#هوسات بحق ابي الفضل العباس عليه السلام
اسم الشاعر : #عزيز_الفيصلي
اسم الرادود : #محمد_الجنامي
#احتفال
🌸🌸🌸🌸🌸🌸🌸🌸🌸🌸
شرف يتباهه بي جبريل هز مهد السبط ياناس
شوف شگد شرف وحسين هو إيهز مهد عباس
يلي إتزف البشاره اكتب ع الورد والياس
🌷 هالليله أيهل حيدر ثاني 🌷
~~~~
العاده من يجي مولود عند الناس
يحضنونه الاحبه وبالوجن ينباس
بس حيدر علي غيرها بالعباس
🌷 قبّل عباس ابچفينه 🌷
~
حلال اعليك در صدري وبري الذمه
يالبيضت وجهي عند ابو اليمه
حگي امن اتباهه وبيك اتسمه
🌷 يالمثلك ماجابت غيري 🌷
~
حالأ مايجيبن مثلك النسوان
ولامثلك اخو ينولد بالخوان
اهل الكرم يمك تغلگ البيبان
🌷 يم جودك محد گال آنه 🌷
🌸🌸🌸🌸🌸🌸🌸🌸🌸🌸
#ابوذيات
#هوسات
#محمد_الجنامي
♡ ولا حل ♡
أنه ابلياك لا ماضي ولا حال
يمر ريجي بلا ذكرك ولا حلو
فلان ايگول لا اربط ولا حل
الحل والربط يم حامي الحميه
♡ وجهه ♡
العشگ جمرات گلبي ابنار وجهه
وأنت ابگلبي وين اتريد وجهه
ما خاب اليوجّه ليك وجهه
يصير ابيض وجه يوم المنيه
♡♡♡♡
وينه الجاب عمره ابهم
وينه الشاف من الجور
وما خله قطب ماراح
وعليه فاحص الف دكتور
بس للرضا إيدير العين
ومن عنده الدمع منثور
( الما تتشافه ايشافيها )
♡♡♡
ابحبك ياسليل الجود
من حگها الگلوب اتذوب
وكلمن يقصد البابك
ماتبگه ابملفه اذنوب
يلي اهديت دعبل ثووب
اريدن خيط من الثوب
( بي ينخض ميزان اذنوبي )
♡♡♡
حاتم خل يسد بابه
انفتح باب الكرم والجود
باب الرحمه والغفران
باب الكرم يهل الزود
باب الرضا ما ينسد
هذا الباب للمعبود
( خسران الما يوصل بابه )
♡♡♡♡♡♡♡