#گوزل تاری نین آدیلان ( دیله گلدی ) ۱۴۰۱/۱۱/۲۷ جانان دیل آچیب موقع هجران دیله گلدی رنگیم سارالیب , سولدو یوزوم , جان دیله گلدی قلبیم قزشیب , دولدو گوزوم , تتردی اعضاء لال اولدو دلیم , دیده ی گریان دیله گلدی من ساکتیدیم , اشکیم آخئب , دل دؤیونردی رعشه ائلئیب پیکر لرزان دیله گلدی هر تک تکی اعضالریمین گلدی بیانه یاندی جگریم , گوز قارالئب , قان دیله گلدی سسلندی له گئتمه سنه وابسته یوخ ای یار دردین له سوموک , ات , رگ , ایلیک , قان دیله گلدی جبران اولونان غم دگول هجران غمی ای جان جان گوردو بو غم اولموری جبران دیله گلدی نطق اولمادی دل یالوارا کی گئتمه , قوناق اول قان جوشدو , ئورک تتردی , شریان دیله گلدی نئیلیم , ندی چاره م کی , سنه باغلئدی جانیم غم حمله ور اولدو , تن نالان دیله گلدی قان دا , دری ده , توک ده , داماردا , ات , ایلیک ده دعوت ائلیه اول بیزه مهمان دیله گلدی مشکول دو سنین آیریلقین هر نه دن ای جان جان گوردو کی درد ایلوری طغیان دیله گلدی بیگانه ( هدایت ) سوزونو درک ائده بیلمز کیم بیلدی نه لر چکدی که پنهان دیله گلدی #محمد_هدایت 🌿💐🌿💐🌿💐🌿

گوزل تاری نین آدیلان ( باخیش ۸۹ ) ۱۴۰۰/۹/۵ ناز ایلمه آچ پرده نی یوزدن سنی تاری حسرت دی گوزوم گورسون او تابنده عذاری فدیه ائله آهسته دولاندیر منی باشه تا دفع اولا سندن گوزلیم حاسد آزاری قامت اوجا , همّت اوجا , رفعت اوجا , جانا آلچاق دئیم , اذن اولسا باخیم منده یوخاری عاشق دگیلم گچمه سم عشقنده باشمدان چکسن محکه روشن اولار عشقین عیاری بو عشق قمارینده نئیم وار گئدیب الدن بشّاشم اوتوزسام دا بو مأواده قماری جانیم او گوزل گوزلره قربان منه بیر باخ حسرتله زیارت ائدیم اول چشم خماری بیر بوسه ئیله نشئه ائله جانیمی ایسته جان دور سنه قربان , سن آپار منده کی واری سن نقطه ی پرکارسن , عالم سنه پرکار من جذبه ی عشقه خوشام ای عشق مداری بو دربدری عشقین ائدیب دربدر ای یار رحم ایله دولاندیر گوزوی باخ منه ساری هئچ من دئمیرم باغروا باس , ایله نوازش آل گویلومو , آرام ائله بو درده دچاری یوخ گوزده بصیرت کی ( هدایت ) سنی گورسون یاره چوخ آغیردور کی ئوله گورمیه یاری #محمد_هدایت @Hazrate_Abalfazll