#شهادت_امام_حسن_مجتبی_ع #غریب_مدینه #بقیع «تا خاک لحد بستر وجه الحسن اولدی دنیاده حسینون سوزی ایوای حسن اولدی» یارب گینه غم باده سی جام دله دولدی گلزار محبت ده وفانین گولی سولدی زهرا ائوینه ناله و شیون سسی دولدی غم تیرینون آماجی امام حسن اولدی «دنیاده حسینون سوزی ایوای حسن اولدی» بیر آیری بلا بابی اولوب زینبه مفتوح هر کیمسه اونی درک ائده دلدن اولی مجروح گوردی جگرین قارداشینون طشتیده مطروح بیر ناله ائدوب غم دل سوزانینه دولدی «دنیاده حسینون سوزی ایوای حسن اولدی» عرض ائتدی باجون لبلریوون قانینه قربان قلبونده اولان شعله ی سوزانینه قربان آغلار بالاوین دیده ی گریانینه قربان اهل حرمون گوزیاشی دُرِّ ثمن اولدی «دنیاده حسینون سوزی ایوای حسن اولدی» سسلندی باجی آغلاما ائتمه بئله افغان یوخدور بولورم ایندی منیم دردیمه درمان وئر قارداشیما فوری خبر تا گلوب الان گورسون منیم احوالیمی عشقیم علن اولدی «دنیاده حسینون سوزی ایوای حسن اولدی» قارداشینی دیدار ایلیه قارداشی گلدی شاه شهدا یعنی حسین قارداشی گلدی بولدی شرر ظلمه یانوب قارداشی،گلدی مسموم جفا بند دل بوالحسن اولدی «دنیاده حسینون سوزی ایوای حسن اولدی» آلدی او شهین دوره سینی عترت اطهار شهر اهلی گلوب اولدولار آل اللهه غمخوار بو رسمیدی ماتم زده نین گویلون آلاللار عکس بو عمل کرب و بلا ده ندن اولدی «دنیاده حسینون سوزی ایوای حسن اولدی» درد اهلینه واضح دی ندور بو سوزه منظور گودال دوشور یادیمه ایلور منی معذور یوخ چاره گرکدور یازیلا تا اولا منشور آماج بلا تیری گل پنج تن اولدی «دنیاده حسینون سوزی ایوای حسن اولدی» شه گوردی گل عمری سولور برگ و بوداقدان اود قالخوری دیندیقجا خدا! تشنه دوداقدان سالموش اونی اکبر غمی بالمرَّه ایاقدان عرض ائتدی الهی دئمورم من سُووَن اولدی «شکر ایلیورم دلده خدا سن سُووَن اولدی» بداهه ✍دلجو #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

 نوحه امام حسن مجتبی (ع) (سبک : یا امام زمان شیعه ده احساسه باخ) ویر    خبر    زینبیم     داده    حسینم  گله لبلریمدن   آخان    زهریلی    قانی   سیله جگریم     یاندی گل                    قلبیم    اوتلاندی   گل یاحسین جان (۴) ئولورم   آی   باجی  داده  حسینی  چاغیر جگریم  دوغرانوب   اولدی  مصیبت  آغیر بیش یاشیندان  باجی باشیوه  غملر یاغیر جگریم     یاندی گل                    قلبیم    اوتلاندی   گل یاحسین جان (۴) آنامز     یوخ     باجی    ای   آناما      نایبه صبر    ایله    آغلاما  صبره   اولان   قایمه سنه    قربان   اولوم  عاقله  سن    عالمه جگریم     یاندی گل                    قلبیم    اوتلاندی   گل یاحسین جان (۴) گیت خبر  ویر باجی ئولدی حسن یاحسین باد محنت اسوب صولدی چمن یاحسین غسل  قیل سن اوزون  ایله کفن یاحسین جگریم     یاندی گل                    قلبیم    اوتلاندی   گل یاحسین جان (۴) قوی حسینیم    گله   باشلیا  تا   یاسیمی گوگلوم  ایستور گورم  قهرمان عباسیمی دی  آتان جان  ویرور  یاسه گله  قاسمی دی حسینیم    گله    باشلیا    تا  یاسیمی جگریم     یاندی گل                    قلبیم    اوتلاندی   گل یاحسین جان (۴) زهر دشمن   منیم   یاندوروب   اکبادیمی اوجادیب   گویلره   غصه لی    فریادیمی جعده   ایتدی   یتیم    ظلمیله    اولادیمی جگریم     یاندی گل                    قلبیم    اوتلاندی   گل یاحسین جان (۴) أسه  صرصر  يلی گلشنه تئز ؛ گل  صولار زهر    ایدیبدر   اثر   طاقتیم    الدن    آلار عدنیده   فاطمه     باشینه    قاره     سالار جگریم     یاندی گل                    قلبیم    اوتلاندی   گل یاحسین جان (۴) بالامی گیت  گتیر  قویما گیلان  آغلاسین قویما  هجران  غمی سینه سینی داغلاسین دی  حسینیم  اونی اوغلی کیمی ساخلاسین جگریم     یاندی گل                    قلبیم    اوتلاندی   گل یاحسین جان (۴) ** علیرضا  علوی #شهادت_امام_حسن_مجتبی_علیه_السلام #هفتم_صفر #بیست_هشتم_صفر

✔️شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان  جمالیوه  زینب  قربان گوزون آچ قویما  تیر مصیبتون بو  قلبی بولسون حسن بو نه حالتدی  قالموسان زینبون  ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب  بدنین « قربانین اولوم حسن » یاندیم یا فاطمه دِئمه  یاندی  قلبیم  سوزوه حسرتلی  باخما  زینبه ، زینب قربان گوزوه محنتونده  بو  بی کسی یاندیریب  یاخما حسن دردون گلسین منه ؛ بئله نیسگیلی  باخما حسن آلامیوی بیلم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من  گوزیاشیمی اَلِییم صبر ایله  بو  یانان  دلهَ  بلکه  چاره اِلِییم چون زینب  عادت  الیوب  وای  دیوب آغلاماقا چوخداندی اُورگنوب  باجون  یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » ✔️رامین محمد زاده(پریشان) #شهادت_امام_حسن_مجتبی_علیه_السلام #هفتم_صفر #بیست_هشتم_صفر

بسمه تعالی 🏴شب رحلت حضرت رسول اکرم صلی الله علیه وآله وسلم 🏴 بو گئجه اُمّت اسلامه اولوب لیلِ عزا مصطفی' فُرقَتینه ناله اِئدیر ارض وسما صبح آچیلسا آقامیز شیر خدا تک قالاجاق باشینا شال عزا حضرت زهرا سالاجاق واویلا _ واویلا یازهرا _ یازهرا مصطفانی بو گئجه دوره لییُوب آل عبا باشی اوستونده بولود تک دوتولوب شیر خدا مجتبا صاغدا دوروب ، صولدا امام الشّهدا ایاق آلتیندا دوروب ناله اِئدیر خیر نسا بُرج عزّتده اوفوله یئتیشوب شمس ضحی' دار عقبایه گِئدیر سیّد و میر دو سرا فاطمه چوخ نگراندیر ، دییُوری وا اَبتا سحر اولسا چکیلر ، جنّهُ الاعلایه قرا بیر زمان حاله گلوب حضرت زهرایه باخوب یاندیریب ختم نبی قلبینی بو غصّه یاخوب گوردی مرواری کیمی گُل یوزونه اشکی آخوب بیوروب فاطمه جان ، آغلاما چوخ اِئتمه نوا گَل اُتور فاطمه جان بیرجه قولاق وِئر سوزومه قویما غم تیشه وِئرا صبریوه فکر اِئت دُوزومه اوّلین شخص ، که مهمان گله جاقدیر ئوزومه بالا سنسن ، ولی اُمّت اِئدجاق جور و جفا اِئشیدنده بو سوءزی ، فاطمه گوتدی باشینی آغلاماقدان دایانوب سیلدی خانم گوز یاشینی اولدی تسلیم قضا ، عالَمین آتدی داشینی اُ قَدَر چکمه دی روحی اِئلییُوب عزم بقا باتدی خورشید نبوّت داخی تار اولدی هوا گِئتدی پیغمبر رحمت ، چکیلیب عرشه قرا شهر یثرب بویانوب ماتمه باشلاندی عزا انبیالر هاموسی اُردا گلوب آغلاماقا قوءپدی بیر شور و نوا محشر اولوب اوندا بپا آغلادی فاطمه نین ناله سینه ارض و سما خُلدیان جَنَّهُ الاعلاده ، قوروب بزم عزا مرتضا قلبینه ، حمله اِئلدی رنج و عَنا التماس دعا ✍مقصود ارفعی خسروشاهی #بیست_هشتم_صفر #شهادت_حضرت_رسول_اکرم

🏴احوالات امام حسن مجتبی(علیه السلام)خطاب به خواهرش زینب(سلام الله علیها)🏴 ✍اثرطبع؛؛کربلایی ودود آذرین خلخال 🎶سبک:اصغریم ای شیرین زبانیم... زینبیم یار و غمگساریم غملیدی دلده کی سرودیم جعده بیر ظلم ایدوبدی تزگل اود دوتوب خرمن وجودیم دور باجی غم چاقیمدا فریادیمه گل اود دوتوب یاندی جگریم دادیمه گل باجی یاندیم ... اولولاندیم۴ طشته باخ لخته لخته قاندی باشوه قاره باغلا زینب پارچالاندی جگر دایانما گل من زاره آغلا زینب گلشن عمریمی خزان ویردی باجی دشمنین کینه سی منی یوردی باجی باجی یاندیم ... اولولاندیم۴ ایش باجی گور هارا یتیشدی من غریب اولدیم اوز ایویمده محرمیم اولدی خصم جانیم ظلمیله سولدیم اوز ایویمده غم سوزین سویلمه حسین قارداشیما بیلمسین تا نلر گلوبدی باشیما باجی یاندیم ... اولولاندیم۴ حالیمی گورسه غیرتیندن اوزگه حاله قالار ابالفضل بیلسه کیم قاتلیمدی زینب انتقامین آلار ابالفضل سویله اود خیمیه ظلّامه سالماسین غیرتین دشت کربلایه ساخلاسین باجی یاندیم ... اولولاندیم۴ ۱۴۰۳.۰۶.۱۰ #شهادت_امام_حسن_مجتبی_علیه_السلام #هفتم_صفر #بیست_هشتم_صفر

🏴وفات حضرت پيامبر اکرم صلی الله علیه وآله وسلم 🏴 🎶باآهنگ الهی یانمویوم نئجه.... وفات ائدوبدی مصطفی، چکوبدی مرتضی جفا یانوب غمیده فاطمه سالوبدی باشینه قرا آتاسی غمینده یانور بالا دئدی تک قویوب گئدیسن هارا یازیلمویوب وصیتی، دانوب غدیری امتی وئروبدی غسلی مرتضی واریدی غمده شدتی سقیفه ده آلوندی حق اوگونده شان وشوکتی سئچیلدی بولموین نفر دانولدی حقی برملا نه گلوبدی. کاغذیلن قلم اوناثانی ائتدی اوگون ستم دانیلدی شان مرتضی وفات ائدوبدی مصطفي فدک آلیندی فاطمه گوروبدی کوچه ده جفا دوگوبدی ثانی کوچه ده ووروبدی سیلی برملا ئوزینده سیلی دن اثر،قالوبدی گئتدی توپراقا درودیورا. یاخولوب قانی خانیمون چئخوری اوگون جانی یانوبدی درب مرتضی خلافتی بهانه دی هجوم ائدوبدی ثانینی ئورکده آیری کینه دی باتوبدی ایستی میخ اوگون اوپشت درده سینه دی یئخلدی فاطمه یره آتوبدی قانی دیورا سینه دن آخوب خانیمون قانی بالاسقط اولوبدی چئخوب جانی گئدوبدی ناله گویلره ستم اولوب پیامبره دوگولدی اوددافاطمه گئدوبدی ناله گویلره آلوبدی ثانی قمچینی ووروبدی دخت اطهره بالاسی سقط اولوب اوگون گئدوبدی گویلره نوا الی سئندی میخ ائلویوب اثر گئجه یاری ایلدی دیده تر خلافتی آلان زمان دوشوب جهانه همهمه شهیداولوبدی فاطمه‌ تاپوبدی عمری خاتمه یانوربوصاحبی دیور خلل دوشوبدی عالمه حسینی دوغرویوبدولارسقیفه دوراونابَنا کسولوب باشی سویولوب بدن اولنوب حصیر. یانوری کفن ✍ حاج عباسعلی دهقان(صاحب )۱۴۰۳/۵/۲۹ #بیست_هشتم_صفر #شهادت_حضرت_رسول_اکرم

🏴عزاداری حضرت زهرا (سلام الله علیها)در ماه صفر🏴 گینوبدی    قاره     زهرا      شه    انبیایه     آغلار گهی سسلنر حسن  وای  گه  امام  رضایه  آغلار بو   جهانیدن    یوموبدی گوزونی   رسول   اکرم دوتوب  انس  و  جنّ   عالم او  عزیز  حقه   ماتم بابا وای  دیینده   زهرا   اولار    آغلاشور   دمادم ائلیور   فغان   و   ناله    هامی   مصطفایه    آغلار توکور اشک   غصه  ییرگوی  او  رئیس  مرسلینه دوتوب عالمی  بوتون غم چون ئولوب شه  مدینه دیور  عالم   اهلی نوحه  وئریلور  بو  غمده  سینه اورگی   دولوبدی   زهرا    شه    ماسوایه    آغلار دئمه    اولمیوبدی    لرزان   بوتون عالم  و  فلکلر اولونوب     سماده    غوغا    گیینوب   قرا    ملکلر بو  محنده    بو  عزاده     دولانوب    قانا    اورکلر قیزی  فاطمه  دوتوب  یاس  اوزی  مقتدایه آغلار گه  اوغول  غمینده   زهرا  توکر اشک  غم عذاره بالا وای   دیر   بو غمده  غم  اودی  چکر  شراره جگرین    یارادی    اوغلوم   حسنه   ائدر  اشاره گهی   مصطفی  غمینده   گهی   مجتبایه     آغلار دییر  ای  حسن    عزیزیم   منه  ای  بهالی گوهر سنه ظلم  ائدوبدی جعده جگرین  یارادی یکسر توکولوبدی طشته گورّم داخی دوغرانوب  جگرلر بئله   غمده   شیعه  یکسر دیل آچوب نوایه آغلار حسن   ای  عزیز   داور حسن   ای  وفایه  مظهر گل    گلشن    پیمبر   حسن    ای    گل     معطر بالا   وای    دیینده    مادر    پوزولار  بو  آل حیدر هامی سس  چکوبدی  دیلدن  ائله دلربایه  آغلار بالاسی   رضا  غمینده   بو خانم   ائدردی  افغان بالا   وای   دیلینده  گویا   اولوب   عازم خراسان بالاسین گوروب  او  یرده  جگری یارا وئرورجان او   غریب   طوسی  اوخشار ائله  مه  لقایه  آغلار گورورم اوغول  سالوبدی سنی غم  دئدی فشاره داخی ظلم ائدوبدی مأمون  چاغیروبدی  بو دیاره سنه  وئردی  زهر  او ظالم  جگرین اولوبدی یاره بو  یره   گلوبدی   زهرا    سن   جانفدایه    آغلار گورورم اوغول  دوشوبسن اوزاقا  بوگون وطندن آنان   آیری   دوشمور   اما  غم و غصه و محندن گهی   مصطفی  غمیندن   گهی  محنت  حسندن گهی    بی کفن    یارالی    شه    کربلایه    آغلار نجه صبر    ائدر   آناسی بو حسین دوشنده  یاده گتوروبدی    خیمه گاهه    دیر    اوغلونی    عباده (( رضوی )) دییر  حسینون  قدی خم اولوب مناده بوکولنده    نعش    اکبر    او گونی  عبایه    آغلار ** ✍محمدرضا بیگلی (رضوی زنجانی) #بیست_هشتم_صفر #شهادت_امام_حسن_مجتبی_علیه_السلام #شهادت_حضرت_رسول_اکرم

🏴🏴🏴🏴🏴 نوحه،،،،زمزمه رحلت پیامبر(ص)وشهادت امام حسن(ع) ✍شعراز: کربلایی محمدرضامحمدی(ناعم) 🌲🌲🌲🌲🌲🌲🌲 وقت عزایتیشدی،،ای شیعه گل نوایه گِی قاره بزم غمده،،آماده اول بُکایه ▪️▪️▪️▪️▪️ بزم عزاقوروب گون،،رخت عزاگیوب آی حیدرجنانداآغلور،،،زهرادیلینده لایلای گاهی دیوربابام وای،،گاهی دیوربالام وای هراوخشامادینده،،،لرزه سالورسمایه ▪️▪️▪️▪️▪️▪️ پیغمبرگرامی،،،گوزیومدی بوجهاندان نوحه سسی اوجالدی،، هرپیروهرجواندان جَبریله اهل معنا،،،آیریلدی دلستاندان بزم عزاقوروبدی،،،عشق اهلی مصطفایه ▪️▪️▪️▪️▪️▪️ بیرآیریغم ائدوبدی،،قلب بتولی مغموم زهریله مجتبانی،،جعده ائدوبدی مسموم جان وئردی ئوزائوینده،،دوم امام مظلوم گوردی اوحالی زینب،،غرق اولدی آه ووایه ▪️▪️▪️▪️▪️▪️ احمدغمینده اولدی،،ماتمســـــــــرا مدینه اولدی حسن غمینده،،،غرق عزا مدینه ایلوربوغمده الآن،،،آه ونــــــوا مدینه آغلورحسین مظلوم،،،آلام مجتبایه ▪️▪️▪️▪️▪️▪️▪️ ملتمس دعا،،،محمدی ناعم #شهادت_حضرت_رسول_اکرم #شهادت_امام_حسن_مجتبی_علیه_السلام #هفتم_صفر #بیست_هشتم_صفر

شهادت امام حسن (ع) زبانحال جناب زینب کبری (س) یازمشدی قضا زهر جفانی سنه قارداش باشلاندی بلاسی باشمون وای منه قارداش قارداش باجون ئولسون نیه بو حاله قالوبسان حالون پوزولوبدور بیله گل تک سارالوبسان بو حالیله بیر اود بو دل و جانه سالوبسان رنگون دولانوب دوندی ندن سو سنه قارداش باک ایلمیوب جعدۀ ملعونه خدادن مسموم ایلیوبدور او سنی زهر جفادن تقدیر اولونوب روز ازل امر قضادن صبر ایلیه سن هم ستم دشمنه قارداش نه زهردی ایلوبدی سنه بیر بیله تأثیر قلبون آلشوبدور ویروب احوالیوه تغییر بو امر قضادندی قَدر ایتمدی تقصیر دست ستمیله یتوروبدور سنه قارداش عالمده هانی سنکیمی بیر بیکس و مظلوم بو غم ایلیوبدور هامی عالملری مغموم اوز محرمی ظلمیله اونی ایلیه مسموم گلسه یری وار اهل جهان شیونه قارداش ایستردی سنه ال تاپا تزویریله دشمن سعی ایلیوب ال تاپدى یتوب مقصده ایمن بیر باد مخالف له خزان اولدی بو گلشن مشکل بیله آفت یته بیر گلشنه قارداش سن بیر گولیدون گوللر ایچنده بوچمنده نه ایله گل آچدون نه یوزون گلدی وطنده زر تک اریدون بوتۀ اندوه و محنده تأثیر ایلین چوخ بو غموندی منه قارداش هیهات آچا گل بیرده گلستانی ، جهانون سولدوردی سنون تک گلینی باد خزانون وای زینبه ، تأثیرینه باخ زهر جفانون آخدوردی گوزون یاشنی پیراهنه قارداش وای حالیمه بوندانصورا ایوای منه قارداش سنسیز داخی ساق قالمیام عالمده ئولم کاش تا واردی حیاتیم توکرم عارضه قانیاش یوزدنده آخار خون جگر دامنه قارداش زینبدی ازل گوندن اولان غملر آناسی یاندی آنا هجرینده گیدوب الدن آتاسی چوخدور بو بلالی باشمون درد و بلاسی گلدوقجه بلا صبر ایدرم من گینه قارداش دلدن آلور آرامینی بیر قصّۀ جانسوز آی ایل یتر اتمامه گیچر هر شب و هر روز صحرای بلاده بو حسینیم قالو یالقوز مقتول اولاجاق زادۀ ذی الجوشنه قارداش (( ذوقی)) سنی تأیید ایلیوب خالق عالم آغلار گوزیله ساخلا بو شاهنشهه ماتم زینب دلیجه بو سوزی ذکر ایله دمادم یازمشدی قضا زهر جفانی سنه قارداش ** مرحوم ذوقی تبریزی #شهادت_امام_حسن_مجتبی_علیه_السلام #هفتم_صفر #بیست_هشتم_صفر

زبانحال حضرت زینب (س) در شهادت امام حسن مجتبی (ع) .. 🎶سبک_ای_شه_لب_تشنگان … .. 🎶سبک دیگر : 🎶سبک_می_گذرد_کاروان 🎶سبک_ای_بوغازین_اوچ_پر_اوخ واگیر برای این سبک: آهیله سینمی داغلارام غصّه دن آغلارام آغلارام آغلارام آغلارام آغلارام … وای حسن وای حسن وای حسن … .. .. .. .. مرحوم صحاف تبریزی .. .. .. .. ای جگری دوغرانان زهریله قلبی یانان گل بدنی اوخلانان وای حسن وای حسن وای حسن وای حسن .. .. .. .. سمت بقیعه اگر ایلسه کیمسه گذر شوریله آغلار دیر وای حسن وای حسن وای حسن وای حسن .. .. .. .. گوردی شه کربلا قارداشی ایلر نوا سسلدی وا مجتبا وای حسن وای حسن وای حسن وای حسن .. .. .. .. گلمه بیله شیونه زهر ویروب کیم سنه گلسون او دردون منه وای حسن وای حسن وای حسن وای حسن .. .. .. .. ایلمه دلدن فغان قیل منه حالون بیان قاتلیوی ویر نشان وای حسن وای حسن وای حسن وای حسن .. .. .. .. کیم بئله مغموم اولوب سن کیمی مظلوم اولوب ظلمیله مسموم اولوب وای حسن وای حسن وای حسن وای حسن .. .. .. .. گل کیمی سولموش یوزون شامه دونوب گوندوزون دئ منه قارداش سوزون وای حسن وای حسن وای حسن وای حسن .. .. .. .. پارچالانوب لبلرون قان اولوب اشک ترون وای منه نسگللرون وای حسن وای حسن وای حسن وای حسن .. .. .. .. زینب محنت شعار فاطمیه یادگار سسلدی بی اختیار وای حسن وای حسن وای حسن وای حسن .. .. .. .. تاپسا ابوالفضل اگر سرِّ غموندن خبر سسلر او خونین جگر وای حسن وای حسن وای حسن وای حسن .. #شهادت_امام_حسن_مجتبی_علیه_السلام #هفتم_صفر #بیست_هشتم_صفر

🏴نوحه شهادت رسول اکرم صلی الله علیه و آله و سلم 🏴 گریه مکن دختر بیقرارم،فاطمه فاطمه۲ طاقت گریه ی تو را ندارم،فاطمه فاطمه ۲ فاطمه جان فاطمه جان فاطمه،واویلا واویلا ۲ به چهره ام نقش فنا آمده،دخترم دخترم برای تو وقت عزا آمده،دخترم دخترم فاطمه جان... کوتاه باشد بینمان جدایی،عزیزم عزیزم تو اولینی که به پیشم آیی،عزیزم عزیزم فاطمه جان... برتو و بر علی جفا میشود، بعد من،بعد من سقیفه فتنه‌ها بپا می شود،بعدمن بعد من فاطمه جان... ببینمت که پشت در فتادی، واویلا واویلا محسن خود براه دین تودادی،واویلا واویلا فاطمه جان... ✍ اسماعیل تقوایی #شهادت_حضرت_رسول_اکرم #بیست_هشتم_صفر

#شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy