القصيدة: شفتك وطن الرادود: محمد الجنامي الشاعر: محمد العقابي ~~~~ شفتك وطن والوادم ايحبونك والدنيا يحسين ازغر امن اعيونك بس انت تحلالي وإجروحك بّالي ..حبيبي ~~~~ بِديت اوياك من نبضي لَحد ما بيّنت بيّه يمن بس انته عندي اهواي اوكل الوادم اشويّه واعرفتك ليّه كلشي اتصير مثل النسمه للريّه اومن يوم الضگت خيرك عرفت اللطم حريّه لو ما وجودك ماتطيب أجروحي وانته الملك بيدك أمسلم روحي عبدك صدگ غالي وجروحك ابالي حبيبي .. حبيبي ~~~~ غيرك ما حله بروحي وحدك بالگلب انتَ ولگيتك وحدّك دنيا وخيرك كل وكت شفته عزاءك اغله من كلشي وعشرة عمر عاشرته بحواسي الخمسه عاشورك وجرحك بالگلب عشته هنيالي ويخدامك آنه امچاني وهنيالي چي مالكني يا سلطاني وابكلشي تبرالي وجروحك ابالي حبيبي .. حبيبي ~~~~ اريدك وين ماسيّر وكل ما ترمش اعيوني واحب بس العله اجروحك يبچون ويبچوني واريد ابحرگه الطملك بكل أحساسي واظنوني اليگلي اشلونك امن الناس اگله كربله لوني والكربلاءك كل وكت حنّيتي حتى لو اشتم عطرك ابتعزيتي بيك آنه هنيالي وجروحك ابالي حبيبي .. حبيبي ~~~~ اشوفك وين ما اشتاگ حنينك بالگلب يكثر الما ضايگ عزاءك زين بعيون الصدگ يزغر وكل الدنيا والوادم بكيفك تزغر او تكبر يحسين العمر مره من عاشور للمنبر مايستقر نبض الگلب بس يمك ترتاح روحي اهواي كلما اشمك غير انت دلالي وجروحك ابالي حبيبي .. حبيبي ~~~~ يهلبت ينكسر ظهري وأحس اشيوجع أبظهرك واريد الخيل تسحگني وأحس بالآخ البصدرك الهسه ونحري يوجعني من سولف سالفة نحرك يريت الموت اخذ عمري ولا ماخذ دفو عمرك الف و تسعمية جرح يوميه اتمنه كلهن ذني صارن بيه مايستقر حالي وجروحك ابالي حبيبي .. حبيبي ~~~~ وكلما مر محرم كون للطف روحي اوديها الهسه وزينب ابّالي الحبل شمسوي بيديها من اشوف ابنيتي گدامي احس ببنيتك اشبيها ورقيه الهسه تبرالي من اذكر تراچيها ياريت كون ابصدري اشيل اسهامك ياريت بالطف بيدي اطفي اخيامك دمعاتي اتلالي وجروحك ابالي حبيبي .. حبيبي ~~~~

اسم القصيدة : ضامن الدمعه اسم الشاعر : #احمد_الهلباوي اسم الرادود : #محمد_الجنامي 🏴🏴🏴🏴🏴🏴🏴🏴🏴🏴🏴 إمن الرضا الضامن دمعتي وفاطمه المعصومه اطلب الدمعه المحرم للغريب ويومه بروحي يبقى اول نفس وآخر نفس ~~حسين للغريب ويومه 🏴🏴🏴🏴🏴🏴🏴 لو هل محرم علي گلبي أشعظم بخته كله بحنان الرضا ثوب اسود البسته اسجدله سجدة شكر وأسجد شكر لإخته لو دمعه مني تهل بالمجلس العمته هو اليبچيلي عيني واليحرك الساني لو أضيع وأنسه روحي هو ما ينساني ابگلبي ما اشرك احد ما عندي بس~ حسين بروحي يبقى اول نفس وآخر نفس~ حسين للغريب ويومه 🏴🏴🏴🏴🏴🏴🏴 إنت الگلت سيدي قصدك تدليني إن كنت باكـٍ لشيء ف ابكـي على حسيني متأكد ال هالسبب الله خلق عيني وصار اللطم مذهبي وصار الدمع ديني يلي جفنك جرحته ادموعك الهمايه ارزقنه عاشور الذبيح وموكب المشايه وطهر ارواح ونفس كلمن عشگ ~حسين بروحي يبقى اول نفس وآخر نفس~حسين للغريب ويومه 🏴🏴🏴🏴🏴🏴🏴 يا فاطمه اخت الرضا دايم الچ ودي ابحيلچ اريد اللطم ما اگدر الوحدي الجدچ اصب دمعتي وبسمچ اريد ابدي مشيني فوگ الجمر كل حيل ما عندي أنريد من عندچ عزانه وانتي التحضرينه انطبر الهامه بوجودچ وإنتي الداوينه الخادم اتمسحينه بيدچ لو صرخ~حسين بروحي يبقى اول نفس وآخر نفس~حسين للغريب ويومه 🏴🏴🏴🏴🏴🏴🏴 كل مجلس برحمتك يابن علي انحضره وإنت التبچي الگلب ع المنگطع نحره راويني نار الخيم بالطف ولو نظره حتى احترگ وأبچي دم ويه امك الزهره ندري جمرات المخيم بالگلب تچويها ايد بيها اتكض ضلعها وأيد تلطم بيها أتذوب من تسمع اسم حسين حسين~حسين بروحي يبقى اول نفس وآخر نفس~حسين للغريب ويومه 🏴🏴🏴🏴🏴🏴🏴 ي الشايل اكبر حزن ع الظامي وأخيامه اسمي عبد فاطمه سجله اويه خدامه خليني من الخدم المطينه الهامه من تحضر ام الحسن وإتشاهد إحزامه اشكبره بخته اللي تشوفه الزهره طابر هامه وبالطبخ دشداشه سوده امشكله بحزامه وتكتب ابدمعة حزنها إعله الجدر~حسين بروحي يبقى اول نفس وآخر نفس~حسين للغريب ويومه 🏴🏴🏴🏴🏴🏴🏴 حط بينه نار العطش بس لحظه خنضوگه وراوينه ركضة طفل وأجدامه محروگه وسمعنه ونة خدر بالنار محروگه وسمعنه ونة جسد وأضلوعه مسحوگه الليله سوينه يتامه منذبح والينه سيدي وإسياط اميه خلها تلسع بينه وكون من يلسعني سوط اصرخ فقط~حسين بروحي يبقى اول نفس وآخر نفس ~حسين للغريب ويومه 🏴🏴🏴🏴🏴🏴🏴🏴🏴

قصیدة ؛ کلهه‌تسأل الرادود ؛ محمدالجنامي الشاعر ؛ حمزه‌السماوي #اربعین_1444 #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ◾️جـــــدیـــــد◾️ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡

اسم القصيده : كلهه تسال اسم الشاعر : #حمزه_السماوي اسم الرادود : #محمد_الجنامي المناسبه : ليالي الاربعين ١٤٤٤ الهجري المكان : عزاء انوار الجواد | الكاظميه المقدسه 🏴🏴🏴🏴🏴🏴🏴🏴🏴🏴 مرتين ضعني ابكربله نزل نزل مره ابهل مره ابلا اهل اهل كلهه تسال ... زينب انتي ؟ وين جنتي ... وين صرتي ●○●○●○●○●○●○●○● كربله اوصل ليهه .. وصعبه انزل بيها وجفه مكطوع الينزّلني من النوك رجعتني ايامي .. اهنا اجوا لخيامي اهنا شفت محروك يركض يطفي محروك جان اليداري خيمتي ويحرسني عباس كال ارد اجيب الماي ردلي اعله الرمح راس والشامي وللكوفي عليّه اليوم حراس بدموعي خلصت السبي اون اون ماباقي بيه من الضرب متن متن روحي نزلت ... وي دمعتي وين جنتي ... وين صرتي ●○●○●○●○●○●○●○● جنت اجي لخواني .. وكفه كلها اتاني ومستحيل ابرجعتي توكفلي الكبور اشلون اسكت عيني .. ذاك كبر حسيني مو اشفافه كبره من العطش مفطور اتمنى يفتحلي الكبر واكعد واحاجي وايكلي زينب كل جرح بالشام عوفيه بس جرح بنتي بالخرابه عينج اعليه عندي الم ماينحجي حجي حجي يم كبره اقراله نعي وبجي وبجي لو سألني ... ليش رحتي وين جنتي ... وين صرتي ●○●○●○●○●○●○●○● اهنا قبل ياوادم .. عندي عرس القاسم هسه بس عطر الحسن اشتم بالتراب وابن ابوي الغالي .. كبره مثله ايلالي علي الامبر جنت اشوفه بس علي غاب عبدالله ماعنده كبر كبره صحت وين كالولي عبدالله اندفن بضلوع الحسين الطم بقيت اعله الوجه بجفوفي الثنين اكماطه فرشته عالترب احن احن وظليت الولي عالكبر و اون و اون ابكبره ناده .. هلا بعمتي وين جنتي ... وين صرتي ●○●○●○●○●○●○●○● اهنا مواقف صارت .. روحي من احتارت وصحت خويه شبصرك ابن امي بالاصحاب جاوبتهم هوساتهم .. ركضوا ابشيباتهم هسه شيرجّع الناموا حدر التراب يدري حبيب بغربتي واشكثر عانيت عمّي يعمي واكفه بديوان ظليت وجهي بديه مستحه بالشام غطيت لقد خزينا من النزر صحت صحت من شتموا الزهره و علي متت متت ولله صعبه ... يا وكفتي وين جنتي ... وين صرتي ●○●○●○●○●○●○●○● اشلون ارد الداري .. و من يجي خطاري وين اخوتج يسأل الما يعرف اشصار ما تطيب اجروحي .. روحي عافت روحي اهلي كلهم بالتراب ازغار واكبار ام البنين التنتظر يا ريتها اوياي وتشوف متغيره من ضيم دنياي كطعوا اجفوف وجم نحر من كطعوا الماي ما ارتوي ابماي العذب بعد بعد الخيمه بلا اخو بلا عمد عمد ماكو محنه ... من محنتي وين جنتي ... وين صرتي 🏴🏴🏴🏴🏴🏴🏴🏴🏴 ♡◇♡

قصیدة ؛ بشرط‌واحد الرادود ؛ محمدالجنامي الشاعر ؛ حمزه‌السماوي #اربعین_1444 #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ◾️جـــــدیـــــد◾️ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡

اسم القصيده : بشرط واحد اسم الشاعر : #حمزه_السماوي اسم الرادود : #محمد_الجنامي المناسبة : ليالي الاربعينيه ١٤٤٤ المكان : موكب عزاء جمهور الكاظميه 🏴🏴🏴🏴🏴🏴🏴🏴🏴🏴 اذا نرجع سوره رايد .. نرد بس بشرط واحد ترد عباس ارد زينب يخويه تردهم تعتذر .. واردهم انتظر اشبقه من العمر .. يخويه ■□■□■□■□■□■□■□■ رحت عنك يبوفاضل - واجيتك من بعد فركه مشيت اخيامي محتركه - ورجعت وروحي محتركه وتتلكاني منتظره - واعد لحظات للملكه مامتوقعه يخويه - كدامي كبر الكه عباس الجبير اشلوم كبرك يلمك ساكت ليش وآنه اهواي خويه اكلمك مشتاكه يماي العين اكعد واشمك اريدك ترجع اويايه .. بلا رايه مع الرايه المهم مانبقه نتعذب يخويه اجيت من الاسر .. تعال من الكبر اشبقه من العمر .. يخويه ■□■□■□■□■□■□■□■ يخويه شكد حجي عندي - بكثر ما جسمك اتكطع يعايش بيّه متاكده - شحجي بالكلب تسمع كلت لو انته حاضرني - وشفتني امن الهزل اوكع بلا جف صعبه تلزمني - واظل الةحدي اتلوّع ما اطلع جنت للباب تدري سبوني من منزل علي الديوان خويه الخذوني وحدي ابنص جموع الجيش وليه ولوني اجيتك وآنه متغيره .. شكثر بالممشه متعثره صعب بس فقدك الاصعب يخويه اثر بيدي جمر .. يرجعك يا صبر اشبقه من العمر .. يخويه ■□■□■□■□■□■□■□■ اأذيك ابحجي جرةحي - و لكن للحجي لا بد رديت ابسبي وغربه - واحجي وما عليه اترد انصب خيمه يم كبرك - واكعد لحد ما تكعد النفس انته يبو فاضل - اموتن لو تظل مبعد فقدك خويه نص الليل روحي كمرها يمك ريت خويه يصير زينب كبرها ناري لا تظن فد يوم يبرد جمرها يمن توكف الي شلونك .. وكفلك سهم بعيونك احس كبرك قهر شيب يخويه بعد يمته تمر .. يكلبي المنكسر اشبقه من العمر .. يخويه ■□■□■□■□■□■□■□■ احلفك خويه بدموعي - ترجع اجفوفك الزندك وتمسح دمعة اعيونك - و دم الجامد بخدك واسمعك يا هلا تكلي - شحلاة الهلا منعندك اعذريني انه عاذرتك - راحه ما شفت بعدك كل جروحي خويه اتطيب لو بس اشوفك ما ينطيني كلبي اليوم امشي واعوفك راح احرم و اصلي عليك وبدمعي اطوفك يالعايش تظل بيه .. عدله ميته مسبيه الحك ريح هجرك هب يخويه ردت اشتم عطر .. ينسيني اليسر اشبقه من العمر .. يخويه ■□■□■□■□■□■□■□■ ارد الارض المدينه ابآه - كلها تطلع اتسائل زينب هاي ما معقول - شو تمشي بلا كافل وتجي ام البنين تنوح - وادموع العزه انواصل هيه تصيح وين حسين - وآنه وين ابوفاضل خويه شرد اكول هناك دمعي يجاوب لمن عافني العباس جتني المصايب ابقه هناك ليل انهار وحدي اعاتب وحك دمعي عله الناكه .. وعد بالموت نتلاكه سمعتك ميت وتنحب يخويه لقائك بالكبر .. واحاجيك اشكثر اشبقه من العمر .. يخويه 🏴🏴🏴🏴🏴🏴🏴🏴🏴

قصیدة ؛ عالم‌آخر(بالمجلس) الرادود ؛ محمدالجنامي الشاعر ؛ سیدعبدالخالق‌المحنه #اربعین_1444 #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ◾️جـــــدیـــــد◾️ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامي ♡

اسم القصيدة : عالم اخر اسم الرادود : #محمد_الجنامي اسم الشاعر : #سيد_عبدالخالق_المحنه المناسبة : ليالي محرم الحرام ١٤٤٤ المكان : حسينية الحاج عبدالزهره الفرطوسي | ميسان 🏴🏴🏴🏴🏴🏴🏴🏴🏴🏴 من شفتك ما شفت الناس مشاعر حب واحساس تغازل بالانفاس .. غزل ماي و ضوه حبيتك موطن عشاق حبيب و ماكو فراق يشوق الما يشتاق .. يا جرحي والدوه ضواي .. مناي ..هواي .. يا اغلى من الهوه ■■■■■■■■■■■ يا شجره ابصحره و صيف .. ترافه و رمشك سيف اشوفك وقت ضماك .. روجة ماي ترويني يا شوقي الما مألوف .. يا عيني البيك تشوف احبك حب ما صار .. جمرة نار تجويني ما تغيب .. يالوجهك يملي الدنيه شوق و لهفه ما تغيب .. يالحبك عالم اخر نجهل وصفه ما تغيب .. بغيابك عمر الحب يواجه حتفه يا ضي عيني يانور الما شافك ضاع لقاء بغير وداع اشوفك فوق الكاع .. و اباوع لسمه راسملك صورة عطشان تدور عن انسان يموت و بيه وجدان .. يبخ نار و ضمه هويت .. رجيت .. دعيت .. لون نعطش سويه ■□■□■□■□■□■□■□■ لونّك ما موجود .. خيام بلا عامود الحياة اشلون تصير .. وحشة بير مكروهه اجيتك طير و طاح .. غريب بلايه جناح لقيتك ديرة شوق .. والعشاق سكنوها و انت ذاك .. ونشوف الدنيه اندارت عالم راحت و انت ذاك .. بالعالي و وادم ضاعت وادم طاحت و انت ذاك .. متسيد عرش الغيره و روحي الصاحت هذا حسيني ماريد الحب بلا نار و اريده بلايه اسرار و اسولف ليل نهار .. جنون اهل العقل لو ما اتعذب ميفيد محبتي جروح تريد اريد النار تزيد .. و اهيمن و انشغل بجيت .. نعيت .. ضميت .. حبيبي ماروه ■□■□■□■□■□■□■□■ سمعتك اجمل صوت .. يواجه سيف الموت تموت بلا تابوت .. يا تابوت يكفيك اشوفك بين الخيل .. كأنك نازل سيل عجيبه حتى الماي .. من ضميت يدعيلك يا ضمير .. ماتسمع موته الوادم وانت اتخاطب يا ضمير .. مو طايح ما اكصصهم وانت اتعاتب يا ضمير .. ما اكدر اوصف جرحك عفت جروحك وتداويني يالجسمك ضي مامجموع يواكع بس مرفوع يساكت بس مسموع .. جسد فارش أرض يا اول دم خضّر ثار يريد الناس احرار غياره وكلها اصرار .. اذا حان الفرض فداء .. دماء .. ولاء .. يظل عالي اللّوه ■□■□■□■□■□■□■□■ لكيتك ظل ممدود .. جبير و ما محدود زغيره الدنيه تصير .. من تنقاس بابهامك اشوفك من بعيد .. ذبيح و رافع ايد غيور و ردت اتكوم .. شفت النار بخيامك يا عظيم .. ميهمك رضت حافر عثرت حافر يا عظيم .. شيضرك طحت اليوم و تنهض باجر يا عظيم .. ما رضّوا صدرك لو ما عرفوا صدرك يحمل ديني يا اول فارس ينشاف وحيد ابّين آلاف عساكر كلها اتخاف .. اذا بس تلتفت من شفت الخنصر مبتور عرفتك ما مكسور يبيرق حب منشور .. ولا مثلك شفت جميل .. جليل .. دليل .. يروح القل هو ■□■□■□■□■□■□■□■ الهك كلشي نطاك .. شتريد يكلك هاك جميل بكلشي تصير .. بس مجروح احلالك عجيبه والخدام .. بوجودك كلها اعلام و حقك جنه اصغار .. هسه كبار بافضالك والملوك .. ما دامت حكمت فتره و انت الدايم والملوك .. ما شافت هاي النعمه و تحسد خادم والملوك .. تتراجع ما تتقدم و انت القادم ما ناسيني خليت الخادم سلطان عزيز و ما ينهان جليل و عالي الشان .. اله جاه و بخت يا هنياله اليوفي وياك يذكرك ما ينساك تلزمه بكف يمناك .. و هي بكيفك صفت امان .. ضمان .. حنان .. على هالمستوى 🏴🏴🏴🏴🏴🏴🏴🏴🏴

قصیدة ؛ ضعینة‌الرؤوس الرادود ؛ محمدالجنامي الشاعر ؛ مجیدالهلالي #محرم_1444 #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ◾️جـــــدیـــــد◾️ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡

اسم القصيده : ضعينة الرؤوس اسم الشاعر : #مجيد_الهلالي اسم الرادود : #محمد_الجنامي المناسبة : محرم الحرام ١٤٤٤ المكان : موكب طلبة مدينة الرميثه 🏴🏴🏴🏴🏴🏴🏴🏴🏴🏴 بضعينة روس و ليالي اعتلن رمحين عليهن راس ابوفاضل و بوي حسين دليلي ناح أشوف أرماح عليهن راس ابوفاضل و بوي حسين ●○●○●○●○●○●○●○●○●○ عگب ما ذبحوا كل اهلي و أعمامي وحيد آنه بگیت ابحيرة ايتامي حده ظعن السبايه و هاجت آلامي وخلّوا راس ابوي و عمي جدامي اعله وجه حسين أصد انظر اثر اقدام على نحره جمر طافي ورماد الخيام الجمر و النار تجر لشرار عليهن راس ابوفاضل و بوي حسين ●○●○●○●○●○●○●○●○●○ من خيم ضلام اليل علصحرى ذبوروس و لياني علي الغبرا وشفت بعيون گلبي حضرت الزهرا تقبّل نحر ابوي وتنعی بلعبرا ابحضنهه رأس ابوي و عمي العباس وشفت طاحت كثر ما لطمت اعلی الراس شفت لضلوع دماها ادموع عليهن رأس ابوفاضل و بوي حسين ●○●○●○●○●○●○●○●○●○ أصد رأس الحسين و دمعته سالت نظر طفل الرضيع الرگبته مالت طول الدرب عينه اعلی الضعن دارت ودلاني ابرقيه اهناك من طاحت لچن عباس عينه تحچی وي زينب ابزعل ينظر لون شاهد عدو يگرب سمعت ونين هذن رمحين عليهن رأس ابوفاضل و بوي حسين ●○●○●○●○●○●○●○●○●○ عليل آنه لچن الاشد من علتي حرم والجامعه وأيتام برگبتی جدامي الرجس يدفع رقيه اختي والا صعب عليه من شتم عمتي لون عباس حي بعده ويشم الهاب علينه اشحده يتعده و يرد أجواب الحرم عنوان خدر من چان عليهن رأس ابوفاضل و بوي حسين ●○●○●○●○●○●○●○●○●○ الهظمني شاهدت عمتي يچتفوها شلون انظرها و بمجلس يوگفوها وبسياط الحقد لمتون ورموها وصاحو هاي بت حيدر اشتموها علي تزداد احزاني من اتذكّر يزيد ابسوط من يضرب علی الخدر وتزيد اشجون من ايطلعون عليهن رأس ابوفاضل و بوي حسين 🏴🏴🏴🏴🏴🏴🏴🏴🏴

قصیدة ؛ کربلائي‌ولائي الرادود ؛ محمدالجنامي الشاعر ؛ حسین‌الساعي #محرم_1444 #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ◾️جـــــدیـــــد◾️ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡

اسم القصيده : كربلائي ولائي اسم الشاعر : #حسین_الساعی اسم الرادود : #محمد_الجنامي المناسبة : ليالي محرم الحرام ١٤٤٤ المكان : هيئة الصديقه الطاهره | الديوانيه - الحمزه الشرقي 🏴🏴🏴🏴🏴🏴🏴🏴🏴🏴 لآخر انفاس یهالناس اظلن فاطمي کربلائي ولائــي و للحسـیــن انتمي ¤■¤■¤■¤■¤■¤■¤■ جسمي روحي والگلـب   مجروحه و ادموعي تصب امن المهد رافگني حب   للیوم بيه گلبي ابتله هـالأرض کـلـهـا فـخـر    و اترابها کحل النظر احسیـن بیهــا و الگمر    عباس راعي المرجله جرحـي هــيّـه و الدوه   واللـیـل هـیّـه و الضوه هیّه النفس و اهیه الهوه  کل رحمة الله ابهالفله ابـعـبـرتي و ابحــســرتي   و ابدمعتي و ابجمرتي مجنون و اصرخ صرختي   يا ناس عاشـگ کربله للمنیّه هــویّــه ابشرایـیـني و دَمي كــربـلائـي ولائي و للحسین انتمـي ¤■¤■¤■¤■¤■¤■¤■ بیهـا مزروع العشگ    بیهه العدل بیهه الصدگ مثل شمعه تحترگ     و اتضوّي کون ابأكمله رحمة الله الـواسـعــه      بيبانها مـتـشـرّعـه نور الله هيـّه و ساطعه و اختارها رب العله اَمشي إلهـا كل سنه   و الروح بيها امأمّنه عمري لو إلهـا انفنه   المهم حبي اوصله لمّن امشـي الهالأرض   كل خطوه محسوبه فرض بـيّــه كلشي ما يمض     كل الـم اتـحـمّـلـه ازحف ازحوف للطفوف و اهيم ابعالمي كــربـلائـي ولائـي و للـحـسـيــن انـتـمي ¤■¤■¤■¤■¤■¤■¤■ تبقـه ثـوره صامـده   ضدّ الظلم متواجده جــنّـة الله الخالـده   الدنيه بيها امكمّله بيها غيـره و عاطفـه   و ابكل شبر تلگه وفه شکو وگفه امشرّفه   ابگاع الطفوف امسجله بـيـهـــا تــلّ الـزیـنبـي    خـلّـد رسـالات النبي ضد الظلم ضد السبي   بیها ابتدت ام العله الدین منها وگفـتـه  بالسمه کتبوا لافته الـراد یـبـدي ثـورته   کربله باء البسمله ابساعة الموت اگلهه يروحي اتقدّمي كـربـلائـي ولائــي و للحسین انـتـمـي ¤■¤■¤■¤■¤■¤■¤■ كـربــلـــه يـا امّ الفـخـر     اصبح رمـز دمّ النـحر و الدّم  عله السيف انتصر  و بيرغ لبواليّمه اعتله بیها عابس بیها جون   بیها جعفر بیها عون المحب یعقل بالجنون   النوب دینه ایکمّله بیها عبّــاس الشهــم    کفویـن منّه و النعم لاویهن اچفوف الزلم  خلّه الزلم تتوسّله صال صولة حيدره   عباس سبع الگنطره و الثریه اعله الثره   گالبها ابن عقد الوله عایش ابنوح و الجـروح محـرّم موسمي كــربـلائـي ولائـي و للـحـسـيــن انـتـمي ¤■¤■¤■¤■¤■¤■¤■ نار گلبـي امــوجّــره      بیها زیــنــب حــایره بعد سبـع الگنـطـره    و حسین شیخ القافله اچفوف بیهه امگطعه    و اموزعه اعله المشرعه اکبر مصیبه و فاجعه     ذابح طفلهم حرمله کل خمیس من السمه    تنزل الـهـا فاطـمــه و اعیونهـا تهمـل دِمَه    لمصاب ابنها و‌ مقتله هـاي صرخــه و تعتلي     افدي مالي و كل هَلي بس کون یرضه ابوعلي   و یکتبني بس خادم اله دمعی سچّاب عله مصاب ذبیح الهاشمي كــربـلائــي ولائــي و للـحـسـيــن انـتـمـي 🏴🏴🏴🏴🏴🏴🏴🏴🏴