اربعین زبانحال حضرت رباب(س) - دور ای آقامون سینه سی اوسته یاتان عطشان آغوشیمه گل سود امراوغلوم سنه قربان "گلدیم سنه لای لای دییم ناله ایدم ایوای دییم بولمم سنه لای لای دیوم یاسس چکوم ایوای دیوم" بوناله سی افلاکه چخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گولونی جان اوسته دی بوحالی پریشان ایستر بالالار اولسون آنا سینه سی بستر آغوشینه گلجاق آنادان فوری سود ایستر گل سینمه اصغر منه اوز عشقوی گوستر سود ایسته سودوم اولماسا گربذل ایدرم جان یاخشی آنالار ایچره منه ویرمسن عزت لیلا ایله اولدوخ بالا هم صحبت ومحنت یانام ولی سندن چکردم حشرجه خجلت سینمده سودوم اولمادی امدون سولی پیکان خوش حالوه دفن اولدون اوغول عرش خداده یاتدون یارالی سینه ء شاه شهداده هیهات اولا مثلی بویرین ارض وسماده خلق ایلیوب اشرف بویری خالق منان آهوبالاسین اوچی  ایرآنا سندان آردینجا ملر آهوال اوزمز بلاسندان صیاد ویران حلقوه بیکان یاراسندان آهوکیمی یانام ملرم ایلرم افغان هریرده سوگورم سوسوز احوالوه یانام یانام خم آلامیده مین رنگه بویانام ناچار اگر ایچسم بالا روحونن اوتانام چخماز نظریمنن کی یانوردون سوسوزوندان ویردی باشوی نیزیه تا فرقهء گمراه گوردوقجا باشون چکدیم اوغول نالهء جانکاه حقدن بالا ایستردیم ایده عمرومی کوتاه چارم یوخ اجل لطفونی کسمشدی آنانان بیرتک نه سنون فرقتون آرامومی آلدی سرنیزده باشون منی چولدن چوله سالدی بیر نازلی بالامدا بلا ویرانه ده قالدی حسرتله رقیم قوری یر اوسته ویروب جان یوردی باجوی دردوغم ورنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان  دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (پرندا) دی دوباره آغامون سینه سی اوسته یاتان عطشان ✍حاج محمد پرندا #اربعین #حضرت_رباب_سلام_الله_علیها #حضرت_علی_اصغر_علیه_السلام ✨اَللّهُمَّ عَجِّل لِوَلیِّکَ الفَرَج✨

#حضرت_علی_اَصغر_علیه_السلام ❤️ ❤️ ❤️ ❤️ ❤️ یات بیرآز ای گل رضوان علی قربانون ٱولوم آغلاما اِیلَمه اَفغان علی قربانون ٱولوم توکمه گوز شبنمیوی پیدَرٱوسولموش یوزوه آناوین جانی فدا ٱولسون ٱوآغلارگوزوه فلک ایستور آناوین سینه سینی غم سیخسون سیلِ تقدیر گلوب خانهٔ بختین یخسون سنده دیرناخلیوسان بلکه بیرآزصودچیخسون ویرما دیرناخ قورویان سینه ده صود ٱولماز علی ایچمَسَم من سو؛ گلوب سینَمه صود دولماز علی سرّی وارآغلارآنان اَشکون عذاره اَلوری سینه سین سن بالا دیرناخلیوسان ٱومَلوری نیّتون صوددی ولی صودیرینه قان گلوری سینه دیرناخلانا گرقان گله جاخ قائده دی قورویان سینَمی دیرناخلاما بی فایده دی رسمیدور باغدا گرک خارقالا ‌غنچه سولا غیرِ ممکندی آنان ایچمیه سو سینه دولا دیمورم حالیوه حَق رحم ایده بیرمعجز ٱولا بلکه سینَمدن آخان قان یرینه صودگلسین ایچه سَن قانلی صودی تا ٱورگون دینجَلسین بولمورم سرّی ندور قورخودوری قان گوزومی سینه مین قانی آخان وقته ایتیرّم ئوزومی گل رقیّه باجیوون جانی قبول ایت سوزومی یوخ سوزوم سوزِ عَطَش قلبیوی ٱوخ مثلی دَلور گل فراتین سویونی ایستَمه قان ایگسی گلور شاکیَم چرخیدن ایستور ٱورگه غم دولسون دگول انصاف آخا سوچوله غنچه م سولسون کاش سینَم سویی تک نَهر سویی قان ٱولسون ٱوسوباعثدی بوسینَم صودی بیرباش قوروسون بیرسویی کی سنه قسمت دگولی کاش قوروسون سویولون باغلیانون قلبینی غملرآلسون سن دوشن درده ٱونوندا بالاسین حَق سالسون تاپماسون ایچماقا سوٱوچ گجه عطشان قالسون تخمِ صبری ٱولا حالی نجه دیلده اَکورَم بالاسی قالسا سوسوز ٱوندا بولَرنَه چکورم گول دَرنلَر باغا یازدا دولا انصاف دگول غنچه نی کینه اَلی گریولا انصاف دگول باغبانی قالا غنچه سولا انصاف دگول گر فلک ایستور عطشدن سنی ئولدورسون ٱوغول ٱوندا سندن قاباق الله منی ئولدورسون ٱوغول بولمورم نیله میشم منله فلک قهر ایلدی شَهدِ عمری منیم آغزیمدا بیله زهرایلدی قورودوب سینه می اَمّا گوزومی نَهرایلدی قلبیمی تیر ملالیله منیم ٱویدی فلک چرخی سینسون آناوی گورنه گونه قویدی فلک آغلورام گوردوقوجا سخت نفس ٱلماقیوی گوزومه حسرتیله رَمزی نظر سالماقیوی سالورام هی چخورام ئولماقیوی قالماقیوی بولمورم بخت ایویمی سن یخاجاخسان یایوخ نفسون گلموری صبحه چخاجاخسان یایوخ گل یوزونده ئولوم آثاری علی ظاهردی بوگجه عمریوه گویا کی شب آخردی ٱونا خاطردی آنان بیله نگون خاطردی قصد ایدوب چرخِ دَنی ٱوغلومی مندن آلاجاخ وای ربابین حالینا بَس نجه سنسیز قالاجاخ باخ منه؛ آرزولاموشدیم هله غنچم گول ٱولا گون سایوردوم عَجَبا آلتی آیون بیرایل ٱولا اَصغریمده ٱورقیّیم کیمی شیرین دیل ٱولا بولمَدیم چرخ دَنی ایستور ئوزون گولدورسون ٱلتی آیلیق بالامی بوردا سوسوز ئولدورسون ٱوچ گجه گوندی بیزیم صحبتیمیز بیرسودی؛ سو اَلده سوجامی هامی حسرتیمیز بیرسودی؛ سو سببِ رَنج و غم ومُحنتیمیز بیرسودی؛ سو قورخورام بیرگونی سینَم ٱوسوئیلن باریشا ٱوندا سن ٱولمیاسان هجریوه قلبیم آلیشا منی عَفوایله علی سن حَقِ مَنّانه گوره اَلیوی باغلامادیم آیری بیرعنوانه گوره دیمه باغلاندی بوسینَمدن آخان قانه گوره دوزَرَم من قولی باغلی بوسوسوز قالماقیوا دوزمَرَم لیک عطشدن اَل اَیاق چالماقیوا دیمورم سینهٔ مجروحیمی غم سیخمیا هیچ دیمورم بخت ایویمی سیلِ بلا یخمیا هیچ دیورم بوگجه قورتولمیا گون چخمیا هیچ قورخورام گون چخا گوللرٱوغولا غنچه سولا (نوحه خوان) عَمَّن ٱولا سس ویره نی قیزلارٱولا ❤️ ❤️ ❤️ ❤️ ❤️..

🔹نوحه حضرت علی اَصغر🔹 در سبک ویرانه ده نازلی بالام جان وئردی دینجلدی ✍شاعر:علی عبدی ای اَللریم اوسته یاتان اَصغر بالام لایلای سو فکرینی باشدان آتان اَصغربالام لایلای نازک بوغازین اوچ یئره بو اوچ پراوخ بولدی بیلسه آنان بو مطلبی روحیه سی ئولدی قانین بوغازیندن آخوب اوجوما توکولدی سپدیم به سمت آسمان اَصغر بالام لایلای 🔹🔹🔹🔹🔹 قانلی قوماطین اوخشویور قانلی گلستانه مظلوم آنان ایندی یولون گوزلور یانا یانه بیلمم نئجه طاقت وئرر بو غملی دورانه آغلار سنه کون و مکان اَصغر بالام لایلای 🔹🔹🔹🔹🔹 سن آبیاری اِیلدون بو دینی قانیندن حقدن حمایت اِیلدون دلسیز زبانیندن گئچدین منه خاطر بالا ئوز جسم جانیندن ای شیرخواره قهرمان اَصغر بالام لایلای 🔹🔹🔹🔹🔹 سن اوخلاناندا گوزلرین آچدین بالا گولدون تشنه بوغازین اوخ بیچوب اولدی یارا گولدین بیلمم اوغملی عرصده باخدون هارا گولدون ای جان وئرن خنده کنان اَصغربالام لایلای 🔹🔹🔹🔹🔹 اَللریم اوسته بیلمیرم نعشیوی نِدم اوغلوم من خیمیه ساری یوزوم گلمورگِئدم اوغلوم اما سنی ایندی گرک من ترک اِئدم اوغلوم ای دهریده دل آچمیان اَصغر بالام لایلای 🔹🔹🔹🔹🔹 اللهه تاپشوردیم سنی شش ماهه سربازیم جنتده گیت اُول محسنه یولداش گل نازیم مندن اونا گوندر سلام ای محرم رازیم قوش تک یارالی خسته جان اَصغربالام لایلای 🔹🔹🔹🔹🔹 منده دالینجا چوخ زمان چکمز بالا گللم تیر غمیله عالمین من قلبینی دَللم آتدان دوشر بو پیکریم گوداله دینجللم سسلنَّم اوردا دیده قان اَصغربلام لایلای #محرم_۱۴۰۳ #هفتم_محرم #حضرت_علی_اصغر_علیه_السلام #شیرخوارگان #کانال_باب_الحوائج

به نام خدا سینه_زنی_ترکی حضرت_علی_اصغر_علیه_السلام ✍شعر_رقیه_سعیدی_کیمیا 🎶سبک:مهربان بالام لای لای... صؤد اَمَربالام لای لای دیده تر بالام لای لای صؤد یِرینَه قان ایچَن خون جگربالام لای لای لای لای اصغریم لای لای(۲ بار) خسته پراولان لای لای گؤزلَری دولان لای لای اؤچ گِئــجَه قــالان تشـــنَه گؤل کیمـی صُولان لای لای لای لای اصغریم لای لای(۲ بار) تشنه لب ئؤلَن لای لای قلبیمی بؤلَن لای لای اؤچ پر اوخ دَیَن وقتده لب لَری گؤلَن لای لای لای لای اصغریم لای لای(۲ بار) دیلسیزاصغریم لای لای نازلی پروریم لای لای گؤردؤم اوخ یاراسین من سیندی شهپریم لای لای لای لای اصغریم لای لای(۲ بار) سن سیزآغلارام لای لای قلبی داغلارام لای لای تا ئؤلؤنجَه من باشَه قارَه باغلارام لای لای لای لای اصغریم لای لای(۲) گؤلدی لب لَرون لای لای ئؤلدی مادرون لای لای اُولدی چُوخ منَه نیسگیل باغلی اللرون لای لای لای لای اصغریم لای لای(۲) ✍رقیه سعیدی (کیمیا) #شب_هفتم_محرم #حضرت_علی_اصغر_علیه_السلام #شیرخوارگان ✨اَللّهُمَّ عَجِّل لِوَلیِّکَ الفَرَج✨ ─‌═‎‌‌‌‌‌‌༅࿇༅❖ ༅࿇༅═─