#حضرت_زهرا_س تاپوپ بلالی باشیم درد بی دوا یارالی غریبه درده علی اولدی مبتلا یارالی آخوری عارضیمه گوز یاشیم مصیبتدن اولوبدی وِرد زبان وا مصیبتا یارالی محالیدور قوریا گوزیاشیم فراقونده قضا اِیدوب منه بو فعلی اقتضا یارالی مدام آغلیارام ماتمونده صبح و مساء غمونده آغلیا کیم حَق ویرر جزا یارالی دور ای چراغ فروزان محفل عصمت مزارون اوسته گلیبدور غم آشنا یارالی سسیمی آلسان اگر سس یتور منیم سسیمه اویان که دردون اِیدوب قَدیمی دو تا یارالی نه یاتموسان گوزون آچ ای عزیزه دو سرا یِتیشموری سنه یا ناله و بکا یارالی؟ اِیشیتمیسن سَسیمی قبریوین کناریندن شکسته نی تک علی ایلوری نوا یارالی بویور گوروم ساحالوب یاره وی مزارونده و یا که قان ویروری قبریده یارا یارالی دیردیم اولمیا ای کاش بیر گونوم سنسیز عجبدی تاپدی منیم عمرومی بقا یارالی نه لازمیدی منه سنسیز عمر طولانی فنا اولیدی گورم عالم فنا یارالی خطور خاطر اولور حُسن نیتون دائم او پاک نیتیوه من اوزوم فدا یارالی اورکده درد و غمون اِیتمدون منه اظهار کِچن گیجه دل شب اولدی برملا یارالی ویرنده غسلوی الله بولور نه چکدی علی موثر اولدی دله ظلم اشقیا یارالی سالاندا آی ایشیقین مغسل اوسته عارضیوه نَلر گوروبدی گوزوم بیر بولور خدا یارالی سینان قابورقاوا باخدوقجا، آغلیوب دئمیشم سزا دگولدی سنه بیر بیله جفا یارالی نه یاخشی سرّی قیزیم زینبه قالوب پنهان ئولردی اِیلمسیدون گر اختفا یارالی ئولوم ایاقینه گیتدی کیچن گیجه زینب مدام سس سسینه ویردی مجتبا یارالی گوتوردی معجریوی باسدی باغرینا گلثوم ددی یوزوم گوله عالمده مطلقا یارالی حسینیدن خبر آلسان سورشما احوالین ایشیقلی گوندوزی غمدن اولوب قرا یارالی بیر آیری عالمیدی بو کچن گیجه محفل سحر اولونجا دِیدوخ اِیوده هم صدا، یارالی جهان جهان اولالی گورمیوب بیله ماتم دوباره گورمیجاق بیر بیله عزا یارالی اگر چه شام غریبانه اولمادی گلنیم آچوبدی باشینی معناده مصطفی یارالی (عتیقه) تاپشور آتان مصطفی توجه اِیده توجهاتینه اِیلوبدی اتکا یارالی #طهمورثی_عتیق #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#حضرت_زهرا_س #زبانحال_امیرالمومنین_علی_ع #غسل ویرنده فاطمه نین غسلونی امام زمان مصیبتین اثری اِیلیوبدی باغرینی قان امام آغلاماز عالمده شدت غمدن نه غَمدی خون دیلون ایلیوب عذاره روان باخاردی حسرتیله چهر دلبره دلبر بسان بلبل مهجور ایدردی آه و فغان چمنده بلبل شیدا نجه قرار تاپار بهار فصلی گوره گلشنی اولوبدی خزان بیر اوزگه عالمیدی دودمان مولاده حرایم نبوی اولدی جمله سی نالان امام حُزن تمامیله نوحه خوان اولدی بویوردی آغلا قیزیم آغلیاخ که ئولدی آنان علاوه آغلادی، مین دیل ددی بالالارینا که بلکه قمری غم آرتوق اولمیا نالان سکوت حاکم اولوب نچّه دم او ماواده اگر چه فکرت زهرا ویروب امامه تکان کفن تدارک اِیدوب فوری میر متقیان یارالی دلبرینه ویردی مغسل اوسته مکان قئیتدی سویلدی اَسمایه اولسا بیر پرده گتیر منه آیروم صحن خانه نی یاریدان که بلکه گورمیه اهلیم بو غملی منظره نی دوباره اولمیالار درد و غصه دن گریان گتیردی پرده نی اسما ویروب ولی حَقه بولوب اوصحنی ایکی قسمته امام زمان مصمم اولدی ویره یار یارینین غسلون مزاره تاپشورا زهرانی خسرو مردان ازل باشندا اُولان معجری کنار اِیتدی نه گوردی نقش دگر صورتینده اولدی عیان کمال حُزنیله اِیتدی نظاره صورتینه سرشکیدن اولوب آلوده، عارض و دامان جمال اشگ نثارین قویوبدی دیواره اورکلنوب اوجادان آغلادی شه خوبان حزین سسیله ددی وای عم اوغلوا زهرا ویرور عوالمه بو نقش صورتون حِرمان اودور دوتوردون علیدن یوزون سنه قربان بو نیسکیله اورکیم اُود دوتوب یانور الان اگر بو فعلی گوزومدن اوزاخ قالوبدی منیم مشیت ازلیدور، گرک اولا پنهان امام کون و مکانم واقف اسرار هانی ولی حقه آیری بیر امور نهان بَلی بلایه دیوب ابتلایه لا دئمرم جهاندا صبره اودور تکیه اِیلورم هرآن قاپوم یاناندا جفایله شاهدم من اوزوم دیدون هرایمه گل فیضه عمروم اولدی تالان وصیت نبوی باغلامیشدی قولاریمی ایدردیم عالم امکانی یوخسا من ویران قاپی دالندا اولان ظلمه واقف محضم لزومی یوخدی ایدم شرحینی دوباره بیان معاینه گورونور زخم کاری مسمار آچوبدی گوز دل شبده اولوبدی خون افشان نه نوعی غسل ویروم اِیلیوم کفن سنی من تکان یِدوقجا بو جسمین یاراسی آغلوری قان دوشوبدی مشکله مشکل گشا علاج ایله علی قالوبدی کنارینده گور نه سرگردان اوزون دعا ایله تا خشگ بند اولا یاراوی فدا اولوم سنه ای فخر فخر عالمیان نه یاتموسان گوزون آچ حیدرین یامان گونیدی هرایمه یتیش ای کشته ره قران یتوب عم اوغلوا عالمده چوخلی احسانون دوباره ایله بو دمده عم اوغلوا احسان سنی بو حالیله گورسه پیمبر رحمت یقین آچار باشینی سَسلَنر سنه قربان #عتیق جفِِّ قلم لازم خیالیمدور الونده خامه دل شبده آغلیور گینه قان #طهمورثی_عتیق

#حضرت_زهرا_س #زبانحال_امیرالمومنین_علی_ع قبر زهرایه علی دائم اورکده تاب و تب یول سالاردی ناله ایلردی ولیکن نصف شب سَسلنردی بو منم نالان فرقت فاطمه قلبیمی اِیلوب اِحاطَه درد و محنت فاطمه گوگلوم اِیستیر روز و شب بو یرده سینه داغلیام روز روشن قسمت اولمور بو سعادت فاطمه مرتضانی آیری بیر احواله سالدی فرقتون تنگ اولوب سنسیز منه دنیای ظلمت فاطمه آچ گوزون دور قبریدن باخ گور نه حاله قالموشام بی سبب آخمور عذاره اشک حسرت فاطمه ای منیم اِیستکلی دلداریم نه خوابه گِتمیسن نطقه گل درد و غمیندن اِیله صحبت فاطمه درد اَلیندن دینجَلوبسن قبریده یایوخ هله؟ من کیمی دردون و یا اِیلوبدی شدت فاطمه اولمادی بیر دم گورم آسوده خاطر اولموسان ! درد و غمدن قبریده اولدون نه راحت فاطمه احمد مختارین اشکی مَرهَم اولدی یاره وه من که اشکیله اِیدنمزدیم طبابت فاطمه آغللادوقجا یاره لر قان آغلاداردی حیدری خشگ بند اولموردی سیننده جراحت فاطمه دردیوه چوخ سعی قیلدیم تاپمادیم اما دوا بو مصیبتده نهاندور هانسی حکمت فاطمه لازمیمیش غم غم اوستوندن قالانسین قلبیوه قالسین آغلار حاکم عدل و عدالت فاطمه من دعا اِیتدیم نصیب اولسون شهادت اولمادی سن دعا ایتدون ولی اولدی اجابت فاطمه تک نه سن چاتدون اورکده مقصد و مقصودیوه قسمت اولدی محسنه فیض شهادت فاطمه سسلدون تا پشت درده فیضّه نی امدادیوه نچّه یول اولدوم دیریلدیم من او ساعت فاطمه کشمکشده همتون حاشا که خاطردن چیخا کیم بولر اِیتدون منه آیا نه نصرت فاطمه کوچه ده ای کاش اولیدیم منده اما اولمادیم اقتضا اِولدی منه اوندا مشیت فاطمه نصف شب غسلون ویرنده سرّون اولدی برملا قاتلون گوردوم ایدوب اوزگه جسارت فاطمه آیری بیر احواله قالدوم تا گوزوم گوردی یوزون جانیمی آز قالدی آلسین بو عبارت فاطمه ناگهان گوردوم حسن آچدی او کوچه صحبتین گورسنوب گویا قیامتدن علامت فاطمه مجتبانین قلبی غمدن اِیلیوب ایله وَرم عاقبت دلدن سالار بو درد و محنت فاطمه کاش حسینه اولمییدی ظلم ثانی برملا کربلاسینده اونون وار چوخ مصیبت فاطمه بیر اِیله احواله قالمیشدی بالالارون او دم گِتمیشیدی اللریندن صبر و طاقت فاطمه باغرینا باسمشدی کلثومی او دمده زینبون واردی بیر دنیا بویی اوندا لیاقت فاطمه همتین تنها اویرده اِیتمیوبدور بر ملا اِیلدی شام غریبانونده همت فاطمه بیر ایله شام غریبان حشره تک اولماز اولا آیری بیر عالم یارانمشدی او ساعت فاطمه سس ویروردی زینب و کلثومه هر دمده حسین قلبینی آلموشدی درد بی نهایت فاطمه گوز یاشین گوزدن روان ایتدی عذاره صبحه تک اشک چشمیندن بیر آن اِیتموب قناعت فاطمه گر چه هیچ کیم گلمدی شام غریبانه اودم ماتمه ویردی حسینون آیری زینت فاطمه نوحه یاز بو ماتم عظماده آغلا ای #عتیق دستگیرون تا اولا روز قیامت، فاطمه #طهمورثی_عتیق #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#حضرت_زهرا_س #دفن دفن اِیلینده فاطمه نی شاه لافتا گوردی گوزونده جلوه لنور دست مصطفی آغلار گوزیله سسلدی ای سرور گرام جانیم فدا او اللره که اولدی برملا یِتدون غریبه وقتیده امدادیمه منیم دوتدون گینه علینین اَلین اِیلدون عطا زهرانی قبره تاپشیرا بولموردی مرتضی اولدون گره گشایه دوباره گره گشا ایستکلی یار ، یاری نجّه قبره تاپشیرار وِردیم دیلیمده اولموشدی وا مصیبتا پی در خطور خاطر اولوردی محبتی جاندان آلوردی جان بو محنتلی ماجرا فریادیمه بو دمده بیری گَلمَسِیدی گر روحیم بیر آز قالوردی اولا جسمیدن جدا آل مندن اِیندی آیینه قلبیوی ئوزون باخ گور نئدیب امانتیوه فرقه دغا آهسته آل که سینه ده کاری یاراسی وار قورخوم بودور که آغلیا قان قبریده یارا مسماریله نه نسبتی وار داغلی سینه نین واردور یری علینی بو غم یاندروب یاخا چوخ ظلم اولوبدی فاطمیه روزگاریده امت جهاندا ایلمدی عهدینه وفا اولدوردولر امانتیوی مین جفایله غمدن بوکولدی قامتی یا ختم الانبیا درگاهی اودلاناندا علاوه سینوب قولی دل یاره سی ویروبدولا بی حد و منتها ارثیه سین جفایله غصب ایلدی عدو تایید ایدوب بو ظلمی بوتون قوم بی حیا البته حقّین اِیلدی اثبات فاطمه آلدی فدک قباله سین ای فخر اوصیا سویلر حسن که ثانی اوگون سد راه اولوب سَسلندی فاطمه یِتیشیبدور اِیشون هارا فرمایش ایلیوبدی که آلدوم قباله نی باشین سالوب اَشاقه دوباره دوشوب یولا ناگه گوروب که سَسلور اَیاق ساخلا فاطمه ویر ملکیوین قباله سینی بیر باخوم اونا مانع اولوبدی فاطمه بو فعله، عاقبت محشر به پا اولوبدی او دم کوچه ده شَها ظالم علاوه اَلدن آلوبدور قباله سین سیلی ویروب عذارینه ایلوب بویوک خطا مدتدی که دوتاردی یوزون فاطمه منه ایستردی مندن اِیلیه بو ظلمی اختفا غسلون ویرنده ، سرّی نَدور فاش اولوب منه اِولدی مشیّت ازلی حیدره قضا عمروم بویی بو غملره قان آغلارام ئوزوم شیر خدا اولوبدی قضایایه مبتلا خوش حالیوه #عتیق نَیون یوخ زمانه ده زهرا آدی ویروبدی عجب قلبیوه صفا یازهرا س #طهمورثی_عتیق التماس دعا🙏 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#حضرت_زهرا_س #زبانحال_امیرالمومنین_علی_ع #غسل ویرنده فاطمه نین غسلونی امام زمان مصیبتین اثری ایلیوبدی باغرینی قان امام آغلاماز عالمده شدت غمدن نه غَمدی خون دیلون ایلیوب عذاره روان باخوردی دیده حسرتله دلبره دلبر بسان بلبل مهجور ایدردی آه و فغان چمنده بلبل شیدا نجه قرار تاپار بهار فصلی گوره گلشنی اولوبدی خزان بیر اوزگه عالمیدی دودمان مولاده حرایم نبوی اولدی جمله سی نالان حسین فاطمه سسلوردی وای آنام ای وای دیوردی دردون اولوب قلب مرتضایه گران حَسن، حسین سسینه سس ویرردی آغلوردی حسین حَسن سسینه سس ویرردی ناله کُنان امام حُزن تمامیله نوحه خوان اولدی بویوردی اوخشا قیزیم آغلیاخ ئولوبدی آنان علاوه دیل ددی دوتدی دیله بالالارینی که بلکه قمری غم آرتوق اولمیا نالان سکوت محض خلاصه اولوب او دم حاکم اگر چه فکرت زهرا ویروب امامه تکان بنا به عهد و وفا و وصیت زهرا وصیته عمل ایلوردی میر متقیان تهیه ایلدی اول دمده مغسله مانند یارالی دلبره ویردی او مغسل اوسته مکان قیتدی سویلدی اسمایه اولسا بیر پرده گتیر منه که بُولوم صحن خانه نی یاریدان که بلکه گورمیه اهلیم بو غملی منظره نی دوباره اولمیا زهرا بالالاری گریان گتیردی پرده نی اسما ویروب ولی حَقه بولوب اوصحنی ایکی قسمته امام زمان مصمم اولدی ویره یار یارینین غسلون مزاره تاپشورا زهرانی خسرو مردان ازل باشنداکی اُول معجری کنار ایتدی گوروبدی نقش دگر صورتینده اولدی عیان کمال حزنیله ایتدی نظاره صورتینه سرشکیدن اولوب آلوده عارض و دامان جمال اشگ نثارین قویوبدی دیواره اورکلنوب اوجادان آغلادی شه خوبان حزین سسیله ددی وای عم اوغلوا زهرا ویرور عوالمه بو نقش صورتون حِرمان اودور وصیت ایدوبسن گیجیله غسل ایله منی مزاریمه تاپشور اولونجا وقت اذان اودور دوتوردون علینی گورن زمان یوزیوی بو نیسکیله یری وار اُود دوتوب اولام سوزان اگر بو فعل گوزومدن اوزاخ قالوبدی منیم مشیت ازلیدی، گرک اولا پنهان بلی بلایه دئیوب ابتلایه لا دئمرم جهاندا صبره علی تکیه ایلیوب الان امام کون و مکانم، واقف اسرار هانی ولی حَقه آیری بیر امورنهان قاپوم یاناندا جفایله شاهدم من اوزوم دیدون هرایمه گل فیضه عمروم اولدی تالان وصیت نبوی باغلامیشدی قولاریمی ایدردیم عالم امکانی یکسره ویران قاپی دالندا اولان ظلمه واقف محضم لزومی یوخدی ایدم شرحینی دوباره بیان معاینه گورونور زخم کاری مسمار یارالی، یاره آچوب گوز اولوبدی خون افشان نه نوعی غسل ویروم ایلیوم کفن سنی من تکان یِدوقجا بو جسمی یاراسی آغلوری قان دوشوبدی مشکله مشکل گشا علاج ایله قالوب عم اوغلوی زهرا بو دمده سرگردان اوزون دعا ایله تا خشگ بند اولا یاراوی فدا اولوم سنه ای فخر فخر عالمیان نه یاتموسان گوزون آچ حیدرین یامان گونیدی هرایمه یتیش ای کشته ره قران عم اوغلوا یتوب عالمده چوخلی احسانون فدا اولوم سنه گَل بیرده بیر ایله احسان سنی بو حالیله گورسه پیمبر رحمت یقین باشین آچار سَسلَنر سنه قربان سزادی گور سنی بو حالیله جنان اهلی مشاهده ایده ای غمکشیده دوران مشاهده ایلسه گور سنی نه حاله قالار بو وضع و حالیله جنتده گر خدیجه آنان ((عتیق)) جفِِّ قلم لازم خیالیمدور الونده خامه دل شبده آغلیور گینه قان #طهمورثی_عتیق

‍ #امام_زمان_عج من او بلبل کیمی گلزاریده یار آختارورام گل و گلزار آرا بیر نازلی نگار آختارورام گه دوشوب چوللری حیران گزیرم هجرینده چکیرم دشت و بیابانیده جار آختارورام سالموشام یکسر ایاقدان هامی دشت و دمنی باغ و راغ ایچره نه چون سرو کنار آختارورام صبریمی الدن آلوب صبر و قراریم یوخدی چرپنان قلبه اودور  صبر و قرار آختارورام چوخلاری دهریده گوزیاشلی گزور آردیجا تک نه من یاریمی هر لیل و نهار آختارورام بیلمیرم هاردا قوروب خیمه سینی، کیم بولوری منه ده فاش ایلسین لحظه شمار آختارورام بیله فکر ایلمیون اولمیا دیوانه دی بو گنج عشقی گزیرم دار و ندار آختارورام کوچه کوچه دولانوب هر یره من باش چکورم اولمیا بوردادی من گوشه کنار آختارورام؟ سیزی تاری خبروز اولسا نهان ایلمیون دویمشام جانه داخی راه فرار آختارورام کیم گتیرسه خبرین مژده سی جانیمدی اونا نقد جان  الده اونی با دل زار آختارورام گوزلریم نورینی بو غمده وریبدور الدن گوزومون نورینی با دیده تار آختارورام وار یوخوم غارت اولوب بیرجه اونون عشقینده گینه بو حالیله چوللرده نگار آختارورام دوشوب اولسم سر کوینده منی دفن ایلیون مقدمیندن گورلر گرد و غبار آختارورام . ((ساده ام)) صادقم عشقونده منه بیر باش چک عمردور که سنی من قلبی فکار آختارورام #طهمورثی_عتیق

#زبانحال_حضرت_رباب_س #حضرت_علی_اصغر_ع هنوز واله و حیران روزگارم علی اسیر زندگی سخت و پر فشارم علی اجلده درک ایلمور دینجلم مزاریمده خدا بولور کی نجه طالب مزارم علی بولیدی تیر غمون کاش قلبیمون ایوینی گوزوم گوتورموری گوردوقجا استوارم علی سنیله آیری بیر عالم یارانمشیدی منه گیدوبدی نشئه سی مدتدی کی خمارم علی یم غمونده گرک غرق اولام اولم قوتولام قرا یرین گورم آلتندا استتارم علی الیمده اولمادی چاره کی باغلادوم الیوی گوز آلتی بیر منه باخسان گینه شکارم علی امیدیمین هله ده رشته سین اوزنممیشم وصالیوه من اورکدن امیدوارم علی قیامتین گونیده گوزلریم باخار یولوا گوررسن اوندا نجه ، چشم انتظارم علی گلنده دولت عشقین جزایه سلطانی گورر کی سندن اوتور منده بی قرارم علی سنی او یرده آنان فاطمه وئرر آناوا بسیمدی گورسم اگرصاحب افتخارم علی #طهمورثی_عتیق @Hazrate_Abalfazll

#میلاد حضرت علی اکبر (علیه السلام) حُسنِ یوسف که بیله دهریده غوغا یارادوب خلقت اعجازیدی خالق اوزی زیبا یارادوب حضرت آدمی توپراقدان ازل خلق الیوب اونا تا همدم اولا حضرت حوا یارادیب گتیروب نوحی اولا ملتینه کشتیبان عمرونی قدرت کاتب شب یلدا یارادیب طور عشق ایچره عجب وجه وجیهون نوری خر موسی صعقا ربی الاعلا یارادیب قدرتین ایستیوب اعلان ایده نقاش ازل خلق آرا یوسفی ، کنعانیده اعلا یارادوب یوسفین حسنی زلیخانی اوزیندن ایلدی حسنه باخ گور کیمی تاری کیمه شیدا یارادوب راز عشقی حق یکتا نه چکوب تصویره ؟ او گوزلیقدا که چوخلار اونا نجوا یارادوب کیم گوروب حسن جمالین قئیدوب سویلردی گوره سن خلق ایلین یوسفه همتا یارادوب ؟ دائما یوسف اوزی امته ایلردی بیان یوسفی خلق ایلین عالمی پهنا یارادوب نور ذاتیندن ازل خلق ایلیوب طاهانی بیله فکر ایلمیون یوسفی تنها یارادوب مثلینی گورمیه جاخ حشره کیمی چشم جهان هر گوزلدن گوزل الله اونی والا یارادوب هر کسی خلق ایلسه دهریده بیرده اونا تای اوندا الله کرمیندن گینه طاها یارادوب خلق ایدوبدور اونا خاطر بو ایکی دنیانی ایکی دنیاده هامی خلقینه مولا یارادوب بیری گر ایستسه تفسیر ایلیه عشق ندور بی گمان عشقینه خالق سنی معنا یارادوب شبه طاهانی یارالداندا خداوند رحیم هامی اوصاف برازندیه دارا یارادیب خالق کون و مکان گور نجه غوغا ایلیوب اشبهُ الناسه علی اکبری فحوا یارادوب او کمان قاشلاری نحراب ایلیوب اهل دله ساحت قدس جبینونده، مُصلّی یارادوب گر قیاس ایلسه لر ماهیله رخساروی بول قطره فرض اولسا آی اوندا سنی دریا یاردوب بیر جهان حسنیوه حیران، سن اوزون مظهر حُسن خالق لم یزلی گور نجه غوغا یارادوب سهم و صولتده، رشادتده مثال حیدر یوزیوی آینه ی حضرت طاها یارادیب قاشلارون طاقی عبادتگه عشاق جهان کیپریگون اوخ، لبیوی چون می مینا یارادیب می ده یوخدور بوحلاوت بیله شیرین شکّر ذات حق لبلریوی شهد گوارا یارادیب صوت تکبیر چکور کیم باخوری طلعتیوه اکبر، اکبردی عجب اسم مسمّا یارادیب مرحبا طلعتیوه، حسنووه، خال لبیوه کلک منّان نه گوزل ماه دل آرا یارادیب حق چکوب طلعتیوی تا اولا یوسف مفتون اولا واله سنه مینلرجه زلیخا یارادیب صورتون لیلی نی مجنون ایلیوب سالدی چوله عشق صحراسینه بیر گورمه لی ماوا یارادوب یوزیوه کیم باخا پیغمبره یولار صلوات حق سنی آینه صورت طاها یارادوب گر گوره چاه زنخدانیوی حیران دولانار اختر و شمس و قمر، حق سنی زیبا یارادوب بیر زلیخا قازانوب یوسف اگر حسنیله سن کیمی یوسفه دنیانی زلیخا یارادوب شمس عالمدی حسین ابن علی شاه جهان سنیده حسنیده بیر ماه دل آرا یارادوب بلی مین یوسفی بیر رشتیه دوزسن چاتماز اکبرین بیر توکونه اکبری زیبا یارادوب گورسه گر یوسف اوزی اکبری حیران قالار دیر الله بو جهانی نه درازا یارادوب ایلیر غبطه باخا صورت صورتگره گر دیر الله اوزینون حسنینی گویا یارادوب هانسی گوز که ساتاشوبدور علی اکبر یوزینه صلواته دل آچوب حق نه معما یارادوب یثرب عورتلری لیلایه دیردی دائم اوغلیوی گوزله نظردن که تماشا یارادوب گیت اوزریک سال اودا، گوزله یامان گوزلردن اکبرین گل یوزی دنیا بویی دنیا یارادوب گوردی کیم حسن جمالین ددی خلاق علیم کرمی جوشه گلنده بونی گویا یارادوب بیله سویلردی حسین ابن علی هر دمده سنی چون ذات خداوند توانا یارادوب یارادوب حق سنی آیینه جمال اللهه منی ده لطف ایلیوب محو تماشا یارادوب خالق لَم یَزَلین لطفونه ممنونم اوغول چمن عشقه منی بلبل شیدا یارادوب سالوری جدیمی یاده او دل ارا باخیشون بیله فکر ایلیرم الله گینه طاها یارادوب خط و خالون نه گوزل رسم ایلیوب حی ازل حُسنیوی عالم آرا ماه دلارا یارادوب کاش آنان فاطمه ده ایمدی علی حاضر اولا گوره حق خلقا و خلقا گینه طاها یارادوب بیر گوزل بزم صفا دایر ایدوب #ساده عجب جمع عشاقیده هر تک تکی غوغا یارادوب فاطمه قانی گرکدور آلینا منتظروخ اونا خاطردی خدا مهدی زهرا یارادوب #طهمورثی_عتیق 1394/10/23

#زبانحال_حضرت_ام‌_البنین_سلام_الله_علیها گوزومده اشکیمی قان ایلیوب جگر قانی سالور خیالیمه ام البنین مولانی اِیدردی بزم عزانی مدینه ده بر پا یِتَردی عرش خدایه اورکدن افغانی آلاردی عطر حسینی جناب زینبدن باساردی باغرینا جان تک عزیز زهرانی دیردی نیسکیلیوه زینبا ئوزوم قربان اورکده غملریوین یوخدی حد و پایانی فدا اولوم سنه بیر نطقه گل منیله دانش سن ای سرادق عصمتده عصمتین جانی دیار ماریه نین شرحینی بیان ایله اگر چه شرح ایلیوبسن همان بلایانی گَلردی عالمه بی معلمه نطقه ویرردی شرح او مجلسده ظلم اعدانی شکسته نی تک اِیله اِیلیردی آه و نوا اِیدردی گوز یاشی شرمنده بحر عمانی دیردی آغلامیوم نینیوم بو ماتمده گتیردی تنگه مصیبت من پریشانی بلا چولونده فلک بولدوقون اِیدوبدی منه تاپوبدی سینه پر غصه حال ویرانی او دم که صبح آچیلوب اولدی روز عاشورا امام شرح اِیلدی آیه فدینانی ازلده بیر نچّه انصار قانینه باتدی مزَیَن اِیلدیلر قانیله او میدانی یِتیشدی اکبره تا نوبت آل هاشمدن منور اِیلدی اکبر او قانلی صحرانی گورن دیردی که رجعت اِیدوبدی پیغنبر شهید اِیتدیله ظلمیله شِبه طاهانی گلنده خیمیه نَعشی قیامت اولدی عیان فراقی عرشه اوجاتدی نوای لیلانی آچیلدی راه شهادت جوانلارا یکسر تمامی سالدلا گوزدن بو دور دورانی گیدوب شهادته یِتدی بقییه شهدا قالوب اوچولده فقط مهر و، ماه تابانی حضور شاهه گلوب تلیده ابوالفضلون ددی فدا سنه شاها بو نوکرین جانی بو چولده غم یئمه که اکبرون باتوب قانه قَبول اِیله گیلن دلده بو تمنانی عنایت ایله منه اذن ویر جداله گیدوم داریخدیروبدی منی انتظار طولانی امام ایلدی فرمایش ای ابوالفظلیم اماندی درک ایله حال رباب نالانی گوتور سو مشکینی بیر مشک سو طلب اِیله سقایت ایله بو صحراده آل طاهانی بو گون خیامیده اوچ گوندی که سوسوزدی حرم علی اصغرین اودلاندی قلب سوزانی گوتوردی مشکینی یول سالدی سمت میدانع سو اِیسته دی ددیلر یوخ بو فعلین امکانی فراتی آلدی ولی اِیچمدی سویوندان ئوزی خدایله اِیلیوب بیر عجیبه سودانی جهاد اکبر اِیدیبدور اوگون ابوالفضلون فقط سو مشکینی دولدوردی اول وفا کانی خیامه سالدی یولون آیری شور و شوقیله یول اوسته اوخلادی مشکین گروه سفیانی بیر اوخدا دَگمیشیدی آلنونا ابوالفضلین خدا بولور نجّه چَکدی آت اوسته پیکانی فدا اولوم بالاوین دلده حسن نیتینه خیامه یِتمدی هر چند که او احسانی اولونجه آغلاسام آزدور اورکده نیسکیلینه گتیردی درده او غم نهرین اوسته سقانی خجالتیندن اودور گلمدی خیامه طرف فغانه گتدی فراقی شه شهیدانی حسینیمین بِلیِ سیندی همین مصیبتدن چوخ آز قالوردی چیخا جسمیدن سوسوز جانی همان او حالیده سسلوردی آچ گوزون عباس دانش گوروم نجّه چکدون سه شعبه پیکانی نه قَدری سَسلدی سس گَلمدی او مظلومه ایشخلی گوندوزی اولدی گوزونده ظلمانی بویوردی ام بنینین اِیوی اولا آباد ویروبدی دینه بو صحراده نچّه قربانی یئتَنده بو یره سوز گوردی زینب کبرا اوجالدی ام بنینین سمایه افغانی مخاطب اِیلدی عباسی مادر عباس فدا اولا بیله ایثاره عالم فانی باشیمی عرشه اوجاتدی بو عزت نفسون خجالت اِیلمیسن سن او چولده دریانی سودوم حلالون اولا اِی مه بنی هاشم او نفسیده گورونوبدور کمال انسانی آنان او عزت نفسه اولونجه فخر اِیلر او نفس ایلیر حیران اهل دنیانی ولی بو نیسکیلیوه آغلیام گرک قان یاش خجالتوندن آخوبدور یوزه اورک قانی خدا بولور اورکونده نه قَدر غم واردی نه ابتداسی عیاندور نه واردی پایانی سالاندا قولاریوی نخل زاریده اعدا هرایوه چاغیروبسان او چولده جانانی بیر عالمین غمی بیر آنیده ویروب سنه یوز او آز زماندا چکوبسن فشار دنیانی او اوجا قامتیله خیردا بیر مزار ایچره نه نوعی یاتموسان ای سرو ناز سلطانی چاتیدی اللریم ای کاش او خیردا مرقدیوه چَکَرم حسرت اولونجه بو فعله هرآنی علاوه که چَکَیرم عکسیوی خیالیمده مجسم ایلیورم گوزده ماه سیمانی جمالیوی گورَرَم اوغلون جمالینده انان او ماه جمالین اولیدی قربانی گوزومون اوسته اوغول ساخلارام امانتیوی منه بو نعمتی حَق ایلیوبدی ارزانی آلارام عطریوی آغلار قالان امانتدن مشام جانه ایدر دائم عنبر افشانی او قانلی گوزلریویله (عتیقه ده) بیر باخ چکوبدی نظم و نظامه بو غملی طغرانی #طهمورثی_عتیق

#در_جلالت_و_شهادت_امیرالمومنین_علی_ع ای علی عاشقلری طاها روایت ایلوری کیم علی سَسلور او کس گویا عبادت ایلوری سورهء قدری اوخی تفسیریده باخ شأنینه مطلع فجره جبینینده اشارت ایلوری وار بو آیدا نه فضایل خامه عاجز ثبتینه حقّ احسانون بو آیدا بی نهایت ایلوری لیله ی قدری اگر افضلدی مینلر ماهیدن قدر، علیدن غالباً کسب فضیلت ایلوری لا فَتى اِلاّ عَلِىّ، لا سَیفَ اِلاّ ذُو الفَقار بو سوزی جبریل شأنینده حکایت ایلوری علّت تکمیلی آیات قرآندور علی چون ولایتدور که تکمیل رسالت ایلوری کیمدی حیدر بولمورم وار بو قدر عرض ایلورم کیم قالور مشکلده اوندان استعانت ایلوری مثلینی هیهات گورسون حشره تک چشم زمان بیر علی مین عالمه حقاً کفایت ایلوری قانینه غلطان اولور محراب طاعتده اگر حقّ اونون توفیقینی وِفقِ عنایت ایلوری ابن ملجم ایلینمزدی جسارت حیدره فعلینین تسهیلینی امر مشیّت ایلوری ماتمینده حضرت جبرئیل، عالی نوحه خوان تعزیت بزمینده ناله اهل جنّت ایلوری باش آچوب معناده زهرای مطهَّر عَدنده شدّت غمدن فغان دریای عصمت ایلوری #طهمورثی_عتیق