#وداع با ماه مبارک رمضان #محمدرضا صادقی . . ماه رحمت قورتولور احساس غربت ایلورم تابع امرم من امروندن اطاعت ایلورم . بزمیوی ووردوم اگر من بیر بیره سن عفو ائله من نه سندن ، اوز اوزمندن چوخ شکایت ایلورم . من اگر آز مستفیض اولدوم بو آیدان عفو قیل گیچ گناهیمدن که اظهار ندامت ایلورم . یاغیاث المستغیثین دوت الیمدن بوشلاما مستحقم درگهوندن عرض حاجت ایلورم . یا رفیق و یا شفیق و یا اله العالمین دلخوشام ، اُول لحظه که سنلن رفاقت ایلورم . من سنون الطافیوه مرغ سحرخوان اولموشام التفاتوندن سحرلر کسب رحمت ایلورم . آخرین گونلردی که افطاریوین مهمانییَم چون قوناقم من سنه حس قرابت ایلورم . ربنا اغفر ذنوبی یا غفور و یا رحیم اشتباهیمدن من احساس حقارت ایلورم . خط بطلان چک کریم الصفح ، پیس اعمالیمه من سنیله محرمانه بئیله صحبت ایلورم . گئچ گناهیمدان علیّ المرتضانین حقینه مجرم اولسامدا من اذعان امامت ایلورم . دوزدی #شیدای گنهکارم ، نجف مشتاقیم ال آچوب سندن تمنای زیارت ایلورم 🍁🍃🍃🌿🍁🍃🍃🌿 . #رمضانیه وداع #محمدرضاصادقی #ترکی #رمضانیه

ستار رزاقی تبریزی . شکر اولا خالقه گلدی گینه ماه رمضان دعوت ایلوب هامونی سفره سینه حق مهمان . نه گوزل آیدی کی افضلدی هامی آیلاردان چونکی بو آیدا بیزه نازل اولوبدور قرآن . ماه قرآندی اورکدن گل اوخی قرآنی قیل اورک دردینه قرآنیله دایم درمان . خالقه بنده لیق ایله ایلمه جرم و خطا چونکی اعمالیوه ناظردی خدای منان . معصیت قاپلاری مومنلره اولموش مسدود چکیلوب حبسیده زنجیره بو آیدا شیطان . باب جنت آچیلیبدور اوزوه بوآیدا قویما باغلانسون عزیزیم یوزوه باب جنان . خالقین امرین اجابت ایله عصیان ایلمه تا بو آیدا اوزوه باغلانا باب نیران . بیل شب قدری غنیمت آچ الین درگاهه چونکی افضلدی یقینا او گجه مین آیدان . آل گناهین نظره قوی اوزوی تپراقه تاسنی عفو ایلیه بو گیجه لرده یزدان . آجلیقون تشنه لیقین زحمتینه صبر ایله بلکه محشر گونی تا اولمیاسان دل نگران . مرتضا باشی قلجلاندی بو آی ظلمیله بویانوب قانینه محرابیده اول جان جهان . شب قدرین شرفین آرتیروب اول میر هدا راه احیای عدالتده ویروب عشقیله جان . اون بیشینده بو آیین گلشن طاها گل آچوب یعنی بند دل زهرا حسن اولدی آنادان . نه حسن جلوه حسنی حسن اخلاقی حسن بحر احسان و کرم مظهر عشق و ایمان . سنده . رزاقی .بوآی صدقیله قیل حقه دعا تا سنه شامل اولا لطف خدای رحمان . #رمضانیه #شکر_اولا_خالقه_گلدی_گینه_ماه_رمضان

«وداع با ماه مبارک رمضان و سلام برفطر» #فارسی_ترکی #سبک_شبانگاهان محمد علی مصیبی تبریزی . #فارسی خداحافظ ماه صدق وصفا ماه لطف وعطا -ماه عشق و شور سلامی بر عید منتظران فطرساده دلان – سعیُکم مَشکور خداحافظ لحظۀ افطار خداحافظ ماه استغفار الوداع رمضان (2) . خداحافظ قیل وقال سحر شوروحال سحر-الوداع اَلصّوم سلامی بر جود و بر جبروت عفو والرَّحمَه – حقِّ هذا الیوم خداحافظ جلوۀ ملکوت سلامی برذکرناب قنوت الوداع رمضان (2) . . #ترکی . . خداحافظ عفو و رحمت آیی معنویت آیی – روز آخرده سلام ایله فطرین آخشامینا فطر بایرامینا -ای دوشن درده خداحافظ ای اوروشلوق آیی بو آیدان وار شیعه نینده پایی الوداع رمضان (2) . . خداحافظ ربّنا صوتی سفره باشینده -گون باتان دمده سلام اولسون بایرامین نامازین عشقیلن قیلانا – گون چیخان دمده بو دمده شیعه صفا ایستر بقیع ایستر کربلا ایستر الوداع رمضان (2) . . – #رمضانیه_وداع #رمضانیه #عید_فطر #خداحافظ_ماه_صدق_و_صفا #خداحافظ_عفو_و_رحمت_آیی #مصیبی_تبریزی