قضا  ربابی  چکوب  گئتدی انتها یرینه او  آستان  ملک  بوس  و باصفا  یرینه اولوبلار   قیدن  آزاد    بنات   آل رسول دیمه که عزتیله گلدیلر بقا یرینه واریدی صاحبین الدن وئرن و یا قارداش یا اینکه اوغلی اولن  گئتدی  جابجا یرینه خانملارون  بیری اما  دایاندی قلبی کباب دیوبله  گئتمدی   هر دل،  او با وفا یرینه خبر وئروبدی کنیزلر بلا خزینه سینه گل ائله چاره اوزون بو بی بالا یرینه گلوبدی زینب آپارسین ربابی حجره سینه نقدری رام ائلدی اولمادی رضا یرینه بویوردی بسدی رباب سن عروس فاطمه سن روا دگل گون ائوی باشی پر بلا یرینه گوروب محالیدی گئتسین که زینب ال چکمز اشاره لر     ائلدی      شاه   کربلا    یرینه ائدوب عریضه اولان دردینی او خاتونه اجازه وئر دایانوم دردیمه دوا یرینه اولوبدی فرشی تمام ایسی شورزار آقامون کفنده   اولمادی  بیر  جسمه  بوریا یرینه گون ایسی سینده یانوبدی عزیز اهل کسا نجه  گئدر   بو  کمینه    او   مقتدا یرینه قاچاردی گوز قاباقیمدا رقیه لذتله سالاری تئز تئز ئوزون او خوش ادا یرینه گلور قولاقیمه هر آن او ناز دانه سسی ائلندن اولدی دوشوب غربت خدا یرینه اونادا اولمادی خلعت خرابه منزلده اولوبدی آق کفنی پاره بیر قرا یرینه (آناسی فاطمه تک دویدی تئز آز عمریندن ) (نه دردینی  بُلن اولدی   نه بیر دوا) یرینه (وورا وورا بالامی ساربانلار اولدوردی) نه غسلونی وئرن اولدی نه بیر بنا یرینه بو ائوده اصغریم آچدی گوزون بو دنیایه اکوبدی حسرت اوخون قلبیده بالا یرینه بهانه بوش بشگ اولموش آچوب گهی بوکورم قالوب نشانه گلومدن فقط دما یرینه آچاندا غنچه مگر ارغوانی رنگی اولار یازوبدی درد و دلین دلسیزم فدا یرینه آلوبدی عقلیمی باشدان فراقی اصغریمون بو قدری وار دیّرم که گلوب هوا یرینه الولانوب یانارام لایه لایه صحن ایچره گوروم که قاتلینی حق سالا جفا یرینه نه اوخ وروبدی او ظالم او نازک حنجردن قالوب طبیبی ده حیران او بیر یارا یرینه نئدیم که ال بوشا چخدی قالوبدی بوش اتگیم گلوم کوسوب منیله ،گلمدی قادا یرینه #بداهه #علیرضا_نادری