زبانحال امام حسن ع به زینب کبری س و اشاره به احوالات کوچه ✅در آهنگ: باشدان هله سو فکرینی دوغراندی باجی اکبادیم عرشه اوجالور فریادیم زهرین اثریندن زینب یاندی بو دل ناشادیم صبریم ایوی زینب تالاندی غملی اورکده غم قالاندی عمروم یتیشدی باشه زینب ظلمیله لبلر پارچالاندی _________ زهرا باشا قاره باغلار دنیانی تماما داغلار سن آغلاما ای غم کانی دنیا سنه زینب آغلار آغلیوب آغلاتما سمانی یاده باجی سال کربلانی ظلمیله قارداشیم حسینون باشین کسر خولی و جانی ___________ وار هاردا منیم تک مظلوم اوز محرمیم ایتدی مسموم نامحرم اولوبدور محرم ایلوبدی او ظالم مغموم گیتدی گلستانون صفاسی طومار غم آچدی نداسی اولدورمدی جعده جفاسی اولدوردی کوچه ماجراسی __________ چوخ سوز اورگیمده قالدی کوچه منی دیلدن سالدی تک بیر بو غمیم زینب جان آرامیمی الدن آلدی یاز هر در و دیواره زینب یانام همان آثاره زینب دوشدی یره گوشواره زینب قالدوخ او دم آواره زینب __________ یانام باجی تا وار عالم قالدی اورگیمده چوخ غم کوچه سوزونی گر آچسام عالم اولار اوندا برهم بیر آیری عالمده گدیردوخ صحبت فدک اوسته ایدیردوخ سیلی ورندا ثانی دون اوندا یولی زینب ایتیردوخ __________ عطریله دولوبدور گلشن دوتون الیمی یاحسن اولسون ایوین آباد آقا #مدهوشه نظر ایتدون سن ایتدون نظر سن بو حزینه گوز تیکمیشم سن تک معینه قسمت ایله بیر وقفه آقا بین الحرمین مدینه #علی_زینالی_مدهوش