#مدح_و_میلادیه_حضرت_علی_اکبر_ع حُسنِ یوسف که بیله دهریده غوغا یارادیب خلقت اعجازیدی خالق اوزی زیبا یارادیب ایستیوب قدرتین اعلان ایده نقاش ازل یوسفین نقشینی شایسته و والا یارادیب هامی خلقین یارادوبدور کرمیندن سوز یوخ کرمی جوشه گلنده بونی گویا یارادیب حسنی بیر عمر زلیخانی سالوب درد و غمه حسنیده جذبیه باخ عالمی شیدا یارادیب راز عشقی نه گوزل چکدی خدا تصویره او گوزلیقدا که ، چوخلار اونا نجوا یارادیب کیمسه گورسیدی دیردی گورسن حی ازل یوسفه عالم امکانیده همتا یارادیب ؟ بو سوزی یوسف اوزی امتینه ایتدی بیان بیزی خلق ایلین عالملری پهنا یارادیب نور ذاتیندن ازل خلق ایلیوب طاهانی بیله فکر ایلمیون یوسفی تنها یارادوب مثلینی گورمیه جاخ حشره کیمی چشم جهان هر گوزلدن حق یکتا اونی اعلا یارادوب خلق ایدوبدور اونا خاطر بو ایکی دنیانی خلقته علت اونی ، خالق دانا یارادوب منی بیر قطره گورون بحر کرمدن ، اما اونی هر حیثیده هر وصفده دریا یارادوب هر کسی ، خلق ایده گر دهریده بیرده اونا تای اوندا حتما کرمیندن گینه طاها یارادوب گون او گون اولدی غرض اون بیر شعبان اولدی خلقه فاش اولدی خدا نورین هویدا یارادیب یوسفین سوزلری آلدی یرینی دنیاده دوشدی سس یصربه خالق گینه غوغا یارادوب ایلیوب فاطمه نین اوغلونا بیرده احسان وحی ایوینده گینه بیر نور تجلا یارادیب ایله گوچکدی که اوخشور باباسی طاهایه اوزنون نقشینی گویا حق یکتا یارادیب کیم گورور گول یوزونی سویلوری حق یوسفدن حسنیده اکبری مین مرتبه زیبا یارادوب گورسه یوسف اوزی گر واردی یقینیم که دیر اکبری اکبر اوزی هر نیه دارا یارادوب ایلیر غبطه باخا صورت صورتگره گر دیر اوزنقشینی بوندا اولا پیدا یارادوب یثرب عورتلری لیلایه دیردی دائم اکبرین حسنی خانم خلقه تماشا یارادیب سال اوزریک آدنا چون که یامان گوز چوخدور مهربان قلبیوه حق اوغلوی یارا یارادوب کیم گورورحسن جمالین دئیوری خلق ایلین غیر طاها گورسن مثلینی آیا یارادیب #طهمورثی_ساده

#استغاثه_از_امام_زمان_عج گل گل هایاندا قالموسان ای پور بو تراب هجران اودیله قویما اولا قلبیمیز کباب گوز تیکمیشوخ گلن یولوا مین امیدیله امّیدیمیز عنایت ایله اولمیا سراب آخر ندن نهاندی یوزون پشت ابریده انصافیدور مگر آرامیزدا قالا حجاب رد ایت حجابی ای گل گلزار مصطفی جانلار فدا مگر ندن ایلورسن اجتناب لطف ایله چشم جان سالا عکس عذاریوی عاشقلره او هدیه اولا یادگار ناب قاب ایلیه او عکسی وورار خانه دله داغ فراقون ایتمیه تا قلب ایوین مذاب شوره گله بو نوعیله عاشقلری تمام بیربیرلرین گورنده بئله ایلیه خطاب آز قالدی که بهار اولا چوخدا دارخمیون یارین گلن یولوندا، اکین گُل، سپون گلاب یا صاحب الزمان گورسن بیر ایله گونی عاشقلره هاچان اولاجاخ حقدن انتخاب الله بولور که آیریلقندان نه چکمیشوخ روحاً چکور محبّلرین جمله سی عذاب هر چند چوخ فضیلتی وار انتظار اولاق اما سیزون فراقیزه وار هانسی دلده تاب قربان اولاخ گلن یولوا هاردا قالموسان گل لطف قیل ظهوریده ایله بیر آز شتاب بیر عمردور که گول آدوی سسلروخ مدام دلدن بو نوعیله ایدروخ رفع اضطراب آیا ندن بو سسلره بیر سس یتورموسن سالما سکوتیویله دل عالمه شهاب تعجیل ایله اماندی جهان ظلمیله دولور شرحی یازیلسا، دوتمیا ممکندی مین کتاب سنسیز چتین ایشقلانا بو تیره روزگار پرده دالندا قالما عیان اول ای آفتاب ظلمت سرای دللره سال نور ذاتیوی ای نور حق ندن یوزیوه دوتموسان نقاب حقدن ظهوریوه گر اوزون ایتمسن دعا اولماز دعای خلق جهان جمله مستجاب بیر چاره قیل بو اُمّته ای فاطمه گُلی ائتمه بیزیم دعالرین اوستونده چوخ حساب فانی جهاندا غرق گناه اولمشوخ نه چون اعمالیمیز ایدوبدی اورک ملکونی خراب دریای غمده غرق اولوروخ هاردا قالموسان اهریمن آز قالور اولا دنیاده کامیاب عطرون هاچان مشامیلره گوندرر صبا ایلر خمار و نشئه آچلسا اگر او باب ای ((ساده)) دوتمیونجا بشر حق دامنین حقدن چتیندی صادر اولا حکم انقلاب #طهمورثی_ساده

#استغاثه_از_امام_زمان_عج گل گل هایاندا قالموسان ای پور بو تراب هجران اودیله قویما اولا قلبیمیز کباب گوز تیکمیشوخ گلن یولوا مین امیدیله امّیدیمیز عنایت ایله اولمیا سراب آخر ندن نهاندی یوزون پشت ابریده انصافیدور مگر آرامیزدا قالا حجاب رد ایت حجابی ای گل گلزار مصطفی جانلار فدا مگر ندن ایلورسن اجتناب لطف ایله چشم جان سالا عکس عذاریوی عاشقلره او هدیه اولا یادگار ناب قاب ایلیه او عکسی وورار خانه دله داغ فراقون ایتمیه تا قلب ایوین مذاب شوره گله بو نوعیله عاشقلری تمام بیربیرلرین گورنده بئله ایلیه خطاب آز قالدی که بهار اولا چوخدا دارخمیون یارین گلن یولوندا، اکین گُل، سپون گلاب یا صاحب الزمان گورسن بیر ایله گونی عاشقلره هاچان اولاجاخ حقدن انتخاب الله بولور که آیریلقندان نه چکمیشوخ روحاً چکور محبّلرین جمله سی عذاب هر چند چوخ فضیلتی وار انتظار اولاق اما سیزون فراقیزه وار هانسی دلده تاب قربان اولاخ گلن یولوا هاردا قالموسان گل لطف قیل ظهوریده ایله بیر آز شتاب بیر عمردور که گول آدوی سسلروخ مدام دلدن بو نوعیله ایدروخ رفع اضطراب آیا ندن بو سسلره بیر سس یتورموسن سالما سکوتیویله دل عالمه شهاب تعجیل ایله اماندی جهان ظلمیله دولور شرحی یازیلسا، دوتمیا ممکندی مین کتاب سنسیز چتین ایشقلانا بو تیره روزگار پرده دالندا قالما عیان اول ای آفتاب ظلمت سرای دللره سال نور ذاتیوی ای نور حق ندن یوزیوه دوتموسان نقاب حقدن ظهوریوه گر اوزون ایتمسن دعا اولماز دعای خلق جهان جمله مستجاب بیر چاره قیل بو اُمّته ای فاطمه گُلی ائتمه بیزیم دعالرین اوستونده چوخ حساب فانی جهاندا غرق گناه اولمشوخ نه چون اعمالیمیز ایدوبدی اورک ملکونی خراب دریای غمده غرق اولوروخ هاردا قالموسان اهریمن آز قالور اولا دنیاده کامیاب عطرون هاچان مشامیلره گوندرر صبا ایلر خمار و نشئه آچلسا اگر او باب ای ((ساده)) دوتمیونجا بشر حق دامنین حقدن چتیندی صادر اولا حکم انقلاب #طهمورثی_ساده

#غزل_ترکی #امام_زمان_عج من او بلبل کیمی گلزار و بهار آختارورام گل و گلزار آرا بیر نازلی نگار آختارورام گه دوشوب چولری حیران گزیرم هجرینده چکیرم دشت و بیابانیده جار آختارورام سالموشام یکسر ایاقدان هامی دشت و دمنی باغ و راغ ایچره نه چون سرو کنار آختارورام صبریمی الدن آلوب صبر و قراریم یوخدی چرپنان قلبیمه من صبر و قرار آختارورام تک نه من عاشقیم مینلر اونا عاشقیدی من ولی یاریمی هر لیل و نهار آختارورام بیلمیرم هاردا قوروب خیمه سینی، کیم بولسه منه ده فاش ایلسین لحظه شمار آختارورام بیله فکر ایلمیون اولمیا دیوانه دی بو گنج عشقی گزیرم دار و ندار آختارورام کوچه کوچه دولانوب هر یره من باش چکورم اولمیا بوردادی من گوشه کنار آختارورام؟ سیزی تاری خبروز اولسا نهان ایلمیون دویمشام جانه داخی راه فرار آختارورام کیم گتیررسه خبرین مژده سی جانیمدی منیم نقد جان الده اونی با دل زار آختارورام گوزلریم نوری گیدوبدور بو غم عظماده گوزومون نورینی با دیده تار آختارورام وار یوخوم غارت اولوب بیرجه اونون عشقینده گینه بو حالیله من دهریده یار آختارورام دوشوب اولسم منی کوینده اونون دفن ایلیون مقدمیندن گورلر گرد و غبار آختارورام . ((سادیم)) صادقم عشقونده منه بیر باش چک بیر عمردور سنی من قلبی فکار آختارورام #طهمورثی_ساده