بازگشت به مدینه -(ماه صفر تمام اولوب ای دل صفا گلور) ۱ ۲۹۵ ماه صفر تمام اولوب ای دل صفا گلور شهر مدینیه ولی آه و نوا گلور یثربده گویلره اوجالوب صوت یاحسین سسلور بشیر تئز گلون اهل عزا گلور زینب که چوخ جلالیله گئتمیشدی کوفیه پوزقون تفاقیلن قیدوب دل یارا گلور گئتمشدی یدّی قارداشیلان قوم و خویشلن الدن وئروبدی هامّوسین اول بینوا گلور ام البنیندن مواظب اولون دوره سین دوتون دورد اوغلدان اونا غم بی انتها گلور عباس و عون و جعفریلن فضلدن نشان بیر اوخلی مشک بیرده که قانلی لوا گلور صغرانی قویمیون گله چون گلمور اکبری اصغرده یوخدی تا دیه درده دوا گلور گلسه مریضه قیز دیه جک بس بابام هانی عباس عموم هانی هاچان اول با وفا گلور هاردا باجیم رقیه اونی گویلوم ایستیور قلبه شیرین دیلیندن اونین چوخ صفا گلور «زعفر» ادامه وئرمه داخی غملی صحبته بیر جمله یاز که یثربه مین کربلا گلور جمعه ۲۸ آذر ۱۳۹۹ ساعت ۲۱:۳۷ نوشته شده توسط یوسف اکبریشاعر: زعفر آزادمهر شیخ درآبادی

احوالات کوچ اهلبیت (علیه السلام) از کربلا و ورود به شهر مدینه وقت اولدی عندلیب اولا گلزلریدن جدا یعنی که اهلبیت مرکزایثاریدن جدا زینب مزارشاه شهیداندان آیریلور جسم ضعیفی بس دیه سن جاندان آیریلور شورحسینی اولماسا باشینده زینبین مایل اولورکه ناله و افغاندان آیریلور زین العباد قبرحسینی ایدوروداع بلمم نجه او دردیله درماندان آیریلور مضطرقالوب سکینه گیدیرالده چاره یوخ بلبل کیمی که طرف گلستاندان آیریلور وارفرقی برق لامعین آه سکینه دن گویا شرردورآتش سوزاندان آیریلور باجی هزار حسرتیله گرچه ظاهرا قبرعلی اکبرعطشاندان آیریلور بلمم سرشک دیده کلثوم اولورروان یا نهردور که قلزم عماندان آیریلور مدینیه یتوشوب کاروان دردو الم بشیری ایتدی مخاطب جناب زینب اودم گیدوب مدینیه نقل ایله آه و زاریمدن که دوتسون عالمی غم شرح روزگاریمدن مدینه اهلینه بیرلاله درالینده آپار نمونه بو دل خونین و داغداریمدن اشاره ابربهاره ویروب جوابینی ویر بیری سوروشسا اگرچشم اشکباریمدن سربریده خورشید انوری سویله اگرخبردوتالا شاه تاجداریمدن خبریتوراونا بیررمزیله که چون نگران قالوب بو شهریده بیر قیزشهریاریمدن خزان اولان چمنین ذکرین ایله سوزدوشسه علی اکبریم اول نوگل بهاریمدن خمیده قامت کلثوم وصفین ایله بیان دوشنده صحبت علمدارجان نثاریمدن بشیر علم گوتوروب مدآه زینب تک ایدوب لباسینی روز سیاه زینب تک مدینیه یتوشوب چکدی ناله زاری که ناله سی بوریوب کوچه ایله بازاری ایدردی زمزمه سی لال بلبل سحری ایدردی گریه سی شرمنده ابر آزاری(ابراول بهار) هنوزمطلبین ایتممیشدی خلقه بیان که ایتدی عالمه اظهاررنگ و رخساری دیردی چاوش صحرای کربلایم من حسین فاطمه نینین دردینین دل افکاری ایدوم نچاره من زاری قویمازآسوده بو قصه نون نه نهان ایتماقی نه اظهاری رسول روضه سینه تا یتوشدی ایتدی نثار نه قدرگوهر و یاقوت چشم خونباری حسین آدین ایشیدوب دوتماقا صریح خبر دالنجا خلق هجوم آوراولدی اجباری سوروشدولارهاچان اول شاه تاجدارگلور نه طمطاقیده دور لشکری علمداری گلور نه وقت جوانلارکه پیشوازایتسون علی اکبر او شبه رسول مختاری آهی چکوب بشیر خطاب ایتدی دوستان آفاقی یاندوروربوجگرسوزداستان قیزلار دوشوب امام ایچون اغیارایاقینه بلبل گلیندن اوتری دوشرخارایاقینه اول قدرضعفیله گینه انصاف شمره باخ زنجیر ووردی عابدبیمار ایاقینه دوشدی سکینه سوزعطشدن الینده جام عباس نامدارو وفادار ایاقینه قاسم سریه دن نجه آیریلدی بلمورم زنجیریدی او زلف سیه کار ایاقینه اهل مدینه چون ایشیدوب چکدی شورشین ایولر سراسر اولدی عزاخانه حسین اهل مدینه ایلدیلر بسکه آه وزار رخشنده برق اولدی خجیلابرشرمسار قاره چکلدی کوچه و بازاره سربسر اهل مدینه چشمینه تاراولدی روزگار هرگوشه چمنده حسینه دوتولدی یاس بلبل غمین بنفشه حزین لاله داغدار ریحان زلف قاسم و اکبرکیمی تمام مشکین لباس گیردی جوانان گلعذار هربیر آنا سینه سی خون جگردن دولوب اولوب اصغرغمی ماثر طفلان شیرخوار نه گوردی فاطمه هربیرگوگلده زمزمه وار دیردی جده گینه خلق آرا نه همهمه وار نه گریه دوربو گلورسرو دلستانیم اگر نه ناله دورآچیلورطرف گلستانیم اگر نه واربوگونکه گیدن کاروان گلوری مگر فراقیدن قوتولورجان ناتوانیم اگر ندندورایلوسن اوضاع یاس آماده گلوربابام منیم اول شاه کامرانیم اگر نه مژده سین گتورن وارنه پیشوازه گیدن گلوری جده علی اکبرجوانیم اگر نه بیله چوخ منیم احوالیمه یاناراورگون دگل فراق بابام آتش نهانیم اگر بو مهربانلیقین آرتوق ندورازلکیندن که المیوبدی منیم یارمهربانیم اگر دیمه الوم خبرین اکبرین که غرق اولوسان سرشک ریز اولا بو چشم خونفشانیم اگر یقین اولور که دگل عندلیب گلشن وصل قالوربو کنج قفسده بو مرغ جانیم اگر جواب ویردی قزیم دورسال ایمدی باشه قرا النجه ساخلا بابان شاه کربلایه عزا او حنجریکه قویاردی دوداق پیمبر اونا دیوله شمرستمگرقویوبدی خنجراونا دیوله سولدی عطشدن رخ علی اکبر او رخ که گلشن آرا رشک ایدر گل تراونا دوشوبدی قولسوزعلمدارعمون او قامتی کیم برابر اولمازیدی سرو اونا صنوبر اونا کفنسیزاولمادی دشت بلاده نعش حسن که دوشدی شعشعه آفتاب انوراونا اگردیسم عطش اصغری یانارجگرین نجه دیوم نجه سو ویردی بیرستمگراونا دیوله عمه وی دشمن سویوب یاللعجب نه ظلم ایدوب اوزمان لشکرستمگراونا

مدینه اهلی ایدوب اهلبیتی استقبال نه گوردیلر که گلورکاروان درد و ملال نه اهلبیت باتوب جمله سی ملاله گلور فراق داغی گوگلرده مثل لاله گلور نه اهلبیت باتوب جمله سی ملاله گلور فراق داغی گوگلرده مثل لاله گلور وجودی محو اولونوب غصه دن گلورزینب گوزه گورونمز اوزی هیئتی خیاله گلور نجه فغان نجه زینب بیری نظر سالسا النجه گوشینه فریاد و آه و ناله گلور قرا ساچی آغاروب سرو قامتی بوکولوب سولوب جمالی دوشوبدور بیر اوزگه حاله گلور بلا چولینده جفائیله چوخ جوانی الوب اودورکه قامتی غمدن دونوب هلاله گلور خمیده قدی کمان شعله بار آهی خدنگ همیشه چرخ ستمکاریله جداله گلور رسول روضه سینه دردین ایتماقا اظهار یتوبدی درد و غمی سرحدکماله گلور یتوب مینیه زینب دوتولدی یاس حسین النجه ایلدیلر اهلبیت شیون و شین مدام او جمع پریشان گیردی قاره سراسر ووراردی حلقه ماتم بسان کاکل اکبر سالوب مجالسه شیون فغان و ناله رباب چراغ مجلس ماتم وجودزینب مضطر علی اکبرعزاسینده اشتباهه دوشوب خلق الوب مدینه ده یا دشت کربلاده پیمبر نشانه دل کلثومیدورقیامت اولونجا نه قدرفصل بهاران آچولسا لاله احمر حسین عاشقینه لاله زار بزم مصیبت هزار مرثیه خوان راس گلبن عرشه منبر گوروب حسین باشینی نیزه استه شامه گیدنده شبیهینی گتورور هرصباح مهرمنور نجه بو قصه کماکان گلور بیانه شکوهی اشاره داخی بسدور بو داستانه شکوهی مرحوم شکوهی مراغه ای منبع کانال گنجینه گذشتگان -----------متن اشعار شکوهی مراغه ای---------

احوالات خروج از مدینه چون کربلایه شاه شهیدان مدینه دن عزم ایلدی او خسرو دوران مدینه دن چکدیله چاوشان قضا بانگ الرّحیل عرشه یتیشدی ناله و افغان مدینه دن تا کربلا آدین ائشیدوب چکدی زینب آه یا شعله چکدی آتش سوزان مدینه دن دوردی عروس،ناوک مژگانه خونِ چشم توشه گوتوردی لؤلؤ مرجان مدینه دن خوانِ بلایه دوزدیلر انواع درد و غم اهل جفا چاغیردیلا مهمان مدینه دن کرب و بلا ده حرمله پیکانه سو وئرور گؤزلر که گلسین اصغر عطشان مدینه دن دوتسون فراتی خصم،نه غم،چون فرات وار جاری دی ،اشک زینب نالان مدینه دن بس که مدینه اهلی بو احواله آغلیوب دریای اشک ایلدی طوفان مدینه دن آچدی محمد حنفیه زبان عرض گل گئتمه یا اخا سنه قربان ،مدینه دن فدا اولوم سنه یاخشی دگُل هوای عراق آماندی گئتمه که عشاقه چوخ چتیندی فراق هنوز دویمامیشوق یاحسین وصالوندن نه نوع گؤز گوتوراقبیز گُلِ جمالوندن باشوندا واردی کیمون شور عشقی ای قارداش؟ که ال چکوب گئدیسن بیله مُلک و مالوندن بئله که سن گئدوسن قان ایگی گلور قارداش دیار کرب و بلا ،کشف اولور مقالوندن خطر ائدور بو سفر عرضیمی ائشید،گئتمه چوخ احتیاط ائدرم شوکت و جلالوندن خدا نکرده اگر باشیوه بیر ایش گلسه محافظت کیم اولور بو بولوک عیالوندن؟ علیّ اکبره باخدوقجا گؤزلرون یاشالور بویور گؤروم نه گئچر دم به دم خیالوندن؟ علیّ اصغره باخدوقجا غصه ناک اولوسان بیر اوزگه فکره سالورسان منی ملالوندن ائشیتدی قارداشینون عرضین اول خجسته جناب آچوب زبان گهربار،بیله وئردی جواب ائشیتدی قارداشینون عرضین اول خجسته جناب آچوب زبان گهربار ،بیله وئردی جواب دوست راهنده نه یالقوز خانماندان گئچمیشم بلکه من جانان یولوندا باش و جاندان گئچمیشم شمر سیلی ویرسا تاپشورّام سکینم اوف دئمز من جفایه طالبم ،آه و فغاندان گئچمیشم گر قاریشسا اکبرین قانی ،حبیبین قانینه راضیم من،حق بیلور،پیر و جواندان گئچمیشم اوز قوجاقیمده آپارّام تا که دشمن اؤخلاسین من علی اصغر کیمی شیرین زباندان گئچمیشم قوی بَلَشسین قانینه قولسوز علمداریم منیم قارداشیم عباس تک سروِ رواندان گئچمیشم

زبانحال حضرت زینب کبرا(س) زینبم دیده ترم خون جگرم یوخدی کسیم یورما ای چرخ دنی تنگه دوشوبدی نفسیم یورلوب آه دیلم بیرکسه چاتمور بو سسیم یوخدی بیر یاد ائدنیم درد فراقه یانورام بو غربب ئولکده بیکس لیگمه اوتلانورام گوزلریم یولدا قالوب یوخ گلنیم یوخ گیدنیم یدی قارداش باجی سیدیم ولی یوخ یاد ائدنیم شامده منتظرم گلموری داد یئتنیم الیم الدن اوزلوب باری حسینم گله کاش گوزومی باغلاماقا نور دو عینم گله کاش شامیده بو غربا باغی اولوبدی قفسیم کربلا عاشقیم تربتینه وار هوسیم دفن اولوب اوردا منیم قانه باتان دارسیم بو خیال عالمینین علتی وار آختارورام غم هجرانه دوزوم یوخدی اورکدن یانورام فکریمی مشغول ائدوب شامیده قارداش فراقی بله احوالیله من آغلادارام نه رواقی سالارام یادیمه هرگونده او عطشان دوداقی خیمه دن آیرلانی شاه ِ زمن غملی چاقی ئوپموشم من بوغازین غمزده مادر سایاقی خنجر آلتندا ئولوب کرب و بلانین قوناقی قان ایچنده چالشوب دهریده دینین دایاقی نعشینی پامال ایدوب عرصده آتلار ایاقی او قدر یاره دگوب پیکرینه شان شان اولوب سویولوب تنده اولان پیرهنی عریان اولوب یدی ضربیله باشین شمره دنی ائتدی جدا یارالی قانلی باشا منبر اولوب نوک جدا غملی چاقینده گزوب نیزده اول میر هدا سانکی بو فرقه ی نادان چکوب عیسانی دارا یارالی باشی عدو گور آپارور هاردان هارا اوخویوب آیه ی قرآن فلکه سالدی صدا خولیه اولدی قوناق مطبخی بنذردی طورا او باشین دیدینه گلدی آناموز باشدا قرا قالدی حیرتده آنام خولینن اول کینه سینه گوتوروب قانلی باشی باسدی یواش سینه سینه دیدی ای قانه باتان لبلری عطشان بالا وای توخونان قلبینه اوچ شعبه لی پیکان بالا وای دوغرانان گول بدنی پیکری شان شان بالا وای قتل غارتده اولان خیمه سی سوزان بالا وای ساربان قطح ائلین اللری ال قان بالا وای ** بایرام قیچلوئی (غملی

زبانحال حضرت زینب(س) درحال احتضار (سبک:نهرفرات اوسته) زینب بی یاور و یارم پنچه ی محنتده دچارم جان قوشی سینمده چالیخلور صورتیمه ژاله نثارم قالوب گوزیم یولدا ، گزور غم ساق صولدا گوزوم وار جان اوسته ، او صولتلی قولدا حسین تز گل (۲) جان یغشوب سینمه قارداش گوزدن آخور سئل کیمی قارداش قلبی سینق غملی غریبم آغلیور احوالیمه داغ داش باجون آغلور غملی ، دیور گوزلر نملی گرک جان اوستونده ، اولیدیم همدملی حسین تز گل (۲) زینبم آخر نفسیمده قلبیمی غملر گوزی داغلار باغلامشام چوخ ئولنه گوز کیم نگران گوزلری باغلار چالار یللر لایلای ، دیللر زینب وای منه غربت یرده ، دوتار یاس اولدوز آی حسین تز گل (۲) سسلدیم از بس سنون آدون سس یورولوب سینه ده باتدی حیف اولا اما یورولان سس نه وطنه نه سنه چاتدی آخور یورقون گوزلر ، گوزوم یولون گوزلر بو اوتلی قلبیمده ، قالور نسگیل سوزلر حسین تز گل (۲) جان وئرورم گل باشیم اوسته زینبوه ایله حمایت گورمیه لر خوار و شکسته زینبوی ئوزگه جماعت منی گل قویما تک ، چتیندور خوار ئولمک ثواب ایله قارداش ، باجوا بیر باش چک حسین تز گل (۲) گل اوخی قارداش منه قرآن جان وئرورم گوزلری گریان علقمه سن تشنه باخان تک وصلوه زینب اولوب عطشان اسن دیل رام اولسون ، باجون خوش کام اولسون سنی گورسون گوزلر ، ئورک آرام اولسون حسین تز گل (۲) عالم عیادت ائده مندن گوزلیورم من سنی قارداش زحمته دوشسونده کرم قیل چک بو حسینچی باجوا باش باجون آغلور غملی ، دیور گوزلر نملی گرک جان اوستونده ، اولیدیم همدملی حسین تز گل (۲) گل کسیلن اللرویله باغلا بو آغلار گوزی قارداش گلمسون ئولسم گوزی یولدا ئوزگه لر اوخشار منه آغلار چالار یللر لایلای ، دیللر زینب وای منه غربت یرده ، دوتار یاس اولدوز آی حسین تز گل (۲) کرب و بلا شامه اوزاقدی ناله سسیم یولدا یورولدی اوت کیمی هر دشته یتشدی شعله دوتوب ناله اوجاتدی آخور یورقون گوزلر ، گوزوم یولون گوزلر بو اوتلی قلبیمده ، قالور نسگیل سوزلر حسین تز گل (۲) سسله گله قولسوز ابوالفضل تا گوره لر یاریم ائلیم وار بیرده گورم قانلی جمالون جسمیمی جان ترک ائده راحت منی گل قویما تک ، چتیندور خوار ئولمک ثواب ایله قارداش ، باجوا بیر باش چک حسین تز گل (۲) تشنه نی سیراب ائلیلّر اولسا اگر هر کیمه امکان دشمن اونی وئرمدی اما سن منه ائت وصلوی احسان اسن دیل رام اولسون ، باجون خوش کام اولسون سنی گورسون گوزلر ، ئورک آرام اولسون حسین تز گل (۲) ** غلامرضا هادی اردبیلی

زبانحال حضرت زینب کبری (س) درحال احتضار ( سبک: کجائید ای شهیدان خدایی … ) حسین گل زینبون نالاندی قارداش گوزی یولدا قالوب گریاندی قارداش نه قارداش واردی نه باجی یانیندا سنیق گوگلون گل آل احساندی قارداش اولوب ورد زبانیم ، حسینیم جان حسینیم باجون جان اوسته دورگل ، اوخی قرآن حسینیم یارالی جان یارالی (2) بیلورسن که سنه وابستیم من اودور هجرانیدن چوخ خستیم من سنی جان اوسته تاپدیم قتلگهده گل ایندی تاپ منی جان اوستیم من چتین وقتیمدی قارداش ، چیخور آهیم سمایه دینن عباسه قاره ، گیوب گلسون عزایه یارالی جان یارالی (2) بلا دشتیندن اولموش قامتیم خم توکولموش باشیمه بس محنت و غم سوسوز جان ویرماقون چخموریادیمدان آخور اشگیم او دور علت دما دم الون یوخدور دیم سیل ، آخان گوز یاشیمی سن ولیکن آل دیز اوسته ، بلالی باشیمی سن یارالی جان یارالی (2) منی سال یاده ای زهرا بالاسی کی عمرون یوخ منه سن سیز صفاسی سنی گورسم چیخاردردیم یادیمدان که چونکه دردیمون سن سن دواسی سنی گورسه بو ساعت ، باجون راحت ویرر جان گلن یوللاره قربان ، گل ای شاه شهیدان یارالی جان یارالی (2) منیم تک غم چکن دنیاده اولماز چمن ایچره منیم تک لاله سولماز دولوبدور گوزلریم از بس یاشیلا بولوتلار آسماندا بیله دولماز سنون درد و غموندن ، صولوب گل تک سارالدیم یاریم گونده بوکولدی ، بلیم قارداش قوجالدیم یارالی جان یارالی (2) منه همدم اولولوبدور سوز و سازیم داخی باشه یتور راز و نیازیم بو آخر خواهشیمدی ایندی سندن ئوزون گل کربلادن قیل نمازیم منیم حالیمه آغلور ، بیابانلاردا داغ داش بو غربت یئرده تیز گل ، منی قوی قبره قارداش یارالی جان یارالی (2) ** محمدتقی میرزایی

حضرت زینب کبری (س) زینب آدین یازان زمان درد و غمه قلم گلور پیچ و خمه دوشور ئورک خانه قلبه غم گلور داغ باشینا یاغیش یاغان وقته نجیکه چم گلور نظم مصائبین یازام دفتره مین رقم گلور مین رقم آزدی دردینون یوخدی شماری زینبون مظهر خیره النسا بانوی مرتضی نسب فخرالائمه شهرتی نفسی زکیه منتسب درس نخوانده عالمه عقلا عقیله العرب عاشق واجبات اولان عامل فعل مستحب شانینی آرتیروب اودور حضرت باری زینبون فاطمه دن اولان قیزا فکر ائلمه نظیر اولی اللی بش ایل حسین دئدی گئتدی حسین گئدن یولی قبر ائوین گئدوب بو گون غملریله اورک دولی توختامیوبدی ایندیده قمچیلر اینجیدن قولی اولدی خزان گل آچمادی فصل بهاری زینبون ** (مرحوم حاج انور اردبیلی)

زبانحال حضرت زینب (ع) در موقع وفات قالوبدی یولدا گوزلریم الهی گلمدی حسین دعایه قالخوب اللریم اللهی گلمدی حسین او زینبم الهی من چوخ ایسترم حسینیمی یتور چتین زمان منه عزیز‌ عالمینیمی گوزوم ایشقلانار منیم گورنده نور عینیمی الهی صابر اولمشام گلنده هر بلایه من گلیلیم بو شامیدن او شاه کربلایه من حسین ئولور بو شامیده بلالره دوزن باجون فراقوه دوزنمدی حسین بو شیر زن باجون دوشوبدی اختیاریدن او داغ داشی گزن باجون سالوب بلا کمندینه بو غربت اولکده منی گل آخر عمریده گوره بو ناتوان باجون سنی سنون غمونده یا حسین همیشه قاره سالمشام مراموه گوره حسین خرابه یئرده قالمشام سنون همیشه عطروی او کوینگوندن آلمشام او قانلی کوینگون حسین بو قلب و جانه بسته دی آلاندا کوینگون اخا بو داغلی سینم اوسته دی باجی ئولنده قارداشی همیشه آختارار گوزی حسین قالوب باخا باخا یولا بو زینبین گوزی بو زینبین ئورکده وار حسین سنه نهان سوزی گل ایندی سوزلریم دیوم سنه وفالی قارداشیم او گوزلرون فداسییم دونوبدی قانه گوز باشیم دمشقه گل بو زینبی قوتار سن انتظاریدن حسین بو زینبون دوشوب نه جور گور اختیاریدن سنی چوخ ایستین باجون دویوبدی روزگاریدن ساغالمییان بو دردیمون دواسی الرونده دی شکسته قلبیمون حسین شفاسی الرونده دی گوزوم باخور دمشقدن کنار نهر علقمه نولار باخا بو شامیده او قوللاری قلم منه کفن گتورسه وار یئری او صاحب علم منه او سرویمین کسو بدیلر شقاوت اهلی خولارین کسوبدی اهل کین اونون آتام اوپن او قوللاری الهی گوگلیم ایستیور او شیر خواره اصغری یتور منه بو شامیده او قاسمیله اکبری اولار گله که باغلیار یولا باخان بو گوزلری بو((رستمی)) یازان زمان چوخ آغلیوب بو سوزلری الهی رحم ایله اونا آخان زماندا گوزلری ** علی رستمی

مرثیه قلبیمی غملر آلیبدی، باجی غم‌خواریم اؤلوب محرم اسرارینه اوْل، محرمی اسراریم اؤلوب گل وئریم، پرچه‌می سن ساخلا، علمداریم اؤلوب زئینبیم، نهر-فرات اۆسته سیپهداریم اؤلوب کسیلیب قوْللاری، غئیرتلی علمداریم اؤلوب کسیلیب قوْللاری، غئیرتلی علمداریم اؤلوب قارا معجر باشینا باغلا، باجی گئت، اوْتور قارداشینا آغلا، باجی گئت، اوْتور قارداشینا آغلا، باجی یارالار سینه‌سی‌نین اۆسته گۆلوستان کیمیدیر اوْ، قدر اوْخ توْخانیب، جیسمی نئییستان کیمیدیر گؤزلریندن ایراغ اوْلسون، اوْ قدر داش وۇرولوب پئیکری شان-شان اوْلوب، زۆلفو پریشان کیمیدیر باشا چؽخماز بیلیرم، باجی، بلاسی باشیمین اؤلنیجن قۇروماز چشمه‌لری گؤز یاشیمین مین ایل عؤمروم اگر اوْلسا، سۇیا حسرت باخارام سۇ کناریندا، سۇسوز جانی چؽخیب قارداشیمین سۇ کناریندا، سۇسوز جانی چؽخیب قارداشیمین باشین آلدیم سینه‌مین اۆسته دئدیم، جان قارداش قؽزلاریم گؤزلری‌نین قانینا قۇربان، قارداش گؤردوم آهسته دئییر، آی گؤزومون نۇرو، حسین اؤلورم، باشیمین اۆسته اوْخو قرآن، قارداش قارا معجر باشینا باغلا، باجی گئت، اوْتور قارداشینا آغلا، باجی گئت، اوْتور قارداشینا آغلا، باجی دئدیم آچ گؤزلرینی، وصلینه حسرت چکیرم اوْ، گؤزل گؤزلرینه باخماغا، دیقت چکیرم مۆمکون اوْلسا، دئدی، سن ده گؤزونو باغلا، حسین اۆزومه باخما، الیم بوْشدو، خجالت چکیرم اۆزومه باخما، الیم بوْشدو، خجالت چکیرم آغلاییب، یاره‌لنن قلبیمی یوْرما، اؤلورم... گؤز یاشی‌یلا بو بیابانی سوْوورما، اؤلورم سنی وئررم قسم، اللرده اؤلن فاطمه‌یه منی، اکبر کیمی اخیامه آپارما، اؤلورم

ای شه خراسان ٬ خراسان ٬ سلام علیک ضامن غریبان ٬ غریبان ٬ سلام علیک . . . نازم آن حرم را که بوی جنان می دهد جمله بی کسان را پناه و امان می دهد مژده رجا بر همه عاشقان می دهد عشق ما رضاجان ٬ رضا جان ٬ سلام علیک . . . صحن با صفایت صفای دل زائرین ذکر نام پاکت جلای دل مضطرین روشن از چراغ وجود تو ایران زمین آبروی ایران ٬ ز ایران ٬ سلام علیک . . . کفتران مهرت چه مستانه پر می زنند سائلان کویت چو دیوانه در می زنند جمله امامان سرای تو سر می زنند دلبر امامان ٬ امامان ٬ سلام علیک . . . کن مدد رضا جان به ملکت سیاحت کنم تا رواق پاک و ضریحت زیارت کنم سائل تو باشم به کوی تو عادت کنم ملجا اسیران ٬ اسیران ٬ سلام علیک . . . غم به دل نباشد اگر تو پناهم دهی از کرم به دربار شاهانه راهم دهی در حساب محشر به نیکی گواهم دهی شافع محبان ٬ محبان ٬ سلام علیک .