#یاحسین... دولدوروبدور عالمی شور محرم یاحسین سسلیور زهرائیله ذرات عالم "یاحسین" گورسنیر خم قامتیلن گویده تا ماه غمین باشلانیر عالم لرین قلبینده بزم ماتمین تیتریور شوریله تا گویلرده عزت پرچمین تیتردیر عاشقلرین قلبین بو پرچم یاحسین هر گون عاشورادی بو عالمده هر یر کربلا گور نجه دائم دامارلاردا جوشور خون خدا بیزده بو گوز یاشلارینان گلمیشوخ میدانه تا عهدیمیز بیر یولدا اولسون سنله محکم یاحسین هر مسلمان دین و ایمانین سنه مدیونیدور آبروسون عزتین شانین سنه مدیونیدور تا همیشه حفظ قرآنین سنه مدیونیدور ساخلیوبدور زنده اسلامی ،محرم یاحسین  قویمادی گوز اورتسن ظلم و نفاقه، عزتین عاقبت چکدور سنی کرببلایه غیرتین اکبر و عباس داغینده خم اولدی قامتین اولمادی باشین ولی ظالملره خم یاحسین  ساکن اتدون کربلاده عترت پیغمبری  ایلدون دینه فدا جدون شبیهی اکبری همده کی قنداقه ده وردین علی اصغری بیر نفس الله یولوندا قویمادین کم یاحسین داش اورک لر جمع اولوب داش وردولار آیینه وه نامسلمان باخمادی سینه نده کی گنجینه وه اونداکی قویدی غضب له نحس ایاقون سینه وه لرزیه گلدی بنای عرش اعظم یاحسین اولمیا هر ایل سنی بیزلرده دعوت ایلیاق کوفیان تک اما شمشیریله بیعت ایلیاق گل دعا ایله بیزی سندن اطاعت ایلیاق ائتمسین غافل بیزی دنیا و درهم یاحسین  انتقامین آلماقا تا ایلسین مهدی ظهور بو قرانلیق دونیامیز اولسون سراسر غرق نور کربلاده قبریوین اوسته بساط عشق و شور اربعینینده اولور هر ایل فراهم یاحسین #حسن_زرنقی @h_zarnaghi