#احوالات_ورود_به_کوفه_ _-_-_-_-_-_-_-_-_-_-_-_-_-_-_-_-_-_-_-_-_ حسین من اوخی قران باجین فدا لبیوه که اهل کوفه بوگون مات اولا تلاوتیوه اگرچه کوفه لی درک ایلمز بو آیه لری  اوخی خدا اوزی قارداش وره ندا سسیوه طلوع ایدوب سرنیده بوقلبی روشن ایله چالوللار ال بوزمان  غمکشیده خواهریوه دوباره بیر گوزون اچ باخ سولان جماله حسین ایدوب ایشق گونی دنیا قرا بو زینبیوه بوقولدا باغلانوب افسوس اولا طنابیله کی یوخسا  داش اتا قویمازدیم اشقیا  سریوه الوب قوجاقه ورردیم ئورک باشیندا مکان   اوپوب ووراردیم حسین شانه کول دولان تلیوه رقیه ناله سی وادار ایدور سکوته منی چوخ عادت ایلمیشیدی وفالی اکبریوه يانان چادردا گجه اغلیوب من اغلامیشام که از قالوب چخا جانی قسم ئوزعزتيوه _-_-_-_-_-_-_-_-_-_-_-_-_-_-_-_-_-_-_-_-_- #علی_توفیقی

#احوالات_ورود_به_کوفه_ ✍استاد تقائی اردبیلی ای ذکر ائلین نیزده قرآن آنام اوغلی زینب یارالی لب لره قربان آنام اوغلی آئینه رخسارووه کول لکّه سالوبدور آرامیمی الدن یومولان گوزلر آلوبدور زینب سنه قربان ایشیم اللّهه قالوبدور مین طعنه ورور دشمنیم هر آن آنام اوغلی ای نیزه باشندا ائلین گوگلره معراج اسلامه گوره اولسام اگر مین غمه آماج ممکن دگی سرمایه صبریم اولا تاراج قویماز یخلام قوّه ایمان آنام اوغلی حقّا یوخوموش دشمن سرسختیده انصاف حقّونده سنون خولی شوم ایلیوب اجحاف زر قدرینی بیلمز دگول اول کیمسه کی صراف قدرون نه بیلور دشمن نادان آنام اوغلی اوخشور یارالی باشون حسین نیزده آیه کهف آیه سینی ذکر ایله سن آیه به آیه لطفیله ئوزون سال باشمون اوستونه سایه چون رحم ائلیور موره سلیمان آنام اوغلی سالمش علی اولادینی گور چرخ نه حاله ایلور بالالار ناقهً عریانیده ناله سینمده گلوب نالیه زهرایه سه ساله غملر ائلیوب قلبینی شان شان آنام اوغلی عریان دوه ده لیلی دوتوب اوغلینا ماتم سرگشته گزور چوللری ای سرور عالم اکبر باشنا کیم باخا سویلر بودی خاتم رف رفدی بونا نیزهً عدوان آنام اوغلی عالمده اگر یازسالا مین غصه کتابی یوخدور غم و اندوهیمیزون حدّ و حسابی هچ کیم سایا بیلمز غم و آلام ربابی یوخ دردینه لقمانیده درمان آنام اوغلی ای نغمه سینه واله اولان حضرت داوود وی باشی اولان اهل دله کعبهً مقصود بیر اهمیله خولی بی رحم اولی نابود کافیدی فقط وئر منه فرمان آنام اوغلی یوخدور دیه بیر کیمسه حسین ، ابن زیاده قورخ عاقبتوندن بو قدر دورما جفاده گزدیرمه علی قزلارینی پای پیاده دوران ائلیور کامینه دوران آنام اوغلی واردور یئری هجر آتشینه یانسام آلیشسام محکوم ائدرم دشمنی نطقیله چالیشسام سن نیزده قرآن اوخوسون منده دانیشسام بیدار اولی مردمده کی وجدان آنام اوغلی اطرافیمی شوقیله آلوب بیر فلک اولدوز باش باشه چاتوب ناقه ده بیر عدّه اوغولسوز آز قالدی ئوله بو طوئی یاسه دولانان قز دیندیر اونی ای شاه شهیدان آنام اوغلی