اسم القصيدة : يجري ابدمي
اسم الشاعر :
#حسين_الساعي
اسم الرادود :
#محمد_الجنامي
المناسبة : ليالي الأربعين ١٤٤٣ الهجري
المكان : كربلاء المقدسة / موكب الكميل الحسيني
🏴🏴🏴🏴🏴🏴🏴🏴🏴
یجری ابدمی
ابروحی جسمی
عایش حسینی الهوه رغماً عله البین
الیبقه و ایضل للابد بس حب الحسین
_____
عاشگ حسین بوالیمه وطول عمری اخدمه
للشکر صبح و مسیه اسجد الرب السمه
جبت کل عمری ابهیامی و عندی مسک الخاتمه
یا خلگ لو بلقیامه ترضی منی فاطمه
افدی ابحسره
عمری العمره
الدنیه ماتنفع تره هلدنیه یومین
الیبقه و ایضل للابد بس حب الحسین
________
مطلع الحب و المحبه حسین ابن خیر العمل
کل صباح الله ابرحمته ینسج اخیوط الامل
آخر آیات الهدایه البیهه دین الله اکتمل
لو فرضنه الحب قصیده حسین هوه المستهل
کلهه اتردد
باسمه و تحمد
جبریل من هزّ المهد چان ایعرف زین
الیبقه و ایضل للابد بس حب الحسین
______
هل عشگ دایم جدید و یوجد ابمرّ السنین
یا خلگ هل عشگ اهله ناس فقره امطینین
ناس تمشی و ناس تبچی و ناس ماخذهه الونین
ناس باعت کلشی عدهه حته تخدم للحسین
تبچی وتمشی
واتعوف کلشی
هل جمره اکثر تلتهب لو هملت العین
الیبقه و ایضل للابد بس حب الحسین
_______
النبی گایلهه ابلسانه صاح و اعلن بلختام
حسین منی و آنه منه و الک تفسیر الکلام
یعنی دین الله اعتماده عله حب هاذ الامام
آنه من حسین یعنی حسین کلشی و السلام
حبه حبی
دربه دربی
واحچایة الله مستحیل لو صارت اثنین
الیبقه و ایضل للابد بس حب الحسین
______
ترجمة هل عشگ هاذه عد ابوالغیره الگمر
اول العشاگ هوّه و ابحب اخوه صار و کبر
بلنهایه ضحّه روحه فدوه العضیده الفخر
گطّع اچفوفه الحبیبه و عافهن یم النهر
الدنیه ابحیره
الراعی الغیره
صاح ابصرخته اعله النهر من ذب الایدین
الیبقه و ایضل للابد بس حب الحسین
🏴🏴🏴🏴🏴🏴🏴🏴🏴
القصاید المکتوبه للرادودين حسن الصالحي و محمد الجنامي (صوت+کتابة)
https://t.me/alradodeinpoems
