یاحسین بوجمعیدن یکسر سلام اولسون سنه بیزدن ای فرزند پیغمبر سلام اولسون سنه ای منای عشقده تپراقلار اوسته جان وئرن جانینی الله یولوندا تشنه لب قربان وئرن نازنین باشین تنور خولیه مهمان وئرن ای قالان گل پیکری بی سر سلام اولسون سنه یاحسین بیز اولموشوق روح روانون عاشقی یوسف کرب وبلا اکبر جوانون عاشقی اولدی قان اولموش اورک اول مه لقانون عاشقی ای شهید نیزه وخنجر سلام اولسون سنه قلبیمیزده یاحسین تخم محبّت اکمیشوق اصغرون باب والحوائجدور اونا گوز تیکمیشوق طوطی شیرین زباندان ئو تری چوخ غم چکمیشوق ای عزیز ساقی کوثر سلام اولسون سنه ای اسن باد خزان اول گلشن و گلزارینه ای یولی باغلی قالان قان آغلیان زوّارینه ای بیزی حسرت قویان اوز قبرینون دیدارینه ایلین آماج مین غملر سلام اولسون سنه بیزلری مهمان ائله میر غضنفر قبرینه یعنی عبّاس علی شیر دلاور قبرینه گر یتیشساق یاحسین فرزند حیدر قبرینه عرض قیلوق ای مه انور سلام اولسون سنه “دلکش” غم دیده ایلر قبر پاکون آرزو کربلا آدین دمادم دیلده ایلر گفتگو قسمت ائت شطّین سویوندا شوقیله آلسون وضو سویلسون ای خسرو خاور سلام اولسون سنه شاعر: مرحوم دلکش 📢حــاج مـــهدی رســولی 🔶یا حسین بو جمعیدن... ✅پست ویژه به مناسبت محرم الحرام #حاج_مهدی_رسولی #رجز #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---