شهادت پیامبر اسلام صلی الله علیه و آله محمد رضا بیگلی (رضوی زنجانی) . سبک :: یا فاطمه من عقده دل وا نکردم و ای درد بی درمانلارا درمان ابالفضل . یومدی گوزون بو دهریدن چون شاه مرسَل ختم رسالت صاحب قرآن منزَل اولموش بو غمده عالم پریشان زهرا دوتوبدی شام غریبان . . . . کوچ ائتدی عالمدن او شاه با جلالت باشه یتیردی عمرینی ختم رسالت دنیانی بو غمده ائدیب غرق ملالت عاجزدی یازسون خامه بیر شرح مفصَّل اولموش بو ... . . . . زهرا پریشاندی اولوب گریان ملک لر ای وای دییَنده ایلیور لرزه فلک لر قانه دونوب بو غصه دن یکسر ئورکلر ترک جهان اتمیش بو گون اُل مرد افضل اولموش بو ... . . . . . زهرا دیور دنیا اولوب غمخانه بابا زندان اولوب الان منه کاشانه بابا بیرده دونوم باشیوه چون پروانه بابا ای راه اسلام و حقه نورانی مشعل اولموش بو ... . . . . . بابا غمینده اولموشام غرق مصیبت سندن صورا من آگهم ای کان رحمت قالّام یقیناً خوش گونه عالمده حسرت گلّم دالینجا منده ای شاه مجلّل اولموش بو ... . . #سبک_ای_درد_بی_درمانلارا_درمان_اباالفضل ... 10 سبک #سبک_یا_فاطمه_من_عقده_دل_وا_نکردم . . #پیامبراسلام_شهادت #یومدی_گوزون_بو_دهریدن_چون_شاه_مرسل #رضوی_زنجانی #ترکی

ورود حضرت سیدالشهدا به سرزمین کرب و بلا . #سبک_ای_درد_بی_درمانلارا_درمان_اباالفضل . مرحوم صحاف تبریزی . غم گتدی قارداش قلبمی درده بو یرده قربانوام وورما سرا پرده بو یرده . . سولدی جمالون گل کیمی رنگون سارالدی آهون اوجالدی عرشه بی پرده بو یرده . . بلمم نه وار باشوندا بو صحراده قارداش گوزدن توکورسن عارضه حسرتله قانیاش بو حالوی گورموب ئولیدیم منده ای کاش غم قویمادی طاقت اورکلرده بو یرده . . قارداش آتام شیر خدانی دوت نظرده برپا ایدردی خیمه گاهین عالی یرده علت نه دور امر ایلوسن سن بو سفرده وورسونلا خیمه بیر چوخور یرده بو یرده . . ای محرم اسرار حق شاه فلک جاه آه اُسته قارداش دمبدم چکدوقجه سن آه قلبیم دوتار اود قیل منی بو سره آگاه نه وار مگر آل پیمبرده بو یرده . . باخدوقجا قارداش اکبره سن دیده گریان لیلانون ائیلر غصه و غم باغرینی قان گوزدن توکر قان یاش یوزه زلفی پریشان اهل حرم قلبی گلور درده بو یرده . . هر بیر آنا اوز اوغلونا ائیلر نظاره قویماز گوزیندن گوزلری نورین کناره ابر بهاران تک توکر اشکین عذاره اؤز نوگلین گوردوقجه پژمرده بو یرده . . غصه گلوگیر ایلیوب اصغر آناسین آهسته آغلار گیزلدور شور و نواسین بیر اوزگه عالمدور گورور دلسیز بالاسین رنگی پریده گل تک افسرده بو یرده . . عباسیمون وار باشدا بلمم نه قضاسی گزدوقجه دور خیمه نی الده لواسی دلدن گلور فریاده اوج ایلر نواسی قالماز توان اول ماه منظرده بو یرده . . پوزقونلوق آثاری نمایاندور یوزونده موجه گلوب دریا کیمی اشگون گوزونده اعلام ایدنده قتلیوی هر بیر سوزونده قالماز قرار دل بو مضطرده بو یرده . #سبک_ای_درد_بی_درمانلارا_درمان_اباالفضل