مرثیه ورود به مدینه یارب بو شهره قافله ی غم گتورموشم بیر عدّه سینی هم آپاروب هم گتورموشم . بیر عدّه سین ولی گتوره بیلمدیم بورا علّت اودور کی حالیمی برهم گتورموشم . جدّیم رسوله بیلمورم آیا نه سویلیوم شرمنده یم کی چوخ آپاروب کم گتورموشم . کرب و بلا چولونده داغیلدی جلالیمیز بیر عدّه یاسلی، دوتماقا ماتم گتورموشم . قارداشلاریم ئولوبدی باشا قاره سالموشام گوزیاشیمی نشانه ی علقم گتورموشم . زهرا آنامه هدیه بوگون قانلی پیرهن ام البنین آنامه ده پرچم گتورموشم . ئولدوردولر حسینی سوسوز کسدیلر باشین قارداش غمینده قامتیمی خم گتورموشم . یانّام ربابه یوخدی قوجاقینده اصغری لای لای یئرینه، ای وای نی “دم” گتورموشم . اکبر ئولندن اولدی ایشیق گون قرا گئجه لیلا گوزینده لیله ی مُظلَم گتورموشم مظلوم حسن نشانه سی قاسم ده جان وئریب آدین اورَک یاراسینا مرهم گتورموشم . من بوش قالان اتاقلاری آیا نئجه گوروم؟ قلبیم دولوبدی گوزلریمی نم گتورموشم . ویرانه ده رقیّه قالوبدور، سکینه نی صغرایه، آغلاماقلیقا همدم گتورموشم . اهل مدینه قاره گییر “یاحسین” دییر بو شهر سبزه، رنگ محرّم گتورموشم . بسدور “بشیر” یازما اورک لر کباب اولور یاز: روضه ئیله نوحه نی توام گتورموشم ✍سید بشیر حسینی میانجی #ورود_به_مدینه

حضرت امام حسن مجتبی علیه السلام ✍استاد عزیز ممی پور ( عندلیب ) سلام اولا شرف اوصیا امام حسنه عزیز حضرت خیرالنسا امام حسنه کریم آل محمدی شانی دریا دور ویریب جلالت مطلق خدا امام حسنه جمالی جدی پیمبر کیمی جمال الله گورن دییردی عجب مرحبا امام حسنه اوزی حسندی کمالی حسندی،حسنی حسن ایدردی فخر اوزی مرتضا امام حسنه آچاردی سفره افطارینی گلوب فقرا ییوب طعامین ایدردی دعا امام حسنه ایله امامیدی یوز آستانه سینه قویوب دییردی دردینی شاه و گدا امام حسنه بو فاطمه گولودی نکهتی علیدندور گرکده فخر ایده ارض و سما امام حسنه بو آسمان امامتده پارلاق اولدوزدی تمام ما خلق اولسون فدا امام حسنه بو بسدی شان و مقام و جلالتینده بونون که قارداش اولدی شه کربلا امام حسنه ملول اولمویوب اولماز او کی دیه دردین آقام امام حسینه و یا امام حسنه دیوبدی جدی کی محشرده اشگبار اولماز او گوز که اشک توکوب آغلیا امام حسنه مزار پاکی معطر ایدوب بقیع چولونی اوزاخدان آغلیار اهل ولا امام حسنه نه صحنی وار نه رواقی نه بیر ضریحی ولی او قبر اولوب حرم کبریا امام حسنه گلر امام زمان قبرینی طواف ایلر ایدر او چولده دویونجا نوا امام حسنه گلون ویراخ ال اله بوگجه توسل ایداخ وطن غریبی او درد آشنا امام حسنه سالاخ خیاله او ساعت که سسلنوب زینب نه یاتمیسان گوزون آچ قیل عطا امام حسنه ایاقه دور بو آخان قانی سیل دوداقیمدن حسینه دی گله باش چکماقا امام حسنه #شهادت_امام_حسن_مجتبی_علیه_السلام #_صفر۲۸

حضرت امام حسن مجتبی علیه السلام استاد عزیز ممی پور ( عندلیب ) سلام اولا شرف اوصیا امام حسنه عزیز حضرت خیرالنسا امام حسنه کریم آل محمدی شانی دریا دور ویریب جلالت مطلق خدا امام حسنه جمالی جدی پیمبر کیمی جمال الله گورن دییردی عجب مرحبا امام حسنه اوزی حسندی کمالی حسندی،حسنی حسن ایدردی فخر اوزی مرتضا امام حسنه آچاردی سفره افطارینی گلوب فقرا ییوب طعامین ایدردی دعا امام حسنه ایله امامیدی یوز آستانه سینه قویوب دییردی دردینی شاه و گدا امام حسنه بو فاطمه گولودی نکهتی علیدندور گرکده فخر ایده ارض و سما امام حسنه بو آسمان امامتده پارلاق اولدوزدی تمام ما خلق اولسون فدا امام حسنه بو بسدی شان و مقام و جلالتینده بونون که قارداش اولدی شه کربلا امام حسنه ملول اولمویوب اولماز او کی دیه دردین آقام امام حسینه و یا امام حسنه دیوبدی جدی کی محشرده اشگبار اولماز او گوز که اشک توکوب آغلیا امام حسنه مزار پاکی معطر ایدوب بقیع چولونی اوزاخدان آغلیار اهل ولا امام حسنه نه صحنی وار نه رواقی نه بیر ضریحی ولی او قبر اولوب حرم کبریا امام حسنه گلر امام زمان قبرینی طواف ایلر ایدر او چولده دویونجا نوا امام حسنه گلون ویراخ ال اله بوگجه توسل ایداخ وطن غریبی او درد آشنا امام حسنه سالاخ خیاله او ساعت که سسلنوب زینب نه یاتمیسان گوزون آچ قیل عطا امام حسنه ایاقه دور بو آخان قانی سیل دوداقیمدن حسینه دی گله باش چکماقا امام حسنه #شهادت_امام_حسن_مجتبی_علیه_السلام #صفر_۲۸ #کانال_باب_الحوائج http://eitaa.com/torkiy

✅روضه امام حسن مجتبی(ع) ✅گریز به حضرت زهرا(س) دور خواب نازیدن باجی یاندی جگرلریم ئوز منزلینده اولدی دچار جفا حسن اولسیدی فاطمه سنه اولمازدی زحمتیم (باجی محبتین قارداش محبتین هیچ محبتینن قیاص الماخ اولماز ) قارداش باجی او حالیده بیر اولدی قول بویون او حالیله نچه دفعه اتاقی دولاندیلار گه صاقه میل ایدوب گه صاقدان دونوب صولا گویا که بیر بالیخدی دوشوبدی سودان کنار تا خاک لحد بستر وجه الحسن اولدی دنیاده حسینین سوزی ایوای حسن اولدی دنیانی گوروم گلشنینون گلری سولسون هر غنچه سینون باغری قزل قانیله دولسون سن اول آنام اولسون بابامیز روضه سی اولسون قوی قارداشین آواره قالوب چولره دوشسون گیت سن منی گر ایستسه گویلون سنه قربان گل کرببلا دشتینه بیر گون منه مهمان گورسن یارالی قوملارون اوسته ویریرم جان ممکن اولا بیر جرعه گتیر سو منه احسان ✅سبک اورک یارام ایندیکی دییر ماجراسی چوخداندی سگیز یاشمدیدی کوچه ده قلبیم اوت توتوب یاندی آنامی دشمن دوین گونن بو جگرلریم قاندی شرار جان سوز آهیله سینه داغلادیم یولدا آنام یخلمشدی کوچه ده باخدیم آغلادیم یولدا (زینب یادیمنان چخمیوب او کوچه ده گله گله بیر باخدیم ننمین یوزونه ) او یرده چرخ اصالتدن بیر ستاره دوشموشدی یول اوسته ایوای بالا باجی گوشواره دوشموشدی چون قباله پاره قلب اولدی یارا یول گیدور زهرا ولی بولمور هارا #شهادت_امام_حسن_مجتبی_علیه_السلام

#روضه_شهادت_امام_حسن-(ع) #زبانحال_حضرت_زینب_(س) گلون ای اهل عزا ایندی حسنن دانشاق چوخ غریبانه ئولوب درد ومحنّن دانشاق گئتمیوب رزمگه، باشینی دالدان کسلر قاتل ئوز محرمیدی ائوده ئولنّن دانشاق قورویان لبلرایلن سسلدی امدادیمه گل باجی زینب ئولورم دهریده فریادیمه گل گلدی زینب اوزمان قارداشنون محضرینه گه باخوردی حسنه گاهی باخور همسرینه دئدی قارداش من ئولیدیم نه گلیبدی باشوا گوردی قان هاله سالوب قارداشنون لبلرینه دئدی قارداش نه گلیبدی باشوا ایله بیان یاتانا اوخشویوسان گوزلرون آچ بیرده اویان زینبون خواهشنه اوردا حسن گلدی دیله دئدی زینب حسنونده گمیسی باتدی گیله منی مسموم ائلیوبلر باجی یاندی جگیرم اولماسا زحمت اگربیربالا طشت حاضرایله طشتی آماده ائدوب زینب کبری او زمان طشتی دولدوردی جگرپارسی اطرافینی قان زینبون آهی اوجالدی دئدی ای وای ننه جان حسن ئولدی حسن ئولدی یانورام های ننه جان دئدی یا فاطمه گل اوغلون حسن جان وئریری ننه لازیمدی دیسون اوغلونا لای لای ننه جان ای سعیدی سوزی قورتار دئمه تابوتینه اوخ ننه زهرا بیله بو مطلبی هیچ طاقتی یوخ ✍(سعیدی) #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج http://eitaa.com/torkiy

دور یارالی سال یولا دلغمین قوناقلاری کربلادن آیریلور اربعین قوناقلاری ویرمدی امان فلک باشه قاره باغلیوم فرصت اولمادی اورک قبرون اوسته داغلیوم قوی گیدوم مدینه ده بیر دویونجا آغلیوم بو سفرده چوخ یوروب اهل کین قوناقلاری وار خیالی ساحلِ نهرده قالا رباب بو چوله چادر وروب ولوله سالا رباب شیرخواره اوغلونا لای لای چالا رباب یانه یانه ترک ایده بو حزین قوناقلاری آز قالور فراق اوخی قلبیمی بوله حسین چون داخی گلنمرم بیرده بو چوله حسین قیل دعا جانیم چخا زینبون ئوله حسین دی آپارسین ئوز بالان عابدین قوناقلاری اولسا ممکن ایستورم من سنی دانشدیرام اود وُروب اورکلری آهیله آلشدیرام تاپمورام کسوک الین سینمه یاپشدیرام غمدی غصه دی  محن زینبین قوناقلاری ئولمیوب اگر چاتام جدّیمون دیارینه چوخ سوزوم وار ئوز آنام فاطمه مزارینه انتظاریدور بقیع بو بلا قطارینه تا حجازه ساق چاتا یا و سین  قوناقلاری سنسیز ای امید جان من جهانی نیلورم خیمه گاهون اود دوتوب خانمانی نیلورم آیری یام رقیه دن من بو جانی نیلورم یاندیروب  او بلبل مه جبین قوناقلاری قیل دعا بو موکبِ محنتیم داغلماسین چاتمامیش مدینیه دولتیم داغلماسین یولدا ئولمه سون  رباب هیئتیم داغلماسین ناله سی کباب ایدر بی مُعین قوناقلاری __________🥀🥀🥀🥀🥀🏴 #اربعیــن_۱۴۰۳

وداع زینب کبری باقبر برادربعدازاربعین،،، ✍اثرطبع: کربلایی محمدرضامحمدی(ناعم) 🏴🏴🏴🏴🏴🏴🏴🏴🏴🏴 گئدورم کرببلادن اوره گیم قاندی حسین اربعین باشه یتوب،موسم هجراندی حسین ،،،،،،،،،،،،،،،،،،، دور دعاایله منی یثربه ساری گئدورم ترک ائدوب انجمنی یثربه ساری گئدورم تاپشیروب حقه سنی یثربه ساری گئدورم آیریلیق فکرائلمه زینبه آساندی حسین ،،،،،،،،،،،،،،،، وطن اهلین گیدورم واقف اسرار الیم آغلیام گوزلریمی اورداداخونبار الیم دردووی خلقه دییب،خلقی عزادار الیم بیللر غملی اوره ک تنگه گلوب قاندی حسین ،،،،،،،،،،،،،،،،،، زینبم من،بیلوسن عهدیمون اوستونده وارام ایستورم کوینگووی یثربه سوغات آپارام قبرزهراده گئدوب نوحه دیوب باش آچارام ایندی زهراده سنون دردووه گریاندی حسین...... 🏴🏴🏴🏴🏴 #اربعیــن_۱۴۰۳ #وداع_از_کربلا #کانال_باب_الحوائج http://eitaa.com/torkiy

💐🍃🌿🌸🍃🌾🌼 💐🍃🌿 🌾🌼 اربعین وداع از کربلا اصغر فرشچی ( عدلی تبریزی) سبک: سن آغلوسان من دوزنمورم ... قوتولدی وصلت باجون اولور یثربه روان قارداش یولا اوزون سالماسان منی گئتمرم اینان قارداش کر: دورسال یولا بو بلالنی مدینه لی کربلالنی زینبون سنه قربان اورکده واردی ایکی گویول دردینه دوا ایستر بیری سنون قبر اطهرون یعنی کربلا ایستر بیری نجف هم مدینه نی هم آتا آنا ایستر اولوب باجون بو گویولده کی شعلیه یانان قارداش ایدوبدی امر ساجدون اولاخ عازم وطن سنسیز باجون ئولسون یوخدی بیزلره بدرقه ایدن سنسیز دو سال یولا زینبون گیدور خسرو زمن سنسیز یولا اوزون سالماسان منی گئتمرم اینان قارداش گیدوب اگرچه جلالیمیز غارته بو صحراده حریم عشقه غزال اولان صید اولوبدی صیاده فلک چووردی وصالیمی فصله گلمدیم داده خدنگ ظلمه بو سینمی ایلدیم نشان قارداش دوشوب محاقه ماه تک ابرخونیده باتدون سنیله باتدی ستاره لر گوزدن عالمی آتدون سیننده یرویردون اصغره بو مزاریده یاتدون بو قبراولارکعبۀ دل با صفا مکان قارداش سنون کیمی عشق کویونی گزمیوب گزن اولماز وفا یولون سیر ایلیوب جانیدن گچن اولماز بالا قانون الده دوتوب گویلره سپن اولماز سن اولموسان سودامرقانون آللها ساتان قارداش شراب وصلوندن ایشموشم ایله مست و مخمورم گرک دوزم درد فرقته دوزماقیمدا منصورم لوای حق الده دوتماقا بوزماندا مسرورم ویرم آلام عالی نمره لر منده امتحان قارداش مدینه ده پرچمون اله آلارام دولاندورّام قوروب عزا مجلسی سنه شمع آهی یاندورّام ندور هدف بو قیامیدن مردمه من آندورّام گرک ایدم ظلم دشمنی عالمه عیان قارداش اورکده وار زایرون اولا «عدلی» خادم درگاه دوتارعزا نوحوی یازار سسلنر عزیزآلله مریضه سی واردی یاحسین ایل گچر اونا هر ماه شفاسینی با هم ایستیاق شاه انس و جان قارداش #اربعین_۱۴۰۳ #وداع_از_کربلا #حضرت_زینب_سلام_الله_علیها #کانال_باب_الحوائج http://eitaa.com/torkiy