تپراقون عالمده هر درده دوادور کربلا 🥀▪️🥀▪️🥀▪️🥀▪️ #ورود به کربلا زبانحال حضرت سیدالشهدا علیه السلام #صالح علی نژاد . تپراقون عالمده هر درده دوادور کربلا دیدۀ اهل جهانه توتیا دور کربلا . . سنده اجلال نزول ایلر مجلل کاروان بو مجلل کارواندا وار مطوّل داستان تپراقوندا دفن اولار یتمیش ایکی پیر و جوان هر بیری بیر گوهر کنز وفادور کربلا . . کاروانیمدا اگرچه یوزدن آز دردانه وا گنج عشقیمده ولی مینلر در شاهانه وار بزمگاهیمدا صفا وار شمع وار پروانه وار محفلیم عشق اهلینه دارالصّفادور کربلا . . بیر همایون پیکری که جسم و جانیمدور منیم میوۀ شیرین باغ زندگانیمدور منیم گوزلریم نوری چراغ دودمانیمدور منیم آدی اکبر دور شبیه مصطفادور کربلا . . بو حسینون حضرت خاتم کیمی استادی وار دوره سینده یار و انصاری رشید اولادی وار قاسم شهزادۀ آزاده تک دامادی وار کیم جمالی عکس حُسن مجتبا دور کربلا . . ماسوا فرمان حقّیله، اسیریمدور منیم بیر خدیو ملک عشقم قان سریریمدور منیم فاطمه ام البنین اوغلی وزیریمدور منیم لشگریم یتمیش نفر تشنه فدادور کربلا . . بیر مجاهد قانی خاک اطیبون الوان ائدر دین اسلامه کسیلمیش اللرین قربان ائدر هر دواسیز درده عبّاسین الى درمان ائدر چاره سیزلر چاره سی صاحب لوادور کربلا . . اهل عشقین عشقیله هر لحظه سوز و سازی وار کیم گئچه باشدان اونون بیر رتبۀ ممتازی وار لشگر عشق حسینون سودامر سربازی وار آدی اصغر شأنی اکبر مه لقادور کربلا . . سنده تأسیس ایلرم احراره وحدت مکتبی سندن اوزگه کسب ائدنمز بو مقام و منصبی ایلرم بیر ائله مکتبده مربّی زینبی فرد لایق دختر خیرالنّسادور کربلا . . شاه عشقین تخت و تاجی اولماسا تاراج عشق لخته قاندان باشینه قویماز بیر ئوزگه تاج عشق رفرف عشقیله سنده ایلرم معراج عشق عشق معراجیم سر نوک جدادور کربلا . . خون من خون خدادور دست من دست خدا من یدالله اوغلیام ای سرزمین کربلا ساربان ایلر یداللهی اَلى ظلماً جدا بند زر اوسته آخان خون خدادور کربلا . . من ضعیفائه ملازم بی پناهانه پناه کشور تجرید و تفریده یگانه پادشاه خسرو ملک شهادت ایستمز سامان و جاه بئله جاه و عزّته بی اعتنا دور کربلا . . کشتی علم خدایه ناخدادور بو حسین لنگر نُه فلک افلاک خدادور بو حسین هر دواسیز درده درمان و دوادور بو حسین اهل درده تربتی خاک شفادور کربلا . . دوشمه بو فكره سنه بیر کاروان پوزقون گلور یا که اشک چشم زینب یوزده چون جیحون گلور اوچ یاشیندا بیر رقیّم وار گلور یورقون گلور نه قولی مغلول نه قلبی یارادور کربلا . . مدفنیم سنده اولار شش گوشه چون عرش برین روضۀ مینو مثالیمدان گلر بو سس یقین هذِه جنّاتُ عَدنٍ فَادخُلوها خالِدین گلسه هر کیم نار دوزخدن رهادور کربلا . . مردۀ معدومه وئرم لطفیمیله بیر حیات زندۀ جاوید، قهریمدور بو عالمده ممات آلموشام عاصی خطا کار امّته حقدن برات پور زهرا شافع روز جزادور کربلا . . آلموسان دم «صالحا» بیر شاعر استادیدن فکر عقبائیله اول گئچ بو خراب آبادیدن بو سوزی ترک ائتمه هرگز خاطر ناشادیدن تپراقون عالمده هر درده دوادور کربلا .

زینبیم بو دشت محنت وادی کرب و بلادی 🌾🥀🌾#ورود به کربلا زبانحال امام حسین علیه السلام با خواهر 🔸#سبک ای ویرن ویرانه یرده … . #معروفان اهری . زینبیم بو دشت محنت وادی کرب و بلادی مدفن شاه شهیدان تربتی خاک شفادی مکتب عرفاندی زینب محضر جاناندی زینب . . گلمیشم کرب و بلایه من فقط اللهه خاطر محض ایفای وظیفه نه مقام و جاهه خاطر جانیمی سالدیم خطرده امت گمراهه خاطر اعتلای دین احمد آرمان پر بهادی مقصدیم قرآندی زینب محضر جاناندی زینب . . متصل ماه محرم اولدی چون ماه حرامه عشقیمی اثبات ائدم من خالق دین و مرامه ترک ائدوب میقاتی گلدیم یئتمدی حجیم تمامه کربلا میقات عشق و زمزم و سعی و صفادی موسم ایماندی زینب محضر جاناندی زینب . . بو یئره ایفای عهده اکبر و اصغر گتیردیم اصغره یوللاردا یولداش نازنین دختر گتیردیم قله قاف بلاده سئنماقا شهپر گتیردیم روح جاویدانه روحیم دلبره جانیم فدادی حقه جان قرباندی زینب محضر جاناندی زینب . . اگلشوب کشتی عشقیم بو دل دریاده زینب موج ائدور طوفاندا روحیم جان گلور فریاده زینب امر ائله الساعه اولسون خیمه لر آماده زینب بو دیار غم بش اون گون مسکن آل عبادی کشور سلطاندی زینب محضر جاناندی زینب . . باخ باجی نهر فراته داشلانور شور و شریلن چوللره ساری رواندی رحمه گلمز اصغریلن هی باخار حسرت رقیه علقمه چشم تریلن سسلر ای سو قطره سندن اصغره مشکل گشادی لبلری عطشاندی زینب محضر جاناندی زینب . . اولدی ذهنیمده مجسم هر نه درد و ابتلا وار علقمین دور و برینده آیری بیر حال و هوا وار پاره مشکیلن برابر یئرده بیر قانلی لوا وار عالم معناده گؤردوم ائللریم صاحب عزادی خیمه لر سوزاندی زینب محضر جاناندی زینب

زینبیم بو دشت محنت وادی کرب و بلادی 🌾🥀🌾#ورود به کربلا زبانحال امام حسین علیه السلام با خواهر 🔸#سبک ای ویرن ویرانه یرده … . #معروفان اهری . زینبیم بو دشت محنت وادی کرب و بلادی مدفن شاه شهیدان تربتی خاک شفادی مکتب عرفاندی زینب محضر جاناندی زینب . . گلمیشم کرب و بلایه من فقط اللهه خاطر محض ایفای وظیفه نه مقام و جاهه خاطر جانیمی سالدیم خطرده امت گمراهه خاطر اعتلای دین احمد آرمان پر بهادی مقصدیم قرآندی زینب محضر جاناندی زینب . . متصل ماه محرم اولدی چون ماه حرامه عشقیمی اثبات ائدم من خالق دین و مرامه ترک ائدوب میقاتی گلدیم یئتمدی حجیم تمامه کربلا میقات عشق و زمزم و سعی و صفادی موسم ایماندی زینب محضر جاناندی زینب . . بو یئره ایفای عهده اکبر و اصغر گتیردیم اصغره یوللاردا یولداش نازنین دختر گتیردیم قله قاف بلاده سئنماقا شهپر گتیردیم روح جاویدانه روحیم دلبره جانیم فدادی حقه جان قرباندی زینب محضر جاناندی زینب . . اگلشوب کشتی عشقیم بو دل دریاده زینب موج ائدور طوفاندا روحیم جان گلور فریاده زینب امر ائله الساعه اولسون خیمه لر آماده زینب بو دیار غم بش اون گون مسکن آل عبادی کشور سلطاندی زینب محضر جاناندی زینب . . باخ باجی نهر فراته داشلانور شور و شریلن چوللره ساری رواندی رحمه گلمز اصغریلن هی باخار حسرت رقیه علقمه چشم تریلن سسلر ای سو قطره سندن اصغره مشکل گشادی لبلری عطشاندی زینب محضر جاناندی زینب . . اولدی ذهنیمده مجسم هر نه درد و ابتلا وار علقمین دور و برینده آیری بیر حال و هوا وار پاره مشکیلن برابر یئرده بیر قانلی لوا وار عالم معناده گؤردوم ائللریم صاحب عزادی خیمه لر سوزاندی زینب محضر جاناندی زینب

#ورود به ماه محرم #سبک_می_گذرد_کاروان #سبک_ای_بوغازین_اوچ_پر_اوخ #کربلایی محمدرضاصادقی گلدی گینه ماه غم دیللره دوشدی نوا فاطمه گلدی گینه اوغلونا دوتسون عزا ترک ایلدی جنتی خاتم پیغمبران دیلده اوغول وای گلوب بزم غمه مرتضا گلدی ماه ماتم یا حسین گییدی قاره عالم یاحسین یا ثارالله یا ثارالله ( 3 ) چکدی گینه عرشینه قاره اوزی کبریا دشت غمه یکسره گلدی هامی انبیا گلدی ملکلر یره سالدیلا باشه قرا ایوای آقام سسلدی اهل زمین و سما دیللره غم دولدی یا حسین گوزلره نم دولدی یاحسین یا ثارالله یا ثارالله زینبه غم باشلانار خیمده ایوای دیر اللری اوسته رباب اصغره لایلای دیر سسلر اوغول آغلاما جانیوه جانیم فدا ال ایاقون چالما چوخ دردیوه یوخدور دوا بو غمده سینمی داغلارام چاره یوخ اللرون باغلارام یا ثارالله یاثارالله الده پیاله دورار نازلی سوسوز قیزلارون سسلر عمو العطش خیمده اولدوزلارون زینب او حالی گوروب غم اودونا اودلانار ناله چکر سسلنر ایوای اوغولسوزلارون وای اوگون حالینه زینبون یانام احوالینه زینبون یا ثارالله یا ثارالله دوشسه ابالفضل گوزی قیزلاروون اشکینه مشکی سالارچگینینه آل عبا عشقینه جوت قولی باهم وئرر گورسه رقیه یانور بیر گوزیده لطف ائدر دگمیه اوخ مشکینه سو غمی سقانی یاندیرار قیزلاردان چوخلی اوتاندیرار یا ثارالله یا ثارالله

⚘الهی وربی من لی غیرک⚘: بو گجه انوارینی آی سالدی دریای غمه ▪️🔸▪️🌿▪️🔸▪️🌿 #ورود محرم ماه غم #مرحوم هادی تبریزی . بو گجه انوارینی آی سالدی دریای غمه باتدی کشتی خدانون نا خداسی ماتمه . . بادۀ غمدن ایچوب مست اولدی پیر می فروش گورسنوبدی خانۀ خماریده جوش و خروش الده ساغر یکسر اولدی باده نوشان قاره پوش یتدی تأثیر مِحَن نوح و خلیل و آدمه . . مشقینی عشّاق آلوبدی شمعدن پروانه دن مست اوبلار حشره دین بالمرّه بیر پیمانه دن نقد جان بذل ایلیوبله ساقیه میخانه دن یول سالوبلار پیشواز خنجر خونین دمه . . باده نوشه جامده تا اینکه می چشمک ویروب شاهدین مهر و صفاسی قلب پاکین دولدوروب درگهینده موسی و عیسی ندیمانه دوروب بذل ایدوب بیر ال کلیمه دم مسیح مریمه . . حق یولوندا اوز جلال و جاه و جانیندن گیچوب تا که بیر جرعه می ناب محبّتدن ایچوب اگنینه خیّاط حق پیراهن خونین بیچوب گوشینه بیر سوز ایدوب حال خفاده زمزمه . . عهد ایدوب عاشق اودور قانیله آلسون دستماز ایلسون معشوقیله گودالیده راز و نیاز قان ایچینده ایلسون برپا ایکی رکعت نماز باخماسین شام اهلی ایتسه باشی اوسته همهمه . . ایلیه موسی کیمی آللهی سرگرم حضور ایلیه قرآن تلاوت تا یارالدا حال و شور فکر ایده شام اهلی قرآن نیزده داود اوخور گول یرینه کول نیه امّا بو عالی مقدمه . . یوزده کول باشدا یارا شاهنشه بازو پسین نوک نی ده فاش ایده انیّ اَنَا الله نکته سین ناقه اوستن سمع ایده زینب گینه قارداش سسین دامنین اشک بصردن دوندره خونین یمه . . بیر با خا نوک جداده تشنه لب قارداشینا تا گوره قان لخته سین تاج ایلیوبدور باشینا سسلنه بو باشدی بنزر شامیان نقّاشینه آچموسوز معناده اَل سیزلر خدای اعظمه . . بو حسیندی مظهر ذات خدای ذوالجلال بو حسیندی عاشق حیّ ِ خدای لایزال آسمان اوز گوشینه ویرمیش اودور زرین هلال حلقه بر گوش اولدی چون پور رسول اکرمه . . بیر سلیماندی ویروب انگشتیله انگشترین اهرمن شرم ایتمیوب امّا کسنده اللرین گلدی زهرا نا گهان توکدی یوزه اشکترین باخدی اوّل قانیله الوان اولونموش پرچمه . . پرچمی گوردی یر اوسته نعش عباسه باخوب سیل تک گوزدن عذاره قانلی گوزیاشی آخوب اوز آغارمیش زلفینه اَوّل اوغول قانین یاخوب یول سالوب صوندان گیدوبدی سمت نَهرِ اَلقَمه . . بیر با خوبدی سوکنارینده یخلمیش پیکره باغرینا باسمیش ایکی قانلی کسیلمیش اللره اوز آغارمیش زلفنی سالدی او جسم اطهره یوخ گمانیم نیلیوم سسلندی آیری مرهمه . . بیر غلامی وار حسینون چوخ سلیم و نیکخو «هادیه» تکلیف ایدوب بیر قطعه یازسون بس نکو ایلدی اجرا اونون فرمایشاتین مو به مو دست حاجت چونکه آچمیشدی خدای اکرمه

ای حسین ای ماه دل آرا #ورود کربلا #سبک_گل_باجی_آل_اصغری_مندن با صدای کربلایی میکائیل اجلی .🌾🥀▪️🌾🥀▪️🌾🥀▪️ #حاج روح اله رمضانی . ای حسین ای ماه دل آرا ای گل گلخانه زهرا نام شریفت شده هردم ورد لب اهل تولا . تو ماه بطهایی عجب دل آرایی به گلزار جنت صفای گل هایی حسین جانم (2) . . . تو شرف ارض و سمائی بنده ی ممتاز خدائی جان دو عالم به فدایت فخر همه اهل ولایی . تو شاه والایی انیس دلهایی فروغ دو چشم علی و زهرایی حسین جانم (2) . . . تو همه را روح و روانی پادشه کشور جانی تادم محشر ای شه دین رهبر هر عصرو زمانی . توئی مونس جان پناه شیعیان به دنیا و عقبا امیر جاویدان حسین جانم (2) . . . گلدی گنه ماه محرم دایر اولوب مجلس ماتم امر خدائیله دوباره عرشه ویریلدی قره چم . گلوب درده سینم اولوب گوزلر پرنم یاغور هر طرفدن باشیما گرد غم دولوب گوزلر (2) . . . گلدی گویون اهلی نوایه باتدی ملکلر ده عزایه قافله ی شاه شهیدان چون یتشوب کر ب و بلایه . ائدور هی زمزمه آناسی فاطمه غم اوز وئردی گنه تمام عالمه دولوب گوزلر . . . گیدی قرا اگنینه زهرا خیر نسا ابیها اولدی بو آی باغ جناندا حزن و عزا خیمه سی برپا . اولوب اهل جنت گرفتار محنت یتیشدی موسم ملال و مصیبت دولوب گوزلر(2)

#ورود به کوفه #گوردولر نوک جدادن صوت الرحمان گلور ▪️🥀🍂▪️🥀🍂▪️🥀🍂 گـــوردولر نوک جدادن صوت الرحمان گلور سوره ی کهفی اوخور صوت خوش قران گلور قانلی باش اعجاز ایدوب قـــران تلاوت ایلیور کوفه شهرین غم دوتوب سبط نبی گور نیلیور صوت زیبا ریشه ی اعــــــدای کُفری پیلیور آسمانلاردان یره حور و ملک گریان گلور یوز دوتوب زینب باخوب بیردن سوسوز قارداشینه گه باخوردی کفرین اهلـــــــی اللرینده داشینه وورمیون داش فاطمـــه اوغلی حسینون باشینه چوخ یارالیدور باشی هر یاره دن بیر قان گلور باخدی زینب گوردی الله اوچ یاشیندا قیز باخور باخدوقیجا اشکیلر چون قطره ی باران آخور سسلیور یاندیم ننه هی اشکــــینی قانه یاخور آغلیولار قیزلاری چوخ ناله و افغان گلور اولمادی کرب وبلاده بو بـــــاشا بیر سو ویرن قالدی عریان پیکری ایستی قوم اوسته بی کفن باتدی عالم ماتمه قیزلار اولــــوب غرق محن سبط پیغمبر باشیدور کوفیه مهمان گلور بو همان باشدور که پیغمبـــــر اوپردی لبلرین بو همان باشدور کسوبدور ساربان اول اللرین آت چاپوپلار نعشی اوستونده او نازلی پیکرین قتلگاهه انبیـــــالر باش آچــــوخ نالان گلور رحم ایدون آخر بو باش ریحانه دی پیغمبره مالک یوم جزا عـــــزت ویــرندور محشره بند قلب فاطمه نــــــور دو عینـدور حیدره آغلیاندا خیر نسوان لــــرزیه ارکان گلور من مصیبت دیده یم باری منیم گوگلوم آلون یاسلیم سیز کول یرینــــه باشیمه معجر سالون لا اقل داش وورمیون بیر جه بو حالتده قالون چون سوسوزدور قارداشوم صوت اناالعطشان گلور نهرون اوسته قارداشوم قولسوز یاتوبدور یالقیزام دوغرانوبدور اکبریم تک قالمیشام یولداشسیزام وور میون طعنه داخی بی یاورم قـــارداشسیزام چون رباب اوز اصغریندن بی خبر نالان گلور آنـــــــد ویرم کوفده اول زینبین احوالینه خـــــردا قیزلار یا حسین و یا عمو فریادینه (پوریـــایم ) دردمندم چات بو نوکر دادینه قسمت ایلــــه کربلا کی اربعین یولدان گلور

#ورود به کوفه #(اَهل کوفه گوردیلر بیر کاروان غم گلور) ▪️🍂🍂▪️🍂🍂▪️🍂 اَهل کوفه گوردیلر بیر کاروان غم گلور زینبِ کُبرا حسینه ساخلیوب ماتم گلور زادهء مرجانه دن بیر حُکم اولوب عالم یانوب بو مصیبت ده نه یا لقوز زینبِ کُبری یانوب قلب هاجَر خاطرِ اِنسیّهء حورا یانوب زلفینی سارا یولار هم شیونه مریم گلور بی حیالر اِیتدیلر بیر مجلس عشرت بنا قوردولار اسباب نَردی ظلمی له اَهل جفا حکم ایدوب گلسون گرک بو بزمه آل مُصطفی آه او دَم دن عترتِ پیغمبرِ خاتم گلور باخدی زینب مجلسه گوردی دوروب بیگانه لر شمعه یان دوردی اوزون گورجک یانان پروانه لر سالدی غملی خاطرینه اوزگه بیر غم خانه لر گزلنوب عورت ایچره گوردی نامحرم گلور زادهء مرجانه بو اوضاعی دن آلدی خبر کیم دی بو عورت که عورتلر ایچنده گزلنر دیدیلر بنت علی دور زینبِ خونین جگر سرّی وار گوزیاشی گوزدن صورته هر دَم گلور زینبین آدین ایشیتدی سویلدی گورکیم نِیدوب شکر اولا خلّاق عالم سیزلری رُسوا ایدوب زینبین کلاً قرار و طاقتی اَلدن گیدوب غصّه اُستن غصه پی در پی غم اُستن غم گلور سویلدی لال اول شقی اولاد پیغمبر بیزوُق زُهرۀ زَهرا آنام دور زادهء حیدر بیزوُق جمله اهل کایناته هادی و رهبر بیزوُق باش آچوب حوّا یانیم جا حضرت مریم گلور فانی دور دنیا (ثریا) عمریده یوخ اعتبار چوخ عزیزی عاقبت ناکام ایدوب بو روزگار بو یولی چوخ طی ایدر عالمده هر خرد و کُبار کاروان مرگ بیری آخر بیری اقدم گلور

طالع باکویی #ورود _محرم

#زنجیرزنی #ورود محرم