#گزیده‌ای_از_شجاعت_حضرت_زینب_(س) در کوفه " نوحه خوان ؛ #حاج_حسین_نوری_ زینبم کرب و بلا نهضتتونون سنگریم فاطمه صود وئرنیم نسل خود حیدریم درسین اورگتدی ننم تک به تکین ازبریم آسمانلاری بوتون نور و چراغان ایلرم من علینین قیزیام ساخلامشام مکتبیمی تا جهان وار نقدر حفظ ائدرم عفتیمی قوی دیوم اصل سوزی قلبیده کی نیتتیمی حشره تک نضهتیمی عالمه اعلان ایلرم کوفه اهلی تانیون قارداشمون یاری منم هر زمان غمده اونون مونس غمخواری منم ٱسرا لشگری نون سرور و سالاری منم من حسین پرچمینه جانیمی قربان ایلرم معدن کان حیا حامی جود و کرمم پرچمیم زنده قالوب ایندی ده صاحب علمم تا جهان واردی اونون عشقینه ثابت قدمم بو حسین آدینی من قلبیمه سلطان ایلرم ای جفا اهلی باخون صبر ایلدیم هر غمه من آتامون آدینی دیلده ائدورم زمزمه من آند وئرم سیزی بو قانه باتان پرچمه من کاخوزی من یخارام خانه زی ویران ایلرم من حسین نون باجیسی دینمی احیا ایلدیم مجلس کوفه ده گوردوز نه کی غوغا ایلدیم هم دانشدیم سوزومی هم سیزی رسوا ایلدیم غیرتین درسینی عزتله نمایان ایلرم قلب زهرا آنامی من ائدرم خرم و شاد بو قدر فخر ایلسوز دوشمن آلوده فساد باشیمی اگمیرم کیمدی مگر ابن زیاد قمچی آلتدا ئولرم جانیمی قربان ایلرم کوفه اهلی تانیون ماه ستان اولدوزیام آتامون و آنامون سفره ی عصمت دوزیام تانیون منده علی نین اوجا قامت قیزیام قارداشم امر ائلسه موجیله طوفان ایلرم فایل صوتی 👇