گل اطاقی بیرخلوت ایلیاخ تنگه گلدی سینم عم اوغلی جان آغلیاخ حسینیله زینبه بیردویونجاباهم عم اوغلی جان دوقوز ئیلدی بو ائوده لطفوین سایه سینده من دالدالانمشام جان دیوب سنه جان ائشیتمیشم سن یانان مصیبتده یانمشام هر گجه حسینیم سو ایستیوب فضّه دن قاباق من اویانمشام یوز گوزین ئوپوب استراحتین ائتمیشم فراهم عم اوغلی جان خاطر شریفون بو سوزلرون خاطرینه ناراحت اولماسون زینبون ئوزوم زلفنی یودوم فضّیه دئدیم زحمت اولماسون ئوز وظیفمه ائتمیشم عمل خدمتیم سنه منّت اولماسون بو دیله گلن سوزلریمده وار آیری سرّ مُبهم عم اوغلی جان نه بو ائوده کی خدمته گوره جان وئرن زمان اُجرت ایستورم نه حسین نه کلثوم و زینبون اَمدیگی صوده قیمت ایستورم بو دوشومده کی قان اولان صودین خاطرینه حِلّیت ایستورم سن منی حلال ایله تا ائدیم جان ، نثارِ مَقدم عم اوغلی جان دردمند اوشاقلاریمی چاغور شرح درد هجران ائدیم گئدیم صبری تاپشوروم غم چکنلره درد الیله درمانن ائدیم گئدیم وئر حسینیمی بیرده سینمه جان حسینه قربان ائدیم گئدیم واضح اولسون آخر وداعیده ابتدای ماتم عم اوغلی جان گون باتاندا سعی ایله بو ائوه ظلمت الدّجا سایه سالماسون آخشام اولجاقین بو یتیملر خاطرین غبار غم آلماسون سن ئوزون چراغ یاندیر هر گجه زینبیم قرانلوقدا قالماسون زینب اوخشاسا منده آغلارام قبر ایچینده هر دم عم اوغلی جان قلبی تز سِنار لحظه اُلفتین بیر نفر کسنده حسینیلن قویما سنده بیر لحظه آیریلا قارداشی حسن ده حسینیلن بیر زمان هله آیری گزمیون مجتباده سن ده حسینیلن سن یتیملر دادخواهی سن ای پناه عالم عم اوغلی جان دست چشم بند قضائلین سن که یانمالیدون فراقیمه کاش اوگون ئولیدیم که وردیلار یاره قلب پر اشتیاقیمه آستانه ده دفن ائدوب منی محسنی وئریدون قوجاقیمه قبر اولیدی دیلسیز شهیدیمه بو یارالی سینم عم اوغلی جان یاندی ظلم ثانیدن ای عجب آستانه ی وحی لَم یَزل باغلادی سنون قوللا رون فلک دشمنون منه قویمادی محل قائد شریعت عیالینه ئوز ائوینده آخر آچلدی ال بوسه گاه جبریله وردیلار پشت پای محکم عم اوغلی جان دفن و کفنیمون قیل تدارکین نصف شبده وئر غسلیمی ئوزون کوینگیم چخارتما یارالیام فاش اولونماسون سرّی بو سوزون آی اگر ایشیق سالسا سینمه ناله وی بلند ائتمه یوم گوزون بیرده بو گچن حادثاتی سن ایلمه مجسّم عم اوغلی جان #گل_اتاقی_بیر_خلوت_ایلیاق #فاطمیه #منزوی فایل صوتی👇👇👇 https://t.me/Asheghane_Hazrate_Abalfazll

نوحه حضرت علی اصغر(ع) چوللرده آهولر ملر ای صود امر آهو سنه دریا قوتارمازدی بیر آز وئرسیدی دشمن سو سنه   بیر سو که وحشی لر ایچه اطفاله یوخ لازم دگل 🍃🌹 هر جرعه سی بیر طفل اوچون کافیدی چوخ لازم دگل سو وئرمورم بیر کلمه دی اوچ شعبه اوخ لازم دگل سو ایستدون اوخ یوخ دئدی ای صود امر آهو سنه   بلبل جهاندا رسمیدور گلبرگینی خوار ایستمز 🍃🌹 عالم اگر گلزار اولا گلشنده بیر خار ایستمز بیر صود امر ئولدورمگه بیر مرد خونخوار ایستمز غیظ تمامیله آتوب اوخ قوّه لی بازو سنه   ای سو سراقینده گزن سو آختارشمورسان نیه آغزوندا چوخ سوز وار سنون بولمم دانشمورسان نیه 🍃🌹 دنیا سویوندان کوسموسن منله دانشمورسان نیه منده یولوب بذل ایلرم تل تل آغارمیش مو سنه   افسوس اوغول دیل آچمادون تا رحمه گلسون حرمله یومدون دوداقون دینمدون سالدون ربابی مشکله 🍃🌹 قان ورطه سینده ال ایاق چالدون امید ساحله جسمون اولوب فُلک[1] نجات اوز اللرون پارو سنه   عمّه ئن اجازه وئرسه گر قالّام بو چولده گیتمرم 🍃🌹 روز و شب آختارّام سنی تاپسام اگرترک ائتمرم زلفومله یارَن باغلارام چوخ سیخمارام اینجیتمرم گوز کاسه سینده بسلرم خون دلی دارو سنه   من «منزوی» خلقون سوزون چوخا ایشده حجّت بولمرم 🍃🌹 بیر سن دئسن نوکر منه شاهلیقدا قیمت بولمرم بو نطقی سن وئردون منه منکه فصاحت بولمرم چوللرده آهو لر ملر ای صود امر آهو سنه #چوللرده_آهولر_ملر #منزوی #اصغریه #علی_اصغر #درخواستی فایل صوتی👇👇👇 https://eitaa.com/Hazrate_Abalfazll

نوحه حضرت علی اصغر(ع) چوللرده آهولر ملر ای صود امر آهو سنه دریا قوتارمازدی بیر آز وئرسیدی دشمن سو سنه   بیر سو که وحشی لر ایچه اطفاله یوخ لازم دگل 🍃🌹 هر جرعه سی بیر طفل اوچون کافیدی چوخ لازم دگل سو وئرمورم بیر کلمه دی اوچ شعبه اوخ لازم دگل سو ایستدون اوخ یوخ دئدی ای صود امر آهو سنه   بلبل جهاندا رسمیدور گلبرگینی خوار ایستمز 🍃🌹 عالم اگر گلزار اولا گلشنده بیر خار ایستمز بیر صود امر ئولدورمگه بیر مرد خونخوار ایستمز غیظ تمامیله آتوب اوخ قوّه لی بازو سنه   ای سو سراقینده گزن سو آختارشمورسان نیه آغزوندا چوخ سوز وار سنون بولمم دانشمورسان نیه 🍃🌹 دنیا سویوندان کوسموسن منله دانشمورسان نیه منده یولوب بذل ایلرم تل تل آغارمیش مو سنه   افسوس اوغول دیل آچمادون تا رحمه گلسون حرمله یومدون دوداقون دینمدون سالدون ربابی مشکله 🍃🌹 قان ورطه سینده ال ایاق چالدون امید ساحله جسمون اولوب فُلک[1] نجات اوز اللرون پارو سنه   عمّه ئن اجازه وئرسه گر قالّام بو چولده گیتمرم 🍃🌹 روز و شب آختارّام سنی تاپسام اگرترک ائتمرم زلفومله یارَن باغلارام چوخ سیخمارام اینجیتمرم گوز کاسه سینده بسلرم خون دلی دارو سنه   من «منزوی» خلقون سوزون چوخا ایشده حجّت بولمرم 🍃🌹 بیر سن دئسن نوکر منه شاهلیقدا قیمت بولمرم بو نطقی سن وئردون منه منکه فصاحت بولمرم چوللرده آهو لر ملر ای صود امر آهو سنه #چوللرده_آهولر_ملر #منزوی #اصغریه #علی_اصغر #درخواستی فایل صوتی👇👇👇 https://eitaa.com/Hazrate_Abalfazll

گون  النده  گول  جمالی  سارالان ستاره لای لای یات اوغول گوزآچما بیرده  بیله روزگاره لای لای ------------------------- ایدن   ای حسینی   فاتح  صود امر  دلاوریم  وای گتورنمین    ملالین    دله    دلسیز   اصغریم  وای بویانان     قانادی    قانه     یارالی   کبوتریم  وای ئوزی  پیرعشق  فاتح  آدی  شیر خواره لای لای ------------------------- ملر   آهوان   صحرا    بالاسین    یارالی    گورسه او دور  اوچولار اوخ  آتمازصود امر مارالی گورسه اورگی  یانار  دیردیم  اوخ آتان  بو حالی  گورسه نجه  آتدی اوخ سنون تک صود امر شکاره لای لای ------------------------- سنی   یوخ   آلان   الیمدن    یانورام   مصیبتمدن دورا    بیلمورم   بو  دشمن   قاباقیندا   غیرتیمدن گیده    بیلمورم    خیامه    بالا     ئوز   خجالتمدن آنون   ایندی  گوز   تکوبدور  ره  انتظاره لای لای ------------------------- آناوا   دیریدی   قیزلار   بو    بالا   هاچان   ایمکلر دل  آچوب گزوب دولانسا داخی شاد  اولار اورکلر قوروسون گوروم شل اولسون سنه اوخ آتان بلکلر کسیلوب سسون دوشوبدور نفسون شماره لای لای ------------------------- آناوی  حیا  که  قویماز   چخا  ایندی خیمه سندن ادبندن    آهی   چخماز    دل    زار   و   واپسیندن ولی دیسگینوب گوز  آچسون  باجیلاروون  سسیندن ئوپرم   بو  یوز  گوزوندن  دیرم   دوباره  لای لای ------------------------- سینه سین خراش  ایدرودون  الوی  قویوب بلکده قالوب  ایندی حسرتیلن گوزی  یولدا   ال  اورکده گله  جک   دله   گورنده   سحر  اولدوزین   فلکده دیه جک  جهاندا عمری  آز  اولان ستاره لای لای ------------------------- قفسینده  مرغ  روحون ال  ایاق  چالوب  یورولدی نفسون  یولی کسیلدی  یوزون  آی کیمین دوتولدی دانشانماسونده     آغلا     نیه    لبلرون    یومولدی دله    گل    یتور    تسلی   دل   بیقراره    لای لای ------------------------- اجل  ایستموردی  گویا   دوراسان  ایاقون  اوسته اودی غنچه لقدا سولدون سوسوز ئوز بوداقون اوسته اورگون   یاناندا   قویدون  الوی  دوداقون   اوسته دلون   اولمادی   الونله   ایلدون   اشاره  لای لای ------------------------- علی  قبرایوینده سنسیز  بلوسن که  یاتمارام من منیم  عمده  مدرکیم سن  سنی گوزدن  آتمارام  من چکرم  سینمده  نازون  چاغروب  اویاتمارام  من اولی   بو   یارالی سینم   سنه   گاهواره  لای لای ------------------------- اولاجاقدی  گویده   قانون   قطراتی خوش علائم یازا    نوحه  ((منزویلر))  ویره    خلقه   فیض  دائم قالا  یرده گویده   بو   قان   گله تا   امام   قائم آلا    قان   ویره    تسلی    دل   داغداره  لای لای شاعر✍مرحوم منزوی اردبیلی #گل_الینده_گول_جمالی #اصغریه #منزوی https://eitaa.com/Hazrate_Abalfazll

حالات اربعین (زبانحال علیا مخدره) دور قارداش حسین السیز ایاقسیزلاری گتدیم قارداشی ئولن قاره گین قیزلاریگتدیم زنجیر اسارت قیریلوب ای شه ابرار شاماتی گزوب زار گلوب عترت اطهار اطرافون آلوب زلفی الینده بالا قیزلار یوز قویموش ایاق سمته نچه بیکس اوغلسوز قبرون باشنا دور وروب بیر فلک اولدوز بیر بیر دیرم ایندی سنه شمر جفاسین یوللاردا بیلرسن نه چکوب عترت یاسین بو شرطیلن اوّل باشیوین سن دی بلاسین خولیله گیدوب کوفه ده که بیر گیجه قالدون آیا دیگوروم کوللرون اوسته نجه قالدون بیزده اوگجه سن کیمی توکدوک یوزه قانیاش اولدوخ سو کنارینده ابوالفضلیله یولداش وای قارداشیم ایستوردوم ایدم زمزمه قارداش زهرا آنامون ناگه اوغول وای سسی گلدی مظلوم حسین وای بالا وای ناله سی گلدی زینب ئوله یاددان بو کراماتی چخاتماز سر نیزه ده ایتدون منی سن کوفه ده پیشواز قرآن سسون ایتدی باجوی گرچه سر افراز گورجک ولی افسرده اولان حالوی زینب آز قالدی قویا عمه سیز اطفالوی زینب هیچ کوفه ده قلبیمده منیم قالمادی یارا من باشی آچوخ دور بریم اهل تماشا ایلردی تماشا هامودان چوخ منه اعدا چون رسمیدی گر اولسا بیر عورت اوجا قامت قهراً ساتاشار قامتنه چشم جماعت سن نیزده ده زحمتله محلاتی دولاندون یاندی ئوره گیم سنگ جفادن یارالاندون قرآن اوخودون خلق اویانا قانه بویاندون گلدی ئوره گیم درده بهانه اله سالدیم عشق اهلی بلر من نیه باش محمله چالدیم بیر مجلس اغیاره اولان وقتیده داخل چکمیشدی بیزی بیر ایپه بو قوم ارازل ایتمیشدیم عذاره آغاران زلفمی حایل محمل یاراسیندان باشیمون قانی آخاردی زهرا قزینا دشمن اوتانمازدی باخاردی گلمز دیله دل صاحبی قاتل یاراسیندان اولماز باجون آزرده او محمل یاراسیندان اما چتین عالمدی امان دیل یاراسیندان گوردون که زیاد اوغلی منیله نه دانشدی اشگیم دولانوب قانه حسین قلبیم آلشدی گر چه من بی یاوره زندانیدی کوفه کانون جفا معدن عدوانیدی کوفه با اینهمه شاماتیدن آسانیدی کوفه خوار ایتمدی هیچ کوفه او اندازه عروسی شام اهلی کنیز ایستدی بو تازه عروسی شامون آدی گلدوقجه حسین بیر غمه یانام بیر حادثه دور هر ندن آرتوق اونی سانام کشف ایتمگه گلمور یوزیم افسوس اوتانام ظلم ایتدی نه اندازه دیمم آل امیه اما بو قدر بیل ئولوب اللرده رقیه آغوشنه آلدی بالوی نازیله تپراق یوخ بلکه بیر عالم ادبی ایلدی دوستاق بیر نسگلی ایتدی او قیزون طاقتمی طاق واضح یتورردی منه اولسیدی نه دردی بیر آجلیقن آهسته قولاقیمه دیردی گورجک تانیدی قانه باتان باشوی قارداش آغوشه باسوب جان کیمی توکدی یوزه قانیاش جان نقدینی ایتدی یارالی باشوه شاباش بیر دفعه منی سسلدی سس گلمدی بیرده بیر آه چکوب باتدی نفس گلمدی بیرده عرشه یتوروب نوکرون ئوز شیون و دادین شاها آلشوب هجر اودی یاندیردی فوادین هر شعرده بیر دفعه یازار ((منزوی )) آدین منظوری اودور تز تز ئوزین یادوه سالسون #دور_قارداش_حسین_السیز_ایاقسیزلاری_گتدیم #اربعین #روضه #منزوی فایل صوتی👇👇👇

✔️وصیت حضرت علی به علمدار کربلا حضرت ابوالفضل العباس علیهم السلام گریز به استمداد حضرت ابوالفضل از امام حسین علیهم السلام مرحوم استاد منزوی اردبیلی ای شیر وفادار و وفا پرور آز آغلا غیرتلی اوغول حیفدی بو گوزلر آز آغلا آز قالدی که لبیک دیم داعی حقه آخر بو منادی هامونی سسلر آز آغلا من گیتملیم توکمه یوزه سیل سرشکون سیل گوزلریوی ای گل خوش منظر آز آغلا گل سنله ویروم ال اله قارداشون حسینی بیرگون بو سوزوم قلبوی شاد ایلر آز آغلا قارداشسان اگرچه هله مولا دِء حسینه نوکر بیل ئوزون عالمه اول سرور آز آغلا زهرانی گورنده بیلینر شأن و مقامون تکلیفون اولار گون کیمی روشنتر آز آغلا زهرا سنه اوغولم دِئسه قارداش دِء حسینه زهرا نظر ایتسه، آقادور نوکر آز آغلا قویما اولا احوالی پریشان بو حسینون غیرتلی اوغول جان سنون، جان بو حسینون جواب حضرت ابوالفضل علیه السلام وار هر سوزون ای شاه فلک فر گوزوم اوسته ویردون منی قارداشیمه نوکر گوزوم اوسته هر امر مطاعون اولا من عبد مطیعم گر گلشن عمریم اولا پرپر گوزوم اوسته مین ایل یاشاسام ملک سلیمان منیم اولسا بیر اللی ایدم دهری مسخر گوزوم اوسته گر سکه وورا آدیمیلن مصریده فرعون تسلیم اولا یا رومده قیصر گوزوم اوسته عرشه دایانا دولت اقبال و جلالیم من عبدم حسیندور منه سرور گوزوم اوسته دنیایه اگر بیر توکونی وئرسم حسینون بو باشه دگن زهریلی خنجر گوزوم اوسته ئولسمده حسین عشقی بوشالماز اورگیمدن قانیله اگر دولسا بو گوزلر گوزوم اوسته سنده منی تاپشور قاپودان قوماسون اوغلون ایتسون نه وظیفمدی مقرر گوزوم اوسته یا آخر صفده ویره سرباز مقامی یا اول صفده یازا افسر گوزوم اوسته یا مشک ویروب آدیمه سقا دیه قزلار یا ایلیه فرمانده لشکر گوزوم اوسته یا سو گتورم خیمه لره یا ویرم الدن سو اوسته گیده بو اوزون اللر گوزوم اوسته تا واردی علی قانی منیم شاهرگیمده واحددی حسین عشقی آزالماز ئورگیمده سنده بابا تعیین اولان منزله تز گل کشتی وجودیم یخلان ساحله تز گل ئوز قولیمون اوسته باشاجاق دوز گئدرم من بوینومدا اولان عشق حسین سلسله تز گل قالسام باش آچیق آهن عمود آلتدا یوبانما سن ویرمه امان قاتل سنگین دله تز گل تقدیر ئوز آغزیندان آلوب درسینی گویا سسلندی علی اوغلی، بو سرمنزله تز گل آخرده بیر ایش گوردی فلک سسلدی عباس یتدی بابا مقصود دلیم حاصله تز گل گلمور یوزوم آخر سن ئوزون سسله حسینی ویر بیرده کسوک اللریلن ال اله تز گل القصه علیدنده قاباق فاطمه گلدی قوللارین آچیب سسلدی ایتمه گِله تز گل سنده منیم اوغلومسان عزیزیمسن حسین تک بو سینۀ مجروحیمه دردون گله، تز گل زهرا سسینی آلدی هوسلندی ابالفضل یوز خیمیه دوتدی بیله سسلندی ابوالفضل گریز برای این شعر از مرحوم انور اردبیلی👇🏾👇🏽👇🏼👇🏻 شیرمردون یخلوب توپراقا قارداش یارالی ایلورم سجده جبینیم یارالی باش یارالی اوج اعلاده قوشون دگسه یارا شهپرینه قدرتی اولماز حمایت ایلیه پیکرینه مرد شمشیرون اگر یتسه خطر اللرینه کسیلر چاره سی دشمن قباقیندا سخلار قارداشون تک یخلاندا یوزی اوسته یخلار خدمتیم اولسا برازنده یوبانما اُلورم گَل طبیبانه باشیم اوسته، دایانما اُلورم خیمه لرده الی بوینوندا دولانما اُلورم دشمنه وقریمی ای میر امم ویرمه میشم ویرمیشم اللریمی الدن علم ویرمه میشم آلدی قارداش سسینی قتلگهه گَلدی امام گوردی عبّاسی چالیخلور یوخودی حال قیام دیدی جان قارداشیوین قارداش ایشی اولدی تمام اکبری گیتمیشیدی اصغری دوشدی خطره زینبون باشدا قرا معجری دوشدی خطره برج محنتده که اولدوزلاریمون وای گونونه قورخولی چولده آدامسیزلاریمون وای گونونه سایه وه دالدالانان قیزلاریمون وای گونونه صف عشقه دوزولنلر سنه قربان یارالی الی الدن اوزولنلر سنه قربان یارالی من حسینم غم هجرونده یانان قارداشوام نوجوان اوغلی اُلن قدّی کمان قارداشوام یخه سی خیمه ده اللرده قالان قارداشوام گوزیوین قانینی حسرتله سیلن قارداشوام قوجا وقتینده علاجی کَسیلن قارداشوام یاندورار حشره کیمی عالمی درد و مجنون شاخه سیز سروه مثلدور کچیلیبدور بدنون قالسون اللرده او ال که الیوی کسدی سنون بِلی سنسون ستمیله بِلیمی سندیرانون گوزی چخسون آتام اوغلی گوزیوه اوخ آتانون #منزوی #انور