◾️نوحه بختیاری حضرت زهرا(س)◾️ #نوحه_زیبای_بختیاری🖤🎹 #شاعران_علیمحمدی_جلیلی📝 #اجرا_استاد_پیام_پرویزی🎤 وی داکه خو و مهروون گِرهِت چه دردی وی ثمره بچیلته تو خا نخردی وی طوفانه غم ویرسی شادیمه برده وی نه زینب وا سر زنه که ماماس بمُرده وی کاشکی زهرا نمیره وی هنی جوونه وی ننشونه وه غمس مولای زمونه وی الگوی کُلِ زنگل مهمون پذیره وی هر چی دارُم نذر کنُم که بیوی نمیره وی علی ایگو غم خورم سیت کور و پیرُم وی وه حونه دِر ایخورُم ایایی به ویرم وی بچیلُم غم نخورین یو روزگاره وی اسمه خو دی بعده مرگ خوس افتخاره وی داکه مهروونه خوم بیوی با محبت وی منه دنیا ز خوویت ایبوه صحبت وی تا هدُم وه روزگار دل نیکُنم خَش وی داغه سخت فاطمه دلمونه زی تش وی اسماء به علی بگو مرگُم رسیده وی دردی که مونه گِرهد زونیمه بُریده وی سینمه دو چاک کنُم دلُمه ریز ریز وی حسنین و زینبین سیت نیگرن لیز وی دا منال و دا منال دردت بیا سیم وی خوت هدی به ایی دنیا تنها خوشحالیم وُ ای دایه تو نمیری خوم جات بمیرم وی دل خوشیم فقط خوتی بی تو اسیرم وی زِ خیالُم نیروه تا به قیومت وی داغ سخته فاطمه زنه بانجابت وی بنالُم ز دسته غم وا چرخِ گردون وی شاه زنی زِ مدینه امشو نها جون وی بچیلُم موقعِ مرگ اُوِین به یادُم وی نرهدِن زِ ویره خوم تا جون نهادُم وی به حونه مولا علی شیونه گرونه وی به گمونُم داد زِ دست شاهِ کیونونه وی نه حسن وا سر زنه حرص وه تیاسه وی مِنه کوچه دیده بی زیدن داسه وی نیگرده باوه دلوم چرخه زمونه وی ایی غمس کُشته مُنه غسلِ شبونه