میلادیه حضرت ابوالفضل العباس (ع) .. .. مرحوم معزی اردبیلی .. .. .. .. لایلای ای ماه صفا صورتووه من قربان من قربان قارداشیم خوش باخشیم غیرتوه من قربان من قربان ای باغ مرتضی گل زیباسی قیزلاریمون آینده ده سقاسی یاعباس …. .. .. .. .. آنادان اولماقوی بیلدیم ئوزوم شاد اولدوم منه یوز وئردی فرح گولدی یوزوم شاد اولدوم یوزوه باخدیم ایشیقلاندی گوزوم شاد اولدوم بابامون غنچه گولی نکهتووه من قربان .. .. .. .. ای منیم ماه درخشانه مثل قارداشیم دئمیشم رأفتیله سینمه گل قارداشیم چالورام لایلایووی گورنه گوزل قارداشیم اورگیم دوزموری یات سیرتوه من قربان .. .. .. .. آغلاما باخ یوزومه گل تک اولان سیماسی بورا یثربدی دگل کرببلا صحراسی کربلا ایچره اولان قیزلاریمون سقاسی کربلاده گورونن صولتوه من قربان .. .. .. .. ماهی حیرتده قویوبدور گوزلیم رخسارون بیلورم عالی قاباقدا اولاجاق ایثارون اولاجاق کرب معلاده قلم قوللارون دینووه خاطر اولان همتوه من قربان .. .. .. .. #عباسیه_میلادیه #لایلای_ای_ماه_صفا_صورتووه_من_قربان