🏴زبانحال حضرت زینب کبری سلام ا... علیها در اربعین حسینی🏴 🎼سبک(ای نورِ قلبِ عاشقم، شمعِ این خانه تویی) مهمان گَتدیم حضوریوه اِعزاز ایله یارالی خسته یورقون بالالاری پیشواز ایله یارالی قرخ گوندی آیری دوشموشوق سَندن ای شاهِ ولا شُکر اولسون اولدی قسمتیم بیر یولدا کرب و بَلا دور دردیمه ایله دَوا ششگوشه لی قبره فدا قارداش حسین اویان یولدان یتیشوب بالالار ئولدوردی اوزون آنالار قارداش حسین اویان حسین حسین، حسین حسین، حسین حسین مَظلوم قارداش سَندن خجالَتم زینَبدن اولما مَلول یرده قویدوم جَنازه وی عُذرومی ایله قَبول باشسیز تَندن خدا بولور جَبریله دوشدوم اوزاق گوردوم دورسام بالالاری قَمچی لر ئولدوره جاق غَمدن اوره گیم سیخیلوب هجرونده ایویم یخیلوب قارداش حسین اویان غَملَر باشیما توکولوب قرخ گونده بِلیم بوکولوب قارداش حسین اویان حسین حسین، حسین حسین، حسین حسین مَظلوم یوللاردا چوخ چوخ اینجییوب ناز اورگَنَن بالالار عُریان ناقه کیچیک اوشاق اوغلی ئولموش آنالار کوفه ظلمی قوتارمامیش دیل اولدی درده هَدف ایکاش ئولیدی زینَبون گیتمه میش شامه طرف دنیانی اولیدی خراب زینب هارا، بَزمِ شَراب قارداش حسین اویان وار علّتی غُصّه لیَم شامه گینه گیتمه لیَم قارداش حسین اویان حسین حسین، حسین حسین، حسین حسین مَظلوم منزل ویردی بیزه یَزید کُنجِ ویرانه حسین توپراقلار اوسته قیزلارون گَلمیشدی جانه حسین گَلدون گوردون رقیّه وی ای شاهِ تَشنه لَبان قانلی باشی گورَن کیمی جان ویردی خَسته بالان مَظلومه قیزا بولوسَن اوز کوینگی اولدی کَفَن قارداش حسین اویان غملی دیلی داغلامیشام قبرین قازیب آغلامیشام قارداش حسین اویان حسین حسین، حسین حسین، حسین حسین مَظلوم #اربعین #حضرت_زینب_سلام_الله_علیها التماس دعای فرج الاحقر مهدی عبادی ---•••◇🏴🏴🏴◇•••---

اربعین سالار شهیدان ⚫️⚫️⚫️⚫️ دور قبریدن آی قارداشیم قان اولدی گینه گوز یاشیم قیرخ گونده بیلیم بوکولدی گورنه آغاروبدی باشیم قرخ گونده گورنجه قوجالدیم جای عجبدی زنده قالدیم یول بو مزاره بیرده سالدیم ایوای حسین ایوای یارالی بولمم دیوم هانسی غمدن آیریلدوق اودم کی سندن غارتده نلر گور موشم جور و ستم دشمندن بعضی قولاقدان قان آخوردی بعضی بالانهره باخوردی نارجفاقلبین یاخوردی ایوای حسین ایوای یارالی بیزکوفیه تاکی چاتدوخ گوزیاشینی قانه قاتدوخ گور نه گونه قالدوخ قارداش زنداندا گیجه نی یاتدوخ بیر بزمه گیتدی آل عصمت مجلس دیمه صحن قیامت اولدی بیزه چوخلی جسارت ایوای حسین ایوای یارالی یوللاردا اولوب هَنگامه توش اولدوخ حسین آلامه ا... بولوری نه چکدوخ یولدا یتیشینجه شامه بیر گون قیزون یوللارداقالدی زجر دنی آرامین آلدی هجری شرربو جانه سالدی ایوای حسین ایوای یارالی غم یتمیوب هیچ پایانه بیر بیله بلا بیر یانه امایارالی گلدوخ بیز شامین ستمیندن جانه بیر ظلم اولوب اوردا امامه یاده دوشوریانمیش عمامه سایماقیله یتمز تمامه ایوای حسین ایوای یارالی ویرانه ده توکدوخ قان یاش چوخ غملره دوزدوخ قارداش ال چکمدی اما بیزدن بیرعده جفاجو اوباش اولسون قسم خلاق حیّه چوخ ظلم ایدوب ال اُمیّه ویرانه ده قالدی رقیّه ایوای حسین ایوای یارالی #اربعین التماس دعای فرج الاحقر مهدی عبادی ---•••◇🏴🏴🏴◇•••---

🏴نوحه اربعین . . ✍ اثر مرحوم استاد حاج داود بیدق داری میانه ای .. شاعر و ذاکر اهلبیت سلام الله علیها 🎼سبک:نوایی نوایی . کربلا کربلا آدیوه جان فدا گلدی مهمان سنه دختر مرتضی . آغلور ارض وسما دلدن ایلر نوا کربلا کربلا کربلا کربلا . . اربعینه گلوب زینب دلغمین زلفی آغ قدّی خم درد و آهه قرین سسلنور ئولمه دیم قالمیشام چوخ چتین نیمه جانم حسین هجریوه مبتلا . . کهنه دنیا قانا قاتدی گوز یاشمی وئردی عالم غمین آلدی قارداشمی کوفه ظلمینده من یارمشام باشمی گلمیشم محضره قلبی قان باش یارا . . من یانان آتشه یاندی پروانه ده وئردی شیرین جانین عشق جانانه ده قالدی خیردا قیزون کنج ویرانه ده گوردی نوراللهی تاپدی راه بقا . . من لباس غمی سویمادیم یاحسین آغلاماقدان سنه دویمادیم یاحسین عفو ائله قبریوه قویمادیم یاحسین جبریله زینبون اولدی سندن جدا . . اونداکی قارَه وی باشیمه باغلادیم سینه می آتشِ عشقیوه داغلادیم یاتمادیم صبحه تک هر گجه آغلادیم سویلدیم قبریوه یاحسین من فدا . . گردشِ چرخ دون سن ئولندن صورا قهرمان زینبی چکدی هاردان هارا گلمیشم شامیدن قول یارا باش یارا سالدی دیلدن منی قمچی لر برملا . 🙏🏼 ملتمس دعا _______________ #اربعین #حضرت_زینب_سلام_الله_علیها

سلامتی وجود نازنین امام زمان حضرت مهدی عج صلوات سلامتی زائرین کربلا و اربعین برشهدای کربلا صلوات تعجیل درفرج ظهورمولاجانم برجدبزرگوارشان برامام حسین صلوات حاجت روایی موئمنین مسلمین رفع گرفتاری همه عزیزان برباب الحوائج حضرت ابالفضل صلوات عاقبت بخیری همه بزرگواران وعاقبت بخیری همه ملتمسین دعا روح اطهر پنج تن علیه السلام صلوات حاجت روایی همه درد مندا شفای همه بیماران عزیز برچهارده معصوم علیه السلام صلوات برطرف شدن مشکلات کشورمون سلامتی رهبر کبیر اسلام سلامتی همه آنهایی که برای پیشرفت ملت اسلامی وسرافرازی این پرچم قدم برمیدارن جاناً مالاً قدماً بریاران شهید اباعبدالله الحسین علیه السلام صلوات

زبانحال حضرت امام حسین (ع) بر سر بالین حضرت عباس (ع) -(دردون منه چوخ بارگراندی آتام اوغلی ) دردون منه چوخ بارگراندی آتام اوغلی  دور قارداشوون قدی کماندور آتام اوغلی  دوزدوم ستم خاره صولان گلشنه خاطر  گلدیم بوچتین لیقدا یولی من سنه خاطر  سنده یومولان گوزلریوی آچ منه خاطر  یارین باخیشی قیمت جاندی آتام اوغلی  اولسان منه بیر ذرّه سوسوزلوق اثر ایتمز  گر اولمیاسان اولسادا سو دادیمه یتمز  سنسیز بوغازیمدا سو اگر اولسادا گیتمز  زمزم سویی سنسیز منه قاندی آتام اوغلی  یاخچی بولوسن من دیمرم قوی که دیوم بول  هرقیمته باخسیدی تاپاردیم سنی ای گول  ای لاله گلوم آچ گوزیوی گورنجه بلبل  اهل حرمه مرثیه خاندی آتام اوغلی  ای سوسفریندن گلن ای جامی شکسته  یول خسته سی سن خستلیق آل ای گل خسته  ای دیزلریمون طاقتی باش قوی دیزیم اوسته  دینجلملی بیروقت و زماندی آتام اوغلی  دریاسن اوزو نسن نه فرات ای یم قدرت  لب تشنه سودان چیخموسان ای هیکل قدرت  به به نه گوزل چخدی محکدن زرِ خدمت  خالصلیقوین اجری جناندی آتام اوغلی  سن عشق حسینون یمینون جزر ومدیدون  طوفان حوادثده حسینون مددیدون  تک من دیمورم گللریمون سرسبدیدون  قابل بیله تعریفه خزاندی آتام اوغلی  دورو بریمز خلوت اولا اوزگه دن ایکاش  تاگوسترم آغلار نجه قارداشینا قارداش  قویمورکه بوشالدیم اورگی طعنۀ اوباش  سس سیزمنه تای کیمدی که یاندی آتام اوغلی  سن دوش یولا ای گل گلیرم منده دالونجه  گوزله منی گلچین الینه خنجرآلینجه  گیت گوزله منی جسمیمی گوداله سالینجه  مین سوز بواشارمده عیاندی اتام اوغلی  شاعر: کامران اسدی حقایقی تبریزی

حضرت رقیه (سلام الله)   سلام اولا او قیزا خیمه لر یانان ساعت اولوبدو اکبر آلان گوشواره سی غارت   سلام اولا یوزونه گوزیاشی آخان بالیا دگنده سیلی دونوب علقمه باخان بالیا   سلام اولا هامونون مشکلون آچان بالیا ایاق یالن باش آچوخ چوللره قاچان بالیا   سلام اولا او قیزا قلبین إتیلر یاره گجاودن یخیلیب چولده قالدی آواره   سلام اولا اوقیزا یوللار اوسته آغلاردی ایاقلارین یاره سین معجرینن باغلاردی   سلام اولا اوقیزا دوندو گوزلری ابره خرابه یئرده ئولوب عمه سی قویدی قبره   غارت اولدی صبر اویم غارتده هاردیدون بابا خیملر تاراج اولان حالتده هاردیدون بابا   اونداکی نصفی یانان چادورده سسلیدوق سنی عمه ام ائیلوردی نوا خلوته هاردیددن بابا   ناقدن شامین یولوندا ساربان یخدی منی قالدیم او صحرایه پروحشته هاردیدون بابا   آغلیاندا من سنه دشمن بابا گولدی منه یاندی قلبیم آتش محنده هاردیدون بابا   کاش اولیدوک گورمیدوق هیچ بیر یزید مجلسین قالمادی طاقت دل عطرتده هاردیدون بابا

احوالات حضرت رقیه (سلام الله) ویرانه ده غم گلشنینون غملی هزاری دوردی یوخودان گلدی نوایه گئجه یاری محنت لر الیندن دئدی ای خونجگر عمه دور ایله بو خونین جگره بیر نظر عمه ویرانه هواسی گتیروب سینمی تنگه قلبیم غم غربتدن اولوب شعله ور عمه یثربده گئچن گونلریمیز یادیمه دوشمیش قلبیم او کچن گونلره حسرت چکر عمه صغرا باجیم هرگون منی آغوشه آلاردی باشیمه چکردی ال او نیکو سیر عمه بو توز بوریین زلفیمی نازیله داراردی ایگلردی ئوپردی منی اول دیده تر عمه الان بورا گلسه بو سولان صورته باخسا سیلی یرینی گورسه ئوزین ئولدورر عمه اکبرله چخوب شهری گزن وقتیده باهم گورجک هامی سویلردی منه بختور عمه تای توشلار ایچینده اوزیمه فخر ائلییردیم باشیمی اوجاتمیشدی او فرخنده فر عمه الله باجینین آلمیا قارداشین الیندن قارداشدی وئرن باجیلارا بال و پر عمه حاج فرهنگ خدایی

احوالات حضرت رقیه (سلام الله) اوچ یاشیندابالانی درده دچارایله دیلر ظلم بیحدخانیما لیل ونهار ایله دیلر گه ویروب شمره،دنی گاه ویروب زجره خبیث فاطمه سویگولونی غمده حصارایله دیلر قوللارین باغلادیلارشامه کیمین اولدی اسیر ویردی هربی سروپاگردوغبارایله دیلر بیریسی قمچی الینده دوگوب ایمان ثمرین بیریده سیلی ویروب غصه نثارایله دیلر اوچ یاشیندابالاسسلوردی بابام هارداقالیب گوره یوللاردا،منیم حالیمی زارایله دیلر ئولورم خیمه یاناندان داخی چیخماز یاددان باخ یانان تللریمی توشه ی نارایله دیلر دیدی عمه،عموم اولسیدی بلاگورمزیدیم منی ایوای نجه بیرفرقته یارایله دیلر عموم اولسیدی مگرسیلی دگردی ئوزیمه اولمادی،،جوروجفااهل شرارایله دیلر سویلویردیم عموما،هرنه گلیبدی باشیما وارایاقیمدا یارا گور،نه قابارایله دیلر غارت اولدی عموجان اکبرآلان گوشواره منی آواره ی هرشهر و دیارایله دیلر... عبدالله گلمحمدی زنجانی

در احوالات حضرت رقیه (سلام الله) الهی شام ویراندا گُل گُلزاری دفن ایتدیم قرا معجرله اول دُخت شه ابراری دفن ایتدیم بالام لای لای بالام لای لای رقیّم وای رقیّم وای باجون زینب ابوالفضلیم فراقونده یانار آغلار اونا بو شهر غربتده یانار دیلدن عزا ساخلار گوزوم اشک عزا توکدی عزاداریم قرا باغلار سنون عشقونده بیمارم گل گُلزاری دفن ایتدیم جفای ساربان گوردی منیم تک باغریقان اولدی گل گلزاری آل الله حسین جان نیمه جان اولدی سنون رأسون گورن وقته رقیّم ناتوان اولدی بیله فکر ایلدیم قارداش عزیزه یاری دفن ایتدیم قرا گوزلر آخان وقته یوزون قویموشدی دیواره باجوون هجرونده اودلاندی الینده قالمادی چاره سنون تک یا حسین حسرت باخوردوم منده قیزلاره خرابه گوشه‌سینده من گل بی خاری دفن ایتدیم ستارم آخدی من باخدیم دل ویراندا آی قارداش نوالی کاروانیله رقیّم ده گلیدی کاش رضائی آغلیور دائم توکور چوخ دیده دن گوزیاش زبانحال ایدوب نوحه قالان آثاری دفن ایتدیم مرحوم غمکش