🏴نوحه اربعین . . ✍ اثر مرحوم استاد حاج داود بیدق داری میانه ای .. شاعر و ذاکر اهلبیت سلام الله علیها 🎼سبک:نوایی نوایی . کربلا کربلا آدیوه جان فدا گلدی مهمان سنه دختر مرتضی . آغلور ارض وسما دلدن ایلر نوا کربلا کربلا کربلا کربلا . . اربعینه گلوب زینب دلغمین زلفی آغ قدّی خم درد و آهه قرین سسلنور ئولمه دیم قالمیشام چوخ چتین نیمه جانم حسین هجریوه مبتلا . . کهنه دنیا قانا قاتدی گوز یاشمی وئردی عالم غمین آلدی قارداشمی کوفه ظلمینده من یارمشام باشمی گلمیشم محضره قلبی قان باش یارا . . من یانان آتشه یاندی پروانه ده وئردی شیرین جانین عشق جانانه ده قالدی خیردا قیزون کنج ویرانه ده گوردی نوراللهی تاپدی راه بقا . . من لباس غمی سویمادیم یاحسین آغلاماقدان سنه دویمادیم یاحسین عفو ائله قبریوه قویمادیم یاحسین جبریله زینبون اولدی سندن جدا . . اونداکی قارَه وی باشیمه باغلادیم سینه می آتشِ عشقیوه داغلادیم یاتمادیم صبحه تک هر گجه آغلادیم سویلدیم قبریوه یاحسین من فدا . . گردشِ چرخ دون سن ئولندن صورا قهرمان زینبی چکدی هاردان هارا گلمیشم شامیدن قول یارا باش یارا سالدی دیلدن منی قمچی لر برملا . 🙏🏼 ملتمس دعا _______________ #اربعین #حضرت_زینب_سلام_الله_علیها

🍁بسم الله الرحمن الرحیم 🍁 🏴اربعین سالار شهیدان🏴 🎼میگذرد کاروان گلدی باجون شامیـدن قبریـوه مهمـان حسین دور منـه خوشگلدین ائت شاه شهیدان حسیـن دوتماقا اربعین گلمیـشم قبریوین اوسته دینجلمیشم جان حسین جان حسین جان حسین کرب و بـلا دشتـینـه گلمیشم حیـران حسین درد و دیل ائیلوب گِئـدم دور سنـه قـربان حسیـن پاک آدیـوی سسلـدیم شامیـده هـرآن حسین دور بالالارین گـلـوب گورنـه پریـشان حسیـن دوتـماقا اربعین گلمیـشم قبریـوین اوسته دینجلمیشم جان حسین جان حسین جان حسین هانسی غم و دردیـمی من سنه سویلوم اخـا قیخ گونی یـولدا باجـون اولـدی غمـه مبتـلا سولدی قیزون شامیده قلبیم اولوبدور یـارا جان بابا وای سسلدی ئـولدی او نـازلی بـالا دوتماقا اربعین گلمیـشم قبریوین اوسته دینجلمیشم جان حسین جان حسین جان حسین ✍علی اصغر عباسعلی نژاد کیوج_سرابی التماس دعا... #محرم1402 #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨

🏴زبانحال حضرت زینب کبری سلام ا... علیها در اربعین حسینی🏴 🎼سبک(ای نورِ قلبِ عاشقم، شمعِ این خانه تویی) مهمان گَتدیم حضوریوه اِعزاز ایله یارالی خسته یورقون بالالاری پیشواز ایله یارالی قرخ گوندی آیری دوشموشوق سَندن ای شاهِ ولا شُکر اولسون اولدی قسمتیم بیر یولدا کرب و بَلا دور دردیمه ایله دَوا ششگوشه لی قبره فدا قارداش حسین اویان یولدان یتیشوب بالالار ئولدوردی اوزون آنالار قارداش حسین اویان حسین حسین، حسین حسین، حسین حسین مَظلوم قارداش سَندن خجالَتم زینَبدن اولما مَلول یرده قویدوم جَنازه وی عُذرومی ایله قَبول باشسیز تَندن خدا بولور جَبریله دوشدوم اوزاق گوردوم دورسام بالالاری قَمچی لر ئولدوره جاق غَمدن اوره گیم سیخیلوب هجرونده ایویم یخیلوب قارداش حسین اویان غَملَر باشیما توکولوب قرخ گونده بِلیم بوکولوب قارداش حسین اویان حسین حسین، حسین حسین، حسین حسین مَظلوم یوللاردا چوخ چوخ اینجییوب ناز اورگَنَن بالالار عُریان ناقه کیچیک اوشاق اوغلی ئولموش آنالار کوفه ظلمی قوتارمامیش دیل اولدی درده هَدف ایکاش ئولیدی زینَبون گیتمه میش شامه طرف دنیانی اولیدی خراب زینب هارا، بَزمِ شَراب قارداش حسین اویان وار علّتی غُصّه لیَم شامه گینه گیتمه لیَم قارداش حسین اویان حسین حسین، حسین حسین، حسین حسین مَظلوم منزل ویردی بیزه یَزید کُنجِ ویرانه حسین توپراقلار اوسته قیزلارون گَلمیشدی جانه حسین گَلدون گوردون رقیّه وی ای شاهِ تَشنه لَبان قانلی باشی گورَن کیمی جان ویردی خَسته بالان مَظلومه قیزا بولوسَن اوز کوینگی اولدی کَفَن قارداش حسین اویان غملی دیلی داغلامیشام قبرین قازیب آغلامیشام قارداش حسین اویان حسین حسین، حسین حسین، حسین حسین مَظلوم #اربعین #حضرت_زینب_سلام_الله_علیها التماس دعای فرج الاحقر مهدی عبادی

🍂زبانحال حضرت زینب (سلام الله علیها) در اربعین حسینی🍂 🎼(سبک : تو مشکتو تو آب زدی ) گلوبدی اربعینوه باشی بلالی زینبون حسین حسین دیه دیه گلوب عزالی زینبون سنه گتدیم گور نه قدری نیسگیل یاراسی الیمده خنجر باشیمدا محمل یاراسی منی یخماز بو یارالار اما حسین جان سالوب دیلدن زینبی قارداش دیل یاراسی یارالی حسینیم سوروش بو بی نوا باجون نَدن دویولدی شامیده سینوب قولوم ننم کیمی او جمع ازدحامیده اینانمازدیم اهل بیتون قارداش ویرالار اینانمازدیم نیزه لر اوسته باش ویرالار باجون داشلاندی سنه قارداش آغلیاندا مگر یاسلی آغلیان وقته داش ویرالار یارالی حسینیم اگرچه قارداشین حسین سو بارسینده خار اولوب وفالی قارداشیم کیمی باجوندا شرمسار اولوب اولوب شرمنده یانان قلبین بولدی زینب نَه لر چکمیشدی ابوالفضلیم بولدی زینب رقیه م ئولدی ئوزوم تاپشیردیم مزاره گلینجه مین یول خجالتدن ئولدی زینب یارالی حسینیم منه چاتاندا قانلی باش او قانی سیلمیشم حسین آلینجا قانلی کوینگون ئولوب دیریلمیشم حسین آدین دیلده قلب دنیانی داغلادیم من عذاره گوز یاشیمی قارداش باغلادیم من بو قانلی پیراهنون دشمندن آلاندا ننم دوشدی یادیمه یاندیم آغلادیم من یارالی حسینیم الیکی باشیوه سنون اولار اهانت ایلدی سوروش ربابیدن دئسین ، باجون قیامت ایلدی علی تک خطبه دئدیم شاماتی غم آلدی ائشیددی هر کیم سنون دردین ماتم آلدی یزیدی من خوار ائدنده سسلندی قیزلار اولا احسن کی اَله عمه م پرچم آلدی یارالی حسینیم ** ✍رامین محمد زاده ( پریشان #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج

نوحه اربعین حسینی. زبان حال حضرت زینب(سلام الله علیها سبک#میگذرد کاروان زینبوی یا حسین غملر ایدوبدی حزین کرب و بلایه گلوب تا که دوتا اربعین ای شه عطشان حسین* قبروه قربان حسین آغلیور عالم سنه *عالمه سلطان حسین بی کفن دلبریم یا حسین لاله ی پرپریم یا حسین --- اهریمنون جوریلن  سالدی آراده سنی تشنه شهید ایلدی کرب و بلاده سنی اوخشیور اهل ولا ارض و سماده سنی ماتم جانسوزوه آغلیور اهل زمین ای شه عطشان حسین قبروه قربان حسین آغلیور عالم سنه عالمه سلطان حسین بی کفن دلبریم یا حسین لاله ی پرپریم یا حسین --- آخدی فراتون سوئی داغ داشا هم چوللره دگمدی بیر جرعه سی تشنه اولان  لبلره اولمادی بیر قطره سو تا ویرلر اصغره ایندی باجون سو سپور قبروه چوخ دل غمین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین --- آلما خبر سن اخا غصه لی پروانه دن آچدی سینیق پرلرین غمزده میخانه دن بیر قره معجر قالوب یاره لی ریحانه دن کسدی سنون دشمنون شامیده یورقون سسین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین ✍شعر: اکبر پورآقا #اربعین #حضرت_زینب_سلام_الله_علیها اَللّهُمَّ عَجِّل لِوَلیِّکَ الفَرَج

#حضرت_زینب_سلام_الله_علیها طوفانِ نُوح دیدهء گِریان زِینَب است آشُوبِ حَشر مُوی پَریشانِ زِینَب است داغِ بَرادرانِ عَزیزان به نِیم روز عشری زِ دردهای فَراوانِ زِینَب است تا صَبر دید طاقَتِ زِینَب به رُوزگار از تاب رَفت و سَر به گریبانِ زِینَب است با دَستِ بِسته روی شُتر در میانِ خَلق تَروِیجِ دین به عُهدهء اِیمانِ زِینَب است قرآن که در زَمانه شده شُهرهء جَهان مَنصُور از دَهانِ سُخن دانِ زِینَب است اِسلام سَر بُلند شد از قَتلِ شاهِ دین تَکمیل آن به همّتِ شایانِ زِینَب است کُفرِ بَنی اُمّیه شد از مَنطقش عَیان حِسّان مَگُو، که طفلِ دِبستانِ زِینَب است هر نیزه این چه شاخه و هر سَر بَر آن گُلی بازارِ کُوفه چیست؟ گُلستانِ زِینَب است آن سَر بَر سنان بُوَد از جُورِ اَشقیا در شامِ تار، شَمعِ شَبستانِ زِینَب است گاهی کُند تَلاوَتِ قرآن به اِحتِجاج گاهَش نَظر به چشمِ دُر اَفشانِ زِینَب است بیمار کَس ندیده گرفتارِ قید و بَند غیر از علی که نُورِ دو چشمانِ زِینَب است با تازِیانه تَسلیتِ طفلِ بی پدر طالع نگر نَصیبِ عزیزانِ زِینَب است آه از دَمی که جَست رُقیّه زِ خواب و گُفت دیدَم که بابَم آمده مِهمانِ زِینَب است شیوَن نِمود و نالهء زَن ها بُلند شد گُفتا خِرد که نُوبَتِ اَفغانِ زِینَب است جَمعی اَسیر و طفلِ یَتیم و خَرابه اِی اَسبابِ جَمع حالَتِ پِژمانِ زِینَب است آگاه شد یَزید و فِرستاد از عَناد آن نازنین سَری که بِه از جانِ زِینَب است آن دَم بَغل گرفت رُقیّه سِر پدر با گریه گُفت کاین گُلِ خندانِ زِینَب است از ظلمَتِ خَرابه مَنالید خواهران هان بنگرِید مهرِ دِرخشانِ زِینَب است افتاده روی خاک و بدیدند اَهلِ بِیت خامَش زِ نغمه مُرغِ نَو اخوانِ زِینَب است این ماجَرا مَپُرس مَگر از زَبانِ عشق زیرا که عشق واله و حِیرانِ زِینَب است #فانی_اصفهانی @Hazrate_Abalfazll

🍁بسم الله الرحمن الرحیم 🍁 احوالات حضرت زینب سلام الله وشجاعت عصمت فاطمه دن درسـین آلان زینبیدی عـشق مولادن اولان نطقی عَیـان زینبیدی صبریده یوخدی مثالی اوزی بیرشیر کیمین نطق ایدوب عزّت سفیانی ییـخان زینبیدی چوخ مصیبت اوزی گوردی ایکی قربان وردی یدّی قارداشی ئولوب قلبی یانان زینبیدی قتلگاه ایچره یانوب گُللرینی آختاردی گوز یاشین جاری اِیدیردی نگران زینبیدی آختاروب تاپدی حسینون بدنین باش سیزیدی قلبی اوتلاره یانوب قدی کمان زینبیدی آغلادی گوز یاشی توکدی دیدی ای وای قارداش صبر ایدیبـدور غـمـه ایـوب زمان زینبـیدی اوچ یاشیندیدی رقیه قورخوشوب آغلیردی عمه عمه چـاغیـرادی اونا جان زینبیدی معجرین اوسته چکوب گورمویه باش سیز بدنی قـلبـیـدن ناله ایدوبدی قوجالان زینبیدی بس مصیبـت چوخیدی کرب وبلا دشـتینـده اهـلبـیت و اُسرایـه پـاسبـان زیـنبـیـدی اشـقـیا ایستَـدی ئولـدورسون امام زمـنی کـفر الینن او امامی قــوتـاران زینبیـدی قول قولاباغلادولار،خیمه لری اودلادیلار سونـدورب اوتلاری گوزیـاشی آخـان زیـنبـیدی راوی نقـل ایـلـوری خولی او زمـان صحـراده قیـردی گوشـواره لرین حالی یـامـان زیـنبـیدی جمع ایـدوبـلـر اسـرانی یولا دوشدی ئو زمـان قـمچـیـلـر ویـردیلا قـیـزلاره یـانـان زیـنبـیدی در دروازه کوفه آچیـلـوب گلدی قـوشون اسـرانـون بـویـوگی قـدی کـمـان زینبـیدی اهل کوفه دئدیـلـر خارجیلر گـلـدی گـلـون کوفه نون اهلینی شرمنده قویان زینبیدی کوفـه ده نـطق دیوب زلزله سالـدی اوخانـم گیـزلین آغـلاردی اورکدن اوخشی یان زیـنبـیدی دئدی بـاشـلارکی بـوسـر نیـزه ده دی آل طاها باشیدی دِئمیین خارجی گول تـک سـارالان زیـنبـیدی سوره کـهـف اوخویـان نیـده حسینـون باشـیدی اشـقیـا لـشگـریـنـه لـرزه سـالان زینبـیدی سـاخـلادی کرب و بـلا نهضـتیـنی زنده خانیم نـوه شـخـص رسول الله اولان زیـنبیدی کوفـه و شـامیده نـطـقیلـه ادیبـدور طـوفـان شــهـدا حـقّـینی دشـمن نن آلان زیـنبـیدی کوفه ده چوخ دانـیشوب ول وله سـالدی اوخـانـم شـامـیده تـخـت یـزیـدی داغـیـدان زینـبیدی دیه بـیلم کی بـو اسلامی دیـریـلدیـب او خانـیم پـرچـم نهضتی هر یـرده ویـران زینبیدی یاز(علی اصغر)آدین دفتره ثبت اولسون اینان طبـع شـعـرینـده کی سـووزی یـارادان زیـنبـیدی ✍:علی اصغرعباسعلی نژاد(کیوج)سراب التـماس دعا... #محرم_۱۴۰۳ #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨

نوحه اربعین حسینی. زبان حال حضرت زینب(سلام الله علیها سبک#میگذرد کاروان زینبوی یا حسین غملر ایدوبدی حزین کرب و بلایه گلوب تا که دوتا اربعین ای شه عطشان حسین* قبروه قربان حسین آغلیور عالم سنه *عالمه سلطان حسین بی کفن دلبریم یا حسین لاله ی پرپریم یا حسین --- اهریمنون جوریلن  سالدی آراده سنی تشنه شهید ایلدی کرب و بلاده سنی اوخشیور اهل ولا ارض و سماده سنی ماتم جانسوزوه آغلیور اهل زمین ای شه عطشان حسین قبروه قربان حسین آغلیور عالم سنه عالمه سلطان حسین بی کفن دلبریم یا حسین لاله ی پرپریم یا حسین --- آخدی فراتون سوئی داغ داشا هم چوللره دگمدی بیر جرعه سی تشنه اولان  لبلره اولمادی بیر قطره سو تا ویرلر اصغره ایندی باجون سو سپور قبروه چوخ دل غمین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین --- آلما خبر سن اخا غصه لی پروانه دن آچدی سینیق پرلرین غمزده میخانه دن بیر قره معجر قالوب یاره لی ریحانه دن کسدی سنون دشمنون شامیده یورقون سسین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین ✍شعر: اکبر پورآقا #اربعین #حضرت_زینب_سلام_الله_علیها اَللّهُمَّ عَجِّل لِوَلیِّکَ الفَرَج

اربعین ( سبک : سو یوخومدی قزلاروندان …) دور ایاقه پیشواز ایت ، منِ باغریقانی قارداش باجیوام منی دانیشدیر ، آنامون نشانی قارداش آنام اوغلی اربعینه من زار و خسته گلدیم دولانوب کمانه قدیم ئوره گی شکسته گلدیم گینه گوز یاشیم روانه اولا قبرین اوسته گلدیم گتوروب فغانه دردون هامی انس و جانی قارداش باجیوام دیلون فداسی دیله گل منی دانیشدیر غم اوخیلا آز یانان بو سینمی حسین آلیشدیر آناسی ربابیلن سن علی اصغری باریشدیر سیزه چوخ نوا ایدوبدور بیلورم نهانی قارداش دور ایاقه کاروان غم نینوانی گتدیم سنه نوحه خوان اولان بیر سوری آهوانی گتدیم ولی اوچ یاشیندا قیزدان سنه بیر نشانی گتدیم ئوز الیمله دفن قیلدیم او عزیز جانی قارداش او خرابه شامین ایچره غم آشوب داشوب باشیمدان غم بی کرانه قارداش اوخونار بو گوز یاشیمدان منی چرخ دون آیوردی ستمیله یولداشیمدان غم و محنتینده سالدی باشیما قرانی قارداش غمی باش آنامدان اولدی ئورگینده یاره گیتدی او هزار نازدانه نئجه گور مزاره گیتدی او نحیفه جسمه قارداش کفن اولدی قاره گیتدی ئوز الیمله قبره قویدوم بودی داستانی قارداش سنی ترک ایدن زماندان یوزه گوز یاشیم رواندور گیجه گوندوزی برادر ایشیم آه و الاماندور قد و قامتیم حسینیم بوکولوبدی چون کماندور اریدوب غم فراقون من بینوانی قارداش سنه گل بیان ایدوم من باشیما گلن بلادن باشیما گلن بلادن غم و درد و ابتلادن ره کوفه دن دئیوم یا ره شام پر جفادن باجون ای یارالی باش خوش ویروب امتحانی قارداش بو گوزل مزارون اوسته یئری واردی باش آچام من گوز ایوینده تیر درد و غم و محنتی ساچام من باش آچوق یالین ایاق تا سر نهره جک قاچام من گیدوب اوخشیام مزارینده او دلربانی قارداش ** کربلایی فخرالدین اسکندری(جائد ) #اربعیــن_۱۴۰۳ #حضرت_زینب_سلام_الله_علیها #کانال_باب_الحوائج

🏴احوالات اربعين سيدالشهدا(ع) زبانحال حضرت زینب(س) ✍بقلم زنده یاد استادفرهادفكری اردبیلی دور حسين شاميدن گلدي زينب قبريوه   چاتدي  دينجلدي زينب آهيم  اوج   ايتدي   عرش  برينه ئولميوب       گلميشم      اربعينه چوللري گزميشم  مات و  حيران گلميشم   خسته  و  دل  پريشان پيشواز      ايله      بو     دلكبابي درديمه   يوخدي  دنياده   درمان آهيم  اوج   ايتدي   عرش  برينه ئولميوب       گلميشم      اربعينه عهديمي   باشه    آخر  يتيرديم نخل   امّيدي     دلده     بيتيرديم دلخوشام      ئولمديم      اربعينه قيزلاري   قبرون اوسته گتيرديم آهيم  اوج   ايتدي   عرش  برينه ئولميوب       گلميشم      اربعينه كوفه نون اولدي چوخ  ابتلاسي كوچه        بازاريده      ماجراسي چيخماز ئولسمده قارداش ياديمدان ويرديلار     زينبه    دل   ياراسي آهيم  اوج   ايتدي   عرش  برينه ئولميوب       گلميشم      اربعينه هر   بلا   وار   منِ   زاره  چاتدي گوز   ياشيمي فلك  قانه  قاتدي ياره لي    باشوه     نيزه    اوسته كوفه شهرينده مردم داش آتدي آهيم  اوج   ايتدي   عرش  برينه ئولميوب       گلميشم      اربعينه زينبون عزّ  و  جاهي  يوخ اولدي سينمه  دل  ياراسي  اوخ   اولدي شاميده      چكديگيم       ابتلالر كوفه دنده حسينجان چوخ اولدي آهيم  اوج   ايتدي   عرش  برينه ئولميوب       گلميشم      اربعينه سالدي دشمن بيزي  چوخ عذابه گه   بيزي  چكدي   بزم   شرابه باب ساعتده چوخ چوخ يوبانديم منزليم    اولدي     آخر      خرابه آهيم  اوج   ايتدي   عرش  برينه ئولميوب       گلميشم      اربعينه بير  گلون كنج   ويراندا  سولدي خيرداقيزلارساچين آچدي يولدي جان  ويرن  وقته  نازلي  رقيّون باغريقان   زينبه  محشر  اولدي آهيم  اوج   ايتدي   عرش  برينه ئولميوب       گلميشم      اربعينه غصه لي  قلبيمي   ايتدي    ياره چاتدي    آخر     وصال      نگاره ئوز   اليملن  اونا   قبري  قازديم قويدوم    آخر    او   زاري  مزاره آهيم  اوج   ايتدي   عرش  برينه ئولميوب       گلميشم      اربعينه زينبون خوشدي دلدارون اولسون وار نقدرعمري غمخوارون اولسون لطف قيل ياحسين تا بو ((فرهاد)) بير يول عالمده  زوّارون اولسون آهيم  اوج   ايتدي   عرش  برينه ئولميوب       گلميشم      اربعينه ✍بقلم زنده یاد استادفرهادفكری اردبیلی #اربعیــن_۱۴۰۳ #حضرت_زینب_سلام_الله_علیها

🏴اربعین🏴 🎶سبک::: می گذرد کاروان.... ✍شعراز : کربلایی آذرین خلخال زینبوام اولموشام من سنه مهمان حسین قلبی یارالی باجون قبروه قربان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین کوفه و شاماتی من باشدا یارا گزمیشم زندگیدن سنسیز ای جان الیمی اوزموشم گوهر اشکیم کیمی صبح و مسا سوزموشم تایتشوب اربعین آخره پیمان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین جور و جفادن باجون آه و نوایه گلوب باشه یتوب نهضتی بزم عزایه گلوب جذبه عشقون چکوب کرب و بلایه گلوب تربت پاکون اولار دردیمه درمان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین قرخ گون اولار عترتون واله و سرگشته دی کوچه به کوچه گزوب شهرلری خسته دی رنگی سولان قیزلارون غملی مزار اوسته دی قبروه یورقون قطارگلدی پریشان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین قرخ گون اولار اصغرین غملی رباب آختارور طفل لبن خواره سین قلبی کباب آختارور هاردا یاتوبدی علی ایندی جواب آختارور داغ علی اصغره قلبی اولوب قان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین قرخ گون اولار اکبرین غمزده لیلا گزور چوللری مجنون کیمی واله و شیدا گزور نیزه ده باشین گوروب جیسمینی گویاگزور مدفنی پایین پا اولموش او قربان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین اهل حرم من کیمی گرچه سلامت گلوب ایلیه شش گوشوی هامی زیارت گلوب اولدی رقیون باجون ایندی خجالت گلوب شامی وطن ایلدی دختر نالان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین سروده شده بتاریخ ۱۴۰۱/۰۶/۰۹ ✍کربلایی_آذرین_خلخال #اربعین_۱۴۰۳ #حضرت_زینب_سلام_الله_علیها