به نام خدا #مدح_ترکی #حضرت_رقیه_سلام_الله_علیها ┄┅═✼✵𖠇✵✼═┅┄ جانَــه حسینـین قیــزی جانانَه دور عشـق حسین ، شمعینه پروانَه دور گــؤل یارانیــب گلشـــن پیغمبــرَه باغ بهشتَـــه گــؤلِ ریحــانَــه دور گؤلْ قدمی عرشَه سالوب زمزمه شرم و حیا بحرینَه ، دُردانَه دور عالَمَــه گَلمَــز بِئلَـــه باب المـــراد درگهی هر ، دردَه دواخــانَه دور باب حوائج ، اَلـی مشکــل گشا سفره سی معنایِ کرمخانَه دور خورداجا اَلدَن نَه کرامت یاغیر وارث دستــان کـریمــانَـه دور اؤچ یاشی وار ، سینه سی دریا ولی علم و ادب درسینَــه فرزانَه دور زینب و زهــرادَن آلیب دَرسینی عالِمـــهٔ مکـتــب ریحــــانَه دور راحتی جانِ حسینــدور بوقیــز عمه سینَــه شمع حرمخانَه دور کربوبلانیـن گؤزَل آهـو سیدی اشکِ تری گوهـــر یکــدانَه دور گؤل یؤزؤنَه مادری زهرا کیمین رَدّی قالان ، سیلیِ خصمانَه دور عمر کمیندَه ، غم دوران گؤرؤب سینَه سی سوزان ،دیلی غمخانَه دور واردی اَیاقلاردا تیکان یارَه سی تورش اولونان خارمغیلانَه دور مادرَه بَنــزَر  یارالــی پیکـــری یـاس کبـــودِ دل ویــرانَه دور اِیلَه دیر آبــاد آدی ویرانــه نی همّتــی زهرا کیمی مردانَه دور شهر دمشقیــن مَهِ تابانیــــدور گؤل حـرمی درگَه شـاهانَه دور دردون اگر اولسا یاپوش دامنیــن چون آدی هردردَه ، شفاخانَه دور ┄┅═✼✵𖠇✵✼═┅┄ 📝رقیه سعیدی(کیمیا) ┄┅═✼✵𖠇✵✼═┅┄ https://eitaa.com/Maddahankhomein

﷽ #مدح_ترکی #امام_هادی_علیه_السلام ـ ـ ـ ــــــــ⊰𑁍⊱ــــــــ ـ ـ ـ آدی چـــراغ هــــدایتدی حضرت هادی یُولی مســـیر ســعادتدی حضرت هادی ولایتین صدفینده اونومجی نور هُدیٰ بهـالی گوهـــر عصمتدی حضرت هادی علوم و حکمته عاشق وفالی تشنه لره صــفالی زمـــزم رحمتدی حضرت هادی زیارت اهلینــه یازدی کتاب "جامعه" نی کتـــابی منبع حکمتـــدی حضرت هادی بیاندا نطقی رسادی علی نین اوغلی علی کلامی رســــم بلاغتـــدی حضرت هادی گؤزلدی صحن و سراسی آچیبدی خوان کرم امیـــر بحـــر ســخاوتدی حضرت هادی توسل ایلَه بو باب المراده سن بو گئجه حریمــی درگه حاجتــدی حضرت هادی پناهــسیز ضعفانین اَلین دوتان آقادی مرامی اصــل مــروّتدی حضرت هادی آدی علی دی علی جدی تک غریب اولدی نصیبی حــجرهٔ غربتــدی حضرت هادی سالیبدی آخر ایاقدان امامی سوز جگر شهـــید زهر جهـــالتــدی حضرت هادی دؤشؤبدی یادینه لب تشنه جان وئرنده حسین دیلینـده ذکر مصیــبتدی حضرت هادی گَلَـــر بو تِزلیـگه مولانین انتقامین آلان امیـــدی آخــرِ غیبـــتدی حضرت هادی ـ ـ ـ ــــــــ⊰𑁍⊱ــــــــ ـ ـ ـ #رقیه_سعیدی_کیمیا ۱۴۰۳/۱۰/۱۴ @Maddahankhomein