بسم الله الرحمن الرحیم روضه خانم ام البنین س تا علینین ائوینه گلدی گلین ام البنین زینبین آلدی اله خیردا الین ام البنین قاپیدان وارد اولدی ام البنین علینین ائوینه گوردی الله بالالار ال اله وئردیلر قاپیدان وارد اولجایین زینب آغلادی سیز آغلیان کیمین زینب آغلادی آخی قیزین دردی اولاندا ننه نی چاغیرار...آی ننه آی گلین ئولن ننه .. آی اوزی گولمین ننه... آی بالالاریننان دویمیان ننه... ام البنین قاپیدان وارد اولجاغین گوردی زینب آغلی ...نیلدی....باخدی اشک لبالب گوزینه ئوپدی زینبین اللرین اییلدی قویدی گوزینه.... ادبه باخ خانمدا ..اله بونان ابوالفضل اولاردا... ددی زینب آغلاما باشوا دولانیم.... ننه لیک گلممیشم ....کنیز گلمیشم بو ائوه ددی زینب ایکی دلیله اللرونن ئوپرم ئولونجخ ده ئوپدی الینن بیری بودی زینب سن ...زین اب یعنی زینت پدر ایکیمجی تاپدی بو ال ددی ال چاره سینی باغلادی فاطمه نین یاره سینی خانم ام البنینین طوی لباسی اینینده بالالار دایانیب ،علی دایانیب، گوردولر فاطمه حیطی سورونی هانسی گلین طوی لباسین توزا تپراقه بلر؟ علی آغلادی ...دورد بالاسی آغلادی..😭😭 الله اکبر نیه خانم سوروندی حیاطی ام البنین قویموشدی هارا زهرا ایاقین قویدی ددی جان زهرا ... ایاخلاروون ردینه قربان زهرا .... هله بوردا آغلیاجاخسان هاراسیدی... هامینی غرق الدی گوزریاشینا هامینی قویدی قیراقا طوی گئجه سی دولاندی حسین نین باشینا ددی ای فاطمه نین جانی ،حیدرین عطریلی ریحانی حسین ...آند اولا قانه بویانمیش قاپیا زینب الی باشیندا دایانمیش قاپیا.... حسین مهرووی قلب ائویمه مهد ائدرم طوی گئجه م دی بالا قاپی آغزیندا الله هینان عهد ائدرم نمنه عهد الدی بو ابوالفضل ننه سی ... ددی حسین خدمتیم اولسا حضورونده قبول ...حسین اگر کنیزچیلیغیمی قبول السون... منه الله نقدر ورسه اوغول ..اولاری عشقوله سامان وئرم آند اولا گلین ئولن ننوه ...نچه اوغلوم اولا.... سنه قربان وئرم ... اوجورده اولدی خانم عهدینه وفا الدی هامی بیلی ..کاروان آماده اولوب گئدیلر کرب و بلایه . خانم ام البنین گلدی بالالارین چاغیردی ..ابوالفضل ، عون ،فضل ، جعفر ..دورون قارداشوز آماده دی کربلایه . ابوالفضل علمی آلدی الینه ...قارداش لارینان دولاندیلار حسین نین باشینا ام البنین حسینین الینن ئوپدی ... مسافر یولاسالیلار دا ...مسافرین ئوزونن ئوپلر ...گوزونن ئوپلر...دالیجان سو آتالار ... قرآن توتالار... حسین نین ننه سی یوخدی یولا سالا آی سرباز یولا سالانلار .... ام البنین قرآنی توتدی حسین نین باشینین اوسته ...سو آتدی دالیسورا ئوپدی اللرینن آقامین ...ابوالفضل دایانیب دورد قارداشینان ...ام البنین اول امام حسین نین الینن ، ئورزونن ئوپدی ...اونان زینبین اللینن ، ئوزونن ام گلثومون .امام حسنین بالالارینین ... ... تمام گئدنلرین الینن ئوزونن ... گوردی دورد بالاسی بوینی چیگنینده باخیلار ....ابوالفضل ددی ننه به بیزدن نیه خداحافظی المیسن... آی ادبلی ننه ددی بالا حسین نین ننه سی یوخدی .. زینبین ننه سی یوخدی بالا سیزون اوزوزدن ئوپسم اولارین ننه سی یادینا دوشر آی بالا .... ابوالفضل نینک بالا .... ابر بهاران کیمین دولوخ ...نینک بالا کربلادن گلرسن ننه بالا قول بویون اولوخ آی بالا😭😭 ددی الله کاروانیم لنگ اولدی حجازه گلمدی سردیم عباسین جانمازین نمازه گلمدی ددی الله نینیم الله دورد اوغول دان بیر جنازه گلمدی سولدی چمنیم سینه سی سوزانم الهی دورد اوغلوم ئولوب حالی پریشانم الهی خانم جان وئری دنیا گوزی گورمز او جوان لاری دوباره دویمازیدی ابوالفضله باخان هر نقدر ائتسیدی نظاره اولسون اورگیم جعفریله ، فضلیمه قربان . یوخ یوخ هامیسی قولسوز ابوالفضلیمه قربان ... ابوالفضل هر بیر ننه فکر ایلیورم ایستر ئولنده اوغلانلاری تابوتینن یاپیشا قبره گئدنده هامی ننه دیر الله ئولنده اوغلوم چیگنینده گئدیدیم تشییع اولا خوار اولمیا تابوتی گئدنده ددی آلله.... من هش دئمورم کرب و بلادن گلن اولسون .... ام البنین جان وئری اللری اورگینین باشیندا ...ددی الله ...من هش دئمورم کرب و بلادن گلن اولسون ... ای کاش منه او ابوالفضلین قانلی علمینن کفن اولسون التماس دعا 1403/5/9 ماه محرم الحرام 🌴🌴🌴🌴🌴🌴🌴🌴

مناجات_با_امام_زمان واحد: به سبک: برمشامم میرسدهرلحظه بوی کربلا...👇👇😢😢😢 پا به پای تو دویدم از نجف تا کربلا.... ناله هایت را شنیدم از نجف تا کربلا ... لحظه ای غافل نبودم زائرِ قبرِ حسین ... هر کجا ماندی..رسیدم از نجف تا کربلا روضه خواندی من شدم پامنبری و گریه کن مثلِ یک اشکی چکیدم از نجف تا کربلا خستگی های تو را زیر نظر آوردم و.. من خودم نازت کشیدم از نجف تا کربلا امر کردم تا که موکب ها به یاریت رسند .. تاولِ پا را خریدم ..از نجف تا کربلا .. من امامِ آخرینت مهدی ام ..تکیه گهم.. پای غمهایت خمیدم از نجف تا کربلا عهد و پیمان تازه کن با صاحبت تا فرصت ست من خودم کوهِ امیدم از نجف تا کربلا 🔸

(نوحه امام سجاد ع) محرم ۱۴۰۳/دهه سوم چارمین نور خدا جان ختم الانبیا تو گل گلزار،ولایتی مولی سر تا قدم لطف و،عنایتی مولی یا حضرت سجاد۲ ای شهید راه دین از ستم با زهر کین از کینه ی دشمن،از نفس افتادی به راه دین حق،مولی تو جان دادی یا حضرت سجاد۲ شد مدینه در عزا بزم غم گشته به پا از ستم دشمن،مولی تو خاموشی با دست باقر تو،مولی کفن پوشی یا حضرت سجاد۲ دیده ای رنج و بلا در زمین کربلا غرق به خون دیدی،مولی علی اکبر از ظلم دشمن ها،صد پاره شد پیکر یا حضرت سجاد۲ روی دستان حسین دیده ای نور دو عین با کام عطشانش،دیدی علی اصغر زد حرمله با تیر،بریده شد حنجر یا حضرت سجاد۲ دیده ای در علقمه نور چشم فاطمه دیدی عمو عباس،دستش جدا گردید در راه دین حق،جانش فدا گردید یا حضرت سجاد۲ دیده ای تنها شده خونجگر بابا شده از خیمه ی طفلان،با دیده ی گریان دیدی تن خونین،افتاده در میدان یا حضرت سجاد۲ قلب تو زین غم شکست بر روی سینه نشست با این که شمر دون،غربت بابا دید با خنجر از کینه،رأس پدر ببرید یا حضرت سجاد۲ دیده ای شام بلا بدتر از کرب و بلا از کینه ی دشمن،خون شد دلت در شام اهل حرم را با،سنگ می زدند از بام یا حضرت سجاد۲ این شده بر تو عذاب دیده ای بزم شراب بابا به تشت زر،دم زد ز محبوبش بر لب و دندانش،می زد یزید چوبش یا حضرت سجاد۲ سبک_با_نوای_کاروان ۷مرداد

🏴#شهادت_امام_سجاد_علیه_السلام 🏴#نوحه ✍شاعر:اسماعیل تقوایی زهر کین زده شرر، بر جان وبه پیکرم، ای وای، ای وای باقرم بیا ببین، آمده چه بر سرم، ای وای ای وای یادگار کربلایم، می روم سوی خدایم من علی بن الحسین، من علی بن الحسینم۲ ▪️▪️▪️▪️▪️▪️▪️▪️▪️ تا پایان عمر خود، با یاد کرببلا، گریان بودم بهر تشنه کامیِ، بابای غریب خود، نالان بودم پدرم تشنه فدا شد، سر او زتن جدا شد من علی بن..... ▪️▪️▪️▪️▪️▪️▪️▪️▪️ در کرببلا شدم، بیمار وبه بستر، خود افتادم زار وناتوان شدن، جز اشک دیده نکرد، استمدادم چیده شد گلهای زهرا، غرق خون گردید صحرا من علی بن... ▪️▪️▪️▪️▪️▪️▪️▪️▪️ دستان عموی من، شد از پیکرش جدا، تشنه جان داد پیکر برادرم، ارباًاربا شده و، بر خاک افتاد پدرم شد زار وتنها، عمه شد مادر غمها من علی بن.... ▪️▪️▪️▪️▪️▪️▪️▪️▪️ ای وای از جسارت و، سختی اسارت، الشام الشام کوچه گردانی ما، در اوج قصاوت، الشام الشام خواهرم آنجا فدا شد،کودکان را مقتدا شد من علی بن...

نوحه طاهر قلندری خطبه امام سجاد

خطبه حضرت امام سجاد علیه السلام در مسجد شام(خطبه دوم) ایها الناس، اولون مطلبه آگاه بیلین بیزه بذل ایلیوب آلتی صفت الله بیلین یئتدی نعمتله ویروب مرتبه و جاه بیلین ارثدور جود و فصاحتله شهادت بیزده واردی اخلاق و عبادتله شجاعت بیزده قلب مومن‌ده اولان مهر سزاوار بیزیم انبیاء زمره‌سینه سید و سالار بیزیم خلقتون مفخری پیغمبر مختار بیزیم حافظ قلعه‌ دین حیدر کرار بیزیم حضرت حمزه بیزیم، جعفر طیار بیزیم لیل اسرا ملکوته گئده‌نین اوغلی منم ساحت اقدسه معراج ائدنوناوغلی منم قاب قوسینفتدلا گوره نون اوغلی منم اوکی گویلرده ائدیب راز و نیاز اوغلی منم قبله‌تینه اوکی ائیلیبدی نماز اوغلی منم زمز‌مون اوغلی منم، مکه منا اوغلی منم مشعرین اوغلی منم، مروه صفا اوغلی منم عرفات اوغلی منم، غار حرا اوغلی منم مسند عدلیده داد ایلیون اوغلی منم ایکی نیز‌یله جهاد ایلینون اوغلی منم گلشن کربوبلاده سولانون اوغلی منم لخته لخته گوزونه قان دولانون اوغلی منم قانلی باشی دالیدان ذبح اولانون اوغلی منم سویولوب کوینگی عریان قالانون اوغلی منم پیکری خاکیله یکسان اولانوین اوغلی منم تانیون سیز منی مظلوم آتانون اوغلی منم باش وئریب محضره حقه چاتانون اوغلی منم قیزلاری چولده هراسان یاتانون اوغلی منم نیزه لر اوسته باشی داشلانانون اوغلی منم ئولمه میش تعزیه‌سی باشلانون اوغلی منم خارجی آدیله مظلوم ئوله‌نون اوغلی منم ئوزی مهمان سوسوز جان وئره‌نون اوغلی منم اوزوگی بارماقی الده گئده‌نون اوغلی منم ساربان اللرینه ال تاپانون اوغلی منم سینه‌سی اوسته قوشون آت چاپانون اوغلی منم ختم پیغمبره سیز ساخلامادوز ذره حریم بیر اوچوق یرده یاتیب ایندی نوامیس حریم غصه د‌ن زلفون آغاردوب قوجالیب عمه‌لریم طلقا‌زاده بیزی ایسته‌مور آزاد ائله سین غیر‌ت و دینی اولانلار بیزه ایمداد ائله سین حضرتون خطبه سی حضاره گتوردی هیجان اعتراض ایلدی شام اهلی یزیده اوجادان اوزنا زاده اولوب عاقبتیندن نگران ابن مرجانه دیدی ایتدی سیزه بیدادی قصر خضرایه ئوزیله آپاروب سجادی معذرت ایستدی حضرتدن او نامرد و دغا گتوروب قویدی حضور شهه بیر کیسه طلا دیدی بو سکه لری قانلاروزه ایله بها ضمنا هر خواهشون اولسا منه خدمتده وارام شامده قالسوز اگر یاخشی عمارت آلارام دیدی سجاد گوتور بو قیزیلی ایله حیا گر یرون تپراقی داشلری اولا مغز طلا اکبرون فکر ایلمه کاکلینه قیمت اولا خون بها سندن ئوزی حشریده خونخواه آلاجاق قیمتی چوخدی آخان قانلارین الله آلاجاق اوچ تمنا ایدورم بسدی قبول ایتسون اگر آتامون قانلی باشون ویر اَوَل ای فتنه سیر قانلی لبلردن ایدوم بوسه توکوم اشک بصر ایکیمینجی بیزه لازمدی لباس شهدا وطنه الده گرک تحفه آپارسون اسرا اذن ویر بیرده شهیدانه قوراق بزم عزا قیلسون آزاد خانم عمّه لریم آه و نوا اوّلین خواهشی ردّ ایتدی رئیس طلقا دوّم و سوّمینی ایلدی ناچار قبول قصره گلسون دئدی یاس دوتماقا اولاد رسول سویدوروب بیر اطاقین پرده سینی زینتینی قاره چکدیردی عزاخانه ایدوب صورتینی هنده آلدی نظره یاسلیلارون حرمتینی قصریده کیم واریدی بیر بیر ایدوب اهل عزا ئوزیده قاره گیوب سالدی کنیزلرده قرا وقت اولوب اهل حرم قصره گلوب داخل اولا زینبی گوردیله حیران باخوری صاق و صولا گیدروک کاش رقیمده دیدی بیزلن اولا بالامون دردی یانان قلبیمی بی جا سیخمور خیرداجا قبرینون عشقی ئورگیمدن چخمور زینبی دوره لدی عترت سلطان نجف ترک ویرانه ایدوب قویدیلا یوز قبره طرف هاموسی گوز یاشی گوزده هاموسی دلده اسف هنده پیشوازه چخوب آچدی محبت علمین یوزی اوسته یخیلوب زینبون اوپدی قدمین خوش گلوبسن بو ایوی ایله عزاخانه خانم هئچ برازنده دگولدی سنه ویرانه خانم من کنیزم سنه فرض ایلمه بیگانه خانم هنده نون گوزلری قربان اولا بو گوز یاشوا بویور اگلش سنه قربان دولانوم من باشوا قسمت اولمادی گورم حیف اولا دلبر قیزوی ئوزی زیبا سوزی شیرین و سخنور قیزوی آقامون گوزلرینه گوزلری بنذر قیزوی گلون ایندی هامومیز عهد و وفا باغلاشاقون ویره گون باش باشا ایوده او قیزا آغلاشاقون اطاقا چکدیله زینب یادا سالدی وطنین سوزش غصه قیزیشدیردی او یورقون بدنین دیدی هنده گتورون قارداشیمون پیرهنین ویرمه سوز کوینگی بو قصریده طوفان ایدرم نیلورم مسکنی ویرانیه دورّام گیدرم گتدیلر پیرهنی ایتدی تبرک گوزونه اوپدی اوخلار یرینی چکدی سارالمیش یوزونه صورادان الده دوتوب منظره ایتدی ئوزونه سسلنوبدی آنا زهرا سوزووه ائتدیم عمل آلمیشام یوسفوون کوینگینی باخماقا گل مرحوم انور اردبیلی

خطبه حضرت امام سجاد (ع) در مسجد شام یازدی قانیله حسین مکتب قرآن یاشاسین بوغازیندان توکولوب قان دیدی ایمان یاشاسین عزتیله گرک آزاده مسلمان یاشاسین ذلتیله یاشیان ملتی تقبیح ایلیون طرد ایدون ظالمی اللهوزی تسبیح ایلیون مرد اودور حق دانیشوب حق سوزی اوسته دایانا ئوزی ئوز معنوی فرهنگینه دلدن اینانا گیتمیه باد حوادثده بویاندان اویانا تیکمیه مرتبه و منصب دنیایه گوزون ساتمیا اهل زر و زوریله تزویره گوزون لعنت اولسون او کسه مردمی دلگیر ایلیور رنگدن رنگه دوشور باطله تدبیر ایلیور بیر گونی روبه اولور بیر گون ئوزون شیر ایلیور شیعۀ مخلص اودور رنگ و ریانی ئوتوره قدمین محض رضای حق یکتا گوتوره کیم ایدوب خط حسین ابن علیده حرکت سفرۀ عزت و اجلالی اولوب پر برکت آری ایثار و شهادتده دی مَجد و برکت روح ایثارگری اولماسا هر کیمده عَلَن زندگیده چخوب حتماً حسین خطّیندن کیم حسینی ئوزونه نهضتی رهبر تانیور سرخ منشورینی دیلده ایدوب ازبر تانیور تانماز آیری یری مسجد و منبر تانیور مرض روحه دوا مسجد و محرابیده وار قسم اللهه نه واردور عمل نابده وار دهم ماه عزا یوم بلا میر هدا مسجد و منبر و قرآنه ئوزون ایتدی فدا خیمه لر یاندی اسیر اولدی حریم نجبا روح تضمین و بقا مکتب قرآن تاپدی اسرای علوی شامده اسکان تاپدی شام ویرانه سی یعنی بیر اوچوق کهنه حصار عترت فاطمیه حائل اولوب دورد دیوار گوندوز ایستی گئجه سرما اولارا وردی فشار سار گول لرده اثر قویدی هوای متضاد چخادوبدور دریدن چهره لری خاکیله باد صبح لر سرد نسیمیله دولان وقته هوا جذب ایدوردی سویوقی سینۀ ویرانه سرا تاب ایدنمزدی دوراردی یوخوسوندان اسرا جسملر گول کیمی تیترردی سویوق اولدوقونا سیخلاردی بالالار بیر بیرینون قولتوقونا اولماسا سقفی ایوون گون ایلیور فوری هدف ایستیه دوزمزیدی عترت سلطان نجف ظهر اولاندا چکیلردی هامی دیواره طرف اسرانون ایوی جان بخش هوادن بوشیدی بالا قیزلارون او مأواده چوخی ناخوشیدی محبس درد و بلا فاقد آسایشیدی خاک مرطوب اولارا بستر و هم بالشیدی تارِ گیسولره جوّین توزی آرایشیدی نقش غم دوشموشیدی گوزلرینه قاشلارینا بولوط آغلاردی توکردی یاغیشی باشلارینا ایسلانان وقته لباسی عوض ایلولّه بلی اسرایه یوخودی آیری لباس اوردا ولی سویموشیدی حرم طاهره نی ظلمون اَلی بیر قبائیله کیم اولسا یاغیش آرامین آلار فکریوی قاضی ایله گور نه چکوبدی بالالار راوی نقل ایلوری نزدیکی ویرانه سرا روبرو گلدیم نه سبط نبی زین العبا نئجه صبح ایلیوسن شامده عرض ایتدوم آقا بوتۀ غصه ده تحلیله گیدوبدور بدنون رمز محنت گورونور غملی جمالونده سنون سائله ردّ جواب ایتدی بو طرزیله امام روزگاری بیزه چوخ تنگ ایلیوب میر ظلام کاش ای شیخ منی دهرده دوغمیدی آنام نئجه صبح ایلر اولان حاکم جباره اسیر گئجه نون مثلی گورر گوندوزونی قاره اسیر بیز گرفتار یزید اولموشوق ای مرد اصیل نئجه فرعونه دچار اولدی بنی اسرائیل نوجوانلاریمیزی ایلدی لب تشنه قتیل رحم یوخ ذره بو بی عاطفه و ناکسده فکری وار دور بو قالانلاردا ئوله محبسده چالشور دام مصیبتده نوامیس خدا قوجالوب عمّه لریم بسکه یوروب دام بلا بعضی موقع گورورم چاتمور اوشاقلاره غذا زندگی عترت اطاره اولوب زجر و فشار باجیلاریملا باخان وقت ده قلبیم آلشار بیر باجیم واردی چوخ ایستکلیدی اهل حرمه یوروب آهن قفسی سالمش اونی پیچ و خمه طاقتی طوطی شکّر شکنون یوخدی غمه آغلاماقیله کچور هر شب و هر روزی اونون یاندرور قلبیمیزی نغمۀ جانسوزی اونون دانشوردی منیله راوی دیور زین العبا بیر خانم حضرت سجادی گلوب ایتدی ندا دشمنون چوخدی اماندی اوزاقا گیتمه بالا طاقتون وار نه بدنده نه الونده کَسَرون سنی امّید بولور باجیلارون عمه لرون ایستدی آیریلا حضرت دیدیم ای بی کس امام سیز ایله قالاملی سوز محبس ویراندا مُدام ایش بو منوالیده قالسا اگر ای میر اَنام ئولدورر زجر چکن قیزلاری مُهلک زندان کول منیم باشیمه ویرانه اولور قبرستان دیدی سجاد اونا شاملدی بیزه لطف ازل متجاوز هر عمل ایلسه وار عکس العمل هندون اوغلون ایده جک قهر خدا مستأصل من وکیل شهدایم سوزومه با خبر اول شامی تسخیر ایدرم منبره گیتسم بیر یول الغرض جمعه گونی مسجده قیلدی حرکت یتشوب مقصدینه مقدم یُمن و برکت مسجده ویردی او سیمای الهی عظمت عرفا قبله سی بی مونس و یار اگلشدی اوز یرینده ایله بیل کوه وقار اگلشدی منبرون اوسته صعود ایتدی خطیب اموی مدح ایدوب قان توکنی ایلدی سبِّ علوی یردن اخطار ایلدی ساجدِ آل نبوی گوروم آغزون سنا بیراهه یولا گتمه خطیب خلقه خاطر غضب خالقی اخذ ایتمه خطیب صورا اذن آلدی ایدوب عرشۀ منبرده قرار ساحت حقه ایدوب گوهر تقدیس نثار بعد تجلیل ایلدی جدّن او پاکیزه تبار خطبه ختم اولدی مخاطب ایلدی حُضّاری گوستروب ملته آیینه کیمی اسراری

شامون اهلی تانومورسوز منی الان تانیون مرز ایمانه منم یاخشی نگهبان تانیون دگولم خارجی واللهی مسلمان تانیون واقف مسئله مجلس رازم تانیون شهر یثرب وطنیم اهل حجازم تانیون نقطه دایره صوم و صلاتم تانیون لنگر و قائمۀ فلک نجاتم تانیون تشنه معرفته آب حیاتم تانیون دولت اعظم قرآنه سفیرم تانیون شیر خصلت ولی روباهه اسیرم تانیون خلقتون جوهره سی گوهر نایابی منم شجر طیبه نون میوۀ شادابی منم گجه لر زینت ایدن قبلۀ محرابی منم حامی سالک دین هادی منهاج منم نوۀ پاکدل صاحب معراج منم عزت احمد مختاریمیزه فخر ایدورم قدرت حیدر کراریمیزه فخر ایدورم همت جعفر طیاریمیزه فخر ایدورم صاحبان صدقات و صلمه فخر ایدورم مرد شمشیر و عمل سلسلمه فخر ایدورم تانیمورسوز منی سیز بیت خدا یاخشی تانور حجر الاسود و زمزمله صفا یاخشی تانور جَبَل الرحمه و مشعرله منا یاخشی تانور ایها الشام بشیر البشرون اوغلی منم صاحب معجز شق القمرون اوغلی منم سیّدم هاشمیم خسته تنم در به درم قفس غصّه ده چون طایر آشفته پرم اموی دولتینه شامیده اما خطرم منطق بت شکنیم رمز فتوحاتیمدور کنج ویرانه ستاد عملیاتیمدور ویرمیوب فرصت صحبت منه دشمن دانشوم ذی حقم جمعه نمازینده گرک من دانشوم گتمیشم منبره قوی مطلبی روشن دانشوم جده سی ضربت مسمار و دریله ئولَنَم گئجه غسلی ویریلن فاطمه نون اوغلی منم سجده ده باشینی قاتل کسنون اوغلی منم گون قباقینده قالان بی کفنون اوغلی منم آت قباقینده که عریان بدنون اوغلی منم خیمه سی آتش ظلمه یانانون اوغلی منم الی اوسته بالاسی اوخلانانون اوغلی منم سینه سین اوخلارا آماج ایدنون اوغلی منم خیمه سین ظلم الی تاراج ایدنون اوغلی منم رفرفِ نیزده ده معراج ایدنون اوغلی منم ضربت داشلارا تمکین ایدنون اوغلی منم حاکموز باشنه توحید ایدنون اوغلی منم سیر ایدن چوللری زنجیر جفا قولدا منم دولانان قانلی لاری ساقدا و یا صولدا منم وورولان عمه لری باجی لاری یولدا منم او که بو شهریده آواره دولاندی او منم توکدوز اوت باشینه عمامه سی یاندی او منم خفقان سندی یزید اولدی بو سوزدن نگران قیلدی اظهار موذن اوتوما باشلا اذان کلمه اعظم تکبیر اولان وقته بیان دیدی تأویلینی فوراً اسد الله اوغلی حقه آگاه حسینون دلی آگاه اوغلی کلمۀ طیبه نی ایتدی موذن ایفا اشهدُ انَّ محمد ایلین وقته ادا یوزونی دوتدی یزیده بویوروب زین العبا بو موذّن دییَن آد مفخر بی حدیمدور وار سنه نسبتی یا اینکه منیم جدیمدور ناگهان دوردی شبستانیده زینب ایاقا یوز دوتوب مسجده سسلندی او فرخنده لقا دانش عمون اولا قربان دانشان دیل دوداقا دینمسون قارداشمون قاتلی مقصوده چاتار جدیمه اوخشار علی اکبریمون قانی باتار من شبستانیده دلدن چاغوروم اللهی شامون عورتلرینه بذل ایلیوم آگاهی سنده اول منبرون اوسته شهدا خونخواهی ملته ظالم و مظلوم گرک بَلَّنسون تختدن حاکم جبار گرکدور اَنسون عصر طاغوتینه ویر قهریله اخطار شدید بویور اول ظالم و خمّاره که ای مرد پلید آل اطهاره الوندن گَلَنی ایله یزید مرتضی قیزلارینی ساخلا هله بی معجر او قرا ساچلارون آهی سنی نابود ایلر نطق پر شورینی ختمه یتوروب زین العبا گلدی ویرانیه دلبند رئیس شهدا ایتدی تجلیل اونی نائبۀ خیر نسا علی شام اهلینی مبهوت ایدوبسن سوزووه یورولوبسان هَلَه اگلش بی بی قربان گوزووه قلبدن شادم علی باخما منیم گوز یاشیما یاخشی خدمت ایلدون الده ئولن قارداشیما اذن ویر فوج اسیرانی یغوم من باشیما نذر عشقی ایلیوب عمّۀ شوریده سرون بیر دولانسون باشووا باجیلارون عمه لرون (( انورا )) مدح برازندۀ سجاد ایتدون عدلی تعریف ایلیوب نفی ستبداد ایتدون سوزه پیرایه ویروب منظره ایجاد ایتدون اُدبا زمره سینون خوشدی یری مجلسده حیف اولا ( یحیوی نون ) بوشدی یری مجلسده مرحوم انور اردبیلی

خطبه امام سجاد(ع) مجلس یزید -(قورموشدیلا بیر بزم ملوکانه یزیده) قورموشدیلا بیر بزم ملوکانه یزیده ایتمیشدیله بیر مسجدی میخانه یزیده چوب الده حسین باشی او شومین قباقیندا ویرماق نظری واریدی قانلی دوداقیندا مستیدی خماریدی سوز آغزیندا آزیردی هر نه دانشیردی اونی کاتب ده یازیردی القصه اونین ایسته دیگی حاصله گلدی دوردی ایاقا قولاری باغلی دیله گلدی سجاد آقا فرمایشینی ایتدی یزیده تأثیر ایلیبدور سوزی اول شوم پلیده امرین یتروب اول شرر الناسه او حضرت بیر نچه دقیقه دیدی سن ور منه فرصت اذن آلدی ایاقین قویا بیر منبره سجاد صلوات و سلام ایلدی پیغمبره سجاد ایام گتورمیشدی او بیچاره نی درده گوز یاشی روانیدی فقط عارض زرده ایتمیشدی اونی کرب و بلانین غمی خسته صبرین گوجونه چخدی ولی منبرین اوسته بیر خطبهٔ برّا دیدی اول کان شجاعت حیران و خمار اولدی او گفتاره جماعت منطقله سوزین باشلادی حسب و نسبیندن هیچ گونه کنار اولمادی اصلا ادبیندن اوّل دیدی من باقیهٔ کرب و بلایم هم سرمد و سر خیل بو فوج اسرایم اول باشه یزید ایندی اوزوم نور دو عینم سجادم و مظلوم علی بن حسینم زهرا که منیم مام کباریمدی حیا ایت زیبا آدی آغزیمدا شعاریمدی حیا ایت جدیمدی محمد منه مفخر گوزل آدی الله اونی گوندردی مسلمانلارا هادی قرآنی او مولا گتروب آیه به آیه جبریل اونا خادم دی ولیکن بیزه دایه اول سرور ایجاد بیزه میر حرم دی هر خلق دن افضل دی اوزی کام کرم دی انصاف ایله سوز گر اونا ذریه منم من گیت ممکنی اولسا اوز آتاندان خبر آل سن قرآن مبین عرش خدادن بیزه گلدی آیا دیگوروم سن اونا کیم سن بیزه گلدی منبردن انوب گلدی اشاقه شرف الناس سسلندی حرم لر هامی یا حضرت عباس تأثیر ایدوب اول ناکسه فرمایش بیمار مخلوقین ایچینده اوزینی ایلمه سین خار اوچ گون دیدی قصریمده عزادار اولاجاق سوز تسکین وروب بیر بیره دلدار اولاجاق ایتدوز منی بو غصلی جریانه پریشان جانیم بو حسینیم یارالی جانینه قربان لعن ایلسین الله گوروم ابن زیاده بی شرم و حیا سالمادی اللهینی یاده الدوردی ذلیلانه حسین بن علی نی خاموش ایلدی ظلمیله نور ازلی نی عفو ایله منی سوئله دی بیمار امامه آگاه دگیلدوم که گتیردوم سیزی شامه هرچند حسین قانینه مولا عوض اولماز هر قطره سینه مین دانا دریا عوض اولماز تقدیم ایدورم من سیزه مقدار طلانی فکر ایلمیون صفحهٔ دلدن سیله قانی دستور وروب گتدیله هر غارت اساسین سویموشدیلا هر بیر اُلنین قانلی لباسین بیردن قولاقا وای بالا یاندیم سسی گلدی لیلایه علی اکبرین عمامه سی گلدی آغلاشما دوشوب هامی نین احوالینی قاتدی اول زینبه ده قارداشینین کوینگی چاتدی بیر خرداجا اود دوشدی دل شیخ له شابه گستردیله قونداقی ده بیچاره ربابه بیر قانلی عَلَم گلدی دیریلدی شرف الناس زینب دیدی قارداش گوروم اُلسین باجون عباس غم قافله سین کافر دوران یولا سالدی اهل حرمین باغرین ایدوب قان یولا سالدی دستور وروب قافله دن دوتدولار آمار گوردیله ولیکن بیری کم گلدی قالان وار دوردی ایاقا غصه لرین همدمی زینب آلدی الینه قانه باتان پرچمی زینب یول باشلادی تز منزل ویرانیه گلدی گلدی ولی بولمم نجه اول هانیه گلدی گوردی دانشور فاطمهٔ ثانیه آغلور اوز اشکینی رخسارینه جیحون کیمی باغلور تز تز دیور ای باجی آماندی بیله یاتما اهل حرم آخر نگراندی بیله یاتما غم قافله سی یثربه یولاندی رقیه دور منله گیداخ قلبمیز اودلاندی رقیه سنسیز وطنه من نجه رجعت ایدوم آخر نیلوم که اسور گلمور ایاقیم گیدوم آخر دور منله گیداخ یثربه دور یاتما رقیه قربانون اولوم دور منی آغلاتما رقیه ویرانه ده بو درد و ملالون منه بسدی جبراً داغلان جاه و جلالون منه بسدی از بس که خانم ایتدی فغان آغلادی یاندی فریاد دلی عرش معلایه دایاندی اهل حرمه قافله سالاریدی زینب عصرینده بلی رونق بازاریدی زینب حامی دی غرض عترت پیغمبر دینه عباس علمدار علمین آلدی الینه دوشدی قباقا دالدا نظامیله حرملر هر تک تکی اما یورولان آهویه بنزر اولموشدی حسین آدی اونون دلده شعاری اَگدی یولونی کرب و بلا سمتینه ساری اگلشدی یره بولمدیلر نیلدی زینب قارداشینه قوزاندی سلام ایلدی زینب عرض ایتدی حسینیم منه غم تیری دگوبدی شامین سفری قدیمی بیر یوللوق اگوبدی قان آغلور "امینی" یازان عنوانینه قارداش اجرت ور اونون غصه لی دیوانینه قارداش شاعر: حاج رسول امینیان امینی خویی

خطبه امام سجّاد (علیه السّلام) در مجلس یزید دولاندیروبدی یزیده یوزون دوباره امام بویوردی ای قویان آدین خلیفه اسلام بیر آز زمان من بیماره ویرگلن رخصت چخوم بو تخته لر اوستنده ایلیوم صحبت دیوم او سوزلری کیم اوندا وار رضای خدا ایدوم او سوزلریله دین احمدی احیا یزید ویرمدی رخصت امام بیماره بولوردی ویرسه اجازه او شاه ابراره چخار او منبره انمز سلیل شیر خدا مگر ایدر هامی آل امیه نی رسوا یزیده ایتدیله اشیاخ شام چوخ اصرار که ای امیر بو بیر طفل دور اوزی بیمار اجازه ویرسن اگر چخسا منبره بو جوان سوزینی ایلیه بولمز بو کثرتیله بیان دوشر اشاقه یقینا اوزی خجالت اولار بیزه او حالی اونون مایه بشارت اولار یزیدی ایتدیله مجبور شامیان رذیل ویروب اجازه چخوب منبره امام علیل اوتوردی منبرین اوستنده حجت دادار امام حقیله حق مرکزینده دوتدی قرار امام باشلادی بیر خطبه چوخ فصیح و بلیغ گلوب تکلمه حق سوزلرین ایده تبلیغ باباسی حیدر کرار تک او افصح ناس ازل خدای جلیله ایدوبدی حمد و سپاس درود گوندروب اوز جدینه او فخر هدات علی فضایلنه ذکر ایدوب نچه آیات قیزشدی شیر خدا شیری مثل شیر دلیر اوزینه منتسب آیاتی ایلدی تفسیر او آیه لر که مدللدی آل طاهایه اولاردان ایلدی تفسیر بیر نچه آیه بویوردی حجت مطلق ایا گروه ظلم او کسلریکه تانوللار منی بلوله کیمم منی تانوموری اونلار که شرح ایدوم سوزومی دیوم کیمم اولارا تا تانوتدوروم اوزیمی منم که حجت برحق کردگارم من منم که عالم ایجاده افتخارم من خدای عالم و آدم او فرد بیهمتا بیز اهلبیته ایدوب آلتی خصلتی اعطا علوم و صبر و جوانمردی و فصاحتدور شجاعتیله گوگللرده کی محبتدور علاوه بیزلره لطفیله کردگار جلیل ویروبدی خلق آرا یدی خصالیله تفضیل او یدی زاد بودی بیزدندی احمد مختار فضیلتیم بودی بیزدندی حیدر کرار اولوبدی بیزلره منسوب حمزه شیر خدا بلون بو مطلبی بیزدندی جعفر طیار ویروب خدا اونا بیرجفت پر ملائکیله بهشتده طیران ایلور ایمدی لیل و نهار دیوم صریح که بیزدندی سبطی الرحمه بیزاهلبیتی سچوب جمله خلقدن دادار خدای خلق بیزه نازل ایلیوب قرآن بیزوق معادن وحی و شفیع روز شمار اوزیمی ایمدی تانیتدورام ای جماعت شام سیزه حسب نسبیمدن من ایلرم اظهار منم او کیمسه نون اوغلی که قطب اعظمدور او نقطه دور هامی عالم ولی اونا پرگار منم او کیمسه نون اوغلی که عقل اولدور اودور خلائقه مرسول قادر غفار منم او کیمسه نون اوغلی که ایلدی معراج مقام قربده حقیله باشلادی گفتار منم او کیمسه نون اوغلی که قاب قوسینه یتشدی اولدی همان یرده کاشف اسرار منم او کیمسه نون اوغلی ردا ایچنده زکات بغشلدی فقرایه او سید ابرار منم او کیمسه نون اوغلی گویون ملک لرینه امام اولدی - اونا ایتدی اقتدا احرار منم او کیمسه نون اوغلی که ذوالفقاریله او قدر جنگ ایدوب اسلامه گلدیلر کفار منم او کیمسه نون اوغلی بقدر طرف بصر شریک ویرمیوب اللهه اول حمیده شعار امام اوز حسبین بو دلیله آندوردی یتوردی تا بو یره مطلبی دولاندوردی منم بویوردی شهنشاه انبیا اوغلی منم ولی خدا شاه لافتی اوغلی شهنشه حرمینم سلیل آلعبا آتامدی مکه و زمزم اودور منا و صفا منیم بابامدی که گوگلرده آدی احمد دور نبی رحمت و یرده آدی محمد دور منیم آتامدی ایکی قبلیه نماز قیلان صمد پرست و صنم لردن احتراز قیلان منم او کیمسه نون اوغلی اودور شه حرمین بنای کفری یخان شهسوار بدر و حنین بابام رسول امم دور آتام ولی خدا آنامدی فاطمه گویلرده شهرتی زهرا منم او کیمسه نون اوغلی که سو کنارینده شهید اولدی سوسوز کربلا دیارینده منم او کیمسه نون اوغلی که غسلی قان اولدی یارالاروندان آخوب قانی مصرعی دولدی منم او کیمسه نون اوغلی جفائیله دونان اون ایکی ضربتیله کسدیلر باشون دالیدان منم او کیمسه نون اوغلی جهانه اود سالدی جنازه سی قوری یرلرده بیکفن قالدی منم او کیمسه نون اوغلی که گون قباقنده یارالی نعشی قالوب آتلارون ایاقنده منم او کیمسه نون اوغلی که فرقه عدوان سویوب لباسلرین پیکرین قویوب عریان منم او کیمسه نون اوغلی که خیمه سی یاندی عیالی قولقولا ای اهل شام باغلاندی منم او کیمسه نون اوغلی که الدی قارداشی دولاندی شهرلری نوک نیزه ده باشی منم او کیمسه نون اوغلی تمام انصاری یتوب شهادته قولسوز دوشوب علمداری منم او کیمسه نون اوغلی که وار بویوک حسبی آدی حسیندی باباسی محمد عربی منم او کیمسه نون اوغلی که دینینی داندوز عیالنی باش آچوخ شامده دولاندوردوز منم او کیمسه که الدن قراریمی آلدوز گوله گوله منه باخدوز تمام کف چالدوز منم او کس که منه شمر دستگیری دیدوز گیرنده شامه منه خارجی اسیری دیدوز منم که قامتیمی بار ظلمله بوکدوز

بو شهرده باشما گاه کول گه اود توکدوز اوقدر اوز حسبندن امام ایلدی یاد که مسجد اهلی گلوب شوره باشلادی فریاد یزید گوردی بویوک انقلاب اولدی عیان دیدی موذنه کس انقلابی باشلا اذان دوروب ایاقه موذن ازل دیدی تکبیر امام ایلدی تمجید خالقه تقدیر دینده اشهد ان لا اله الا الله دیدی امام که ویرم بو لفظه منده گواه اتیم قانیم سوموگوم تک به تک شهادت ایدر که یوخدی غیر خداوند کردگار دگر اوچومجی فصلین اذانون موذن ایتدی بیان محمد آدین ایشیتدی امام کون و مکان دونوب یزیده بویوردی امیر ملک حجاز دی بیر گوروم منه ای قاتل اذان و نماز اذانیده او محمد که ذکر اولور آدی منم اونون نوه سی یا که سنسن اولادی؟ سنون باباندی محمد و یا منیم جدیم؟ دیسن منیمدی واریمدی جوابوه ردیم منیم بابامدی دیسن کذبدور بو سوز ظاهر یالان دیمز مگر عالمده فاسق و فاجر منیم بابامدی اگر بو محمد عربی اسیر ایلموسن عترتین ندور سببی ویروبسن آل رسوله بیر ایله یرده سکون نه ایسیدن نه سویوقدان اولوللار اوردا مصون مرحوم استاد حسینی سعدی زمان