▪️زبانحال مولا علی (ع) وفالی همدمیم زهرا خداحافظ خداحافظ قرانلوق یرده یات تنها خداحافظ خداحافظ خداحافظ خداحافظ. خداحافظ خداحافظ اوگوندن که آتون ئولدی اسیرروزگاراولدون آزعمرونده ساناگلمز.مصیباته دچاراولدون بوآخر سرنوشتوندی ئولوب ایتگین مزاراولدون وصایون ایله دیم اجرا خداحافظ خداحافظ عم اوغلون بی پناهیدی وطنده بی پناه ایتدون اسیردام تقدیری اسیری سوز و آه ایتدون ایووندن اینجیدون قبری گلوب آرامگاه ایتدون یتیشدون مقصده گویا خداحافظ خداحافظ حضور بابوه چاتدون هم اوغلون دیده ترقالدی شرارِ هجرو محنتله بو قلبیم شعله ورقالدی قاپوسین اودلانان ایوده بالالارون ملرقالدی نجه آرام ایدوم آیا خدا حافظ خداحافظ بوگیزلین قبره کی قویدوم. سنی ای افضل موجود نهان برگنج تک دائم نظرلردن اولور مفقود یرون معلوم اولورخلقه گلنده مهدی موعود تاپولارگنج ناپیدا خداحافظ خداحافظ جفالر گوردون امتدن دل غم پرورون سندی یخلدون صحن خانونده یره سن شهپرون سیندی همای عفتیدون سن ستمله شهپرون سیندی منه بیلدیرمه دون اصلن خداحافظ خداحافظ عم اوغلون زلفوون بیرتارینی دنیایه ویرمزدی بوقامت که قوری یرده قالوب طوبایه ویرمزدی سنق پهلو سینق بازو بابونه طاهایه ویرمزدی علاجم اولمادی اما خداحافظ خداحافظ امان قنفذ جفاسیندن امان بیرحم دشمندن حسینون جانینه اولسون قسم شرمندیم سندن رسول اللهه جنتده گلایه ایلمه مندن بهشته سالماواویلا خداحافظ خداحافظ وفالی باغبان ئولسه صفادن گل دوشر دوشمز؟ گلون پژمرده گورسه عشقیدن بلبل دوشردوشمز ایوین رکنی گیده رونق دن هرمنزل دوشردوشمز نه منزل غمدی سرتاپا خداحافظ خداحافظ اومنزل که سنه محراب اولوبدی قبله سی هرشب حیالی قیزلارون ذکر و دعایه ایلیوب مکتب آچوبدور جانماز ایندی یرونده اگلشوب زینب سنه نایب دی درمعنا خداحافظ خداحافظ بلالی روزگاریمده اورک سوزانیدون مندن مصائب صحنه سینده دیده سی گریانیدون مندن بودنیاده فقط سن بیر بلاگردانیدون مندن حسادت ایله دی دنیا خداحافظ خداحافظ اجل ایتدی راحت منه هرگون قیامت وار ویرنده غسلووی گوردوم وجودونده علامت وار قالوبدی سیلینون ردی جمالونده علامت وار گوگرمیش عارض زیبا خداحافظ خداحافظ نه درد و غصه وون اولدی علاجی راه چاریله نه اولدی محسنون همدم جهانداگاهواریله آتون احوالیوی آلسا خبرایله اشاریله سنوبدور گوهرتقوا خداحافظ خداحافظ ✍بقلم زنده یاد استاد انور اردیبلی 📖 تایپ: محمدعلی فریدی۱۴۰۳/۹/۴ ✨اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

🏴سینه زنی شهادت حضرت زهرا سلام الله علیها 🏴 🎤بانوای حاج شهروز حبیبی اردبیلی #الّلهُـمَّ‌عَجِّــلْ‌لِوَلِیِّکَـــ‌الْفَـــرَج #فاطمیه_۱۴۰۳ #شهادت_حضرت_زهرا_سلام_الله_علیها

🎤حاج علیرضااسفندیاری روضه دلنشین.صوتی🎶 شهادت حضرت زهرا(س)سال96 صاحب الزمان(عج)باغ آذری #فاطمیه_۱۴۰۳ #شهادت_حضرت_زهرا_سلام_الله_علیها

حضرت زهرا سلام الله علیها سبك:كربلا منتظرماست بيا تابرويم زینبی درد فراقون گتیروب جانه آنا گجه گوندوز ایلیوب دردیله همخانه آنا سن الیمدن گیده لی دوره می درد و غم آلوب درد و غم مونس اولوب زینب نالانه آنا من هارا بو آناسیزلیق هارا آز سنّیمیله بیر بیله غصّه هارا اُف بیله دورانه آنا قیز عیالی آناسیز قالسا اوشاقلیقدا یانار آناوای دلده ایدر ناله یانا یانه آنا منده دائم دیرم وای آناسیز جانیم وای آناسیزلیق آپارار صبریمی تالانه آنا سن که گیتدون ایویمیزدن قاپیمیز باغلاندی آشنالرده دونوب اولدولا بیگانه آنا بیز غریب وطن اولدوخ بابامیز شهرینده غربت احساس ایدروخ یوز دوتاخ هر یانه آنا چوخ غریبانه سنه شام غریبان دوتدوخ نه بیله یاس اولی نه بیله عزاخانه آنا اولمادی شام غریبانه گلوب شرکت ایدن تسلیت ویرماقا بو جمع پریشانه آنا گلن اولسِیدیده اشرار یولی باغلادیلار گلنی قویمادیلار شام غریبانه آنا الی قوینوندا بابام آغلادی بیز آغلاشدوخ همصدا اولدوخ او شاهنشه دورانه آنا دولانوب سن دولانان یرلری عطرون آلارام جان فدا عطریوه پیغمبره ریحانه آنا گه لباسون دوشرم رسم عزائیله، سنی یاده سالّام توکرم اشکیمی دامانه آنا جانمازون دوشرم گاه مصلّاده سنون عطرون آلّام توکرم اشکیمی دامانه آنا آیریلیق دردی یامان درد اولی من بولمزدیم کاش بطلان وورولا کلمه ی هجرانه آنا قیز عیالی آناسیز قالسا اُلونجه آغلار یوزی گولمز قالی حسرت لب خندانه آنا قول قانادسیز قوشا بنزر آناسیز قیز ایوده گوزیاشی آب اولی خون جگری دانه آنا آنالار نائبه سی قیزلار اولار رسمیدی بو خاصّه من تک قیز اولا، سن کیمی فرزانه آنا جانشینم سنه آز سنّیمیله بو ایوده سرپرستم بو نچه دیده سی گریانه آنا فاطمی لر علوی لر قاریشوب بیر بیرینه هره بیر یاندا گلر ناله و افغانه آنا ایوده مظلوم بابام شمع عزا تک یانوری بیزده اولّوخ یانا یانه اونا پروانه آنا بوینی چیگنینده حسین دلده آنا قان آغلار سالوری ناله سی آتش بو دل و جانه آنا قوپارار حشر آلاندا اله عمّامه سینی برملا لرزه سالار طارم کیوانه آنا حسنینون قویوری یوز یوزه غوغا یارادور شور و شیون اوجالور قبّه ی کیهانه آنا آناسیز ایولرین عالمده صفاسی اولماز اولی غمخانه صفا اولماسا کاشانه آنا خورداجا سنّیله اولدوم آناسیزلار آناسی مهر مادر ایدرم جمع یتیمانه آنا خاصّه چوخ شیون ایدر شوریله بو خوردا باجیم یاندیرور قلبیمی باخدوقجا یانا یانه آنا اسدی سندنصورا بو گلشنیوه باد خزان ایویمز دوندی داخی گلشن ویرانه آنا لحنی دوندردی خزان دیده اولان بلبل لر دولدی الحان فراقیله بو گلخانه آنا اورگیم درده گلور نسگلیوی یاد ایدرم باغریمی دوندری مظلومه لیقون قانه آنا نوبهاروندا خزان اولماقیوی یاد ایدرم گذریم دوشسته منین طَرفه گلستانه آنا مین بهار اولسا اگر مینلریله گل آچسا آناسیز قلبی آچیلماز قسم اول جانه آنا باغری قان اولماقیوی من ایدرم مدّ نظر دوشسه گلشنده گوزوم لاله ی نعمانه آنا برگ گل اوسته اولان شبنمی تشبیه ایدرم گل یوزونده اوتوران دانه ی مرجانه آنا دوشه سن یاده یارالی یخلان حالتیله سروری گورسم یخلوب صحنه ی بستانه آنا گوسترر نقشه ی سیلی رخ گلنارونده لکّه ی ابر دوشنده مه رخشانه آنا آغلارام محسنیوین حالینی من بنزدرم شاخ گلدن قیریلان غنچه ی عطشانه آنا روشنایی سالی هر بیر ایوه تائب آنالار بنزر ایولرده اولان شمع شبستانه آنا مهریله باخماقی ایو اهلینه عنوان سرور وای اگر قهر ایلیه یوز چویره يانه انا ✨ اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

🍁بسم الله الرحمن الرحیم 🍁 زبانحال حضرت زینب سلام الله علیها بر سر بالین حضرت زهرا سلام الله علیها سبک:منم باید برم بابامی تک قویوب هارا گئدورسن آی ننه ئو نیـلی صورتینـله نظـر ایله بیـر منـه منم ننـه قیزون سیخیلدی قلبیم آغلارام بو حالیله نجه درد و دیل ایلیـوم سنـه ئولونجه آغلارام بو حالیوه جوان ننه قاپی دالیندا ای مثال گول سولان ننه 🏴عزالیسان ننه، اورک یارالیسان ننه امان امان امان، باشی بلالیسن ننه🏴 باشیما شانه ویر گوزووی آچ اویان ننه بو سینیده بالالارینی تک قویان ننـه جان اوسته آغلاما اوره گیمیزی داغلاما مثالی گول سولوب بو دنیادان دویان ننـه ئولونجه آغلارام بو حالیوه جوان ننه قاپی دالیندا ای مثال گول سولان ننه 🏴عزالیسان ننه، اورک یارالیسان ننه امان امان امان، باشی بلالیسن ننه🏴 هارا گئدوم دئییم آنامین حالینی خدا بابام دئیور بالا قوجـاقیمه گل آغلاما ئوزی آنامین حالینه یانـور دئیور حزین یارالی فاطمه ام سینان دیلیمی داغلاما ئولونجه آغلارام بو حالیوه جوان ننه قاپی دالیندا ای مثال گول سولان ننه 🏴عزالیسان ننه، اورک یارالیسان ننه امان امان امان، باشی بلالیسن ننه🏴 یولوی کسدیـلر نجه دسیسه قوردولار حسن گوروب سنه کوچه ده سیلی ویردولار اوره گی تیتـرئیـور ، اینـدیده مهربان ننـه بیلنـمدیم نیـه سنـون یولونـدا دوردولار ئولونجه آغلارام بو حالیوه جوان ننه قاپی دالیندا ای مثال گول سولان ننه 🏴عزالیسان ننه، اورک یارالیسان ننه امان امان امان، باشی بلالیسن ننه🏴 قاپی دالیندا سقط اولان بالاسی آی ننه ساغالمیـان اولان اورک یاراسی آی ننه بوحالیوی گوروب بالالار آغلیور یانور اوجالدی گویلره حزین نواسی آی ننه ئولونجه آغلارام بو حالیوه جوان ننه قاپی دالیندا ای مثال گول سولان ننه 🏴عزالیسان ننه، اورک یارالیسان ننه امان امان امان، باشی بلالیسن ننه🏴 ✍ علی اصغر عباسعلی نژادکیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

درمورد مادروگریز به شهادت صديقه کبری حضرت فاطمه زهرا علیهاسلام بالامحبتینی قلبینه سالان ننه دی اونون غمینده اودوردائما"یانان ننه دی اودوقوزآی بالانون چکدی چوخ مصیبتینی گتوردی عالمه زحمتده یوخدی سان ننه دی بدن عصاره سینی وئردی لایلایین چالدی بالاسی آغلاساداسویلویوبدی جان ننه دی دیل ئورگدیب بالیاگاه دوتوبدی اللرینی بالامصیبتینه اولدی مهربان ننه دی اوشاق کی طاقتی یوخ دورماقامواظب اولوب اوقویمویوبدی سولا,غنچه، باغبان ننه دی اگر بالاسی مریض اولسا یاتمویوب گئجه لر اوخورداجااوشاقون لایلایین چالان ننه دی آنایدی لایلایینی چالدی تااوشاق یاتسون اوآغلویاندا ائدوب اشکینی روان ننه دی کیمون کی وارآناسی آنینی اونون ئوپسون ائدوبدی ختم رسول بوسوزی بیان ننه دی بهشتی واجب ائدوب خالقی اونی ئوپنه ایاقی آتدااولان روضه ی جنان ننه دی حسینه گوزیاشی توکدی قاتوب آنام سودینه محبتین اودی بوقلبیمه سالان ننه دی منیم کیمین چوخونون فوت ائدوب عزیزآناسی بوفانی دهریده یوخ دادینه چاتان ننه دی گریز به شهادت حضرت زهرا واریمدی بیرآنادانداخبرشهیده اولوب اولوبدی میخ دره سینه سی نشان ننه دی قولونداقمچی یری محسنی شهیداولونوب جفای دشمنه پهلوسی وای سئنان ننه دی اودوقوزایلجه علینون ائوینده عمرائلدی ئولوبدی الده گئدوب قبرینه جوان ننه دی فدک آلیندی دگوب کوچه ده اونی ثانی پیمبرین بالاسی قامتی کمان ننه دی علی ولایتینه جانینی فداائلویوب حسن حسین غمینه اولدی باغریقان ننه دی سالوبدی زینبینون باشینه قرا زهرا گئجه دیین آناوای گئتمه بیردایان ننه دی الینده زیوراولوب قمچی ووردولاریانوخ علینون عشقینه پروانه تک یانان ننه دی وئرنده غسلون علی گوردی سینه یاره سینی هم ئوزده سیلی یرین چکدی الامان ننه دی گوروبدی پهلوسینی سئدیروبدی مردلعین ائدوبدی تکیه اودیواره آغلویان ننه دی پیمبرین بالاسون دفن ائدوب گئجیله علی بالاسی مهدی ائدر قبرینی عیان ننه دی عزیزه ی نبوی الده ئولدی آغلویوروخ اولوبدی اون بیرامامه عزیزجان ننه دی هدف اولوبدی گولی خاره غمده آغلویورخ قانین گلوب آلاجاخ صاحب زمان ننه دی یازوب مصیبتینی صاحبی یانورغمینه شفیع محشراولان حوری جنان ننه دی حاج عباسعلی دهقان(صاحب)۱۴۰۳/۸/۲۱ ✨اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

یا فاطمة الزهرا سلام الله علیها آلالۀ بهشت پیمبردی فاطمه وحدت حدیقه سینده صنوبردی فاطمه هرچند قدر و قیمتی مجهول اولوب ولی گنجینۀ نبوّته گوهردی فاطمه مبهوتدور عیارینه صرّاف روزگار مین دُرّ شاهواره برابردی فاطمه عاجزدی شرح مدحتینه اهل فضل چون آئینه‌ی فضیلت داوردی فاطمه شأن و شرفده عالم امکاندا مثلی یوخ اللهُ نوره، جلوه‌ده مظهردی فاطمه نور سراج مصطفوی مشعل نجات بزم ولاده شمع منوّردی فاطمه شمسُ‌الضّحی محمّد و بدرُالدّجی علی اُول نسبتیله زهره‌ی ازهردی فاطمه میر اُمم علیدی نجاتین سفینه‌سی عالمده اُول سفینیه لنگردی فاطمه مهد ولاده اون بیر امامین آناسیدی گردونه‌ی ولایته محوردی فاطمه زینب کیمی بو جامعه‌ده جامع‌العلوم جان شیره‌سیله نابغه پروردی فاطمه قائل اولان ولایته باک ایلمز، نچون یوم جزاده حاکم محشردی فاطمه هاجر محالیدور چاتا عزّتده شأنینه مافوق شأن حضرت هاجردی فاطمه مریم هارا بتول هارا فضل پایه ده مین مریم مقدّسه سروردی فاطمه وصف جلالی مصحف مُنزلده درج اولوب نصّ صریح سوره‌ی کوثردی فاطمه زهد و عفاف و عصمت و تقواده بی نظیر حلم و ثبات و حکمته زیوردی فاطمه تندیس عفّت و شرف و عصمت و حجاب مصداق شرم و آیت معجردی فاطمه کوی وفاده کعبه‌ی مقصوده چاتماقا سیر سلوک اهلینه  رهبردی فاطمه عالمده اهل کفر و نفاقین تِفاقینی همّتله یاندیروب یاخان اخگردی فاطمه مین‌لر بلا ولایته خاطر گوروب دوزوب چون حامیِ ولایت حیدردی فاطمه ظالم برابرینده دوران دفع ظلم ایچون کسگینلی ذوالفقار دو پیکردی فاطمه فوج بلا تهاجم ائدنده ولایته شاه ولایته جانیله یاوردی فاطمه باغ فدک بهانه‌دی احقاق حقّ ایچون دنیایه اوز ثباتینی گوستردی فاطمه زهرا اولان مکاندا سپاهه نه احتیاج مولایه تک وجودیله لشگردی فاطمه یاللعجب بو شأنیله دشمن اوتانمادی آخِر رسول اکرمه دلبردی فاطمه درگاهینه هجوم ایلیوب اؤد ویران مگر بولموردی شاه عالمه همسردی فاطمه امر ائتدی یاندیرون ویرون اود بارگاهینه من بیلمرم حبیبه‌ی داوردی فاطمه خوف ائتمیون تلاش ائلیون یاندیرون آچون بولمم قاپی دالنداکی حیدردی فاطمه لال اول دیلیم حکایته چوخ وئرمه شرح و بسط شرم ایت اوتان عزیز پیمبردی فاطمه مسمار دشنه حمله عدو اود او حالده شرم ایلوری قلم یازا نیلردی فاطمه غصب فدک حکایت سقط جنین ائله بیر حاله سالدی که ئولوم ایستردی فاطمه اولدی اولان خلاصه گوروب چاره یوخ گرک ترک ایلسون جهانی مقدّردی فاطمه یوز دوتدی اوز عم اوغلوسونا سویلیوب سنه عفو ائت ویرور بو زحمت آخِردی فاطمه بیلمم ندن گئجه ایله دئدی دفن و کفن ائله گوردون او لحظه گل کیمی پرپردی فاطمه اولما رضا مزاریمی دشمن‌لر آنلاسین گیزلینجه دفن و کفن اولا بهتردی فاطمه چوخ اینجیدیم جهاندا بو قوم پلیدیدن الله بولور نه قدر مکدّردی فاطمه بو قومدان رضا دَگُل آگاه سن اوزون مقتول جهل قوم ستمگردی فاطمه (شبخیز) ایتمه غم که گنهکار بنده سن محشر گونی شفیعه‌ی محشردی فاطمه ✍ مرحوم استاد شبخیز تبریزی #فاطمیه_۱۴۰۳ #شهادت_حضرت_زهرا_سلام_الله_علیها

🏴زبانحال حضرت امیرالمومنین علی علیه السلام🏴 🎶سبک(ایران، اگر دل تو را شکستند).‌. ➖➖➖➖➖➖➖➖ زهرا عم اوغلووی بلایه سالدون قراریمی الیمدن آلدون غمون سالار منی ایاقدان ندن بو تزلیقا قوجالدون یارالیسان یارالی زهرا زهرا اولوم سوزون ایدوبسن ازبز ای مرتضایه یار و یاور سن اولماسان بو ایوده زهرا خراب اولار سرای حیدر زهرا قالیبدی غملرون دیلینده دولاندون اللرون بلینده عم اوغلووی خانیم حلال ایت دُویولدون حیدرین اوینده زهرا بالالارین سولوبدی گیتمه غمیله دل دولوبدی گیتمه ای مرتضی نین غمگساری بیزه اولان اولوبدی گیتمه زهرا یانان قاپینی بیر چالان یوخ سندن صورا منه قالان یوخ مدینه ده ایله غریبم سلامیمی منیم آلان یوخ زهرا علی خجالت اولدی سندن یوزوی دوتما سنده مندن جهان منه اولوبدی زندان ثانی عیالیمی دُویندن زهرا غریب و (بیکَسم) بولورسن ایوای منه نه تز ئولورسن غمیم چیخار یادیمدان اما گورسم خانیم گینه گولورسن 🏴🏴🏴🏴🏴🏴🏴 التماس دعای فرج الاحقر مهدی عبادی #فاطمیه_۱۴۰۳ #شهادت_حضرت_زهرا_سلام_الله_علیها

🏴احوالات غسل حضرت زهرا (سلام الله علیها)🏴 ✍شعراز:کربلایی آذرین خلخال عاقبت توختامادی بیت علی بیماری فاطمه ترک ایلدی قلبی یانان سرداری مغرب غمده غرض ماه علی تز باتدی یاتمیان عمربویی یومدی گوزون دای یاتدی گوزونی یومدی علی گوللرینی آغلاتدی باباسی خاتمه جنتده قوناق گیتدی خانم محبط وحیی غرض بیت الحزن ایتدی خانم شمع خاموشه علی غمزده پروانه اولوب خانه عشق وصفا زینبه غمخانه اولوب بومصیبتده حسن فکرایله دیوانه اولوب ام کلثوم یولوب باشین ایدوب شیون و شین آغلادی اهل سماواتیده آغلاتدی حسین خانم ایتموشدی وصیت گجه غسلین ویره لر هم گجه کفن ایده لر هم گجه دفن ایلیه لر مغسل فاطمه نی ایتدی مهیا حیدر قادرالله اوزی بیلدی نه حالا قالدی علی اوخشادی یارینی عالملره اود سالدی علی ایستدی غسل ایلیه حیدر او یورقون یارینه مغسل اوسته باخدی اللرده اولن دلدارینه غسل دان ال چکدی یوز قویدی اوین دیوارینه های هاییله اودم فتاح خیبر آغلادی سوز آهیندن اینان حور و ملک دل داغلادی راوی نقل ایلور دیدیم ای معدن جود و سخا صبریده حیران قویوبسان کائناتی برملا سویله نه گلدی سنه بونوعی آغلورسان آقا ایتدی فرمایش بوغم اگدی علینون قدینی قولاریندا گورمه میشدیم تازیانه ردینی فاطمه بیر یول محندن آه و وایه گلمدی دوقوز ایل فوج مصیباته دوزوب دیلنمدی چوخ یاراسین گیزله دیبدی هیچ منه بیلدیرمدی عیبی یوخ گوزدن آدامسیز حیدری آت فاطمه قوی دیوم لایلای عزیزیم خسته سن یات فاطمه ادامه دارد ..... سروده شده به تاریخ ۱۴۰۱.۰۹.۲۲ #فاطمیه_۱۴۰۳ #شهادت_حضرت_زهرا_سلام_الله_علیها

🏴سلام بر حضرت زهرا(سلام الله علیه) 🏴 ۱۴۰۳/۸/۳۰ سلام اولا سارالان گول کیمین سولان نَنییَه بالاسی سقط اولونان دیلدن اوتلانان نَنییَه 😭😭😭😭 سلام اولا قاپوسی ظلم اَلیلَن اوتدا یانان قاپی دالیندا قالوب سینه سی سینان ننییه 😭😭😭😭 سلام اولا یئرییَن وقت اَلین قویان بئلینه گلین لیگینده   اولان   قامتی کمان  ننییه 😭😭😭😭 سلام اولا دوگولن کوچه ده یوزی گُؤوَرَن او  سیلی دن گوزینه لخته قان دولان ننییه 😭😭😭😭 سلام اولا  ئوز ائوینده یوزونی گیزلَدَنَه بالالاریلا   دویونجاق   دانشمیان   ننییه 😭😭😭😭 سلام  اولا گئجه گوندوز حزین دعالرینه نماز  وقتی  بیر اَللی قنوت دوتان ننییه 😭😭😭😭 سلام اولا باشا چاتماز قوتارمیاندی غمی عزیزه  قیزلارینا   ناگران   اولان   ننییه 😭😭😭😭 سلام  اولا  حَسَنِین ، کلثومیله  زینبینه فراقینین  اوتونا  غمدن  آغلادان  ننییه 😭😭😭😭 سلام اولا او جوان وقتی حسرتیلن ئولن تمامی   آرزولاری    قلبیده   قالان   ننییه 😭😭😭😭 سلام اولا گئجنین عالمینده قبره گئدن بالالارین   غم   هجرانه  یاندیران  ننییه 😭😭😭😭 (سیامکا )غم زهرانی چوخ گتیرمه دیله سلام اولا   دئنَه   قبری تاپولمیان  نَنییه #فاطمیه_۱۴۰۳ #شهادت_حضرت_زهرا_سلام_الله_علیها ﷽🍁 ✨اَللّهُمَّ عَجِّل لِوَلیِّکَ الفَرَج✨

اذان بلال (کامل) با نوای حاج محمد نورانی (روضه سوزناک خانم زهرا)😭😭 پیشنهاد دانلود🏴🏴🏴🏴 #فاطمیه_۱۴۰۳ #شهادت_حضرت_زهرا_سلام_الله_علیها

زبانحال حضرت زینب(س) -(غم و بلا قلبینه دولان باغریقان ننم لایلای) 🎶به سبک های خداحافظ ای آنام باجی سن آغلاسون من دوزنمورم شیرین سوزوم آیدین اولدوزوم غم و بلا قلبینه دولان باغریقان نه نم لایلای خزان وئروب گل یوزی سولان ناتوان نه نم لایلای باغریقان نه نم لایلای امان امان روزگاریدن چکدی سینمه داغلار ئولونجه بو غملی زینبون وای ننم دیوب آغلار حسن حسین سیل اشکینی غملی صورته باغلار بالالاری دیده تر قالان خسته جان ننم لایلای باغریقان ننم لایلای خزان ویران گللرین ننه سن کیمی یوزی سولماز بو دهریده هئچ بولوط منیم گوزلریم کیمی دولماز منه بوتون عالمی اگر وئرسه لر آنا اولماز سینونده کی قانه من فدا وای جوان ننم لایلای باغریقان ننم لایلای فراقوین آتشی منی یاندورور یاخور مادر دوشنده یاده محن لرون گوزیاشیم آخور مادر اوشاقلارون گول جنازووه یان یانا باخور مادر غمون ائدوب غملی زینبی خونفشان ننم لایلای باغریقان ننم لایلای ئوپر ایاقلاریوی حسین سسلیور آنا گئتمه قوجاقیوه دور منی بیر آل گلمیشم جانا گئتمه اورکده کی درد و محنتون گلمیور سانا گئتمه بو غملی دنیاده قارداشی اولمیان ننم لایلای باغریقان ننم لایلای دوشنبه ۱ دی ۱۳۹۹ ساعت ۱۷:۴۷ نوشته شده توسط یوسف اکبریشاعر: ابراهیم تون خوش قلم ✨اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها