آغلار )(۲) وای حسین وای - وای حسین وای (۲) قادر پرچم لر اسللر (۲) ریشه‌ی کفری کسللر ( باطناً اسدوقجا هردم بو قرار پرچملر آغلار )(۲) ماتمونده یاحسین نیزه لرده باشلار آغلار (۲) شاه دینون یاسی گلدی (۲) روز عاشوراسی گلدی (۲) ( آتش غمده یانانلار گل آدیوی سسلر آغلار )(۲) ماتمونده یاحسین نیزه لرده باشلار آغلار (۲) دل غمونده داغلاروخ بیز (۲) عاشقانه آغلاروخ بیز ( عاشق مولا اولانلار آه و افغان ایلر آغلار ) (۲) ماتمونده یاحسین نیزه لرده باشلار آغلار (۲) قورموشوخ ماتم اساسی (۲) شیعه گیدی غم لباسی ( گوز یاشی توکدی عذاره قطب دین پیغمبر آغلار )(۲) ماتمونده یاحسین نیزه لرده باشلار آغلار (۲) ماتمونده عالم آغلار (۲) آدم آغلار خاتم آغلار ( غم ائله غمدور بو غمده مؤمن آغلار کافر آغلار )(۲) ماتمونده یاحسین نیزه لرده باشلار آغلار (۲) آغلوری گوگده ملک لر (۲) اوخشوری محراب و منبر ( بیر قولاق وئرسن گوررسن مسجد اوخشار منبر آغلار )(۲) ماتمونده یاحسین نیزه لرده باشلار آغلار (۲) غصه دن طاها سیزیلدار (۲) حضرت زهرا سیزیلدار ( سسلوری ای وای اوغول وای مادر غم پرور آغلار )(۲) ماتمونده یاحسین نیزه لرده باشلار آغلار (۲) عاقل و دیوانه آغلار (۲) کعبه و بت خانه آغلار ( بو غمِ عظماده شیعه آچ گوزون گور کیملر آغلار )(۲) ماتمونده یاحسین نیزه لرده باشلار آغلار (۲) آت اورک بیر کربلایه (۲) اوردا باخ شور و نوایه ( بیر نظر سال قتلگاهه حنجر اوخشار خنجر آغلار )(۲) ماتمونده یاحسین نیزه لرده باشلار آغلار (۲) حرمله اوچ پر اوخ آتدی (۲) عالمی یاندیردی یاخدی ( اللری اوسته حسینون شیر خواره اصغر آغلار )(۲) ماتمونده یاحسین نیزه لرده باشلار آغلار (۲) محنت مولا قوتولماز (۲) سوز یازاندا پرده لی یاز ( ساخلا ال یازما «شهابی» خامه اوخشار دفتر آغلار )(۲) ماتمونده یاحسین نیزه لرده باشلار آغلار (۲) #ورود_محرم