ولادت حضرت صاحب الزمان عجل الله تعالی فرجه الشریف سامرا اولدی چراغان محشر ایتدی ذات سبحان نَرجسین بو گون ایویندن چخدی گویا مِهر رخشان گَلون ای عاشقان/ایشیقلاندی جهان خدایه شکر اولا/گلوب صاحب زمان عج اباصالح مدد یوزی خورشید هدایت وارثِ شاه ولایت جدّی پیغمبر بویوردی آدینا طاووس جنّت یارالدیب ذولجلال/عجب گویچک جمال ایدیب حیران بیزی/ بوقاش،بوگوز،بو خال اباصالح مدد عالمین ای تکیه گاهی شیعیانین دادخواهی سنه دیلدن عاشقم من ای سینیق دیللر پناهی آقا یابن الحسن/نولور لطف ایله سن بسیمدور بیر دفعه/ منه نوکر دیسن اباصالح مدد بودی فخریم رهبریمسن غم گونونده یاوریمسن نیلورم آیری مقامی سن منیم تاج سریمسن سنه من نوکرم/آدیوی سسلرم چیخینجا جان ،آقا/قاپوندان گیتمرم اباصالح مدد تانیرام اهل عطانی بوش یولا سالماز گدانی آند اولا عمّن جانینا گویلوم ایستیر کربلانی منه ایله عطا/سنه جانیم فدا گینه یاز اربعین/ پیاده کربلا اباصالح مدد بولوسن عبد ذلیلم خادم آل خلیلم (بیکَسم)غرق خطایم بنده ی ربّ جلیلم اوزون ایله دعا/ویره رخصت خدا سنی زهرا آنان/یورولدوخ گَل آقا اباصالح مدد #سامرا_اولدی_چراغان_محشر_ایتدی_ذات_سبحان #امام_زمان_عج #نیمه_شعبان التماس دعای فرج الاحقر مهدی عبادی