زبانحال حضرت ام البنین ( س ) . . مرحوم میرمحمود آقا شوری تبریزی . . کاش اولا بو امّ البنین فدا خردا قبریوه ای رشید اوغول فاطمه یانندا بو بیکسی ایلدون عجب روسفید اوغول هم اوزون اولوبسان سعید اوغول . . واردی چون آنالیق محبّتی من سنه گجه گوندوز آغلارام وار نقدر عمریم سیزیلدارام ناله ایلرم سینه داغلارام تشنه لب حسینیم شهید اولوب چونکه باشیمه قاره باغلارام ساخلارام ئولونجه سنه عزا هم حسینیمه ای رشید اوغول . . ایلیوم نه چاره بو درده من نه ئولوم گلور نه اولور وصال محشره قالوب بازدیدیمیز گورماقیم سنی من اولوب محال لاکن اولسون ای نور چشم من سن کیمی بالایه سودوم حلال هر ایکی جهاندا سن ایلدون بو اوغولسوزی روسفید اوغول . . دورت بالام الیمدن گئدوب منیم ای اوغول اوغولسوز قالوب آنان بیر نفر تاپولمور بو بیکسین دردینه یتوب حالینه یانان ورد ذکریم ایوای اوغول اولوب صبح و شام اولوبدور ایشیم فغان سن همیشه امّیدیدون منه ایلدون منی ناامید اوغول . . من بولوردوم ازّلدن ای اوغول وار سنون نقدری رشادتون حیف اولا آنان گورمدی سنون کربلا چولونده شجاعتون چوخ اثر ائدوبدور حسینیمه ای اوغول ابوالفضل شهادتون قطع اولوب امیدی بِئلی سنوب سن اولان زماندا شهید اوغول . . یادیمه دوشر سرو قامتون چون سبب اولور شور و شینیمه لیک من سنی نوکر ائتمیشم ای بالا ازلدن حسینیمه قول وئروب کچوب ... . . . . . #سبک_ساخلا_ناقه_می_کاروانیدن

ضربت خوردن حضرت امیرالمؤمنین (ع) گریز به شهادت حضرت علی اکبر (ع) . . #سبک_ساخلا_ناقه_می_کاروانیدن ... 8 سبک . مرحوم شهاب تبریزی . محشره گلور نه یوزیله بس قاتلون قیامتده یا علی ایتمدی حیا توکدی قانوی سجده گاه طاعتده یا علی موقف عبادتده یا علی . . گوردی محضر وصل یارده گرم صحبت خلوت اولموسان ترک کثرت فرقت ایلیوب محو وحدت وصلت اولموسان ایله جذب ایدوب شوق حق سنی ذوق عشقدن صورت اولموسان پوزدی صورت قرب وحدتی قویمادی اوصورتده یا علی . . ویرمدی امان اول لعین دون کامله یته سجدہ تینوی غفلتاً باشوندان قلجلادی قان آخوب دوتوب هر دو عینوی قاره روزگار ایتدی زینبی همدم مصیبت حسینوی قویدی حشره تک آغلار عالمی بو غم و مصیبتده یاعلی . . ابن ملجمون یا علی گوروم حق عذابینی ایلسون فزون ... #سبک_ساخلا_ناقه_می_کاروانیدن #شهاب_تبریزی #محشره_گلور_نه_یوزیله_بس_قاتلون_قیامتده_یاعلی

آز قالور غروب ایلیه باتا آفتاب عصمت عم اوغلی جان #فاطمیه_وصال_تبریزی ➖➖➖➖➖ ➖➖➖➖➖ زبانحال حضرت زهرا (س) . . #سبک_ساخلا_ناقه_می_کاروانیدن (بیش از 8 سبک زنجیر و سینه زنی) . . محمد قربانی (وصال تبریزی) . آز قالور غروب ایلیه باتا آفتاب عصمت عم اوغلی جان گل اوتور کناریمده ایلیم بیر نچه وصیت عم اوغلی جان . . باشیم اوسته ابر بهار تک توکمه گوز یاشون آغلاما بئله آغلیاندا سن من دوزنمورم نار فرقتون اوت ورور دیله جان وئرن زمانیمده گل اوتور اشگیوی یوزونون سیله سیله توشه اخذ ائدیم غملی گویلومه یاخشی بیر غنیمت عم اوغلی جان . . آتش محبتده یانماقون لذتین بیر اهل ولا بولر بو یارالی سینمده بیر فقط عشق مرتضادور خدا بولر یثرب اهلی بولموله بولمسین فاطمه سنی مقتدا بولر مقتدای من پیشوای من ای امام امت عم اوغلی جان . . غملی عمرومون غملی دفترین گل ائدیم سنیله ورق ورق غصه لر یوروب مام زینبی قالمیوبدی منده د ... ➖➖➖➖ @Hazrate_Abalfazll➖

اربعین #سبک_ساخلا_ناقه_می_کاروانیدن  (بیش از 8 سبک زنجیر و سینه زنی) .. مرحوم میرمحمود آقا شوری تبریزی . دور ایاقه من قبریوه فدا بیر اویان حسین بو نیامدن دستگیر دشمن اولان باجون قورتولوب گلوب شهر شامدن وار شکایتیم اهل شامدن . ای یارالی ازّل بویور گوروم یاخشیدور یاران من فدا سنه یا که باش آچوب تازه قان گلور سویگلوم حسین وئر خبر منه منده سس چکوب ناله ایلیوب آغلیوم گلوم داد و شیونه ایله وای حسین وای حسین دیوم تا گئچه سسیم نه غمامدن لطف و مرحمت ایلسن حسین حالیمی سوروشسان اگر مینم وار قضاسی چوخ چوخ بو باشیمون بو اؤرکده هم واردی چوخ غمیم دور ایاقه اول ای عزیز من مختصر زمان یار و همدمیم گر چه قدرتون یوخدی شمر دون عاجز ایلیوبدور قیامدن مختصر دیوم شهر کوفه ده چوخ جفا ایدوب اشقیا بیزه گورموشم نلر نه دیوم حسین نیلیوبدی اهل جفا بیزه ائتمیوبدی شرم و حیا قویوب خارجی آدی برملا بیزه قورخمیوبدیلار روز حشرده حقّیلن آلان انتقامدن . دوشموشم او مرجانه اوغلونون مجلسینده من نه بلالره ناسزایه دیل آچدی چون او دم دیل یاراسی ووردی بو مضطره تاب ائدنمدیم حق سوزومله من ووردوم اود حسین جان او کافره بزم عیشینی برهم ایلدیم آلدیم اختیار خاص و عامدن . گورموشم یارالی باشون گئدر دیره میهمان منده گلمیشم میزبانیوی بولموشم حسین خیلی مهربان منده گلمیشم راهبه ائدن وقته درد دل ائتماقا فغان منده گلمیشم راهبون حسین وای سسی چخوب عرشه صبحه دین اول مقامدن . گر ائدم بیان شام محنتون نه دیوم نلر گورموشم اوزوم اول قدر بلا یوز وئروب منه شامده دونوب شامه گوندوزوم یاده ساللام عمروم نقدر وار آغلارام چتین بیر گوله یوزوم اهل بیتیوون نظمینی سالوب بی حیا جماعت نظامدن . مجلس یزیده گئدنده من ینگیمی یوزه ائتمیشم نقاب گه گولوب گهی اوینیوب قمار گه او بی حیا میل ائدوب شراب لبلریوه گه ووردی خیزران قالمادی بو زینبده صبر و تاب ناسزا آتام حیدره دیوب قورخمیوبدی هئچ لاینامدن . مدتی بولورسن اوزون حسین قالمشوخ پریشان خرابه ده سویگلون رقیه صباح و شام چوخ ائدردی افغان خرابه ده اول قدر دیوب هارداسان بابا عاقبت وئروب جان خرابه ده نسگلیم قالوب دویمادی بالام تا ئولونجه آب و طعامدن . من نجه دوام ایلیوب حسین گوز یاشی توکوب سس اوجاتمارام اول بالام رقیه مصائبین من ئولونجه یاددان چخارتمارام وای خرابه ده جان وئرن بالا سویلرم باشمیدان هئچ آتمارام جانیوه قسم سالدی نسگلی بو باجیوی صبر و دوامدن . آلتی گوشه لی قبری «شوریا» قسمت اولمیوبدور بو اربعین سن حسینیدن اولما نا اُمید عین مصلحت بوندادور یقین گر بو ایل سنه قسمت اولماسا کس امیدیوی اولگلان امین بولگلن حسین لطفنی کسوب دوشگلن اوزون بو مرامدن

شهادت امام صادق (ع) #گریز به #مجلس_یزید . . #سبک_ساخلا_ناقه_می_کاروانیدن.... ✍مرحوم شوری تبریزی . . قبریدن ایا فاطمه دوروب وای اوغول دیوب ایت گیلن نوا آغلا جعفر بن محمّدین حالینه خانم سن یانا یانا جان ویروب دیور هارداسان آنا . . کون و مایکون اود دوتار یانار شرح ایدم اگر درد و محنتین صبر ایدوب بلا و مصیبته واضح ایتدی دینین حقیقتین زنده ایتدی جدّی پیمبرین زحمتیله اُلموش شریعتین حقّی گون کیمی ایتدی آشکار اهل عالمینه او مقتدا . . جور و ظلم آل امیّه دن آز زمان اگرچه خلاص اولوب ظلم آل عبّاسیدن ولی قلب اطهری قانیلن دولوب دردینی ایدنمزدی آشکار، گولمیوب یوزی گل کیمی سولوب چوخ ایدردی توهین او سروره دمبدم او منصور بیحیا . . نقل ایدر ربیع بو حکایتی بیر گجه او منصور بدسیر سویلدی ربیع بول بو قدر سن قلبیمی منیم چوخ دوتوب کدر جدّ و جهد ایدوب جعفری بو آن حاضر ایلسن سن اوزون اگر اُلدوروم او زهرا بالاسینی قلبیمه منیم تا اولا شِفا . . واردی نچّه اوغلوم دیر ربیع وار بیرینون امّا شقاوتی بو شقاوتیندن علاوه وار بیله ایشلره چوخ جسارتی امر ایدوب خلیفه دیدیم اوغول حاضر ایت او شاه ولایتی امرینی قیل اجرا خلیفه نین اولما راضی امرینده نقص اولا . . گلدی اول شقی بامیدن دوشوب خاندان آل رسالته اهل بیت عصمت بویوک کیچیک بولمورم قالوبلا نه حالته گوردی اول امامی قیامیده خالقیله مشغول عبادته ظاهر ایلیوب اوز شقاوتین قویمیوب نمازین ایده ادا . . اول شقی امامی او حالیلن دوتدی،مقصده اولدی رهسپار پا پیاده مظلوم امامی گور آت دوشونده امّا اوزی سوار بولمرم ندن گویلر ای خدا گلمدی یره اولدی بیر قرار دشمنین الینده بو نوع زار دستگیر اولوب پور مرتضی . گوردی اول لعین ازل ابد چوخ دوشوب او مولا اذیّته بولمورم نه نوعی او سرورین حالینی گوروب گلدی رافته ترکینه سوار ایتدی اول شهی اُفّ اولا بو بی شرم امّته آل حیدری تک به تک ایدوب جور و ظلم و توهینه مبتلا . . قوزیوب باشین سویلدی بِئلون باغلیوب کیمه دالدالانموسان یوخسا چوخ گوروبسن مریدیوی نامه لر یازوبلار اینانموسان ایلیوب اشاره محاسنین دوتدی سویلدی هیچ اوتانموسان آز منه اذیّت ایله داخی ایشلروندن ال چک ایله حیا . . چوخلی نامه توکدی یره دیدی یازمیسان هامی مسلمینه سن حجّت خدا سویلدی که ای میرمومنین خسرو زمن نامه لردن اصلا خبر یوخوم یازمادیم بیرین بیر بِلاده من ایتمدیم جوانلیقدا آرزو ایمدی من هارا سلطنت هارا . ساخلیوبدی شمشیر الینده چون قصد ایدوب امامی ایده شهید چکدی تیغی اوچ دفعه،قِیتروب ساخلیوب غلافینده اول پلید گوردی قولّارین چرمیوب گلور ختم انبیا سویلور ای پلید ال گوتور بالامدان،گوتورمسن ایلرم بدندن باشون جدا . . یر ویروب یانیندا دیدی بویور یابن عمّ السّاعه کیف حال بو عم اوغلوا لطفون آز اولور گلماقا بیزه تاپموسان مجال ایلیوب معطّر،دیدی ظنین اولما ایلمه اوزگه بیر خیال احترام و حرمت ایدوبدی چوخ چوخلی عزّتیله سالوب یولا . . شام شومیده ای رسول حق بیرجه سن گلیدون او بزمه کاش اهل بیتیوی ساخلیوب یزید مجلسینده،کفرین ایدوبدی فاش بیر طرفده شطرنجیلن شراب طشت ایچینده وار بیر یارالی باش ساخلیوب ایاق اوسته خسته تن اول امام تبداری،بیحیا . . زهریلن او منصور بیحیا عاقبت امامی ایدوب شهید «شوریا» بو مولایه عشقیلن نوحه یازدون اولدون عجب سعید اوز زیارتین ایسته ویر قسم اوز آناسینا اول گیلن امید قسمتیم اگر اولماسا بو ایل قسمتیم اولا بلکه کربلا . #شهادت_امام_صادق_علیه_السلام لینک کانال 👇👇👇👇 ﷽🍁 ✨اَللّهُمَّ عَجِّل لِوَلیِّکَ الفَرَج✨

شهادت حضرت امام حسن (ع) . #سبک_ساخلا_ناقه_می_کاروانیدن  برای سینه زنی و زنجیر) . مرحوم قدرت اله نادری میانجی . یاندوم ای باجی سم زهردن قاره بخت اولان زینبیم اویان جاون وئرور گوز آچ قارداشون حسن اودلارا یانان زینبیم اویان . دورگلان نه غفلتده یاتموسان یخدیلار باجی خانمانوی تازه دن گنه یاسه باتموسان باغلی قویدولار دودمانوی دوغرانوب جگر داده چاتموسان ائتدیلر خزان گلستانوی زهر ائدوب منیم گور نجه باجی قدّیمی کمان زینبیم اویان . آچماسون گوزون خواب نازیدن درد و غم سنه بر ملا دگول ای بلا چکن راه حقّده بو بلا هله صون بلا دگول یِر مدینه دور جان وئرن حسن قورخما ای باجی کربلا دگول یوخدی قدرتیم سسلیوم سنی باغریم اولدی قان زینبیم اویان . یوخدی طاقتیم نازیوی چکم یاتما بیر بله ای اسیر شام یاندی دیل دوداق دوغرانوب جگر سنده منله یان قویما تک یانام دور حسینوی ایله باخبر هارداسان حسین جان وئرور امام ای جوانلاری االده دوغرانان خیمه سی یانان زینبیم اویان . سو گتور باجی ایله شستشو زهر کین دگوب گور لباسیمه دور تدارکون گور انام باجی قونشولار گلر یندی یاسیمه آل هاشمی گئت اویاتگلان وئر خبر باجی نازلو قاسمه دئ آتان ئولور هارداسان بالا قان حنا یاخان زینبیم اویان . آز قالوب گجه صبح آچیلسا گر پخش اولار باجی عالمه خبر عون جعفری اکبری اویات کوفه نائبی مسلمه خبر کربلا علمدارینی چاقور وئر منیم اباالفضلیمه خبر قوم و خویشیمی ایله باخبر گوللری سولان زینبیم اویان . وقتیم آز قالوب ای آنام باجی منله بیر زمان ایله گفتگو دور چاقور گوروم اهل عیالیمی ناتوان ائدوب چون منی عدو دوغرانوب جگر ئولدورر منی کوزه دن باجی ایچدیگیم بو سو قارداشون گئدور دور وداع قیل بی خبر یاتان زینبیم اویان . گوردی زینبی چون اویانمادی ناامید اولوب شاه ممتحن بیر به بیر یاتانلاری سسلیوب اولمادی اونا کیمسه سس وئرن نوعله سوروندی گلوب گئنه زینبون باشی اوستونه حسن یوز یوزه قویوب سسلدی امام یاندیم الامان زینبیم اویان . «نادری» بو غم دفترین قوتار آز قالوب قلم دفتر آغلاسون زهر کینلن جان وئرور حسن وقت اولوبدی پیغمبر آغلاسون فاطمه اوغول وای دیوب گله باشنه وورب حیدر آغلاسون کربلا غریبی حسینیمه سینه داغلیان زینبیم اویان ✨اَللّهُمَّ عَجِّل لِوَلیِّکَ الفَرَج✨

#سبک_ساخلا_ناقه_می_کاروانیدن  برای سینه زنی و زنجیر)☝️☝️☝️ با نوای زنده یاد فخرالدین حاج سلیم موذن زاده👌👌🖤🖤