#پسر_عمو_حسین_جان_نرو_کوفه #حضرت_مسلم_بن_عقیل 🏴😭🏴😭🏴😭🏴😭 پسرعموحسین جان نِرو کوفه تِـه بـاغ لاله بـونه پـر شکـوفه پسرعمو نِرو مه جان ته قروون مِه دله کوفیا دَکِـردنه خون غریبی سخته آدم یـار نـداره مه پیغومه تِـوسّه کـی بیـاره؟ حسین قربان ته قربان زینب کـوفه نِـرو تِـره بـه جان زینب نرو کوفه کـه اتـا یـار دَنیّـه نرو اینجه تره غمخوار دَنیّه اَشون بِیمه وِشون خِنه مهمون اَمشو آواره ی کوچه خیابون مه دس بشکسّبو بَنویشته نامه دیگه کوفه نِرو مـه کـار تمامه نِـرو تَرسمه اکبـر ره بَکوشن شش ماهه طفلک اصغر ره بکوشن تـرسمه تـه اَتـا یـار ره بَـزنن تـه نـازنیـن علمـدار ره بـزنن نـرو تـرسمه گـرفتـار بهوویی تـه بـی عباسِ علمدار بهوویی ترسمه که ته وَچون چو بَخِرن ایـن نـانجیـبونِ جـا لـو بَخـرن نرو تِه وَچون زخم و خون نَدینه وِشـون که خـارِ بیابـون نَـدینه هر چی که نامه هدانه دروغه بـازار آهنگـری هـا شلـوغـه نِـرو که دَرنّـه شمشیر سازنّه اسیرونِ وِسّه زنجیر سـازنّـه ترسمه اسا دیگه سر پیری جانِ زینب ره بَورن اسیری کوفه نرو ترسمه بی بهونه تِـه رقیـه بَخـره تـازیـونـه حسین کوفه نرو جان سکینه الهی تـه بـلا «مـداح» سینه 🏴😭🏴😭🏴😭🏴😭 #علی_اکبر_اسفندیار_مداح