🌸🍃🌾🌼
🍃🌺🍂
🌿🍂
💐
ولایت سیز عبادت درده دگمز
دیانت بی ولایت درده دگمز
برینده اولماسا حُبّ ولایت
قیامتده اونا اولماز شفاعت
ولایت اولسا دین کاملدی والله
ولایت سیز عمل باطلدی والله
ولایت یعنی خطّ مرتضادی
ولایتدن نمونه کربلادی
ولایت مکتب خیرالشردی
ولایت مذهب اثنی عشردی
پر جبریل اولا گر جانمازون
ولایت سیز قبول اولماز نمازون
ولایت مایۀ عزّ و شرفدی
ولایت عشق سلطلن نجفدی
علی حقّینده وار بیله نوشته
ولایت سیز بشر گتمز بهشته
ولایت اولسا دللر منجلی دور
بولون درده دگن حُبّ علی دور
ولایت سیز بشر چاتماز مرامه
قبول اولماز گیده بیت الحرامه
ولایت مِحور قرآن و دیندی
ولایت شیعییَه حَصن حصین دی
ولایت پایۀ دین مُبین دور
بلی منظورامیرالمؤمنین دور
ولایت اولماسا عمرون فنادی
ولایت اوسته زهراده فدادی
نجات شیعه لر روز قیامت
ولایت دور ولایت دور ولایت
💐
🌾🌼
🍃🌾🌼@soalahkam
🌸🍃🌾🌼
کــیمدی حیـــــدر....
کیمدی حیدر اونا شاملدی بیله لطف خدا
کیمدی حیدر آدینافخر ایلیور ارض و سما
کیمدی حیدر دوشوب آوازهسی چرخ و فلکه
درس تسبیح و مناجات ویروبدور مَلکه
کیمدی حیدر باش اولوب شأنی مسیحا دمدن
رتبهسی لوحیده برتر یازیلوب آدمدن
کیمدی حیدر بیله بی واسطه و بی پرده
دانشوب حضرت پیغمبریلن گوگلرده
گر علی ورماسا امضا چاتا حق اثباته
اَنبیاده قویا بیلمز قدمین جنّاته
✍ استاد سیفی اردبیلی
@soalahkam