ای جانشین مصطفا مولا خداحافظ جانیم سنه اولسون فدا مولا خداحافظ سن وارث خلد برین دنیایه سلطان سان قرآن سنی تأیید ائدوب محبوب سبحان سان عالم سنون حکمونده دی هردرده درمان سان ئوز دردیوه یوخدور دوا مولا خداحافظ عمروم چاتور باشه آقا چوخ فرصتیم یوخدی قالماقه فانی دهریده هئچ رغبتیم یوخدی وقتی ائویمده قوش کیمین امنیتیم یوخدی جانه گلوب خیر النسا مولا خداحافظ من نن صورا ائوده علی مسماره چوخ باخما یاده سالاندا محسنی دیواره چوخ باخما بیرده قییتمز فاطمه یولاره چوخ باخما گل قبریمون اوسته آقا مولا خداحافظ قالسا آناسیز هر اوشاق آغلار ائدر افغان سنی آز اولسا بالاخص دنیا اولار زندان قویما داریخسون زینبیم ای شاه مظلومان جانیم سنه قربان اولا مولا خداحافظ قسمت بوئیمیش که منی دامه اجل سالسون قویما بالالارین محن آرامینی آلسون بعضی سوزی آچما علی بلکه نهان قالسون فاش ایلروک یوم جزا مولا خداحافظ سن خیبری فتح ایلدون سندی یهودیت چاتدی باشا تهدیدلر شاد اولدیلار امت یاندیردیلار درگاهی وی آخر همان ملت قلبیم اولوب غمنن یارا مولا خداحافظ قانه باتان وقته حسین قلبیم اولار یاره گللم دولانام چوللری محزون و آواره سنده اوگون گل یار اولاک مظلومه قزلاره وعده میز اولسون کربلا مولا خداحافظ نوحه یازاندا علیوی ایلر دعا آغلار مجلسده مداحلار اوخور اهل عزا آغلار هر کیم بیزیم غمده آقا ایلوب نوا آغلار قول شفاعت وئر اونا مولا خداحافظ #شاعر و افتخار کانال قتیل العبرات #علیوی

#یاابن الحسن ﷽🍁 دنیایه پخش اولا آقا نورون یاخنلاشیر عشاق محفلینده حضورون یاخنلاشیر لحظه شماری ایلیورم گورمگه سنی قلبیم خبر وئرور که ظهورون یاخنلاشیر #علیوی ﷽🍁 ﷽🍁 🤲🤲🌸🌸🌸🌸