‍ ‍ خبردار اي عزاداران ، اولونسون عالمه اعلان ، حسينون ياسي باشلاندي ، حسينون ياسي باشلاندي مقام حضرت خاتم بو ساعت عرش اعلاده حواس و فكري كليه قالوبدور غملي صحراده گورَر اوغلي حسين غوطه ويرار بير قانلي درياده گريبان چاك ائدر افغان حسينون ياسي باشلاندي اولور چون نهم ذي الحج كه يعني بايرام آخشامي سحر كي كسديلر قربان حسينون ياسي باشلاندي هامي ير كربلا دشتي ؛ هامي گون يوم عاشورا ؛ كفايتدور بو بير برهان ؛ حسينون ياسي باشلاندي آلور بازاريدن گوردوم كه بعضي شخصلر قاره خبر آلديم نه اوضاعدور؟ آچوبلا نطق گفتاره مگر گورمورسن اطفالي ؟ دوشوبلر كوچه بازاره ديللر با دل سوزان ؛ حسينون ياسي باشلاندي حاج محمد عاملی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

من بیر قیزام شیرین شیرین سوزوم وار کمان قاشم شوه کیمین گوزوم وار اوچ ایل گچیب هله تولدمنن منده نجه دویولمگه دوزوم وار من بیر قیزام زمانه ساتدی منی قزل گل تک غمدن ساراتدی منی ساربانلار قولاریمی باغلادی سویگونچولار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ (ئوزون بیر مجسم اله ایوینده بالان اولسا بولرسن گئجه نین عالمی بو بالا قالدی چولده چوخ یورقونودولاربیر وقت گوزون آچدی گوردی کاروان گدیب قالب قرنلق چولده بیر صاقا قاشدی بیر صولا قاشدی اله دیردی) من بیر قیزام دردیمی یوخدی بولن غصه توزون قرا تلیمنن سیلن ئولسم اگر بو وحشتلی دمنده کیم غسل ایلر منه کیم ایلر کفن هیچ بولمورم گیدیگیم یول هارادی گئجم کیمی گوندوزومده قرادی بابا عممه ده یورقونلاری یوخلاسون گلنمیرم ایاقلاریم یارادی (نقدر الشدیلر نیزه ده کی اباعبداللهین او یارالی باشوی اوردیدی حرکت المه دی گوردولر آقانین گوزونن قان یاش گلیر گوردولر امام زین العابدین آقا گلدی دایاندی یارالی باشون قاباقندا بابا نیه گیتمیرسن بابا گورورسن بولار بهانه آختارور باجیلاریمی دویه لر عمه لریمی دویه لر بابا نیه دایانبسان گوردی الله بابانن گوزونون گوشه سیندن قان یاش گلیر باخور شامین یولونا بالام قالب یولاردا . زجر ملعون چوخ بیر نامسلمانیدی یولادلار بوبالانین دالسیجا بیر شیخ دییر گوردوم بو سرعتیلن کی بو نامرد گدیر بو بالانی سالم گتیرمیاجاخ دیدیم قوی منده گدیم بونا گوروم بو بالانی شاید الیه بولم بو نامردین الینن قوتارام تا یتیشدیلر اله کی بو بالانی گوردی اول ایش کی گوردی عوض اینکه اوبالانین نازین چکه اولده بیر محکم سیلی وردی اله باخدی دیدی ظالم) ئولدورمه باغلا قولاریمی سال قباقیوه ئولدورمگ ایسته سن اونادا حاضرم گینه اما بو چولده قویما بو محنت دچارینی سال نعشیمی آت اوسته آپار زینب عممه (راوی دییر من دیدیم قیزیم بو چولری سن گلنمه سن پیاده گل منیم ترکیمه سوار اول باخدی باخدی دیدی ) یا شیخ چوخ مروتلی شخصیسن اما بو یرده منطقیوین اشتباهی وار نامحرمیله بیر آتا مینمز حسین قیزی عمم دیوب بو بیر عملین چوخ گناهی وار بو تیکانلار آراسنان ئوزومه یول آچارام سیز چاپون آتلاریزی منده پیاده قاچارام #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

دریا حسینه قربان صحرا حسینه قربان طاها حسینه قربان حیدر حسینه قربان ویرانده سه ساله زهرا حسینه قربان قولسوز یاتان سو اوسته سقا حسینه قربان یئرلر حسینه قربان گویلر حسینه قربان گلزار کربلاده گلر حسینه قربان پیغمبرون شبیهی اکبر حسینه قربان اوز گوز قانا بویانموش اصغر حسینه قربان سو اوسته کی کسیلمیش اللر حسینه قربان دریای قانه باتمیش لشگر حسینه قربان #دریا_حسینه_قربان #عاملی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

سبک(اوپدی بوغازیندن سنون)عاملی باقلم : بهنام تخت مینا تبریزی گل گونلریم تالان اولوب سنسیز آتا نجه یاتوبسان قبریده منسیز آتا گتدون آتاسیز قالمیشام سن سیز ایله داریخمیشام گل گور اوزون احوالیمی گل تک آتا سارالمیشام لایلای آتا. لایلای آتا. جانیم سنه قربان آتا سن تک بودنیاده منیم دردلریمی بیلن اولماز منه نوازش ایلیوب گوزوم باشین سیلن اولماز یامان گونومده غم چکوب کناریمه گلن اولماز آیریلقا دمه منیم دوزوم واردی دوزوم واردی بیرگجه گلسن یوخوما سنه چوخلی سوزوم واردی لایلای آتا. لایلای آتا. جانیم سنه قربان آتا روز پدر اولان زمان آتاسیز لار یانار آغلار دییر آتام اولوب الله باشینا بیر قره باغلار بایرام گونی هانی گولر آتاسیز لار اورک داغلار دییر الله آتام گله منیم بیرده گویلوم آلا ایکاش گلیب بیرگجه ده کناریمده آتام قالا لایلای آتا لایلای آتا. جانیم سنه قربان آتا سبک نوحه بانوای بهنام تخت مینا تبریزی 👆👆👆

❣﷽❣ ‍🔻 #زمزمه_حضرت_رقیه_س 🔳 #ترکی 🔳 #سبک : گلپونه ها..‌ 🔻 #حاج سیّد محمّد عاملی اردبیلی آچ گؤزلرین یورقون قوناقیم یورقون بالام دوشدی نفسدن آغلا قارداش آغلا قارداعلیکم السلام ش من سسلیوم لایلای رقیه زهرایه بنذر گؤزلرین سن باغلا قارداش 2 جان وئردی زهرای سه ساله قلبی یاره قلبی یاره ئوز اللرینلن دور بالامی قوی مزاره قوی مزاره 🔳🔻🔳🔻🔳 بو دختر شیرین زبانین الله بیلور من خاطرین چوخ ایستیردیم ایستیردیم زهرا ننم یاده دوشنده زیبا جمالیندن ئوپردیم جان دییردیم جان دییردیم گؤز تیکمیشم شام بلاده آشنایه آشنایه ایکاش ننم زهرا گلیدی بوعزایه 2 🔳🔻🔳🔻🔳 ویرانه ده باب الحوایج جان وئردی یا باب الحوایج گل اماندی گل اماندی زینب باجون قاره باشیندا بیر نوحه خوانین ماتمینده نوحه خواندی نوحه خواندی ویرانسرا دوشدی صفادن آی ابالفضل آی ابالفضل دور شامه گل کرب و بلادن آی ابالفضل آی ابالفضل https://eitaa.com/Hazrate_Abalfazll

نوحه حضرت علی اصغر حاج حسین غفاری اردبیلی زینبیم گل بالام قانه باتدی امدی پیکانی گؤز یومدی یاتدی گئت دئنن بختی قاره ربابه اصغریم سینوین داشین آتدی من دئدیم سووئرللر ایچر سو ایلیر قمری لر مثلی کوکو بولمدیم بعضی اوچی سوورمیش اوخلانا سو کنارینده آهو آل بو قنداقی مندن آماندی غصه‌دن قلبیمین باشی یاندی بولمرم اوخ نجه دگدی زینب کئچدی اوخ ساق قولوم پارچالاندی حرمله قویدی بیر اوخ کمانه اصغرین دوتدی حلقین نشانه تشنه قربانیمه دگجین اوخ قنداقی دوشلوگی باتدی قانه گوئیا هئچ یارالی دگولدی گل کیمی باخدی پیکانه گولدی گئت ربابه‌دئه باشون ساق اولسون وئردیگون غنچه بیر دسته گولدی اصغریمه او پیکان چوخ ایدی پهلوانی ییخان بیر اوخ ایدی آرزیمین گوللری اولدی پرپر گوئیا اصغریم هئچ یوخویدی تیتره‌دی اوخ دگنده ایاقی تیتره‌دیم منده اصغر سیاقی بوسه آلدیم بوغازیندن افسوس بوسه سیز قالدی سولمیش دوداقی اوخشیور گوزلریم ابره اوغلوم التماس ایلورم صبره اوغلوم چوخ چتیندی آتا اؤز بالاسین اؤز الیلن قویا قبره اوغلوم قارداشیم اولمه سیدی گلردی اود دوتان قلبیمه سو سپردی من قویاندا سنی قبره اوغلوم قبروین اوسته توپراق تؤکردی یات دئدی ای گل پرپر اوغلوم گئت سنی فاطمه گوزلر اوغلوم سولماقین غنچه وقتینده والله قارداشیم محسنه بنزر اوغلوم خیمه‌ده سوسن و یاسیم آغلار گوزلریم مثل احساسیم آغلار بولسه میداندا آواره‌یم من حالیمه قولسوز عباسیم آغلار #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ایلدن باشیم ابوالفضل یار یولداشیم ابوالفضل https://eitaa.com/Hazrate_Abalfazll یانا یانا سسلرم وای قارداشیم ابوالفضل آرخام ائلیم ابوالفضل سیندی بلیم ابوالفضل آچ گوزلرین آماندی دور گور نجه دوماندی دور بیر گیدک خیامه رقیه ناگراندی آرخام ائلیم ابوالفضل سیندی بلیم ابوالفضل غمین منه چوخ اولدی واریم منیم یوخ اولدی سنی مندن آیران مشکه دین اوخ اولدی آرخام ائلیم ابوالفضل سیندی بلیم ابوالفضل گلدی سسون خیامه دل دوشدی پیچ و تابه قیزلار بیر آیری نوحه اورگتدیلر ربابه آرخام ائلیم ابوالفضل سیندی بلیم ابوالفضل بیر عده سی دیوردی قولسوز سواره لای لای بیر عده سی دیوردی وای شیر خواره لای لای آرخام ائلیم ابوالفضل سیندی بلیم ابوالفضل ای سرو باغ جنت خولاریوی کسیبلر یولدان چخان جماعت یولاریوی کسیبلر زهرانی ئولدورنلر قولاریوی کسیبلر آرخام ائلیم ابوالفضل سیندی بلیم ابوالفضل #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ نوحه حضرت ابالفضل ع ای دلبر آزادگان . مولا ابالفضل مولا ابالفضل ای ساقی لب تشنگان . مولا ابالفضل مولا ابالفضل علمدار . ابالفضل سپهدار . ابالفضل آقا سنه آزاده لر . مولا دییللر مولا دییللر عاشقلرین احسانوی . دریا دییللر دریا دییللر هم ساقی لب تشنه هم . سقا دییللر سقا دییللر ورد زبان عاشقان . مولا ابالفضل مولا ابالفضل علمدار . ابالفضل سپهدار . ابالفضل شیعه آلیب هر دم آقا . سندن نتایج سندن نتایج سن سن طبیب حاذق هر . درده معالج درده معالج درگاهوه دخیلم یا . باب الحوایج باب الحوایج ای چاره بیچارگان . مولا ابالفضل مولا ابالفضل علمدار . ابالفضل سپهدار . ابالفضل عزت سنون صولت سنون . هیبت سنوندی هیبت سنوندی دریای غیرتسن آقا . غیرت سنوندی غیرت سنوندی بزم عزایه گلمیشوخ . دعوت سنوندی دعوت سنوندی ای دستگیر بی کسان . مولا ابالفضل مولا ابالفضل علمدار . ابالفضل سپهدار . ابالفضل زمزم سنون کوثر سنون . علقم سنوندی علقم سنوندی علقم اوسته دایم اسن . پرچم سنوندی پرچم سنوندی عشقینده ووررام سینه مه . سینم سنوندی سینم سنوندی عشق همه سینه زنان . مولا ابالفضل مولا ابالفضل علمدار . ابالفضل سپهدار . ابالفضل سینه وورانلار سن گئدن . یوللارا قربان یوللارا قربان نهر اوسته پیکردن دوشن . خوللارا قربان خوللارا قربان ظلمیله تندن کسیلن . قوللارا قربان قوللارا قربان السیز قالوب الدن دوتان . مولا ابالفضل مولا ابالفضل علمدار . ابالفضل سپهدار . ابالفضل ای زاده ام البنین . روحه صفاسن روحه صفاسن دلبند زهرایه آقا . صاحب لواسن صاحب لواسن دست سخاوت سنده دی . مشگل گشاسن مشگل گشاسن ای اللری مشکل آچان . مولا ابالفضل مولا ابالفضل علمدار . ابالفضل سپهدار . ابالفضل ✍شاعر استاد معروفان اهری سبک بانوای گرم حاج محمد عاملی اردبیلی 👇👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---