زبانحال امام حسین علیه السلام بربالین حضرت زهراسلام الله علیه __ ‍ ای گل پرپر طاها منی دیندیرمسون ئوللم آنا زهرا آنا زهرا  منی دیندیرمسون ئوللم طاقتیم یوخدی فراقه یاتما بیله دور ایاقه ال گوتورمم دامنوندن آل منی بیرده قوجاقه من غریب عالمینم  من سنه نور دو عینم آغلاسئیدیم دوزمزیدون من همان عطشان حسینم وای آنام ایوای آنام وای،   وای آنام ایوای آنام وای        آتما کلثومی گوزوندن زینبی آواره قویما دویمیوب سندن حسینون   گل حسیندن سنده دویما باشه قاره باغلارام من آهیلن دل داغلارام من وای جوان ئولن آنام وای دئیرم قان آغلارام من بی قرار و اشکبارم  داغدار و دل فکارم قویما آغلار بو حسینی محنت و درده دچارم وای آنام ایوای آنام وای،   وای آنام ایوای آنام وای بو گئجه بو غملی ائوده بیر گل پرپری گوردوخ سینوه سو توکدی اسما آخدی قان محشری گوردوخ طاقت و صبریم آزالدی ناله لر عرشه اوجالدی سسلدی ایوای نگاریم شیردل   حیدر   قوجالدی طاقت و تابی تالاندی ساغر صبری جالاندی جسموه باخدی دایاندی قوللاری باغلیدی یاندی وای آنام ایوای آنام وای،   وای آنام ایوای آنام وای                           غصّه لی بیر منظرئیدی دورد بالون حیران باخوردی قان اولوردی قلب حیدر چون سینوندن قان آخوردی حیدره آسان دگیلدی چون بو گیزلین دردی بیلدی غیرتیندن شاه مردان بو  گئجه  ئولدی دیریلدی غصّه دن آکنده ام من فاطمه شرمنده ام من باوریم اولماز نگاریم سن ئولوبسن زنده ام من وای آنام ایوای آنام وای،       وای آنام ایوای آنام وای وای دئدی دوزسون نه نوعی فاتح خیبر بو درده ایندی بیلدیم  نه قیامت  ئوز وئروبدی پشت درده ای گل باغ رسالت واردی سینونده جراحت ثانی، طاها محضرینده حیدری    ائتدی   خجالت وار یئری ای وای دئیوم من جامۀ ماتم گئیوم من حیدره بو غم گراندی فاطمه دئ نئیلیوم من وای آنام ایوای آنام وای،   وای آنام ایوای آنام وای                       آنا قانلی گوزلرون آچ حسنی اوزون دانیشدیر کوچه دن  ائوه  گلندن  قارداشیم دینوب دانیشمیر اورگی غمله دولوبدی گل کیمین رنگی سولوبدی آغلیور دئیور آنام وای کوچه ده       نلر          اولوبدی اودلانور قلبی محنده وار عجب طاقت حسنده دوندی ابر نوبهاره نیلی رخسارون گورنده

: گفتگوی مادر با دخترش زینب س (زبانحال) خانمین اونداکی فضّه یاراسین باغلوردی زینب آغلوردی اُ حاله حسنینین آغلوردی هِی دِییَردی آنا ، ثانی سنی سالدی بو حالا قوخورام توختامیا بو یارا سینونده قالا قُوی یغُوم بسترووی بسدی داخی یاتما آنا قوخورام چوخ یاتاسان غم گَلَه دردون چوخالا دُور بیر آز اِئوده دولان جسمووه جان گَلسین آنا باشیما قویما منیم غم بُلُودی سایه سالا آناجان بسدی داخی آغلییُوب آغلاتما منی دِءی دانیش قویما سن الله بِئله رنگون سارالا ئورگیم دُءزموری پوزقون گورم احوالووی من سن ئوزون اِیله دعا بلکه بوسینون ساغلا آنا جان ، محسنی ئوِدوردوله قالسیدی اگر صود یی یَردی نجه بوسینه دن اُل نازلی بالا دِءی گوروم تک بو یاراندی سنی رنجور اِئلییُوب سنی فکر اِیلَمورم بیر یارا بو حاله سالا قولووین آغریسی واردی ؟ دِئنه مرهم دوشییُوم وار گمانیم قولووین آغریسینی مرهم آلا گر قولون آغریموری ، بس نیه ای وای دییوسن؟ قُوی باخوم ، آغریسی ممکوندی کی قالسا چوخالا قویوسان بیر الووی بس نیه پهلولرووه ؟! یِئرییَنده دایانورسان دوشوسن حالدان حالا بیرده بو چادریوی قُوی یره ، راحت اولاسان باشداکی مقنعه اِئوده نَیَه لازمدی قالا بیز بو یثربده غریبوخ بابامین یوخ کمکی قورخورام شیر خدا کثرت غمدن قوجالا دُور اُتور یاتما آنا بیر قولاق آس سوءزلریمه سن یاتاندان یوُخی گلمیر گِئجه گوزلریمه اُ قَدَر آغلادی پروانه کیمی یاندی غمه دِئدی الله بو جوان چاقی نه گَلدی ننمه گوردی تا حضرت زهرا قیزینی چوخ نگران دئدی دُوندَرمه بِئله گوزیاشووی موج یَمه حالیمی اِئوده گوروب عصّه لنورسن بیلورم ولی بو سُوءزلریوی محضر مولاده دِئمه دردی چوخدی آقامین غصّه لیدی آل نظره بوندان آرتیق بالا ، قویما دوشه موج اَلَمه ایستورم بولمییَه بیعت گونی نَه گَلدی منه اونداکی زاغ و زَغَن دولدولا یکسر حَرَمه منی ئولدورمسه ده ، سینه ده کی یاره لریم ئولدورر درد علی ع، اُفّ اولا قوم ظَلَمه حُجّهُ الّلهدی آتان ، ماخَلَقین سروریدی بیعت ایستولله علی دن بالا گور ایندی کیمه بیر نفر یوخدی عم اوغلومدان حمایت اِئله سین سپر اِئتدیم سینه می، جسمیمه یِتدی صَدَمه جان نه لایقدی ، رهِ عشق علیده گوزلیم عالمین جانی فدا صاحبِ حُکم و حِکمه

زبانحال مولا علی ع در فراق حضرت زهرا س پوزولموشام منی تک قویما فاطمه گوزون آچ علیدن ای دایاقیم دویما فاطمه گوزون آچ وطن غربیبیم ای همدمیم یوخومدور کس‌ داریخدی قلبیم اویان وئر عموغلووا بیر سس دیلین فداسی اولوم بیرده دور دانیش منیله بو ائوده خوش گونوم  آخر گئدر گولوم سنیله بو آیرلیق منیم آرامو صبریم الدن آلیب گورن علی دگولم دور علی یامان قوجالیب بولورسن هچ غم ایاقدان سالانمازیدی ولی سنین غمینده دوشوبدور ایاقدان ایندی علی فراقیوین غمی والله بوقلب زاری بولر گوز اچماسان اینان حقه علیده سنله ئولر نولار گوزون اچاسان تا گوزون دوشه گوزومه ادامسیزام اودی زهرا کی باخمیسان سوزومه بو شهریده بولوسن یوخ علینی یاده سالان پیمبر امتینین یوخ بیری بوگویلی آلان ملر قالیب بالالار باخ حسینیوه حسنه نجه سنی اوز الیمله بوکوم بو آغ کفنه ندندی  بولمیورم  نظم  عالمی  سولمور حسنی نیلیورم ساکت عم قیزی اولمور فقط باخیر یوزووه سسلنیر گوزوم چخسین یواش دییر کی خدا باعثین ائوین یخسین حسینده آغلیور هردن باخیر یانان قاپیا دییر خدا کمک ائت بیرده ثانی گلمیه تا اوشاقلارین البیر گلدی فاطمه سارالیب دو گور عموغلون علی عم قیزی نه حاله قالیب سن اولماسان گجه لر کیم حسینیمه سو وئرر نه نوعی ایلیه جاقدور  گجه نی ائوده سحر غمون ئولونجه حسین باشدان هچ آتانمیاجاخ سن اولماسان گجه لر صبحه جک یاتانمیاجاخ بو ائوده بذر محبت سن اولماسان کیم اکر علاوه  زینبیمن  شانه کیم.  تلینه  چکر -------------------------------------------

ین در و دیوار آراسیندا قویاللار روضه اوخویوم ،اورک لری روانه ائلیاخ مدینیه کنار قبر مخفی بی بی دو عالم 😭 دوشوب خیالیمه یارب بلاسی فاطمه نون اوجالدی عرشه ایویندن نواسی فاطمه نون آتاسی ئولدی اولوب شهریده غریبه کیمی دونوب یاد اولدی هامی آشناسی فاطمه 😭 خانم عزالیدی ، هنوز باباسی پیغمبر رحمتین (ص) داغی اورگینده ، نچه گوندی گوز یاشی توکور آتا فراقینده 😭 قاپوسین اودلادیلار محسنین ایدوبله شهید باشیندا باخمادیلار ، وار قراسی فاطمه نون او قدری اولدی ستم ، دوشدی بستر مرگه بدنده قالمـــادی آخر ، قواسی فاطمه نون 😭 نیلدی آی عاشقان اوجالتدی بیر الینی ، درگه خــــــداونده بو اولدی زمزمهٔ ، غم فزاسی فاطمه نون 😭 دعاسی بودی اللهی فاطمه نون عمرینی اوزون قورتار اجابته یتوشوبدی دعــــاسی فاطمه نون غروب ایدوب او خانم گون باتان چاقی گون تک یتیم اولوبــدی داخی دورد بالاسی فاطمه نون 😭نیسگیل بودی گجه گر ئولسه بیری دفن ایدلّه گوندوز اونی گورون هارا یتشوب مـــاجراسی فاطمه نون گجیله کوینگین اوستن وروردی غسلون علی اوجادان آغــــلادی بیردن آقاسی فاطمه نون سوروشدی فضه 😭 سئوال ایلدی آقا جان ، سن ئوزون گونوزدن بیوروردون اوجادان آغلامیون ، اما نه اولدی ئوزون بیله اوجادان آغلیورسان 😭 سوروشدی فضه نــــدور علتی بو آغلاماقون بویوردی سینه ده واردی یاراسی فاطمه نون 😭 فضه بونا آغلیورام که زهرا چوخ سوزون چوخ دردین منه دئمیوب ئولونجه آغلارام هیچ دردینی منه دیمیوب مگر قالوبدی سلامت هاراسی فاطمه نون سنوب قابورقالاری بیر قولی ورم اِلیوب پوزور منی رُخ نیلی نماسی فاطمه نون شهیده گیتدی شهید محسنون جوان ننه سی چوخ آغـلادار منی آرتوق حیاسی فاطمه نون غرض گحیله عـــــــلی یارینی قویوب قبره توکوبدی اشگین یوزه مقتداسی فاطمه نون 😭 آقا امیرالنؤمنین زهرانی دفن ایدندن صورا یوزون قویدی مزارون اوسته او قدری آغلادی آغلادی ، صورا نجور منزله گلدی ایشیم یوخ اما بو قدر دییم صبحه جن آقا آه و ناله ایلدی صبح اولجاق آقا بیوردی قاپونی آچوخ قویون شاید زهرانین (س) یاسینه گلن اولدی ، اما گلن اولمادی ، بو صحنه مولایه چوخ چتین گلدی بیوردی قاپونی باغلیون ، اوندان صورا قیزی خانم زینبی سسلدی قیزیم زینب 😭 ایوین بیوک قزیسان اوخشـا آغلیاق آنووا ایاقه دوردی او غم آشناسی فاطمه نون گیدوب گتـــــوردی آچوبدی وسطده بیر بوقچا او بوقچادان چیخوب ای وای لباسی فاطمه نون آلوبــــدی اللرینین اوسته قانلـــی بیر کوینک نه حاله قالدی گور اولْ مه لقاسی فاطمه نون 😭 نیلدی آی یاسا گلنلر باخوب باخوب دیدی بیردن جوان ئولن ننه وای خـــدنگ غـــــم اورگین دائمی بولن ننه وای بهار عــــمری دیدی اولدی تز خزان ننه مون مجلل اولمـادی یاسی بو گون جوان ننه مون جوانلیقیندا قـــوجــــــالدی ننم گلین ئولدی اولوبدی خوش گونی هیچ بیلمورم هاچان ننه مون نه بیر گلین ایوه گتدی نه قیز کوچورتدی ننم یتوشدی باشه جـــوان عمری ناگهان ننه مون مزاره گیتـدی ولی بیر گوزونده قانلی لکه واریدی سیلی دگنده گوزونده قان ننه مون 😭عاشقان آی اهل مجلس بو غمـــلی سوزده گوروبلر حَسنده گلدی دِله دیدی بلاسی چوخ اولدی او جانفشان ننه مون دگنـــــده کوچه ده سیلی ، اوزوم یانندیدیم نه گلدی باشینه گوردوم او قهرمان ننه مون منه بویوردی الیمدن یاپوش یواش یرییک باجی بو نار غمینده همیشه یان ننه مون عزایه یوخدی گلن باش باشا ورک اوزوموز دییک بــــــلالرینی قلبی اودلانان ننه مون #التماس_دعا گلچین از کتاب : منادیان راه حق استاد : عزیز صبوری اردبیــلی

زبانحال آقا امیرالمومنین(ع) در بالین حضرت زهرا(س) یار ، الی دلدارین الینده یارالی ال یارین الینده دوشدون ایاقدان سن او گونکی قالمشیدون خارین الینده واویلا ، غملی اورکدن یانورام واویلا سنون ائله اوتانورام گئتماقون اوت وئراجاق غملی دیله علینون گل ائوینی یخما بئله غملر الینده یانورام من سینمی غمنون یارورام من باشیون اوسته سنه خاطر یانا یانا یالوارورام من اورگیم ، باشینی دای بولملیم سنسیز بول منده داخی ئولملیم هر کیمنون عم اوغلوا سن سریدون حیف اولا شمع وفا تک اریدون ندندی بئله سارالوبسان الیمدن اختیار آلوبسان گوستروری سولان جمالون گلم ایاق آتدا قالوبسان آچ گوزون ائشیت علینون سوزونی ئولدورور ائوده اوشاقلار اوزونی گر گئدسن ائویمی غم چولقالیار زینبون زلفینی بس کیم داریار یتوبدی وقت سوز و سازون دور آچگونان بساط رازون دور نجه گور قیزون زینب آچوبدی یرده جانمازون زینبی سسله سسیوه جان دئسون آچ گوزون دیوم بلال اذان دئسون بهارون گوروم خزانه دونمسون گل گئتمه ائویم چراغی سونمسون فرقتون اوت جانه سالوبدی قراریمی الدن آلوبدی بو حالیلن کی گورورم من قالماقون اللها قالوبدی باشیما بلا توکولدی فاطمه کتاب وفا بوکولدی فاطمه زهرا جان سسیم سنه دیول تانیش گل دیله عم اوغلویله بیر دانیش سبک 👇👇👇👇👇👇👇👇👇👇

یا هو به سبک عمواوغلی چوخ گل سارالار... کناریمه گل عم اوغلی جان آغلاما سنه قربان                                                                                                                                                                                            شرشگیوی گل عذاریوه باغلاما سنه قربان                                            آغلاما حسین آغلور اشکینی یوزه باغلور عم اوغلی عجّل وفاتی من ایستدیم نمازاوسته قاپوم یاناندان مریض اولوب اولموشام اودور خسته آچیب یارامی بیراللّی باغلیاردیم آهسته غمیمده داغلی سینوی داغلاما سنه قربان ولایت اوسته گلون صولوب چون دوچاراولوب خاره سینمده واربیر درین یارایوخ او یارمه چاره ایوه گئدیب گلسن هرزمان باخما قانلی مسماره یانان قاپیمی عوض ایله ساخلاما سنه قربان سنه نجه شرح ایلیوم باشیمین بلاسیندن یانارقلبون فاش ایدم اگرکوچه ماجراسیندن یره یخلدیم دورانمادیم ثانینین جفاسیندن دیدیم حسن دوت الیمی آغلاما سنه قربان عذاریوه توکمه گوزیاشون آزغم وملال ایله اله بیرهیچ من یوخودوم سن بیله خیال ایه منه گوره سن چوخ اینجیدون گل منی حلال ایله منه باخوب دیزلریوی قوجاقلاما سنه قربان آغلاما حسین آغلور اشکینی یوزه باغلور

زبانحال حضرت زینب با حضرت فاطمه سبک نوحه: 👇🙏 خرابه چراغون امشب آنا گـوزیاشیـم  اولدی القان    سنه  زینبون  جانی   قربان سالوب غملرون دلده طوفان    اولـوب سینـه سـوزان آچ گـوزلرون سینه ده یاره  یاتما یارالی گون مِثلی مغربده دلخسته  باتما یارالی گـوزدن  بـالالاریـوی   بیله  آتما   یارالی اویان بیله یاتما یارالی « لایلای ننم وای ننم وای ننم وای ننم وای » غَمـه دائم  اولدون نشانه    گتیردی سنی غم نه جانه دونوب گُل سِتانین خزانه    دُونِیـــدی زمـانه سن کی دییَردون آنا حَق دییَن دیلره ئولمز؟ سن ئولـدون اما منیـم  لبلـریم بیـرده گولمز زینب گلـر جانـه دردیـن ولی کیمسـه بولمز منیم دردیمی کیمسه بولمز « لایلای ننم وای ننم وای ننم وای ننم وای »                     ✨ اَللّهُمَّ عَجِّل لِوَلیِّکَ الفَرَج✨💫

✔️ حضرت زهرا سلام الله علیها ✅ گریز به شام غریبان امام حسین (ع) کنزُ الشُّعَراء                                                  بو گیجه ای شیعه دلدن خانۀ زهرایه باخ بوینی چیگنینده پریشان زینب کبرایه باخ ائتسه هرکیمسه تصوّر مرتضانون حالینی اودلانار قلبی توکر رخساره اشک آلینی باشینه ایمدی او مولا جمع ایدوب اطفالینی بیر پریشان اهلبیته بیر شه والایه باخ رسم عالمدور جهاندا هر کسون ئولسه کسی خویش و ایل شام غریباندا اولور همناله سی اوز یتیم اولادینون گوز یاشلاری شیون سسی حیدرون اولدی انیسی بو دنی دنیایه باخ بیر طرفده زینب کبری دیور ایوای آنا بیر طرفده غم دیزینه باش قویوب دور مجتبی بیبر طرفده باش آچوب گلگون قبای کربلا دیده گریان مو پریشان عترت زهرایه باخ گه باخوب اطفالینه اشکین توکر شیر خدا گه سیلر گوز یاشلارین آرام ایدر میر هدا گور نه چکدی بو گیجه صبحه کیمی اول مقتدا آیت کبری گوزوندن موج ایدن دریایه باخ شام هجرانی دوزنموب صبح فرقت ایتمدی صبح اولونجا فرقت زهرایه طاقت ایتمدی فرقته دوزدی دیمه دیداره سبقت ایتمدی نصف شب دوردی ایاقه همت مولایه باخ یوز قویوب قبر بتوله دیدۀ گریانیله قبرینه گلدی دوشندی شیون و افغانیله درد دل آچدی او بزم رازیده جانانیله بزم وصل خاصّه باخ خلوتگه و ماوایه باخ سویلدی توپراقلار آتدا یاتما راحت فاطمه بو ترابون قلبینه ویرما جراحت فاطمه دورگیداخ گور زینب ایلور نه قیامت فاطمه ساکت اولمور ناله دن فریاد وآه و وایه باخ آغلادی قلبین بوشاتدی بسکه افغان ایلدی کلّ ایتامه آتا یاد یتیمان ایلدی دوردی دولت خانیه رجعت شتابان ایلدی گورنجه گلدی نه گوردی حال غم افزایه باخ دل داش اولسا بو ملال و محنته مشگل دوزه گوردی یا بیدار اولوبلا یا یوخی گلموب گوزه قول بویون اولموش آناسیزلار قویوبلار یوز یوزه آغلاشولا شدتیله شور جان فرسایه باخ ویردی چوخ شیرین دیلیله تسلیت اطفالینه گوز یاشین سیلدی ایدوب بیر بیر نوازش حالینه وای خانم کلثومه ایوای زینبون احوالینه آچگوزون ای دل اویانمیش خیمه ده غوغایه باخ ایستدی خوار اولماسین شام غریبان حسین جمع اولوب بیر خیمیه اطفال نالان حسین صبحه دین نی تک سیزیلداشدی یتیمان حسین عزّت شام غریبان شه بطحایه باخ نه قالوردی قاسم واکبر نه عباس جوان زینب وکلثوم اوزی اولموشدی گویا پاسبان بسکه چوخ خستیدی زینب گئتدی خوابه بیر زمان استراحت سیرین ایله گوردوقی رویایه باخ هولیله بیردن اویاندی سسلدی کلثوم اویان یوخسا یاتمیشدون منیم تک سنده باجی باغریقان دور گوراخ هانسی بالاگیتدی کناره باجی جان قورخولی چولدور گورورسن پر خطر صحرایه باخ سسلدی اطفالی زینب ویردیلر بیر بیر جواب هر قدر سسلندیلر سس ویرمدی امّا رباب عمّه لر قارداش بالاسین تاپماقا ایتدی شتاب زینب و کلثوم ایدن بیر همّت عظمایه باخ چیخدیلار یانمیش چادیردان دلده بی حد اضطراب قویدولار یوز قان دولان صحرایه با چشم پرآب گه گیدوب گه سسلنوبله هارداسان سس ویر رباب صورت مطلبده بیر محصول اولان معنایه باخ شه دلیل اولدی اوزی گوستردی خط جاده نی تاپدیلارآغوش شهده نازنین شهزاده نی باغرینا جان تک باسوب شهزاده ی آزاده نی دویمیوب دل پاره سیندن چاک چاک اعضایه باخ بی ثمردور «شأنیا» بو عالم پر شور و شر گورمیوب بوندان ثمر کام دلینجه بیر بشر ایسته سن گر نونهال عمریدن شیرین ثمر سوز یازاندا شور گوز یاشین توکوب🥀🎋🥀🎋🥀🥀🎋🥀🎋🥀🎋

‍ ‍ روضه حضرت زهرا(س) تابوته وردیلر حرکت زینب آغلادی                                 گویا ائدیب آناسینا بونوعی کشف راز ظلمت گئجه آنا گئدیسن هانسی منزیله                            ترک ائیلی سن(حسینوی)بو منزیلی ای بانوی حجاز قال بو گئجه بیزیله، گونوز (سحر) باری دوش یولا              شب زنده دارلر گئجه دن ائتمز احتراز صبحه کیمین آنا دی یه رم یاتمارام آنا                               چیخسین گوزوم اگر گوزومه گله خواب ناز سندن صورا مصیبت عالم منیم کیدی                                 ماتم منیم دی ، آه منیم ، غم منیم کی دی تابوتیلن او یدّی نفر غملی آشنا                                         مشغول اولوبلا گئتماغا آرام و بی صدا آهسته یول گئدردیله بیر کس اویانماسین                             ایجاد زحمت ائیلمه سین قوم اشقیاء زهرا نی تا یئتیردیله قبرین کنارینه                                   ایستکلی یاری قبر آچیب ایستکلی یارینه سلمان ایدی اباذر و مقداد بولموره م                                  تشییع ائدن او بانوی والا تباریدن زهرانی تا یئتیر دیله قبرون کنارینه                                  زهرانی بیر محبتیله باسدی باغرینا اسگیلمه دی شرار محبت او قلب پر شراریدن                      سسلندی فاطمه دیدار قالدی محشره بو آیریلیق علی نی سالار اعتباردن                                   ای کاش اجل گلیب منی ده راحت ائیلی یه قویدی زهرانین یوزون توپراقه میر مقتدا                            باخدی بیر سمت بقیعه سسله دی وا ابتا سسله دی ای خاک تیره بو علینین روحودی                        ساخلا راحت ائیله حرمت سینه سی مجروح دی 👇

قمچیله گؤگه‌رتدی هاراسێ گلدی قباغـه گـؤردۆ یـوْخ اوْ مظلومییـه غــم اوْد ایچینــــده از بسکی وۇرۇب فاطمه‌نی سالدێ دؤزۆمده‌ن درد ائتدی اوْنـۇن گؤزلرینـی تـار اوْد ایچینـــده سسله‌ندی اوْ دم فضّه‌نی ایمداد ائله یاندێم سالدێ منی دیلده‌ن داخێ اشرار اوْد ایچینده آز قالدێ عدو حملـه ائـده صحـن-ی-سـرایـه ال تـۆت منـه ائـی یار-ی-وفــادار اوْد ایچینــده فریادیمه گل چاره‌سیزه‌م محسنیم اؤلدۆ یێخدێ ائویمی قۇم-ی-سیتمکار اوْد ایچینده وئـر خامـه تسلـی بـۇ مصیبتـده بتـولــه قوْیدۇ قاپێسێن کینه‌ی-ی-کفّـار اوْد ایچینـده سؤیله سن اؤزۆن کی وارێدۇن کربُ – بلاده گؤردۆن کی نئجه گرمیدی بازار اوْد ایچینـده سن ناظیرێدۇن زینبۇون خئیمه‌سی یاندێ قالدێ اوْ رشیده قێـزۇن آغـلار اوْد ایچینــده سنده‌نده چتیت درده دۆشه‌ن زینبۇن اوْلدۇ قوْیدۇ اته‌گین دوشمن-ی-جبّار اوْد ایچینــده پروانه کیمی شهپه‌رین اوْددان اوْدا وۇردۇ به‌به نه گؤزه‌ل ائیله‌‌دی پئیکار اوْد ایچینـده مأواسی یانان قۇش کیمی آواره قاچاردێ شایـد اوْلا اطفـالــه هـــوادار اوْد ایچیـنــده سسله‌ردی دمادم کرم ائت ائی حَکَم الله اوْدلاندێ امانـت بـالا قێـــزلار اوْد ایچینــده قوْیما منی شرمنده حۆسئینیمده‌ن ایلاهی گؤرکیـم وار اوْلا حقّـه پرستـار اوْد ایچینـده هر قێز دیله گلسه دئسه یاندێم شرر آلتدا تئـز باشلارێنـا قمچـی وۇرارلار اوْد ایچینـده رحم ائت یانار اوْددان قۇتارێم ساجدی یا رب خوْشدۇر مـن اؤله‌م قالمایا بیمـار اوْد ایچینده ائیلـه نظر الله بـۇ قــۇجـاغێمــدا کـی طیفلـه داغلێ دل‌یمی نالـه‌سی داغلار اوْد ایچینده «سیفی» نه گؤزه‌ل رتبه‌‌ی-ی-ممتازه یئتیشدین اوْلـدۇن گـوهـر عئشقــه خریـدار اوْد ایچینـده

زبانحال حضرت علی (ع) ✍مرحوم غمکش ای علینون همدمی آرام جانیم فاطمه قامتی غمدن کمان روح و روانیم فاطمه آغلارام قان آغلارام قلب زاری داغلارام یا فاطمه یا فاطمه من دیردیم فاطمه سرو چمن آراسیدی مرتضانین دهریده حتماً گل زیباسیدی آند اولا تک آللّها زهرا کرم دریاسیدی ای فلک رحم ایله سن بو مصطفی زهراسیدی چاره می الدن آلوب هجرو ملالون فاطمه دهریده یوخدی سنون گرچه مثالون فاطمه زینبون قان آغلیور آچ گوزلرون یا فاطمه غمدن آز قالمیش سینا تازه نهالون فاطمه آند اولا ئوز جانیوه روح و روانیم سن منیم عالم عشق ایچره سن هفت آسمانیم سن منیم باخ ایویم پوزقوندی گور یافاطمه یافاطمه قوی دیوم عالم بیله آرام جانیم سن منیم روزگاریم تار اولوب ایندی سنون نالانیوم سن منه سس وئر خانم دنیاده سرگردانیوم آغلاشور اهل حرم هجرونده باخ یا فاطمه ویر سسیمه سس منیم یا فاطمه قربانوم نیله سین سندن صورا آیا نئجه بو دل غمین آل اله بیر یول خانم نالان حسینون اللرین من فراقونده نجه آیا دوزوم یا فاطمه ئولمه‌گون الله بیلور اولدی منه زهرا چتین

ای غم گونومون یاوری هم محنتی فضه گل فاطمنون وار سنه بیر صحبتی فضه اول بو دوکی من گیدورم دار فنادن نالانم اگر قورتارورام جور جفادن بو چرخ فلک چکموری ال آل عبادن وقت اولدی بو گون عالم عقبایه گئدم من آخر حسنینیله خداحافظ ائدم من من فضه بوگون ایلمیشم منزلی خلوت واردور سنه چوخ قورخولی بیر غملی وصیت بو کوینگی آل ساخلاگینان منن امانت بیر گون گلجک سنبل غارتدی بو کوینک محشر گونی اسباب شفاعتدی بو کوینک اولگون که یاغار بارش غم دشت بلاده غم قافله سی لنگ اولاجاق کربو بلاده اوغلوم بو حسین نعشی قالان وقته آراده عریان بالاما حایل اوگون پیرهن اولسون اللرده ئولن اوغلوما کوینک کفن اولسون سینم گولودور فضه بولورسن بو حسینیم من سیز دوشه جاق زحمته بو نور دوعینیم دریای غمه غرق اولاجاقدور حسنینیم زهریله حسن خانه سی ویران اولاجاقدور یالقیز بو حسین قاننه غلطان اولاجاقدور بیر گون گلجاق قالام اوگون فضه اوغولسوز علقمده دوشر اوغلوم ابالفضلده قولسوز اول وقته قالار تشنه حسین عرصه ده یالقیز حالی اولاسان اوندا اوزون مطلبه فضه بولدورمیسن کوینک ایشین زینبه فضه هر وقته حسین ایستدی بو کوینگی آلسون وقتی باباوای ناله سیدور عرشه اوجالسون کیمدور او زمان زینبیمون قیدینه قالسون زینب باش آچوق قتلگهه ساری قاچاندا قارداش باشی اوستونده باجی باشین آچاندا حیدر قیزیام رحم قیل ای شمر اماندور بیر جرعه سو ویر قارداشیمون حالی یاماندور لشگر داغیلیب اوغلی اولوب قدی کماندور بو یاره لی نون آز گل گلزارینی سولدور ظالم بو حسینین یرینه گل منی ئولدور ای فضه یانار قلبیم او گون نور دوعینه فرمان ویریلر آت چاپیلا نعش حسینه نه حاله قالار زینب .بیچاره رقیه جهد ایله اوگون زینبه امداد ایده سن سن امداده ابالحارثی فریاد ایده سن سن یاز نادری بو مطلب ایدوب باغریمی القان زهرا بالاسی تشنه حسین قورخولی میدان گون ایستی قوم اوسته بدن یاره لی عریان شرم ایلمیوب فاطمه دن قوم عداوت زهرا ویرن اول کوینگیده ایتدیله غارت زکات علم نشرآن است

▪️زبانحال حضرت زینب(س) 🎼در آهنگ سوگورنده دیرم من زینب آغلاردیر هرآن - وای یارالی آنام ایوای2 ای گیدن قبره اورک قان- وای یارالی آنام ایوای2 وای یارالی آنام ایوای- وای یارالی آنام ایوای بیزی ترک ایتمه وفالی - هجره دوندرمه وصالی سنه تابوت یاراشمور - یارالی گیتمه یارالی دیرم زارو پریشان - وای یارالی آنام ایوای قویما تک قیزلاری باری- ای سولان عمری بهاری قان اولان اشک روانی - سیلیدن نیلی عذاری سسلیرم با دل سوزان - وای یارالی آنام ایوای اورگی غملی نوالی - دوزموسن درده یارالی قویموسان حسینی آغلار- گیدیسن قبره یارالی سسله نیرشاه لب عطشان- وای یارالی آنام ایوای بالالارسینه نی داغلور- حسن آغلور حسین آغلور آنا وای سوزی دلینده - الی یوزده حسن آغلور اوخشویور با دل سوزان- وای یارالی آنام ایوای2 سیلینین لکه سی یوزدن – گیتمه میشدی هله گوزدن توختاموب سینه یاراسی – آیرولورسان آنا بیزدن دلیمیزده اولوب عنوان - وای یارالی آنام ایوای بیلمیرم کوچه ده نولدی- گلستانین گلی سولدی یوزوه سیلی دینده - سوزون ایوای بالام اولدی ایلدون دردیوی پنهان - وای یارالی آنام ایوای اوندا کی اوتدا یانوردون – پشت درده چوبالوردون حیدری سسلمه دون سن - فیضه نی داداه چاغوردون قوپدی بیر قورخولی طوفان- وای یارالی آنام ایوای جوان عمرون یالان اولدی – تالان اولدی یالان اولدی گورمدون عمروده خوش گون- قامتین تز کمان اولدی روزوشب ایلدون افغان - وای یارالی آنام ایوای هامی آغلار دیر ایوای - وای یارالی آنام ایوای گی قرا سنده(مطلب)– یاز یارالی آنام ایوای سنه باخسین شه عطشان – دینن ایوای آنام ایوای ✨ اَللّهُمَّ عَجِّل لِوَلیِّکَ الفَرَج✨💫

زبانحال حضرت زینب(س) در مصیبت حضرت زهرا(س) زینبون آغلار یانار سنسیز آنا جان و دلدن اودلانار سنسیز آنا باغریم اولوب قان آغلارام وار جاندا تا جان آغلارام گولمدی بیر لحظه دنیاده یوزون شام تک تیره اولوبدور گوندوزون یاده سالدوقجا سنون آغلار گوزون زینبون آغلار یانار سنسیز آنا گورمدون خوش گون هامی عمرونده سن متّصل چکدون غم و درد و محن ناله ایلولّه حسینیله حسن زینبون آغلار یانار سنسیز آنا بو آز عمریله چوخ اولدی محنتون بار غم اگدی کشیده قامتون گیتدى الدن صبر و تاب و طاقتون زینبون آغلار یانار سنسیز آنا ایتمیوب بیر کس سنون تک آه و زار گورمیوب مثلون بو چشم روزگار روز و شب هر قدر تا دنیاده وار زینبون آغلار یانار سنسیز آنا ظلم اودیله تا قاپون یاندی سنون حقّیوى غصب ایتدی ناحق دشمنون ضرب سیلی دن اوجالدی شیونون زینبون آغلار یانار سنسیز آنا ظلم ایوین چون چرخ آباد ایلیوب داده گللم بسکه بیداد ایلیوب تازیانه یرلرین یاد ایلیوب زینبون آغلار یانار سنسیز آنا ** مرحوم صافی تبریزی

#نوحه_حضرت_زهرا_س 🏴 سبک یافاطمه من عقدهٔ دل وا نکردم ⬛️ آچگوزلرون سس وئر منه امِّ ابیها یاتما آماندور حیدره رحم ایله زهرا پشت و پناهیم - بال و پریمسن پهلو شکسته - نیلوفریمسن ⬛️ سقط اولدی محسن فاطمه قانه باتوبسان قبر ایچره حیدرسیز نجه راحت یاتوبسان زهرا علینی سن نَه تز گوزدن آتوبسان گون چیخمامیش باتدون نَدن، ای ماه زیبا پشت و پناهیم - بال و پریمسن پهلو شکسته - نیلوفریمسن ⬛️ اون سکّیز ایلده قامتون، اولدی خمیده یاندی قاپون ظلمیله سن، اولدون شهیده صد مرحبا ایثارووَه، ای نورِ دیده صدّیقه سن٬ مرضیّه سن، ای دخت طاها پشت و پناهیم - بال و پریمسن پهلو شکسته - نیلوفریمسن ⬛️ سنسیز بو دنیا حیدره زندان اولوبدی صبریم داخی الدن گئدوب تالان اولوبدی باخ دودِمانیم بی سر و سامان اولوبدی هرگون سنه برپا اولور، بزمِ غم افزا پشت و پناهیم - بال و پریمسن پهلو شکسته - نیلوفریمسن ⬛️ زینب باتوبدور ماتمه، سسلر الهی بو زینبون سندن صورا، یوخدور پناهی بش سنّیدن دوشدوم غمه، ایله گواهی صبر ائت منه بو باره‌ده خلاّق یکتا پشت و پناهیم - بال و پریمسن پهلو شکسته - نیلوفریمسن ⬛️ ای قیزلارین آغلار قویان، مظلوم ننم وای ای زینبیندن تِز دویان، مظلوم ننم وای سن بیل حسین جانی اویان، مظلوم ننم وای دور زینبین گوز یاشینه، ایله مداوا پشت و پناهیم - بال و پریمسن پهلو شکسته - نیلوفریمسن ⬛️ #رحیم_فیضی_اردبیلی ـ┅┅❅🥀🏴🥀❅┅┅ـ

اولمادی اولونجه یانام دردیوون دواسی زهرا گیدوسن گیدور سنیله ایویمون صفاسی زهرا **************** سینه سی محنله دولموش سینه سی یارالی گیتمه دردینی عم اوغلوسونان گیزلدن حیالی گیتمه دوزمرم مصیبتونده گیتمه ای وفالی گیتمه پوزولار سنیله گتسن ایویمون نماسی زهرا گیتمه ای عزیز طا ها اویمین صفاسی سن سن گرچه مبتلای دردم دردیمون دواسی سن سن مین غباریله توتولموش گویلومون جلاسی سن سن گیتمه بونان آرتوق اولسون قلبیمون نواسی زهرا خوش گونون سنون بو ایوده اولمادی اولنجه یانام آغلارام فراغتونده ولوله بوکونه ساللام منی تک قویوب گیدورسن هجریوه نجه دایانام چوخالار سن اولماسان گر باشیمین بلاسی زهرا ************************** دوقوز ایل منیم ایویمده هرمصیبته دایاندون یاندی درگهیم ستمله ظلمون آتشینده یاندون سینوه باتوبدی مسمار پشت درده سن دایاندون سنه چرخ روزگارون اولمادی وفاسی زهرا گوزلرون فداسی زهرا گویروب گوزون ستمله نه باشی بلالی اولدون قانا پشت درده باتدون سینه دن یارالی اولدون گیجه لر سیزلتی صوتون منه یادگاری قویدون دردیوون اونوجه یانام اولمادی دواسی زهرا *************** زینبون یانخلی صوتی یاندورور منی اورکدن سیل کیمی سولان اوزاره گوزیاشی رواندی گوزدن گیجه نون زمانی سویلور گیدوری آنام بوایودن سس وروراونا حسینیم اولورهم صداسی زهرا گیدوسن حسینه بیرباخ قول بویون اولوب حسنله یخولوب جنازن اوسته یوز یوزه قویوبلا سنله زینبیله کلثوم آغلور دلده مین غم و محنله اوخشاما سیسله دولموش ایویمون هواسی زهرا ********************** نه دعا لر ایلییردون گیجه لر نمازون اوسته سوزولردی گوزلرونن نجه یاش قونودین اوسته هامو هوریلر ادبله دایاناردی باشون اوسته باشون اوسته ایندی دورموش گویلرون هماسی زهرا ***************** آچ گوزون گوزون فداسی معدن کرامت ایندی نازیله بومسغل اوسته یاتموسان نه راحت ایندی سینوین جراحتینن تاپموسان فراغت ایندی دورعم اوغلووی دانشدورسسوین فداسی زهرا ******************* دویمورام محبتونن سنون ای وفا هماسی منی یاندوروربولورسن قاپی یانما ماجراسی اوپرم یاراوون اوستون ساغالا اورک یاراسی دردیوون اولونجه یانام اولمادی دواسی زهرا ************* گیجه یاریدی(مطلب) یازورآغلوری اورکدن اسلادوبدی نم جمالین یانورآغلوری اورکدن ادورآرزو بقیع نی سینه داغلوری اورکدن منی مین غمه سالوبدی شهریوین هواسی زهرا ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨

#سبک_فوق 🌺👆 #اجرا #احسن_حبیبی_نوروزلو

ارائه متن و صوت نوحه، روضه، مرثیه و،،،، مدیریت کانال:شعبانپور @Haram75 ─⊱✾♡✾⊰─ https://eitaa.com/joinchat/2115895304C4149e19122 @Asheghane_hazrat_zeynab 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 تعرفه تبلیغات این آیدی👇🏼 @kianatv ─┅─⊱✾♡✾⊰─┅─

▪️زبانحال مولا علی (ع) وفالی همدمیم زهرا خداحافظ خداحافظ قرانلوق یرده یات تنها خداحافظ خداحافظ خداحافظ خداحافظ. خداحافظ خداحافظ اوگوندن که آتون ئولدی اسیرروزگاراولدون آزعمرونده ساناگلمز.مصیباته دچاراولدون بوآخر سرنوشتوندی ئولوب ایتگین مزاراولدون وصایون ایله دیم اجرا خداحافظ خداحافظ عم اوغلون بی پناهیدی وطنده بی پناه ایتدون اسیردام تقدیری اسیری سوز و آه ایتدون ایووندن اینجیدون قبری گلوب آرامگاه ایتدون یتیشدون مقصده گویا خداحافظ خداحافظ حضور بابوه چاتدون هم اوغلون دیده ترقالدی شرارِ هجرو محنتله بو قلبیم شعله ورقالدی قاپوسین اودلانان ایوده بالالارون ملرقالدی نجه آرام ایدوم آیا خدا حافظ خداحافظ بوگیزلین قبره کی قویدوم. سنی ای افضل موجود نهان برگنج تک دائم نظرلردن اولور مفقود یرون معلوم اولورخلقه گلنده مهدی موعود تاپولارگنج ناپیدا خداحافظ خداحافظ جفالر گوردون امتدن دل غم پرورون سندی یخلدون صحن خانونده یره سن شهپرون سیندی همای عفتیدون سن ستمله شهپرون سیندی منه بیلدیرمه دون اصلن خداحافظ خداحافظ عم اوغلون زلفوون بیرتارینی دنیایه ویرمزدی بوقامت که قوری یرده قالوب طوبایه ویرمزدی سنق پهلو سینق بازو بابونه طاهایه ویرمزدی علاجم اولمادی اما خداحافظ خداحافظ امان قنفذ جفاسیندن امان بیرحم دشمندن حسینون جانینه اولسون قسم شرمندیم سندن رسول اللهه جنتده گلایه ایلمه مندن بهشته سالماواویلا خداحافظ خداحافظ وفالی باغبان ئولسه صفادن گل دوشر دوشمز؟ گلون پژمرده گورسه عشقیدن بلبل دوشردوشمز ایوین رکنی گیده رونق دن هرمنزل دوشردوشمز نه منزل غمدی سرتاپا خداحافظ خداحافظ اومنزل که سنه محراب اولوبدی قبله سی هرشب حیالی قیزلارون ذکر و دعایه ایلیوب مکتب آچوبدور جانماز ایندی یرونده اگلشوب زینب سنه نایب دی درمعنا خداحافظ خداحافظ بلالی روزگاریمده اورک سوزانیدون مندن مصائب صحنه سینده دیده سی گریانیدون مندن بودنیاده فقط سن بیر بلاگردانیدون مندن حسادت ایله دی دنیا خداحافظ خداحافظ اجل ایتدی راحت منه هرگون قیامت وار ویرنده غسلووی گوردوم وجودونده علامت وار قالوبدی سیلینون ردی جمالونده علامت وار گوگرمیش عارض زیبا خداحافظ خداحافظ نه درد و غصه وون اولدی علاجی راه چاریله نه اولدی محسنون همدم جهانداگاهواریله آتون احوالیوی آلسا خبرایله اشاریله سنوبدور گوهرتقوا خداحافظ خداحافظ ✍بقلم زنده یاد استاد انور اردیبلی 📖 تایپ: محمدعلی فریدی۱۴۰۳/۹/۴ ✨اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

🏴سینه زنی شهادت حضرت زهرا سلام الله علیها 🏴 🎤بانوای حاج شهروز حبیبی اردبیلی #الّلهُـمَّ‌عَجِّــلْ‌لِوَلِیِّکَـــ‌الْفَـــرَج #فاطمیه_۱۴۰۳ #شهادت_حضرت_زهرا_سلام_الله_علیها

🎤حاج علیرضااسفندیاری روضه دلنشین.صوتی🎶 شهادت حضرت زهرا(س)سال96 صاحب الزمان(عج)باغ آذری #فاطمیه_۱۴۰۳ #شهادت_حضرت_زهرا_سلام_الله_علیها

#فاطمیه_۱۴۰۳ شهادت حضرت زهرا(س) #شهادت_حضرت_زهرا_س_ مداحی مشترک 🎤حاج اسماعیل سیفی 🎤حاج شهروز اردبیلی 🎤حاج_اسماعیل_سیفی 🎤حاج_شهروز_اردبیلی

حضرت زهرا سلام الله علیها سبك:كربلا منتظرماست بيا تابرويم زینبی درد فراقون گتیروب جانه آنا گجه گوندوز ایلیوب دردیله همخانه آنا سن الیمدن گیده لی دوره می درد و غم آلوب درد و غم مونس اولوب زینب نالانه آنا من هارا بو آناسیزلیق هارا آز سنّیمیله بیر بیله غصّه هارا اُف بیله دورانه آنا قیز عیالی آناسیز قالسا اوشاقلیقدا یانار آناوای دلده ایدر ناله یانا یانه آنا منده دائم دیرم وای آناسیز جانیم وای آناسیزلیق آپارار صبریمی تالانه آنا سن که گیتدون ایویمیزدن قاپیمیز باغلاندی آشنالرده دونوب اولدولا بیگانه آنا بیز غریب وطن اولدوخ بابامیز شهرینده غربت احساس ایدروخ یوز دوتاخ هر یانه آنا چوخ غریبانه سنه شام غریبان دوتدوخ نه بیله یاس اولی نه بیله عزاخانه آنا اولمادی شام غریبانه گلوب شرکت ایدن تسلیت ویرماقا بو جمع پریشانه آنا گلن اولسِیدیده اشرار یولی باغلادیلار گلنی قویمادیلار شام غریبانه آنا الی قوینوندا بابام آغلادی بیز آغلاشدوخ همصدا اولدوخ او شاهنشه دورانه آنا دولانوب سن دولانان یرلری عطرون آلارام جان فدا عطریوه پیغمبره ریحانه آنا گه لباسون دوشرم رسم عزائیله، سنی یاده سالّام توکرم اشکیمی دامانه آنا جانمازون دوشرم گاه مصلّاده سنون عطرون آلّام توکرم اشکیمی دامانه آنا آیریلیق دردی یامان درد اولی من بولمزدیم کاش بطلان وورولا کلمه ی هجرانه آنا قیز عیالی آناسیز قالسا اُلونجه آغلار یوزی گولمز قالی حسرت لب خندانه آنا قول قانادسیز قوشا بنزر آناسیز قیز ایوده گوزیاشی آب اولی خون جگری دانه آنا آنالار نائبه سی قیزلار اولار رسمیدی بو خاصّه من تک قیز اولا، سن کیمی فرزانه آنا جانشینم سنه آز سنّیمیله بو ایوده سرپرستم بو نچه دیده سی گریانه آنا فاطمی لر علوی لر قاریشوب بیر بیرینه هره بیر یاندا گلر ناله و افغانه آنا ایوده مظلوم بابام شمع عزا تک یانوری بیزده اولّوخ یانا یانه اونا پروانه آنا بوینی چیگنینده حسین دلده آنا قان آغلار سالوری ناله سی آتش بو دل و جانه آنا قوپارار حشر آلاندا اله عمّامه سینی برملا لرزه سالار طارم کیوانه آنا حسنینون قویوری یوز یوزه غوغا یارادور شور و شیون اوجالور قبّه ی کیهانه آنا آناسیز ایولرین عالمده صفاسی اولماز اولی غمخانه صفا اولماسا کاشانه آنا خورداجا سنّیله اولدوم آناسیزلار آناسی مهر مادر ایدرم جمع یتیمانه آنا خاصّه چوخ شیون ایدر شوریله بو خوردا باجیم یاندیرور قلبیمی باخدوقجا یانا یانه آنا اسدی سندنصورا بو گلشنیوه باد خزان ایویمز دوندی داخی گلشن ویرانه آنا لحنی دوندردی خزان دیده اولان بلبل لر دولدی الحان فراقیله بو گلخانه آنا اورگیم درده گلور نسگلیوی یاد ایدرم باغریمی دوندری مظلومه لیقون قانه آنا نوبهاروندا خزان اولماقیوی یاد ایدرم گذریم دوشسته منین طَرفه گلستانه آنا مین بهار اولسا اگر مینلریله گل آچسا آناسیز قلبی آچیلماز قسم اول جانه آنا باغری قان اولماقیوی من ایدرم مدّ نظر دوشسه گلشنده گوزوم لاله ی نعمانه آنا برگ گل اوسته اولان شبنمی تشبیه ایدرم گل یوزونده اوتوران دانه ی مرجانه آنا دوشه سن یاده یارالی یخلان حالتیله سروری گورسم یخلوب صحنه ی بستانه آنا گوسترر نقشه ی سیلی رخ گلنارونده لکّه ی ابر دوشنده مه رخشانه آنا آغلارام محسنیوین حالینی من بنزدرم شاخ گلدن قیریلان غنچه ی عطشانه آنا روشنایی سالی هر بیر ایوه تائب آنالار بنزر ایولرده اولان شمع شبستانه آنا مهریله باخماقی ایو اهلینه عنوان سرور وای اگر قهر ایلیه یوز چویره يانه انا ✨ اَللّهُمَّ عَجِّل لِوَلیِّکَ الفَرَج✨ #فاطمیه_۱۴۰۳ #شهادت_حضرت_زهرا_سلام_الله_علیها

‍ زبانحال حضرت زینب ( س)به مادرش آزقالوبدی گون باتا یاتما مهربان آنا باخ بلالی زینبه باغریم اولدی قان آنا ای منیم یورقون یارالی ننم زینبی  ایلمه  عزالی ننم بوچتین مصیبته یوخدی قلبیده دوام نه روا بوسنّیده من هله یتیم اولام سسلورم دانشموسان آچ گوزون داریخمیشام ایوده دیندیرر قیزین رسمیدورجوان آنا من سنه فدا اولوم یوخ سوزوم وفالیسان عطرون عالمی دوتوب گل کیمی صفالیسان آگهم اوزوم آنا سینه دن یارالیسان یاره اینجیدور سنی ای گل جنان آنا ای منیم یورقون یارالی ننم زینبی ایلمه عزالی ننم استاد «صادقی »تبریزی اوازدردستگاه شوشتری 👇👇👇👇👇👇

بانوای عبداللهی ======👆 سینه_زنی_حضرت_زهرا_س من فاطمیم زندگیدن دویدوم عم اوغلی خوش گونلریمون جامه سینی سویدوم عم اوغلی گیتسمده مزاره گینه سندن نگرانم دشمن قاباقیندا سنی تک قویدوم عم اوغلی من فاطمیم قلبیمی درد و محن آلدی دوشدی نفسیم تنگه داخی وقتیم آزالدی راحت اولورام رنج و فشار و غم الیندن آغلار بالالاریم سنون امیدیوه قالدی هئچ کیم بیله بیلمز من بی یار ، فشارین ضرب دریلن سینه ده مسمار فشارین بیر ظلمیدی من گوردوم اونی من بیلورم تک هئچ کیم بیله بیلمز در و دیوار فشارین من فاطمیم خون دلیم آخدی گوزومدن درد اهلی بیلر حالیمی بو اودلی سوزومدن پیغمبر آنا سسلدیگی خسته بتولم ئوز حقیمون اوستونده دگوب سیلی یوزمدن

▪️زبانحال امام علی (ع) درمزار حضرت زهرا (س) 📚ترکیب بند :از چهارده معصوم؛ زنده یاد استاد انور اردبیلی (درآمد ۳گاه ترکی) ای تیر بلیّاته نشان سینه سی زهرا وجه الحسنی عصمتون آیینه سی زهرا قلبیم چتین عالمده اولا درد و محن سیز بیت الحزنه دوندی علینون ایوی سن سیز (شکسته مویه ) گتمه بو قدر خواب عمیقه منه سس ویر سینم یورولوب نچّه دقیقه منه سس ویر گوگلون نجه ایستر او سلیقه منه سس ویر بیر کلمه دانش حالیمی نیلک خبر آلما پهلولرون اینجور اوزوی زحمته سالما (شکسته ترکی یا قره باغ) گئدون قاپیا ثانی سنی گورسون اوتانسون فکر ایلمزیدون ورولار اود قاپی یانسون مسمار کچوب سینوه القانه بویانسون گلسون باشوون اوستنه فضّه دیسون ایوای یا محسنوه چالسون اجل دایه سی لایلای (۳گاه عرب ؛گوشه نغمه)) درگاهوه ظلمون اودون حق دشمنی ووردی طوفان جفا هم گلی هم گلشنی ووردی باغلاندی یدالله الی قنفذ سنی ووردی گوردوم سنی من اشگ فشان سینه سی داغلی سنده منی گوردون باش آچوق قولاری باغلی (گوشه بختیاری) هم سرّیمدون ایلمدون سرّوی روشن قورخدون که بیلم دردوی سندن اوتانام من تا غسل ایلین وقته سنه کوینگون اوستن آئینه اسرار توزین غفلتی سیلدوم پهلولروه دگدی الیم دردوی بیلدوم ✨ اَللّهُمَّ عَجِّل لِوَلیِّکَ الفَرَج✨💫

زبانحال حضرت امیرالمومنین علیه السلام در آخرین ساعات عمر حضرت صدیقه ی طاهره سلام الله علیها (ای گل نرجِس خارِ توام) زهرا گوز آچ گور غُصّه لییَم اَشکیمی قویما چوخ اَلییَم اذان یَخیندی یاتما بیله فاطمه سَس ویر من علییَم چوخ غُصّه لییَم وای زهرا دانیش غَمیم اَسگیله وای طاهانین خاطری گَل دیله وای تَک قویما حیدری فاطمه وای ،فاطمه فاطمه فاطمه کیمه دیوم من بو غَمیمی سالدیلا دیلدن دلبَریمی یانان قاپی ، میخِ دَریله آلیر اَلیمدن هَمدمیمی تَک یاوریمی وای نَلر اولوب سنه پُشتِ در وای بِلیمی غَملرون تِز اَیَر وای تَک قویما حیدری فاطمه وای ،فاطمه فاطمه فاطمه حالیمی زهرا کیمدی بولَن اَشکیمی گوزدن یوخدی سیلَن سندن علی شرمنده اولوب ای مندن اوتری چوخ دویولَن قدّی بوکولَن وای سالما عم اوغلووی مُشگوله وای نه اولار فاطمه گَل دیله وای تَک قویما حیدری فاطمه وای ،فاطمه فاطمه فاطمه سالیبلا درده ،قومِ دنی حقّیوی داندی ، چوخ عَلَنی نجه بولورسن ،صبر ایلدیم کوچه ده قُنفذ دویدی سنی آغلاتدی منی وای قَمچینین یِرلری وار هَله وای زهرا عم اوغلووی عَفو ایله وای تَک قویما حیدری فاطمه وای ،فاطمه فاطمه فاطمه قلبِ مَلولی اُویما بیله رَختِ وفانی سویما بیله (بیکَس) عم اوغلوون درده دوشَر بالالاروندان دویما بیله صبر ایله هَله وای هجریوه فاطمه یوخ دوزوم وای آخر سندن نجه اَل اوزوم وای تَک قویما حیدری فاطمه وای ،فاطمه فاطمه فاطمه #زهرا_گوزآچ_گور_غصه_لییم #حضرت_زهرا_س #فاطمیه التماس دعای فرج الاحقر مهدی عبادی

#نوحه_حضرت_زهرا_س 🏴 سبک یافاطمه من عقدهٔ دل وا نکردم آچگوزلرون سس وئر منه امِّ ابیها یاتما آماندور حیدره رحم ایله زهرا پشت و پناهیم - بال و پریمسن پهلو شکسته - نیلوفریمسن سقط اولدی محسن فاطمه قانه باتوبسان قبر ایچره حیدرسیز نجه راحت یاتوبسان زهرا علینی سن نَه تز گوزدن آتوبسان گون چیخمامیش باتدون نَدن، ای ماه زیبا پشت و پناهیم - بال و پریمسن پهلو شکسته - نیلوفریمسن اون سکّیز ایلده قامتون، اولدی خمیده یاندی قاپون ظلمیله سن، اولدون شهیده صد مرحبا ایثارووَه، ای نورِ دیده صدّیقه سن٬ مرضیّه سن، ای دخت طاها پشت و پناهیم - بال و پریمسن پهلو شکسته - نیلوفریمسن سنسیز بو دنیا حیدره زندان اولوبدی صبریم داخی الدن گئدوب تالان اولوبدی باخ دودِمانیم بی سر و سامان اولوبدی هرگون سنه برپا اولور، بزمِ غم افزا پشت و پناهیم - بال و پریمسن پهلو شکسته - نیلوفریمسن زینب باتوبدور ماتمه، سسلر الهی بو زینبون سندن صورا، یوخدور پناهی بش سنّیدن دوشدوم غمه، ایله گواهی صبر ائت منه بو باره‌ده خلاّق یکتا پشت و پناهیم - بال و پریمسن پهلو شکسته - نیلوفریمسن ای قیزلارین آغلار قویان، مظلوم ننم وای ای زینبیندن تِز دویان، مظلوم ننم وای سن بیل حسین جانی اویان، مظلوم ننم وای دور زینبین گوز یاشینه، ایله مداوا پشت و پناهیم - بال و پریمسن پهلو شکسته - نیلوفریمسن #رحیم_فیضی_اردبیلی 👇👇