یا ابوالفضل العباس علیه السلام 🖤(سبک : میگذرد کاروان)🖤 گلمیشم امدادوه ، ای ائلیمین زینتی یاتما بو صحرا ده دور ، ای بلیمین قوتی کشتی عمرون باتیب ، ساحله غم سان وئرور قولارویی کیم کسوب ، یاره لری قان وئرور ساقی تشنه لب الامان طاقتیم یوخدی قارداش اویان **** هانسی ستمگر عمود ، ویردی آچوخ باشوه حسرت ائدوب سن کیمین ، قارداشی قارداشوه ظلم ائله دی بیزلره ، آل امیه اخا گوزلیور ایندی سنی ، نازلی رقیه اخا ساقی تشنه لب الامان طاقتیم یوخدی قارداش اویان **** محشر اولار اللاهیم ، ظلم و عناده حکم گولدی منه حرمله ، بیلدی بو چولده تکم بیر یول اورکدن چاغیر ، یا علی یا فاطمه اوچ پر اوخی ایستورم ، قانلی گوزوندن چکم ساقی تشنه لب الامان طاقتیم یوخدی قارداش اویان **** دور منه امداد ائله ، بلده قالیب اللریم بی کمکم یالقیزام ، اولدی شهید اکبریم بس کی سنی دوغریوب ، لشکر بی عاطفه کوته اولوب قامتون ، یاده دوشور اصغریم ساقی تشنه لب الامان طاقتیم یوخدی قارداش اویان

احوالات حضرت اباالفضل علیه السلام ✍ شاعر؟؟؟؟ اجرا : احسن دهقان #اللهم_عجل_لولیک_الفرج

مداح اهلبیت، ع، بهنام فرشی

‍ نوحه سینه زنی بانوای#کربلایی_منوچهر_حسن_زاده شاعر#حاج_کلامی_زنجانی بزم عزاده گیمشم قاره یا عباس بیچاریم قیل دردیمه چاره یا عباس یا باب الحوائج ( 2 ) ای پرچم حریّتی ساخلیان سردار وی کاروان وحدته قافله سالار مشکلده قالسام ایلرم آدیوی تکرار قربان اولوم سن تک فدا کاره یا عباس ای حق مناسینده گیین قانلی احرامی گزدون یارالی باشیله کوفه و شامی حفظ ائتدی ایثارون سنون دین اسلامی اولدی نشان عمرون گُلی خاره یا عباس كوي محبتده هاني سن كيمي جانباز عشق عالمينده آلموسان رتبه ممتاز هاردا آدون سسلنميشم گورموشم اعجاز ائتمه اردات قيديمي پاره يا عباس آند اولوسون آننوندا اولان زخم پيكاره بير تار مويون وئرمرم تخت شاهانه قانلي گوزون ياد ايلوب گلّم افغانه دگدي سنه اغياريدن ياره يا عباس آتدان دوشده سسلدون عالمين يارين گلدي غريب كربلا تاپدي سردارين قانلي جبينونده ئوپوب سجده آثارين باتدي يوزي ثاراللهين ثاره يا عباس سسلندي اي آرخام ائليم آچ گوزون قارداش تاراج اولوب تاب دليم آچ گوزون قارداش قارداش جاني سيندي بئليم آچ گوزون قارداش چاره آزالدي گلميشم زاره يا عباس اي يار قرآن مرحبا بخت مسعوده چاتدون شهادت فيضيه اولدون آسوده اوچدون هما تك ساخت قدس مقصوده گئتدون يارالي محضر ياره يا عباس ادرك پيامون خيمه ده ايندي آلديم من گوردي باجيم نه غصه لي حاله قالديم من قربان بو قولسوز قامته دور قوجالديم من اولدي جفا سن تك وفا داره يا عباس سنسيز حرمده عترت بوتراب آغلار اولموش عطشدن قيزلاريم دلكباب آغلار گه اصغره لاي لاي ديير گه رباب آغلار عالم فدا بو چشم خون باره يا عباس

مسلم فاخر فاخر: بنام خدا نوحهٔ سینه زنی در آهنگ «ای قلم» زبانحال حضرت رقیه (س) راه شام __ سئیر ائدیر یولاری غم قطاری لشکر غم گئدیر شامه ساری ٱوج ائدیر آسمانه خدایا بیر‌ سه ساله قیزین آه و زاری آل طاها دوشوب قیل و قاله بی نوالر قالوب آیری حاله بارالها گلنمور رقیه رحم ائله اول سه ساله غزاله کاروان یولانوب غم سرایه قوزانوب آه و افغان سمایه آغلایور اوچ یاشیندا رقیه یالوارور بحر غم ده خدایه شوراکبر چیخانمور باشیندان آیریلوبدی باجی‌ قارداشیندان قان اولور‌ عالمین باغری یارب اول سه ساله قیزین گوزیاشیندان هی باخور قانلی باشه قان آغلور گوز یاشین غملی رخساره باغلور سسلیور عمه سین داده هردم آه سوزانیله سینه داغلور سویلویور عمه باغریم قان اولدی آه و نالم بو صحرایه دولدی من بو یولاردا اوللام شهیده عمه بویول منه آیری یولدی عمه جان ٱل ٱیاقیم قاباردی روز روشن منه لیل تاردی گلموشم جانه زجرین الیندن داده چات عمه عمروم‌ قوتاردی گوزلریم عمه قانیله دولدی گوشوارم منیم غارت اولدی اوچ یاشیندا باشا چاتدی عمروم گلستانیم بوصحراده سولدی قولاریم باغلانوب دی طنابه قلبیم عمه دوشوب پیچ وتابه چوخ غمیم واردی سینمده اما غم لریم چاتماز اصلا ربابه ساربان جانیمه اوت سالوب دی قمچی ردی یوزومده قالوب دی قاچموشام کاروانین دالیجا قورخودان عمه قلبیم یاتوب دی باخموشام نیزه ده آفتابه دوشموشم بحر پر اضطرابه گوزلرین قان توتوبدی بابامون باخموری او من دل کبابه فاخرا بو سوزی بوردا قورتار یازما نه حاله قالدی‌ اوغمخوار ایسته آغلار گوزیله اورکدن بیر گونی اولگیلان شامه زواز عشقوی ائیله ابراز اورکدن یاد ائله اوردا عشاقی چوخ سن 🖋#مسلم_فرتوت_فاخر