یا باب الحوائج ... -(فخر ائدللر انبیا باب الحوائج اصغره ) فخر ائدللر انبیا باب الحوائج اصغره عشق ائدللر اولیا با ب الحوائج اصغره انبیاو اولیا هم سهلیدی ای مدعی بلکه عاشقدی خدا با ب الحوائج اصغره دین یولوندا آلتی آیدا تشنه لب اولدی شهید اولسون عالملر فدا باب الحوائج اصغره آلتی آیلیقدا ره صد ساله نی طی ایلدی حق دئدی صد مرحبا باب الحوائج اصغره سنی چوخ آز اولسادا حل ایلیر هر مشکلی یوخ بیری همتا اولا باب الحوائج اصغره ناامید حاشا ائده باب سخاسیندن سنی شاهدا اولسون اول گدا باب الحوائج اصغره حشریده بیگانه خاکی پشیماندی یقین سعی ائله اول آشنا باب الحوائج اصغره : حاج روح الله رمضانی

وخشامازبانحال امام در تیر خوردن حضرت علی اصغر(ع) - (ستـاره تـک سُـوزَن بالام) ستـاره تـک سُـوزَن بالام  -   بوغـازین اوخ اُوزَن بالام  دُویوب زمانه دن کوسـوب  -  دوداقـلارین بُـوزَن بالام  سو کیمی  علی آخوب آغلارام  یارووا  اوغـول  باخوب آغلارام  حالیمـا اگـر گـولَـن  اولماسا  یوزومه قانین  یاخوب آغلارام  بالام لایلای – گلوم لایلای  جان آی منیـم مَللـر بالام  -  یـارالی صـودامـر بالام  سنـه دیللَـر اوخشامـا  -  سَوزَن  ستاره لـر بالام  بئلـه اَسمـه لالـه سیاق بالا  قانین اولدی  دینه دایاق بالا  باخیر حرمله  گولور حالیمه  بئله چالما چوخ  اَل ایاق بالا  بالام لایلای – گلوم لایلای  گوز آچ  بـو  قلبی  داغـلاما  -   بالیـخ کیمی چالیخلاما  کتاب عشقـی سـاق صولا  -    بئلـه علـی  وَراقـلاما   منیـم ای  تَکیـم سنه وای دئییم  اوخی قوی چکیم سنه وای دئییم  بوغـازونـدا اوش پر اوخی چکیم  سینمـه  اَکیـم   سنه وای دئییم  بالام لایلای – گلوم لایلای  ربـابیـدَن  کِچـن  اوغـول    -    بوغـازین اوخ بیچَـن اوغول  اَل اوسته  حلقی  اوخلانوب   -    بو چـولده قان ایچـن اوغول  بـو   زمـانـه دن  دویانیـم  بالا  ننه سیـن  مَللـر  قویانیـم  بالا  بئله اَسمه قوی اوخی رَد ائدیم  جـانیـوا فـدا  بـو جانیـم بالا    غمـونده سینـه داغلارام   -    سنـه ئولـونجـه آغلارام  یارالی پیکـرون باسـوب    -   سینمده  من قوجاخلارام  سنه جان فدا  دیوب آغلارام  بـالا وای بـالا دیوب آغلارام  یارالی بوغـازیوی هی اوپوب  سنه اوخشاما دیوب آغلارام  بالام لایلای – گلوم لایلای رامین محمد زاده

زبانحال حضرت رباب علیها سلام -(بو آچمیین گلوم غنچیدی پرپر اولوب) ۴۳۹ بوآچمیین گلوم غنچیدی پرپراولوب گيدوب بوياندی قانا فدای اكبراولوب . قـلبيم قانا دولوری گل عمری سولوری عـين الحيات بالاسی الده سوسوزاولوری . لایلای بالام لایلای . شكاراولاربالاسی بيرآهونون اگر دوشرداليجا گيدرگوزوندن اشكين الر دو گوراولان صود امرآنان نجه ملر . لايلای ديديم ياتاسان سوفكرينی آتاسان سـواوسته من دمديم گيدوب قانا باتاسان . . گلسن دوباره اگرقوجاقيمه آلارام بـوسينم اوسته گهی گهواره وه سالارام سندنصورا بوآنان قالمازديمه قالارام گلسيدی سواَله قويمازديم اصغراُله دل اولمادی دانشا گليدی بيردله . . اوقدرآغلاموسان سسون قولاقدا قالوب شل اولسون حرمله نی سنی بوحاله سالوب بوقان كه سندن آخورآنان توانين آلوب . ای عمرومون ثمری شش ماهه صود امری گون باتماموش نيه بس باتدون شرف قمری . .. مندن آلوب آتاسی آپاردی سوويره شش ماهه سربازينی سوسوزدی هامّی گوره سوويرميوبلراونا قانين توكوبله يره . يانّام بیرعمرآغلارام باشا قره باغلارام باشون داليجا دوشوب بوسينمی داغلارام . . . گوروشميوبدی بالا گل غنچه ليقدا سولا گوروم اوحرمله نون الی اوغول شل اولا آيردی سنله منی قلبی مِحَنله دولا . ديديم سنی گورر رحم ايليوب وِیرَر بيرجرعه سونه كه اوخ آتوب بالا اُلدورر بوسينمی دلرم گوزوم ياشين توكرم نقدراُولمه ميشم آهو كيمی ملرم شاعر: حاج اصغر فرشچی

حضرت علی اصغر(ع) -(ای گلستاندا سولقون گلوم آغلاما) ۳۴۲ ای گلستاندا سولقون گلوم آغلاما غملی ای غصه لی بلبلوم آغلاما گیتدی سقا عمون سو گتورسین سنه اصغریم آغلاما سوگلوم آغلاما آغلاما سینمین زیوری آغلاما آغلادورسان بو بی یاوری آغلاما من او گنجینه یم ساخلادوم سینه ده سن کیمی پربها گوهری آغلاما گیتدی سقا عمون سو گتورسین سنه اصغریم آغلاما سو گلوم آغلاما آغلاما ای آخان گوزلرون قربانی یاندیروب ای یاخان گوزلرون قربانی یوخ علاجیم الیمده اوغول اوللام اول حسرتیله باخان گوزلرون قربانی گیتدی سقا عمون سو گتورسین سنه اصغریم آغلاما سوگلوم آغلاما سن افقدا گوزل اولدوزومسان منیم سفره ده هم دادیم هم دوزومسان منیم من او آهوی صحرا نوردم اوغول سنده بیر یورغون املک قوزومسان منیم گیتدی سقا عمون سو گتورسین سنه اصغریم آغلاما سوگلوم آغلاما شاعر: حاج رسول امینیان امینی خویی

زبانحال امام حسین(ع) در شهادت حضرت علی اصغر(ع) -(پایانه یتوب عهدیله پیمانیم الهی) ۳۵۱ به سبک(ای باد صبا کرب و بلایه گذر ایله...) پایانه یتوب عهدیله پیمانیم الهی اوخلاندی الیمده قوزی قربانیم الهی بیر الده بالام، یارب آلوب بیر اله قرآن گتدیم بو گون اثبات حق ایتماقلیقا عنوان قرآنی دانوب ایلدیلر ظلمیده طغیان دوتسون بو ستمگرلری قرآنیم الهی سولموشدی الیم اوسته بو گل غنچۀ مینو آهسته ملردی دیه سن بچّۀ آهو یاندی سوسوزوندان بیر ایچیم ویرمدیلر سو باخدیم اونا یاندی دل سوزانیم الهی هر یانه فراتین سویی دریا کیمی آخدی یاندوردی بالامی بو سوسوزلوق اودی یاخدی آغلار گوزیله گه سویا گاهی منه باخدی ایچدی قانینی اصغر عطشانیم الهی صحرای بلا تاپدی بزک گللریمیله عبّاسیمیله قاسمیله اکبریمیله آرتدی بزکی غنچه دهن اصغریمیله جنّاته وورار طعنه گلستانیم الهی قانه بویانوب تشنه بو بیر گوهر نایاب دین گلشنینی ایتدی قزل قانیله سیراب بیر گون اولی بو گلشن آچار مین گل شاداب اعلان اولونار مقصد پنهانیم الهی بیر یرده که چوخ گرم اولا بازار محبّت کالایه خریدار اولا ذات احدیّت کالانی الیمده ساتوب آلّام دولی قیمت محشرده شفاعت اولی عنوانیم الهی نازلی بالامین یتدی بهارینده خزانی سولدوردی اونی باد خزان غنچه زمانی بیر سرخ گلابه بویادی کرب و بلانی باتدی او گلابیله بو دامانیم الهی آز سنّیله نسگل لری عالمده چوخ اولدی واردان ال اوزوب، نغمۀ سو دلده یوخ اولدی سیراب ایدن آخِرده سه شعبه بیر اوخ اولدی باخدیم اونا یاندی دل بریانیم الهی ائلسیز قالانا یاور و غمخوار تاپولماز من ائلسیزه اغیار آرا بیر یار تاپولماز فریاده یتن یوخ، داخی دلدار تاپولماز فریادیمه یت ای حق منّانیم الهی دوز عشقیله دوتدوم سنی، عرضیم یالان اولماز سنده منی دوت بی کسی یاده سالان اولماز دردیم ندی غصّم ندی دلدن آلان اولماز ای درده یتن، دردیمه درمانیم الهی بی یاورم اغیار آرا یاده سالانوم یوخ انصاریم الیمدن گیدوب اصلا قالانیم یوخ نازلی بالامین نعشین الیمدن آلانیم یوخ قالموش الیم اوسته قوزی قربانیم الهی قنداقی قوجاقیمده شرار غمه یانّام بو قانلی چولی صاق صولا حسرتله دولانّام گه صاق صولا حیرتله گیدوب، گاه دایانّام خوناب توکر دیدۀ گریانیم الهی اوخلاندی بو آهو باخیشیم ظلمیله اُلدی حشره کیمی آغلار آناسی بو سوزی بولدی غنچه دوداقی قاچدی باخوب بیر منه گولدی آغلاتدی منی غنچۀ خندانیم الهی بو عرصیه یول شیعه لر ایکاش سالیدی بیر قیدیمه بو قانلی بیاباندا قالیدی رافتله الیمدن قوزی قربانی آلیدی آباد اولیدی دل ویرانیم الهی یاخدیم یوزینه قانینی، خوش صحنه یاراتدیم زلفین بویادیم، ارزش قربانی چوخاتدیم اوجومدا همان قانی دوتوب من گویه آتدیم ساخلا او قانی چرخیده یزدانیم الهی یوز دونروب ایمدی هایانا عزم ایدوم الله چارم کسیلوب، چاره ندور بس نیدوم الله گلمز بو یوزیمدن که خیامه گیدوم الله یوخ دورماقا، یوخ گیتماقا امکانیم الهی خیمه قاپوسین ایمدی کسوب آغلار آناسی فکر ایلوری سیراب اولونوب نازلی بالاسی بولمور بوغازیندا وار اونون کاری یاراسی بی روح دوشوب فدیۀ بی جانیم الهی کیم واردی هرایه گیدوم ایتسونله حمایت خرگاهه سالوم یول، چکورم چوخلی خجالت میداندا دولانسام منه ایله لّه شماتت بی شرمدی چوخ دشمن نادانیم الهی مندن نه دونر درد و بلا، من نه بلادن اعداده جفا جودیله، دویمازلا جفادن فریاد جفاکاری بی شرم و حیادن دیوان ایت اوزون داور دیوانیم الهی سندندی نییم وار منیم ای ورد زبانیم ویردیم سنون اوغروندا نیه گلدی گمانیم یوخدور قالانیم ایمدی، مگر بو باش و جانیم قربان ایلیم من سنه جانانیم الهی من «تائبم» آگاه حسینی شرفیمدن گر تیر شماتت یاغا دورت بیر طرفیمدن حقدور هدفیم، دونمرم اصلا هدفیمدن قرباندی الهی هدفه جانیم الهی من «تائبم» الله بولورم چوخدی گناهیم تکمیلدی پروندۀ سنگین سیاهیم ویرّم قسم اصغر جانینا سینه ده آهیم عفو ایله اوزون واردی نه عصیانیم الهی شاعر: صادق تائب

حضرت علی اصغر(ع) -(سن حسینون صودامر سربازیسان) ۳ ۸۱۴ ۱ سن حسینون صودامر سربازیسان سینه مه خاطره ی غم یازیسان ال ایاق چالما بالا صبریمی آلما بالا یات لب عطشان بالا یات (۲) برج غم اولدوزی تک باتدین علی آتا آغوشین اوخا ساتدین علی اوخا گولدون منی آغلاتدین علی آرزووا چاتدین علی نازیلن یاتدین علی یات لب عطشان بالا یات (۲) گولومی حرمله قئردی ولدی اوچ پر اوخ حلقوه ووردی ولدی آتادان اوغلون آییردی ولدی سنی قانه بلدی چولده جیران مله دی یات لب عطشان بالا یات (۲) نه بیلیدیم بئله بیر ساعت اولار منه حسرت سنه اوخ قسمت اولار سپرم عرشه قانین زینت اولار مقتلین خلوت اولار فاطمه دعوت اولار یات لب عطشان بالا یات (۲) وار هله حرمله نین بهتر اوخی منه قسمت اولاجاق آخر اوخی بوغازیندان چکرم اوچ پر اوخی گؤرمه سین مادر اوخی ائتمسین باور اوخی یات لب عطشان بالا یات (۲) الیم اوسته سنه لایلای دییرم آناوین حالینه ایوای دییرم زحمتی اولدی علی زای دییرم من اوغول وای دییرم یوخ سنه تای دییرم یات لب عطشان بالا یات (۲) سن اوغول گلشن غم بلبلوسن سن رقیه بالامین سویگولوسن محسنین یولداشی جنت گولوسن باغ غم سنبلوسن آغلورام سن گولوسن یات لب عطشان بالا یات (۲) شاعر: ابوالفضل عباسی معروفان

متن شعر ترکی زبانحال حضرت زینب (س)به همراه ۵ سبک سینه و زنجیر -(ای کوی عشقین تشنه لب) ۱۴۵۳ ۳ ای کوی عشقین تشنه لب قربانی گل قارداش حسین زینب گلن یولّاروین قربانی گل قارداش حسین من کربلا یعقوبیم ای یوسف ملک حجیز آدون دلیمده کوینگین سینمده اولام اشکریز گل پافتاده باجیوی آخر نفسده دوت عزیز جان اوسته گوزلر گوزلریم جانانی گل قارداش حسین غربتده یوخ بیر همدمیم دلدن آلا آلامیمی قورتاردی عمریم زحمت و آلام صبح و شامیمی اما آلوب هجران غمی دلدن ایله آرامیمی یوخ بوندان آرتوق دوزماقین امکانی گل قارداش حسین من بیر غریب و بیکسم یوخدور یانیمدا بیر حبیب نه بیر گلن وار نه گئدن نه آشنا نه بیر طبیب کیم قبره تاپشورسون منی ئولسم بو غربتده غریب وار گوزده سیل اشکیمین طوفانی گل قارداش حسین سن جان وئرن ساعتده من سوزیله سینه داغلادیم سیل سرشک قلبیمین قانین عذاره باغلادیم گلدیم او حالتده باشون اوسته باش آچدیم آغلادیم دولدوردی قانلی گوز یاشیم دامانی گل قارداش حسین تصمیم آلوب اوز عشقینه بیر امتحان ویرسون باجین عشق اهلینه مین رمزیله عشقین نشان ویرسون  باجون گل سنده بیر قران اوخی آسوده جان ویرسون باجون بلسون هامی عشقین ندور میزانی گل قارداش حسین آرتور فراقین سوزشی قلبیم یاراسی قان ویرور نه سوز سینم اسکیلور نه گوزیاشیم امکان ویرور غربتده سنسیز زینبین مین حسرتیله جان ویرور واراشک آلی خاطرِ سوزانی گل قارداش حسین قارداش اسیر عشقووَم قلبیمده دور عکسین مدام یارین وصالونله تاپار هجران یاراسی التیام فکریم حسین ذکریم حسین وردیم حسیندور صبح و شام وار هر سوزیمده بیر حسین عنوانی گل قارداش حسین شاعر: حاج حیدر خوندل

در مدح حضرت زینب(س) -(بحر وفائیله صفا زینبه اقتدا ائدر) ۳۱۹ بحر وفائیله ، صفا ، زینبه اقتدا ائدر دهریده شاهینن گدا زینبه اقتدا ائدر فاطمه نون نشانه سی ،مرتضی نازدانه سی ختم نبی و مرتضی ، زینبه اقتدا ائدر فاطمیه حیاده و غیرتی حیدره چکوب جمله تمام اولیا ، زینبه اقتدا ائدر گویلره وصفینی چکم گون اوتانار غروب ائدر گون ندی اهل نه سما زینبه ا قتدا ائدر وار یئری حیدرین قیزی اولسا عقیله العرب کل زمین کریلا زینبه اقتدا ادئدر عاشقی چوخدی زینبین آد آپاریم من هانسیسین کفردی ولی خود خدا زینبه اقتدا ائدر کیمدی حسینه رهنما عالم ذرده سس گلوب؟؟ روح الامین وئروب ندا ، زینبه اقتدا ائدر زینبه کیم دخیل اولوب چاره تاپوبدی دردینه دردینه کیم آلوب دوا زینبه اقتدا ائدر اوندا کی شامه قیزلاری اهل جفا آپاردیلار بیلدیله اهل بو سرا زینبه اقتدا ائدر قصریده ولوله سالوب باتمیا قارداشی قانی منطق و اصل ماجرا زینبه اقتدا ائدر اما آلوب قوجاقینه خردا قیزی که آغلیور بیلدیله خرداجا بالا زینبه اقتدا ائدر سنده "خدایی" عشقیله زینب آدین گیتیر دیله تا دئیلر که بو گدا زینبه اقتدا ائدر حسین خدایی زنجانی

در مدح حضرت زینب(س) -(انقلاب کربلایه رهبر مردانه زینب انقلاب کربلایه رهبر مردانه زینب روح قرآن مجیده جان جاویدانه زینب مسلک و فکر و مرامی راه حقّ و حق پرستی شوکتی تاراج اولونموش کاروانین سرپرستی ضرب شستینده نشانه مرتضانین ضرب و شستی باغ ناز مصطفایه غنچه ی ریحانه زینب نهضتینده کامل ایتموش نهضت شاه شهیدی نهضت شاه شهیدین گوندوزی صبح امیدی ناقه لر اوسته دیریلدن روح قرآن مجیدی گنج شایان وجودین وقف ایدن قرآنه زینب نقش حق تاپموش تجلّی قلبینون آئینه سینده دُرّ غلطان امامت حفظ اولان گنجینه سینده کربلانین هر بلاسین گیزلدن اوز سینه سینده صبریله صبرین ویروبدی صبر ایوین تالانه زینب گه ساچوبدور تیر آهین قلب خون مهر و ماهه گل دوروب تلّ اوسته باخسون بیر یارالی پادشاهه گه قاچوبدور خیمه گاهه گه قاچوبدور قتلگاهه غم گوروب غصّه گوروبدور یوز دوتوب هر یانه زینب گه ویروب خنجر کناره بیر اوغولسوز حنجریندن گه چکوب آلات حربی قارداشین دور و بریندن گه دوتوب محکم ایکی اَلّی قانه باتموش معجریندن ویرمیوب ویرمزدی معجر لشکر عدوانه زینب جسم انسانلاردا زینب روح انسانلیق یاراتدی یاتمادی غفلتده یاتموش هر مسلمانی اویاتدی بیر گجه شام غریبان قدّینی بوکدی قوجاتدی قامتی دوندی کمانه گلدی جاندان جانه زینب گوردی قارداشی آلاندا اوخلار آتدا دستمازین بیر سنق محملده آچدی قانیله قان جانمازین قیلدی بیر سینموش باشیکه کوفه ده عشقین نمازین ناقه دن قارداش قانیله قان قاتوبدی قانه زینب گوزیاشی دوندردی قانه چشمه سارین سلسبیلین ایلدی آخِر دلالت کربلا پیر دلیلین چکدی اودلاردان کناره آل پیغمبر خلیلین قویمادی یانسون امامین آتش سوزانه زینب خیمه گاهی کربلاده یاندی نار بی امانه اود دوتوب کلَاً وجودی چکدی اودلار تک زبانه هر یانا دوندی ووروبلار قولّاریندان تازیانه ایلیوب تنها توکّل ایزد یزدانه زینب زینبی که روزگارین دختر علّامه سیدی گوزیاشی بیر قانلی دفتر، نوک مژگان خامه سیدی مکتب وحدت یاراتماق اوّلین برنامه سیدی چوخ گوزل ویردی حسینین نهضتین پایانه زینب گه یاری یانموش چادردا گه گجه زنداندا یاتدی گه گیدوبدی نصف شبده قتلگهده قانه باتدی بجدلین ظلمی الهی زینبین رنگین ساراتدی حسرتیله گوز تیکنده پنجه ی احسانه زینب گوندوزی گوز منظرینده لیله ی دیجوره دوندی قارداشین عریان وجودی جلوه گاه طوره دوندی سینه سی اوستونده اوخلار نخله ی پر نوره دوندی روح موسای کلیمه درس استادانه زینب بسته ی بند اسارت ایتدی تضمین رسالت بو رسالتدن اولوبدی ناقِل امر ولایت زینب کبرادی واله دفتر سرّ شهادت گیتمیوب بیر لحظه بیر یول ناخودآگاهانه زینب بیر اسیری که اولونموش غصّه دن دنیا اسیری آل طاهانین عزیز بی مثال و بی نظیری هادی آتش به جانین هر زماندا دستگیری لطف قیل ایستور دوباره خلعت شاهانه زینب شاعر: مرحوم هادی تبریزی

در وصف حضرت زینب(س) -(زینبین دردینه هچ درد و مصیبت چاتماز) ۲ ۷۸۴ -۱ زینبین دردینه هچ دردومصیبت چاتماز دردی تک همت والاسینه همت چاتماز اوچاتان رتبیه عالمده هچ عورت چاتماز بیرخانم کی اولاخون شهداخونخواهی قولی باغلی سالاتخت اوستن عبیداللهی بیرخانم کی اونازهرا ویره همت درسین جدی طاهادن آلاعشق ومحبت درسین مرتضادن آلابیرکس کی شهامت درسین بیرخانم کی سوزی دشمن گوزینون خواری اولا قارداشینان صورا اسلامین علمداری اولا بیرخانم کی قولی باغلی دایاناشیرکیمین خطبه سی گردن کفری ویراشمشیرکیمین سوزی دشمن اورگین پارچالیاتیرکیمین بیرخانم کی دیلی آغزیندا گوره خنجرایشین اورگی داغلی گوره یکتنه بیرلشگرایشین بوخانم عابده دی ذکروثناعاشقیدی عشق سرگشته سیدی جام بلاعاشقیدی اهل یثربدی ولی کرب وبلاعاشقیدی باشینایدی قرا سالدی بلادشتینده بلی سیندی خانمون کرب وبلادشتینده شاعر: فرهنگ خدایی

ترکی اثرات عشق زبانحال حضرت زینب (س) به باد صبا در خرابه شام -(او شرح عشقی که گل گلستاندا خاره یازار )   ۱ او شرح عشقی که گل گلستاندا خاره یازار  اونون نظیرینی یار عاشق فکاره یازار  .  او سرّ عشقی که بلبل یازار چمنده گوله  اونی سرشکیله عاشق وفالی یاره یازار  .  بو درد عشقه دوا یازمیوب خدای حکیم  بو رمزی لاله اودور قلب داغداره یازار  .  هامی فلاسفۀ عالمی اگر یغالار  دیمه بو درده دوا یا بیر اوزگه چاره یازار  .  همیشه لوحۀ تقدیرده قضا قلمی  محبّت اهلینی عالمده بخت قاره یازار  .  سالان مَشقّته فرهادی شور شیرین دور  که بی ستوندا وفا درسی کوهساره یازار  .  عراق دشتینه مجنون سالوب نوای حجاز  گهی وفاسینی گیزلین گَه آشکاره یازار  .  کنار شمعیده پروانه یاندورار پرینی  شکسته دل اودینی جلوه گاهِ ناره یازار  .  حقیقتین اثر نالۀ غم انگیزی  رموز عشقی ائدر اهلینه اشاره یازار  .  اولان مقام همایون عشقیدن آگاه  سوزین گدا کیمی دربار شهریاره یازار  .  مقام عشق حسینیده گور نجه زینب  عریضه بیر یارالی شاه تاجداره یازار  .  ابو تراب قیزی یوز قویوب تراب اوسته  سرشکیله غم هجری ایدر شماره یازار  .  گوزی دوات ، مرکب سرشکی کاغذی خاک  خزان جفاسینی سلطان نوبهاره یازار  .  دیر دوشنده یولون ای صبا بلا چولینه  اوخی حسینیمه زینب اوکی عذاره یازار  .  دی یاتما قبریده دور شامیده خرابیه گل  گور اشک چشمیله زینب نلر جداره یازار  .  خرابه لرده عزیزه قیزین آجیندان ئولور  حیا ایدور دیماقا چهره پرغباره یازار  .  یازار سرشکی یوزینده آجام ، سیلر زلفی  گوزی بو کلمه نی رخسارینه دوباره یازار  .  ئورک داش اولسا دایانماز یانقلی سوزلرینه  سرشک قطره لری طعنه چشمه ساره یازار  .  یتیملوق غمی، غربت، اسیرلیق دردی  هر آه سردیله مین شرح انکساره یازار  .  ئوزی دئمور بُلورم من نه دردی وار بالامین  سالار دله سوزینی قلب زخمداره یازار  .  گورور لباسینی کهنه اوشاقدی غصه لنور  گوزینده قلب سوزین دُر شاهواره یازار  .  اگرچه خوردا اوشاقدور ولیک عاقله دور  اسیر اولانلارا مشق عز و اعتباره یازار  .  سرشک چشمیله تپراقلارا باشی اوسته  علی اکبرین آدین بو ماهپاره یازار  .  بالاسی اوخلانان آهو کیمی رباب ملر  خرابه نی دولانور اسم شیر خواره یازار  .  باخار سکینیه اشکیله دولدورار گوزینی  شرار آهی دل زینبه شراره یازار  .  گورور که درده یتن یوخ علی قیزی کلثوم  عریضه اشکیله عباس نامداره یازار  .  قلم ئورک سوزین ای #سعدی_زمان یازمور  اگر الی یته ششگوشه لی مزاره یازار  .  فشار دهر سنون باخما سیندیروب قلمون  گینه یازانلار ائدر سندن استعاره یازار  شاعر: سعدی زمان سیدرضا حسینی

راه شام - درد دل زهرای سه ساله ✍️محمدرضامحمدی (ناعم) من حسینون قیزیام ، چوللری مضطر گزورم قالمیشام یئرده، منی ترک ائدوب ائللر، گزورم نه غذا ایستیورم من ،نه ده سو تشنه سی ام نیمه شب ، غرق تَعَب ، یاره لی بیر سَرگزورم "مرغ باغ ملکوتم نیَم از عالم خاک" که سینوب بال و پریم چوللری بی پر گزورم بیر یارالی باجیام نازیمی لطفیله آلا علی اکبر کیمی بیر نازلی برادر گزورم التفاتین کسوب اکبر ندور آیا سببی کوسوب اکبر دیه سن ،صود امر اصغر گزورم زینب عمّمده ایتیردی منی بو صحراده بو محن سالدی منیم قلبیمه آذر ، گزورم بو تیکانلار نه تیکان، خنجره چوخ بنذری وار ایاقیم آلتدا باخوب چکمگه نِشتَر گزورم ائله غارت زدیَم معجریمی دشمن آلیب یارامی باغلاماقا بیر قره معجر گزورم بو گئجه آیدا کَسوب نورینی بو بادیه دن نیزه باشیندا ولی بیر مهِ انور گزورم بو قرا بختیمه باخ یوخدی بیر اولدوز گویده یولومی تاپماقا نورانی بیر اَختر گزورم گئدوب عمّم چاغیرام داده گرک فاطمه نی ذکر یا فاطمه دلده ائدوب اَزبر گزورم نه آتام وار نه ده قارداش قره بختم قره یاز سسلورم فاطمه نی غصه لی مادر گزورم یل اسنده بوریور صورتیمی گرد و غبار بیر نقاب ایلیه سیمانی مُسَتَّر گزورم یورقونام ، یاره لیَم ، یوخدی توانیم یِریَم اَبَدی یاتماقا مدتدی که بستَر گزورم خوش اولار بوردا ئولَم ،یِل اَسَه، تپراق سُوؤرا دفن اولا تپراقون آلتیندا بو پیکر گزورم مرقدیم گیزلین اولا اَلده ئولَن فاطمه تک اولا دردیم او دلارایه برابر گزورم (( ناعمم )) نام رقیه منی عرشه یتوروب خانیمون مرحمتین عرصه محشر گزورم