امي وصتني بي هي تبجي أني ابجي بالباب گال لامي لتديرين بال اشيلها بعيوني خالة وإذا عمن عيوني اشيلها بشرايين گلبي گلبي يصرخ ويگول جذاب جذاب راح يسود عيشتي ويكلبها جحيم أسود صعدت بالسيارة وأني ابجي على امي وابجي على حظي وابجي على عزيز المسكين اللي طينه طين فترينا شوي بالمنطقة وراها رجعنا عجبني الهدوء البي هادئ كلش ومايحجي ولا كلمة ولا يتغزل وصلنا البيت دك ورقص كلها ترقص شباب وبنات كام وياهم كوموني وياي شوي رقصت وياه علمود الطف الأجواء من هسة من شافني ضحكت بوجه ضحك بخباثه شك عندي شي يلكطها على الطاير . لزمني من ايدي وفتريت فرتين بس قربلي وگال" اي هسة حلوة وتخبلين مو مثل الخطوبة والحنة مارديت لزم ايدي وگعدنا بالكوشة اجت المصورة تاخذلنه صور كل الصور بالبيت صورتنا كوما صور صرت طبيعية كلش عبالك صدك عروسة وفرحانة يوم عرسها الكل تباوع البعض فرحان والبعض لا الله ابد مروة وكاترين ومريم من ودهن يشربن من دمي هو مطنشهن صاح لامه وابوه وأخواته وسرى الكل اجه اخذ صور جماعية ويانه ام اياد وابو اياد خلوني بالنص واخذوا صورة كبت العيطة بناته احنا هم نريد هيج صورة هاي شبيهن ياربي كاترين تريد ترى عيب كاترين تدور هيج

صورة ابو اياد غريب عنها وأني صار عمي وبمثاب والدي عادي بدون حجاب كدامه مو مثلها هي ام اياد خزرتها وكفتها بمكانها حتى ماجت أخذت صور بطلت بعد شهم شاورني وگال" دودة بيها ماتكدر اروحلج فدوة شطالعة سندريلا مارديت دنكت رأسي خجلانة وراها سحب ايدي وگعدنا بالكوشة وره فترة انتهت الحفلة وسدوا الأغاني واذن وأني ودتني نورة وسرى للغرفة هسة يلا شفت الغرفة اخشاب تركية وحلوة ومرتبة نزعت الحذاء موتني ردت انزع البدلة ماقبلن نورة _ههه وين روان روان_موتتني والله سرى_حتلوه هو ينزعها لج تعاي خل انزع الحجاب واعدل شعرج اجت نزعتلي الحجاب شوي ارتاحيت جابت المشط وصارت تمشطلي وتسويلي تسريحة عود خربت ضحك عليها نورة هم خربت ضحك عليها وراها اخذن صور وياي وطلهن عافني الوحدي بالغرفة كمت باوع على شكلي بالمراية حلوة كلش ولا عبالك هاي أني متغيرة هواي بالمكياج وصح خدودي ذبلانة بس أني أني حلوة وعيوني

هن المحليات وجهي .... اندك الباب دخلت مروة سدت الباب لزمت گلبي بيدي منها" مروة_نصيحة مني لج لا تحبلين وهاي حبوب مانع روان_مانع؟ مروة_اي ترى اخوي مو كد المسؤولية روان_ترى عيب تكسرين باخوج مروة_عوفيني من العيب وخل اگلج كاترين خطيبه شهم من هم وصغار ورادوا يتزوجون لما الحادث الصار وياه ونفقد بالموصل ومن رجع فاقد عقله ومن شافج حبج ترى هذا مو حب هاي نزوه وشهوة شافج حلوة وحبج ويوم اللي صرتي بي مو حلوة وضعيفونه كرهج وصار يتنمر على شكلج نصيحتي اخذي المانع واسكتي سحبت أيدي وخلته بيدي " اخذي واكيد راح تترحميلي بعد جم شهر خلت ومشت بقيت اضحك من كلامها لأن صدك كلامها شهم من شافني حلوة سماني بت الخدود ومن ضعفت كرهني وسماني سلبوحة المسربتة وگعد يضحك عليّ بس للاسف المانع مايفيد بعد الفاس واكع بالراس قبل الزواج والطفل بالبطن كاعد وحظر العرس هو بطني اخذت المانع وشمرته بنص الحاوية وگعدت اباوع الايديه

ورجليه واضحك شراح اسوي من يجيني اكتله مثل ماخططت قبل اكتله بالسجين بالليلة العرس بس ماجنت حاسبه حساب ام عزيز تجي وتطلب اطلب من شهم يطلعه من السجن " هناك وين غيرت رأيي مستحيل اخلي يقتربلي  و غشمره وگاله طلع عزيز واصير حبابة وياك وزواجنه يصير زواج طبيعي اضحك عليه رفعت راسي من سمعت هوسة صارت قريب للغرفة أكيد زفوا كمت حسيت گلبي وكع بالگاع يدك حيل انهبطت صارت لويه بطني ماعرف شجاني تخربطت تخربط نفتح الباب ودخل طبيعي سد الباب وقفله بالمفتاح اندار عليّ أبتسم من شافني واكفة تقدم ناحيتي نزع السترة خلاها فوك الكرويتة جانت موجودة بالغرفة _شلونها سندريلا مارديت خايفة احسه راح يجي يأكلني بقى يتقدم ويحجي" _بزونة اكلت السانج الطويل ؟ _لا _اللهم صل على محمد وآل محمد طلع عدها السان وتحجي _لا تتمسخر _اممم حلوة كلش جنتي بت الخدود

_لتگول بت الخدود _اي هسة اگول روان ام السان ههههه _ اي لا تتقدم واكف بمكانك _والله تعبان واريد اسبح واستراح _اي روح اسبح واستراح منو لازمك _اول جيبيلي قطعة القماش البيضة اللي فوك الفراش _شلك بيها ؟ _ادميها نسوان خوالج هنا ويردن يشوفنج بنية لو لا يتبع ...

علیکم السلام ، کحل عرب ثلاث اجزا و هوای بارتاتهه طوال و ممله ماراح انشرها..

-

مثل ما انتو مافارقین انی بعد عندی بیت و مسئولیه ف اصبرو علیه لان النسخ و النشر یرید وکت..

-

مراحب ، تم تدللون.. دا احاول انشر گد مااگدر حبایبی.. اهمم شهم ماحبیته من اول القصه..مستفز.. علیکم السلام ، نشرتلکم 5 بارتات وین بعد قلیل؟؟نشری علی گد تفاعلکم عینای..

-