زبانحال حضرت ام البنین (س) #ساعد_زنجانی . . #سبک_اصغریم_ای_شیرین_زبانیم . هارداسان قهرمان ابالفضل اولموشام باغریقان ابالفضل جان ویرور یثربون غریبی داده گل مهربان ابالفضل قلبیمی ، تیر غم بولور جان یارالی هارداسان ، گل آنان اولور جان یارالی غریبم من غریبم من . آند اولا شاه کربلایه روز و شب گلموشم نوایه جان ویرور زینبون کنیزی گلگیلن یثربه عزایه ئولورم ، جان زینب ایله عجله ویر خبر ، بند قلب زهراده گله غریبم من غریبم من . . یثرب اهلی منه دیردی بو آنا گور نه بختوردی دورداوغول باشینی اوجالدوب قالمیوبدور جهاندا دردی دوردوده ، توش اولوبدی قوم دغله ئولدوروب، ابن سعد و شمر و حرمله غریبم من غریبم من . سویمه دیم چرخ روزگاری ایتمه دی بوغریبه یاری گل اوغول آخرین نفسده شاد ایله قلب داغداری بیر نفر، یوخ منی یادا سالسون اوغول آخرین ، دمده گویلومی آلسون اوغول غریبم من غریبم من . قلبیمی یاندیران بو سوزدی بیلمورم هیچ یالاندی دوزدی اوچ پر اوخ آندیوی سوکنده ساق گوزونده دیولَّه سوزدی چکیلوب ، قلبیم اوسته داغلار یارالی حالیمه ، دشمنیمده آغلار یارالی غریبم من غریبم من . #حضرت_ام_البنین #هارداسان_قهرمان_ابالفضل #ترکی

مرتضی اسکندری ( ساعد ) (1) . ای دلیم ساحت پیغمبره گوندر صلوات شافع روز جزا حیدره گوندر صلوات . محور خلقت عالم دی حسینون ننه سی زینبه درس ویرن مادره گوندر صلوات . زینت دوش نبی ارشد اولاد علی مجتبی ماه ملک منظره گوندر صلوات . خامس آل عبا بند دل شیر خدا باشی دالدان کسیلن رهبره گوندر صلوات . ساقی دشت بلا مجتهد کرب و بلا شمری مأیوس ایلین سروره گوندر صلوات . چارمین حجت حق زینت عُبّاد زمان کربلادن دیلی پر اخگره گوندر صلوات . پنجمین یاور دین حامی قرآن مبین شهریار دو جهان باقره گوندر صلوات . صادق آل عبا مظهر خیر و برکات وارث علم نبی جعفره گوندر صلوات . هفتمین شمس فروزان سپهر علوی بابُ الحاجت یازیلان دلبره گوندر صلوات . آدینا قربان اولوم شاه خراساندی آقام طوسیده دفن اولونان گوهره گوندر صلوات . دوقوزومجی نوه ی ختم رسالتدی جواد گون قباقینده قالان پیکره گوندر صلوات . هادی نسل بشر ذکر لب حور و ملک دهمین رهبر خوش منظره گوندر صلوات . عسکری دور حسن دوم اولاد علی فاطمی خصلت علی مظهره گوندر صلوات . مهدی آل علی منتقم خون خدا آخرین مرد عدالت گره گوندر صلوات . (1) با الهام گرفتن از شعر استاد صفایی زنجانی . #صلوات #14معصوم #ای_دلیم_ساحت_پیغمبره_گوندر_صلوات #ساعد_زنجانی #ترکی .

حضرت حرّ (ع) . #سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه … #سبک_آتدان_یره_چون_دوشدی . عفو ایله منی مولا من حر پشیمانم سن اکبریون جانی باخ گور نجه نالانم یا سیدی یا مولا(٢) . . اولده مطیع اولدوم بو لشگر گمراهه آخرده یولوم دوشدی اردوی شهنشاهه ایندی سنی یا مولا ویرّم قسم اللّهَه دیندیر منی بو چولده سرگشته و حیرانم . . سرتاسر عالمده یوخدور سنه تای مولا سن شمع شرافتسن عباسیده آی مولا قیزلاریوه لطف ایله نوکر منی سای مولا یاز آدیمی دفترده محزون و پریشانم . . سن باب کرامت سن من بنده ی دربارم سن معنی ثارالله من عبد گنهکارم سن لاله زهراسن من شاخه ده بیر خارم گل سائلیوی قوما درباریوه مهمانم . . قیزلاریوی یولاردا قورخوتموشام عفوایله باخ گورنجه خجلتدن اوددوتموشام عفوایله قام آغلاموشام هرآن قان اوتموشام عفوایله آلله ئوزی شاهددی شرمنده ی دورانم . . دشمن منی اولده خوار ایله دی یا مولا نفسیم منی اغیاره یار ایله دی یا مولا شهرت منی آخرده زار ایله دی یا مولا قوسان منی حقون وار شایسته ی نیرانم . . ویر اذن جهاد ای شه طوفان ایلیوم الآن قوی جانیمی جانانه قربان ایلیوم الآن اعمالیمی فرصت ویر جبران ایلیوم الآن یا سیدی امر ایله من تابع فرمانم . . سن مظهر ذات حق من تشنه ی ایثارم سن کان کرامت سن من عشقیوه بیمارم دوندرمه یوزون مندن هرچند خطاکارم باخ دیده ی خونباره من سائل احسانم . . #حر #ساعد_زنجانی #اصحاب_الحسین #عفو_ایله_منی_مولا_من_حر_پشیمانم #ترکی .