#مجلس_یزید_سینه_زنی سبک مرحوم حاج محمدباقر منصوری مرحوم حاج محمد باقر منصوری اردبیلی مجلس یزید تقائی اردبیلی گلمیشم فغانه، یانه یانه عمّه گوزلریم ساتاشدی، خیز‌رانه عمّه عمّه بیر علاج ائیله بو یزیده سن سویله وورماسین بابامی (2) قلبیم اودلانیبدیر، آتش فراقه کیم ویرار بو نوعی، خیز‌ران دوداقه گوزلریم فدا اول، قان آخان دوداقه یانمیشام فراقیندان قان آخیر دوداغیندان ویرماسین بابامی (2) ظلمیلن تالاندی، خانمانیم عمّه قانینه بویاندی، باغبانیم عمّه یاندی ظلم الیله، آشیانیم عمّه طشت زرده قان داشدی فاطیمه باشین آشدی ویرماسین بابامی (2) وئر اجازه عمّه، بو غریب و زاره یالواریم یزید شوم بد شعاره بو شیرین زبانه، ائلسه نظاره ظلمیله بئله دورماز شاهه خیز‌ران ویرماز ویرماسین بابامی (2) سینیم آزدیر عمّه، غرق نیسگیلم من کشتی بلایه، امن ساحلم من رحم ائد‌ر دانیشسام، چون شیرین دیلم من گورسه زلفیمی افشان رحم ائد‌ر او بی‌ایمان ویرماسین بابامی (2)