#مرثیه_ترکی یا صاحب الزمان اَماندی گلمه آقا هاوا بَتَر دوماندی گلمه بیر زمان وارییدی هر نَمنَه یاخجییدی ایندی هر نه واردی یاماندی گلمه قدیم عاشیقلردن داخی خبر یوخ اودی زیراده لره یوخ اولدی گلمه هرنه دیساخ اورییمیزده دیروخ باخسان اورک لره یالاندی گلمه دنیا بوتون بالان پالاندی گلمه هر یِرده سن اوزون نظر ایله اقا زمانه میز بَتَر زماندی گلمه بو زماندا حسین یوخدی و اِلّا هر یِر دولی شیمرو سِناندی گلمه باخما هامی ذیکر فرج اوخویور چوخی لَغلَغه ی زباندی گلمه یوزده بیر نفرین قلبی دوز دَییر دینیمیز ریاءدن تالاندی گلمه ایلده بیر ایشیمیز ریاءسیز اولمور هر بیر ایش گوروروخ خطاسیز اولمور نیه خیدمتیمیز خطا گورونور نیه اَعمالیمیز ریاءگورونور نیه بو قدرکی دعا اِدیروخ مسجیدلرده حمدوثِنا اِدیروخ اوروش لیختا قرآن باشا آلوروخ هیئتده آغلیوب وَل وَله سالیروخ نیه سَمَر سیزدی ثِنالَریمیز آخی نیه قبول اولمور دعالریمیز بیلیسیز نیه بورا چاتموشوخ چون هرنَیی بیر بیرینه قاتموشوخ قَدیم یِدّی شهری گَزَردون اگر بیر کربلایی تاپیلمازدی مگر تاپیلسِیدی انسان با شخصیّت یِره بیر نفر اونون سالمازدی سوزون مَگه فَراقینده اورَک یاناردی حاجی گییَدن یِرده قان باغلاناردی ایندی اون یول حاجه گیدن حاج آقا گلَن وقته بیرکس دورمور اَیاقا قَدیم دوت نفر کی حاجَت آلاردی داغدا ایکی رکعت ناماز قیلاردی اَل قوزییوب گویه بیر یول باخاردی یاغیش یاغیب باغ بَرَنی یخاردی ایندی مینلر نفر چیخیر نامازا عالیملر یوز قویور خاک نیازا یاغیش جَهَنَمه قارلار قورویور یِر آلتیندا قویی لاردا قورویور بولار بیتون اوزوموزه گِییدیر اوز اوخوموز گوزوموزه گِییدیر احسان وِریسن کی حاجی دعوت ایدیریخ بیت اللهَ نوزولینن گیدیریخ ناماز آدی گلَن وقته قاچیریخ گِدیب کربلاده سفره آچیریخ اَلدَن دوتساخ هرکسه فاش ایدیریخ مسجیده مولّایه خاطیر گیدیریخ مینبَریمیز ریاسته پولادی مؤمونوموز مَعاده یوخ مالادی قومشی یوخ سیلیخدان گیجه آج یاتیر حاجی تویدا اَلیمین شاباش آتیر مَحرَم نامَحرَمین فقط سوزی وار اونون بوندا بونون اوندا گوزی وار سوز گلَنده دورور غِیرَت داماری فقط دیلده قالیب غِیرَت شعاری هامی الآن هیجاب آیه سی تفسیر ایدیر گونده ولی بیر مودا تغییر ایدیر بیرگون خانیم لِنزی گویور گوزونه بیر گون شالوار کوسور گلور دیزینه اوغلان لارین تلفن همراه واری پارکیلاردا همیشه همراه واری گوزَل وَسیلَدی آلیب باباسی بلکه تک قامییا جِیران بالاسی مودوموزدان گرک دالی قالمیاخ نیه فیلان زادی گرک آلمیاخ الله موفده پولا وِرسین بَرَکَت حاضیر جَنازیه وِرور حرکت پول چوخ اولسا آدام مینَر ارزِشه پولسوز بیر انساندا یارانماز ایشه اقا گلسین کیمی حالا گتیرسین هانسی جَنازنی یِردَن گوتورسون اودور کی دییرَم گلسَن سَن آقا کیمین اوزی وارکی چیخسین قاباقا گلسن بیر نفرده اولماز کومَیین بوندان بَتَر قان اولاجاخ اورَیین فعلاًخَقیمیزین باشی قاریشیب اوکی سَن سویموسَن اوننان باریشیب سَن تُحمَت سویموسَن بیزه بازاردی یالان دیماخ بیزه یاغلی ناهاردی اوزگه مالی یِماخ یالان دانیشماخ دوزی آتیب نادوزلره قاریشماخ خلاصه عرض ایدیم دوزدن خبر یوخ فعلاً سن دییَن عاشیقدن اَسَر یوخ یوخ مینده بیری تاپیلار اودا قورخوسوندان ایدَر اِستِتار آخیرالزمانیندا اودا بیر دَنه مؤمن گرک مونافیقدَن قیزدَنه هوگّه باز مسجیده باشدا اوتورار مؤمن اَیاخ آت دا قالیب لِح اولار حورمَت اولار خلق آرا فاسیقلره ناماز قیلانلار اولونار مسخره بولار حله هامیسی دا بیر یانا بَتَر بَلا دوشوب آذربایجانا بیر ایده لر تازه قَلَم دوتوبلار ایمان لارین سیم و زَرَه ساتیبلار بیر ایده لر تازه چیخیر مَنبَره ایراد اِدیر امامه پِیغمبره مین دوت یوز ایل بیزه یارا وورانلار علی درگاهین اودتا یاندیرانلار فاطیمنین پَهلوسین سیندیرانلار حَقیقَتی دانیب خطا گیدَنلَر محسن زهرانی شهید اِدَنلَر دییَر مداح سوزی غَلَط اوخودی عَلینین اِوینده قاپی یوخودی شهادت فاطمه اَفسانه دی بیلَن بیلور بو تازه پروانه دی بیر ایده ده دییَر گلین قاریشاخ قاپیمیزی یاندیرانینان باریشاخ آقا سَن اوزون دِه قاریشماخ اولار زهرانی وورانینان باریشماخ اولار حله ده وار زهرا اَمان چاغیریر داعیم یا صاحب الزمان چاغیریر حله ده آغلییر محسن بالاسی دوزلمییب سینه سینین یاراسی بو کوچه ده حله ده وای سَسی وار حسن باخیر وای آنا وای سَسی وار مگر ضولمی یاددان چیخار بولارین حله ده قان ویرور یارا قولاری بولار نجه گلیب اوردا دوردولار علی باخدی زینبینی ووردیلار هانسی امّت دوز سوزاوسته دوردولار گور پیغمبرین قیزین دا ووردیلار بیر گون جانان تَبلِ زَفَر چالاجاخ اوز نورینی عالم لره سالاجاخ ذوالفقار علیده اوگون دوشمن نن آناسینین اِنتقامینی آلاجاخ عَدالَتینن دونیانی دولدوراجاخ بقیعه میز مَحکَمه قویاجاخ