#خروج_کاروان_عشق_از_مدینهء_منوره
#وداع_فاطمه_ام_البنین_سلام_الله_با_امام_حسین_علیه_السلام
رِجُوع قِیلدِی دُرست اِیتماقا بَساطِ سَفر
تَمام یاوَرِ سُلطانِ دین صَغیر و کبِیر
خِصُوص تازَه جَوانانِ هاشِمی فِطرَت
وِیرَردِی جُملَهسی تَختِ رَوانِینَه زِینَت
اِیشیدِیلَر اوُجالُوب طَرقُوا صَداسی گلُور
شَهنشَهِ نَجَفِین یارِ مَهلَقاسی گلُور
دِیَردِیلَر یُول آچُون یا مَعاشِرِ الاَحباب
زَمینِ مارِیَه سَقاسینِین آناسی گلُور
نَه گُوردُولَر که یِتُوب کَارِوانَه اُمّ بَنِین
یاپُوشدی دُوتدی عَلمدارِ کَربَلانِین اَلین
آپاردِی مَحضَرِ پاکِ اِمامِ والایَه
دُولاندُورُوب باشینا اِیتدی عَرض مُولایَه
فَدا اوُلوم سَنَه اِی کَایِنات مُولاسی
علیّ اَکبَره قُول وِیرمِیشَم بُو عَبّاسی
اَگر قَبُول اِیلَسَن اِی اِمامِ عَرش فَراش
بُو اوُغلوم اوُغلووا نُوکَردِی مَن سَنَه قَرَهواش
بُویُوردِی سَروَرِ بَطحا اَیا مَلک مَنظَر
بُو قَدر وِیرمَه حُسینَه بِیلَه خَجالَتلَر
اوُزُون مَنه آناسان اوُغلُون هَمزَبانِیمدور
وَفالی قارداشیم عَبّاس جِسم و جانِیمدور
بُو سُوز تَمامَه یِتُوشمُوشدِی گُوردِیلَر یاران
اوُجالدی خَلق آراسیندا آهِیلَه اَفغان
اِیدُوب نَظارَه خَلایِق نَه گُوردُولَر ناگاه
جَنابِ جَعفَرِ طَیّارِین اوُغلی عَبدِلله
گلُور یانِینجا اِیکی نُوجَوانِ لالَه عُذار
دِیَر فَغانِیلَه اِی سَبطِ اَحمَدِ مُختار
قُوجالمُوشام من اوُزوم یُوخدی طاقَتِ سَفرِیم
مَنیم یِریمَه عَوضدور بُو نُورِ دِیدَهلَریم
عَم اوُغلووِوندا بُولار تُحفِهء مُحَقّریدور
وَلی اِیکی قُوزی بیر قُوچ فَدا بَرابَریدور
زَمینِ کَربُبَلا اِیچرَه اِی اِمامِ زَمان
کرَک ازَل اوُلالار اَکبَر اوُغلووا قُربان
سُوزین تَمام اِیدُوب اوُل پیر ناتَوانِ عَلیل
دُورُوب کَنارِیدَه گُوزیاشینی اِیدَردِی سَبِیل
او دَمدَه چُونکه بِفَرمُودِهء اِمامِ اُمَم
گلُوب کِجاوَهلَرَه اَگلَشُوبدِی اَهلِ حَرم
حَرمسَرا قاپُوسیندان اوُجالدِی سَس ناگاه
نَجِیبَه زِینَبِ بِنتِ علی وَلیّ الله
کَنار اوُلُون چَکَیلُون نُورِ حَق ضِیاسی گلُور
حَرِیمِ لَمیَزَلِین بانُوی حَیاسی گلُور
عَرُوسِ جَعفَرِ طَیّار خواهَرِ حَسنِین
جَلال مَخزَنِینِین دُرّ ِ پُربَهاسی گلُور
او کِیمسَهدور بُو گَلَن عُورَت اِی مَعاشِرِ ناس
آچاندا باشِینی گُون چِخماقا حَیاسی گلُور
چَکیلدِی خَلق کَنارَه تَمامِ پیر و جَوان
جَلال و کُوکَبَهء فاطمِیَه اوُلدی عَیان
چِخُوب حَرم قاپُوسیندان به عِزّ و ناز و اَدَب
حُسِین باجیسی خِیرالنِسا قِیزی زِینَب
کَنِیزلَر دُوزُولُوب هَم صُولُوندا صاقِیندا
دُورُوب نِظامِیلَه قارداشلارِی قَباقِیندَه
آلُوب آرایَه اوُنی هاشِمِیَه عُورتلَر
گِیرُوبلَه قُولتُوقنا قاسِم و علیاَکبَر
بُو شُوکَتِیلَه یِتَن وَقتَه بانوی دُو جَهان
قَباقِینَه چَکَیلُوب زَرنِگار تَختِ رَوان
باخاندا تَختِ رَوانَه او بِنتِ اَشرَفِ ناس
وِیرُوب اَیاقِینِین آلتینا چِگنینی عَبّاس
یاپُوشدی قُولارینی مَکَه و حَرَم شاهی
خِطاب قِیلدِی که اِی بُرجِ عِصمَتین ماهی
بُویُور جَلالِیلَه تَختِ رَوانَه بِسمِ الله
گرک عَراقَه گِیدَه پیشخانَه بِسمِ الله
بُو یِردَه خاطِریمَه دُوشدِی دَشتِ کَربوبَلا
کَباب اوُلوب اوُرَگِیم یاندِی آه و واوِیلا
او دَم که مارِیَه دَشتِیندَه بعدِ عاشُورا
هَمِین بُو زِینَبِ مُحنَتنَصیبِ بَختیقَرا
جَفائیلَه قُولی باغلی اِیکی گُوزِی گِریان
بَرابَرِینَه چَکَن دَمدَه، ناقِهء عُریان
غَرض مَدِینَهدَن اوُل زَادِهء وَلیّ الله
اوُلوب جَلای وَطن قِیلدِی عَزمِ بِیت الله
فَلک زَمانیَه بیر شُور و آه و وا سالدِی
عَیالِ فاطمَهنِین دَردِی بیدَوا قالدِی
بَس اِیت بُو قصّهنی #قمری جَهانی دُوتدی اُلم
یازاندا شَرحِ مُصیبَت شَرارَه دُوتدی قَلَم
التماس دعای فرج
#شادروان_قمری_رحمت_الله_علیه