زبانحال حضرت معصومه (سلام الله) سبک نوحه : یا فاطمه من عقده دل وا نکردم قم شهرینه ایله گذر فرصتدی قارداش جان اوسته معصومه سنه حسرتدی قارداش یرده یوزوم، یولدا گوزوم، سینمده نامه من بی کسی قان آغلادان فرقتدی قارداش ((گوزلر یولوندا قالدی رضا جان دردیم اورک ده قالدی رضا جان)) عالم سنی غمده منه یولداش یازاردی بو شرح حالی یوزده کی قانیاش یازاردی گوزیاشیم آخدوقجا یوزه قارداش یازاردی قارداش دیوب من آغلارام مدّتدی قارداش سنگ فراقی چرخ دون آتدی اوزاقه آدون دلیمده، روز و شب یاندوم فراقه تا یِتمه میش من وصله، جان یتدی دوداقه ایلوم نه چاره من یازی قسمتدی قارداش وادی غمده دردیمه حیران قالاردیم هردم بو زخم فرقته مرهم سالاردیم گوزیاشلی نامندن سنون عطرون آلاردیم دائم منه بو ناله هم صحبتدی قارداش غمدن اَرینمیش بیر بدن قبره آپارّام سندن نشانه بیر محن قبره آپارّام بو نامه نی سینمده من قبره آپارّام من بی کسه بو مایه ی عزّتدی قارداش زوّار قبروندن گَلر توشه گوتورسون آندور بو ناکامی اولار کامه یِتیرسون قبرون توزوندان قبریمه بیر آز گَتیرسون عطرون آلوم گوگوم سنه حسرتدی قارداش باجی ویرنده جان، کسر قارداش کنارین ویران اولِیدی گردش دور مدارین سن طوسی مسکن ایلدون، من قم دیارین یوخ چاره، بو غم جانیمه منّتدی قارداش عشقونده بیمارم ولی من بی طبیبم نه بیر گَلن وار نه گیدن آخِر غریبم ایتمم گله ایلدن بو گون من بی نصیبم غربتده جان ویرماق بیزه عادتدی قارداش واردور یری بو غم شرر دنیایه سالسون حقّ ایتسوب حسرت منیم گوگلومده قالسون خوشدور باجی باشین دیز اوسته قارداش آلسون هجران ملالی بیر یامان محنتدی قارداش ✍شاعر از اعظمی تبریزی

زبانحال حضرت معصومه (س) سبک: ای باد صبا کربُبلایه گذر ایله بانوای کربلایی محمد نوروزی 🏴🏴🏴🏴🏴🏴🏴🏴 صیاد اجل سالدی منی دامه رضاجان غربتده حیاتیم یتور اتمامه رضاجان یوزقبله ده جان سینه ده گوزلر سنی گوزلر قارداش کرم ایت خواهر مضطر سنی گوزلر دلده آدوی ایلیوب ازبر سنی گوزلر آیدین گونی هجرونده دونوب شامه رضاجان ای کان کرم گل اوخی قرآن باشیم اوسته گل منتظرم گل اوخی قرآن باشیم اوسته جان بذل ائدورم گل اوخی قرآن باشیم اوسته گل ایله مهیا کفن اندامه رضاجان ائلدن آرالی سالدی منی شوق وصالون گل قوی منه قسمت اولا دیدار جمالون جان اوسته دی الساعه رضا غرق ملالون عمروم گونی گل چاتدی لب بامه رضاجان نامون منه تا چاتدی ایا شاه خجسته ئوپدوم اونی اول صورا قویدوم گوزوم اوسته گزدیر میشم هریانی اوزومله من خسته سینمده دی الاندا همان نامه رضاجان روح اله رمضانی خاکی 🏴🏴🏴🏴🏴🏴🏴

‍ زبانحال حضرت زینب (س) در شهادت حضرت زهرا (س) حاج علی پور علی ( جاهد ) یاسلی عزالی جوان ننم لایلای باشی بلالی جوان ننم لایلای قبره گئدن گوزلرینده قان لکه سی سینه یارالی جوان ننم لایلای شهیده ی قرآن حبیبه ی سبحان جوان ننم لایلای جوان ننم لایلای دار فنادن دویان ننم لایلای زینبین آغلار قویان ننم لایلای آچ گوزوی بیر حسینه ایله نظر یاتما یارالی اویان ننم لایلای شهیده ی قرآن حبیبه ی سبحان جوان ننم لایلای جوان ننم لایلای غملری دریا جوان ئولن ننه وای قامتی غمدن کمان ئولن ننه وای ثانی بی شرم و دون جفاسیندن لاله کیمین باغریقان ئولن ننه وای شهیده ی قرآن حبیبه ی سبحان جوان ننم لایلای جوان ننم لایلای گول کیمی رخساری تئز سولان ننه وای باغری قیز قانیلن دولان ننه وای آتش ظلمیله اودلان قاپوسی سینه سی مسما ره توش اولان ننه وای شهیده ی قرآن حبیبه ی سبحان جوان ننم لایلای جوان ننم لایلای سیندی قولون قنفذین جفاسیندن یاندی قاپون ظلم نارواسیندن سیندی حریمون شهید اولوب محسن اوچ یوز عُمَر سیرتین خطاسیندن شهیده ی قرآن حبیبه ی سبحان جوان ننم لایلای جوان ننم لایلای سینه و دیوار و در حدیثیندن گلدی فغانه فلک لر آغلاشدی فضه خذینی دیینده غملریوه عرش خداده ملک لر آغلاشدی شهیده ی قرآن حبیبه ی سبحان جوان ننم لایلای جوان ننم لایلای #سبک_تنهاترین_سردار با صدای حاج مرتضی عزی

ـــــــــــــــــــــــــــــــــــــــــــــــــــــــــــــــ به نام خدا #فراق_مادر_سینه_زنی #زبانحال_حضرت_زینب_س #سبک: عم اوغلے مرحوم سلیم مواذن زاده منے قویدون یانا یانا هارا گیتدون گوزل آنا غصه ون الدورر زینبے غموندن گلمیشم جانا جانم آنا جانم آنا من سنه قربانم آنا 2 جوان ننه دردون منه نه گلدے بیلمدیم سنه جوانلقیون یالان اولدے مظلوم اولن جوان ننه جانم آنا جانم آنا من سنه قربانم آنا .2 آز سینیده جانه دویدون/ زندگیدن نه تیز سویدون بالا لارون یتیم قالدے /سن زینبے آغلار قویدون جانم آنا جانم آنا من سنه قربانم آنا 2 ظالم لر ظلمه دایاندی/ظلم ایدوب ظلمینے داندی درگاهوه اود وردیلار/اود دوتوبدور قاپون یاندی جانم آنا جانم آنا من سنه قربانم آنا 2 باخمادے سانے سوزوه/ور‌وبدے سیلے یوزوه ایله ور‌وبدے سیلینی/قان دولوب آنا گوزوه جانم آنا جانم آنا من سنه قربانم آنا. 2 قرا بختیم قرا گلدی/غم غصه قلبیمے دلدی نیه قالخمور قولون آنا/سنه قربان ده نه گلدی جانم آنا جانم آنا من سنه قربانم آنا گوزل ننه جوان ننه/قلبے غصه دن قان ننه اوزے جوان دردے نهان/قابورقاسے سینان ننه جانم آنا جانم آنا من سنه قربانم آنا 2 فلڪ منه کمند آتدی/بش سینیمده بختیم یاتدی آلدے انامے الیمدن منے یتیم لره قاتدی/جانم آنا جانم آنا من سنه قربانم آنا 2 باغریما غصه غم دولوب/قلبیم بوغمدن قان اولوب بش سینیمده یتیم قالدیم/منیم آنام جوان اولوب جانم آنا جانم آنا من سنه قربانم آنا 2 🖋شاعر: یعقوب رشتبر آلیله

#فراق_مادر_سینه_زنی #زبانحال_حضرت_زینب_س #شعر_سبک_یعقوب_رشتبر_آلیله «سبک: عم اوغلے مرحوم سلیم مواذن زاده»

#مجلس_ختم_مادر به زبـــان دختــــر #سبک : در ویرانه ده دورما ائوین زینتی مــادر ، دیزیمـون قوّتی مادر ئورگیم طاقتی مادر ، دیرم من سنه لایلای ننه لای لای ننه لای لای 💧💧💧💧 جانما دردوی آلّام ، باشیما قاره وی سالّام ننه سیز من نجه قالّام ، دیرم من سنه لایلای ننه لای لای ننه لای لای 💧💧💧💧 پوزولوب جمله اثاسیم ، قره دور هامّی لباسیم ئولرم کیم دوتا یاسیم ، دیرم من سنه لایلای ننه لای لای ننه لای لای 💧💧💧💧 گلشنیم یاندی پوزولدی ، گوزلرین آخدی سوزُلدی الیم اللردن ئوزُلدی ، دیرم من سنه لایلای ننه لای لای ننه لای لای 💧💧💧💧 نقدر من دیرم آخ ، نه چتیندور یتیم اولماخ گوزُوی آچ منه بیر باخ ، دیرم من سنه لایلای ننه لای لای ننه لای لای 💧💧💧💧 بلوسن قالدیم عزالی ، ئورگیم اولدی یارالی دولانیم باشی قرالی ، دیرم من سنه لایلای ننه لای لای ننه لای لای 💧💧💧💧 بله دور دور زمانه ، ئوز آنام ئولدی جوانه آنادان یوخدی نشانه ، دیرم من سنه لایلای ننه لای لای ننه لای لای 💧💧💧💧 گچر آهیم ننه داشدان ، آغلارام گونده یاواشدان آچمارام قاروی باشدان ، دیرم من سنه لایلای ننه لای لای ننه لای لای از کتاب : یادگار مجید محمدی ج ۹

✔️شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان جمالیوه زینب قربان گوزون آچ قویما تیر مصیبتون بو قلبی بولسون حسن بو نه حالتدی قالموسان زینبون ئولسون حسن ای غرق بلا و اَنین یاندیردی منی مُحنین زهرین اَثرینده سنون گل تک گُویریب بدنین « قربانین اولوم حسن » یاندیم یا فاطمه دِئمه یاندی قلبیم سوزوه حسرتلی باخما زینبه ، زینب قربان گوزوه محنتونده بو بی کسی یاندیریب یاخما حسن دردون گلسین منه ؛ بئله نیسگیلی باخما حسن آلامیوی بیلم اَخا گوزیاشیوی سیلم اَخا باخ زینب غمکشیوه گر باخماسان ئولم اَخا « قربانین اولوم حسن » دردونده راضی اولما من گوزیاشیمی اَلِییم صبر ایله بو یانان دلهَ بلکه چاره اِلِییم چون زینب عادت الیوب وای دیوب آغلاماقا چوخداندی اُورگنوب باجون یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » ✔️رامین محمد زاده(پریشان) #ای_زهرانین_سولان_گلی #امام_حسن #پریشان فایل صوتی👇👇👇 https://t.me/Asheghane_Hazrate_Abalfazll

گل اطاقی بیرخلوت ایلیاخ تنگه گلدی سینم عم اوغلی جان آغلیاخ حسینیله زینبه بیردویونجاباهم عم اوغلی جان دوقوز ئیلدی بو ائوده لطفوین سایه سینده من دالدالانمشام جان دیوب سنه جان ائشیتمیشم سن یانان مصیبتده یانمشام هر گجه حسینیم سو ایستیوب فضّه دن قاباق من اویانمشام یوز گوزین ئوپوب استراحتین ائتمیشم فراهم عم اوغلی جان خاطر شریفون بو سوزلرون خاطرینه ناراحت اولماسون زینبون ئوزوم زلفنی یودوم فضّیه دئدیم زحمت اولماسون ئوز وظیفمه ائتمیشم عمل خدمتیم سنه منّت اولماسون بو دیله گلن سوزلریمده وار آیری سرّ مُبهم عم اوغلی جان نه بو ائوده کی خدمته گوره جان وئرن زمان اُجرت ایستورم نه حسین نه کلثوم و زینبون اَمدیگی صوده قیمت ایستورم بو دوشومده کی قان اولان صودین خاطرینه حِلّیت ایستورم سن منی حلال ایله تا ائدیم جان ، نثارِ مَقدم عم اوغلی جان دردمند اوشاقلاریمی چاغور شرح درد هجران ائدیم گئدیم صبری تاپشوروم غم چکنلره درد الیله درمانن ائدیم گئدیم وئر حسینیمی بیرده سینمه جان حسینه قربان ائدیم گئدیم واضح اولسون آخر وداعیده ابتدای ماتم عم اوغلی جان گون باتاندا سعی ایله بو ائوه ظلمت الدّجا سایه سالماسون آخشام اولجاقین بو یتیملر خاطرین غبار غم آلماسون سن ئوزون چراغ یاندیر هر گجه زینبیم قرانلوقدا قالماسون زینب اوخشاسا منده آغلارام قبر ایچینده هر دم عم اوغلی جان قلبی تز سِنار لحظه اُلفتین بیر نفر کسنده حسینیلن قویما سنده بیر لحظه آیریلا قارداشی حسن ده حسینیلن بیر زمان هله آیری گزمیون مجتباده سن ده حسینیلن سن یتیملر دادخواهی سن ای پناه عالم عم اوغلی جان دست چشم بند قضائلین سن که یانمالیدون فراقیمه کاش اوگون ئولیدیم که وردیلار یاره قلب پر اشتیاقیمه آستانه ده دفن ائدوب منی محسنی وئریدون قوجاقیمه قبر اولیدی دیلسیز شهیدیمه بو یارالی سینم عم اوغلی جان یاندی ظلم ثانیدن ای عجب آستانه ی وحی لَم یَزل باغلادی سنون قوللا رون فلک دشمنون منه قویمادی محل قائد شریعت عیالینه ئوز ائوینده آخر آچلدی ال بوسه گاه جبریله وردیلار پشت پای محکم عم اوغلی جان دفن و کفنیمون قیل تدارکین نصف شبده وئر غسلیمی ئوزون کوینگیم چخارتما یارالیام فاش اولونماسون سرّی بو سوزون آی اگر ایشیق سالسا سینمه ناله وی بلند ائتمه یوم گوزون بیرده بو گچن حادثاتی سن ایلمه مجسّم عم اوغلی جان #گل_اتاقی_بیر_خلوت_ایلیاق #فاطمیه #منزوی فایل صوتی👇👇👇 https://t.me/Asheghane_Hazrate_Abalfazll