#قصیده_شهر_زینب_اجانه 📜 قصيدة : شهر زينب اجانه ✒️ الشاعر : كرار حسين الكربلائي 🔷 الرادود : محمد الجنامي بده موسم خدمتي ..واسولف وي دمعتي شهر زينب اجانه شهر زينب اجانه 🔹🔹🔹🔹🔹🔹🔹🔹 شربت الماي بس ريحة عطش بالماي گلتلهم شكو وگالوا محرم جاي التفت لكربله وصاح الدمع وياي الخدمتك والبچي وفقني يا مولاي يالمغرگني خيرك .. ابد ماعندي غيرك الگلب ناده بحنانه .. شهر زينب اجانه 🔹🔹🔹🔹🔹🔹🔹🔹 احس جية محرم جمرة تچويني ودمعة تجيبني ودمعه توديني احاچي هلاله وجروحه تبچيني اشافت بيك زينب من عمت عيني شذنب حرمة چبيرة .. تظل بلا عشيرة صحت حضروا عزانه .. شهر زينب اجانه 🔹🔹🔹🔹🔹🔹🔹🔹 اشم ريحة محرم جايني بعطره وقميص حسين راحت فاطمه تنشره من ازور المذبح اسمع ونة الزهرة كل يوم اعله ابنها گاعده وتقره تراك بدمعة العين ..تساعد ام الحسين الدمع عدها امانه .. شهر زينب اجانه 🔹🔹🔹🔹🔹🔹🔹🔹 محرم ياحلاة الدنية بوجوده عشگت الحزن والدمعه على موده اجاني وحضرت دشداشتي السوده وامي تگلي يمه ان شاء الله العوده تگلي اوليدي انحب .. تره المسبيه زينب فداها انته وانه .. شهر زينب اجانه 🔹🔹🔹🔹🔹🔹🔹🔹 محرم صيحة بس العاشگ يسمعه بعد چم يوم تحله الونه والدمعه وحمزه من الگبر بالمئذنه ينعه ينادي يا شهر عاشور ونسمعه وحگك يا محرم .. عمرنه بدونك اظلم ولا يروه ضمانه .. شهر زينب اجانه 🔹🔹🔹🔹🔹🔹🔹🔹 محرم ليش من نبچي تلوم الناس وبيك حسين تهوه عمامته من الراس وبعد ذبحه بعشر خيالة صدره انداس وزينب تنسبي وتحشم العباس بصفر آخر ضحيه ..خبر موتة رقيه السبه عياله سبانه .. شهر زينب اجانه ‌♡⁩ ملا محمد الجنامی‌♡ ♡◇♡

اسم القصيدة : وين اخوتي اسم الرادود :#محمد_الجنامي اسم الشاعر :#وسام_الشويلي المناسبة وفاة السيدة زينب عليها السلام 1442 المكان كربلاء المقدسة/عزاء موكب الكميل الحسيني 🏴🏴🏴🏴🏴🏴🏴🏴🏴 ياروحي وين اخوتي البيهم عشت دنيتي ظليت أنا وغربتي ويلي اعله حالي محله الأخو ويه الأخت لو سولفوا سويه يگضي الوكت لمحة بصر بحچايه عاطفيه ميظل تعب ميظل قهر لو شافته اتشوف السعد هو الأخو احجاب الاخت هو الذخر هو السند مابالغت غالي الاخو واخسابه اغله امن الولد بالأخو احلى صفه حنيته والعاطفه لو سولف اسوالفه اتريحلي بالي هو اخو ويصبح ابو لأخته إذا يتيمه حگها الأخت لو وصفت وأتگول اخويه خيمه الماعدها اخو تگضي الوكت امدولبه ومتحيره والعدها اخو اتعيش العمر عيشة عزيزه امخدره متهنيه ومتنعمه ويمسح دمعها لو جره تشبع ابكلمة هلا ايسموها المدلله اصفن وأتخيله ذاك دلالي ____ هي الأخت عدها طبع كلش حلو وحنينه تحمل گلب ام طيبه عدها خلگ سفينه وأنه الصرت ويه اخوتي ام بس صرت متعذبه عافوني وحدي ابدنيتي خلوني ويه النايبه اوياهم چنت ام الخدر راحوا صرت متسلبه اوياهم سروري مشه وظليت مستاحشه عايشه وماعايشه ويه الليالي مره نمت تحت الشمس وحسين إجه ابخياله يمي وگف سد وذره هيج الأخو دلاله بس الهضم بالطف وگع وآنه اعاين طيحته واتحيرت افزع اله لو ابقى احرس عيلته وحده غريب ابكربله ويلي اعله اخوي وغربته للشمس فيّ ماصرت ع التل رحت و اوگفت گتله عدل لو متت جاوب يغالي اذكر گبل عندي اخو وأسوالفه اشكثرهن من غيرته اجدامي إذا يمشن يطم اثرهن اشحاله إذا بيه درى ذاك الخدر مني انسلب وأضلوعي بسياط وعصي متكسره و وجهي انضرب آنه ابسبي وأسأل گمت عايفني عباس اشعجب ويلي اعله راعي الخدر بظعونه~ يحدي الزجر كل طولي شافه الشمر مو بس خيالي 🏴🏴🏴🏴🏴🏴🏴🏴🏴 ♡◇♡

اسم القصيدة : حب علي اسم الرادود :#محمد_الجنامي اسم الشاعر :وسام_الشويلي المناسبة : استشهاد امير المؤمنين علي بن ابي طالب عليه السلام 1442 المكان : النجف الأشرف/ هيئة الزهراء للعزاء المركزي 🏴🏴🏴🏴🏴🏴🏴🏴🏴 حُبُُ عليٌ جوهرُ الدينِ في القبر والحشر سيكفيني ذُخرٌ سِواهُ ليسَ لي نصّبهُ اللهُ ولي لايرتضي إلّا علي..... امير ..................... علي الغالي..... الشغل بالي..... الحبيب الماكو مثله عشگ اول..... و إذا يقبل.... اقدم كلشي لجله نعم لو ماعلي قتلوا محمد ومن دون الإله الصنم يُعبد نجوم ال بالسمه اعقلها تنعد بس افضال حيدر مالهن حد من مهده مفخر الى اللحدِ فهو عليٌ وهوَ المهدي يُعرفُ مُنذُ الأزلِ نصّبهُ اللُه ولي لايرتضي إلّاعلي...... امير ........................ يسألوني.... ويعذلوني.... ويوصفوني مغالي يصير الرد..... علي الاوحد..... علي معناها عالي العدكم والتقيسونه اويه حيدر ماقيسه بشسع نعلين قنبر اشچاب الشال رايه وبيها ادبر ويه الشال رايه وشال خيبر بعضُ القضايا حقها الصمتُ وبعضها يخنُقها الوقتُ فهو مُعين الرُسلِ نصّبهُ اللُه ولي لايرتضي إلّا علي..... امير .......................... احن واطرب..... واظل اكتب...... قصايد حيدريه اشكرت ربي.... الجعل گلبي.... يذوب ابحب وليه اسولف ويه معبودي ابصلاتي سوالف فطره من وجدان ذاتي اگله ابلا علي شنهي حياتي الهي هيچ مشيني المماتي ابعدني اللهُ عن الحمقى وزادني بالمرتضى عِشقا رُزقتُ خيرَ العملِ نصّبهُ اللهُ ولي لايرتضي إلّا علي..... امير ......................... حچي ابلا صد..... منو ااتنصب...... بامر الله خليفه ترى المَخلص...... نرد للنص.... شنو شورى وسقيفه يعالم لو حچه الله ورسوله بعد ماكو حچي زايد نگوله بس شنسوي لبليس وذيوله حچاها بالسقيفه وصفگوله ابليسُ صارَ الحاكمُ العادل وبدّلَ العالِمُ بالجاهل لكنما الحق جلي نصّبهُ اللهُ ولي لايرتضي إلّا علي...... امير ......................... مصايبنه..... ونوايبنه.... وألمنه والمآسي على العاقل...... حكم جاهل.... طرود اعله الكراسي ترى اليترك علي ويؤمن ابغيره لو مجنون لو بايع ضميره ابسبب حكامنه الماعدها غيره هاليوم الشعب يجهل مصيره مازالَ جُرحُ المرتضى فينا وفقدهُ كل مآسينا به الهموم تنجلي نصّبهُ اللهُ ولي لايرتضى إلّا علي..... امير ......................... نون ننحب..... مثل زينب.... وننادي ياأبونه الطبر راسك..... طبر ناسك..... يبو روح الحنينه علي إمن اتروح تتركنه يتامه ووداعك يعني توديع السلامه يجينه العيد من غير ابتسامه وابراحاتنه نفرك ملامه ها نحنُ ايتامٌ بلا مأوى نُكابدُ الآلام والبلوى سالت دماءُ المُقلِ نصبه الله ولي لايرتضي إلّا علي...... امير 🏴🏴🏴🏴🏴🏴🏴🏴🏴 ♡◇♡

قصيدة : حب علي الرادود : محمد الجنامي ♡◇♡

اسم القصيدة : اين الفاطميون اسم الشاعر : #كرار_حسين_الكربلائي اسم الرادود : #محمد_الجنامي المناسبة الليالي الفاطمية 1442 المكان كربلاء المقدسة/هيئة عزاء شباب كربلاء 🏴🏴🏴🏴🏴🏴🏴🏴🏴 يا اهل الليالي الفاطميه باچر بالحشر عدكم هويه اين الفاطميون~ خدام الزچيه @@@ عن الباقر هالروايه وأبكتبنه سند الها فاطمه ابيوم القيامه تلتقط شيعتها كلها دمعتك لطمتك تعبك كله مكتوب ابسجلها اترك حچي الهبَّ ودب اتعب وميضيع التعب عد فاطمه كلشي انحسب وادم البطرانه خلها ابيوم البي منك تبره امك هناك ام الحسين إتصيح بإسمك باچر مايضيعون خدام الزچيه @@@ فاطمه تلزم ابإيدك بالحشر هيهات تهوى جيتك الهاي المجالس تنذخرلك خطوه خطوه ع الرمل لاتبني بيتك بيتك شما يعله يهوى قوّي الاساس ابخدمتك وأفرش البيت ابدمعتك مرتبطه خلها نيتك ابفاطمه والمال يسوه حج صوم ~ وعمر حط سبحه بيدك ابغير الزهره كلشي مايفيدك اخدم واليفوزون خدام الزچيه @@@ الامر من الباري يصدر الجنه الج يالزهره منزل تلتفت لله الوديعه اتنادي بس ابدمع يهمل مااطب للجنه إلاّ شيعتي وياي تدخل ذاك الوكت رب السمه امر القيامه ايسلمه الفاطمه وتوگف فاطمه الصفوة الخدام تكفل هنا ايبين الباچيله دمعه اتعرفه الزهره باچر ماتضيعه بالجنه ايتسمون خدام الزچيه @@@ تلتقي الزهره ابولدها وتلتقي ابحامي الحميه اتشوف طبرة راس حيدر ونبچي وياها سويه والحسن تنظر الچبده ويلّچم ضلع الزچيه وأتشوف الحسين ابوضع بس جسد~ راسه منگطع وبالخيل مهشوم الضلع وترد تشتم ابرقيه ابزينب تلتقي والهضمه هضمه اتگلها اشلونها امتونچ ييمه وللموقف يشوفون خدام الزچيه @@@ بين ذاك الجمع تطلع حرمه وأمحجبه ابهمها أتصيح ارد انظر الزهره ياخلگ ودوني يمها ومن تجي اگبال الزچيه توگع اتقبل جدمها ابحگچ تگلها امقصره يالزهره وأرجو المعذره ونسأل هناك اعله المره وإهي اتجاوبنه ابألمها آنه ام البنين ودهري ذبني حگي لو صحت يحسين يبني فگد الأربعه ايهون خدام الزچيه 🏴🏴🏴🏴🏴🏴🏴🏴🏴 ♡◇♡

اللهم صَلِّ عَلَى مُحَمَّدٍ وَآلِ مُحَمَّدٍ . قصيدة للشاعر الأديب الحسيني جابر الكاظمي ، يقرأها الموفق الرادود الحاج ملا باسم الكربلائي . حُسيناٌُ وآ حسيناه مثل طبع النسر طبعي أطير أبهيــــبة الجنحين وحس يتكسر أجناحي من أذكر مصاب أحسين حُسيناٌُ وآ حسيناه ********************* حجب غيم الكدر شمسي وعليّ وجه الصبا أظلم أبات وحسرتي بصــدري الجبل من عدها يتهدم سحابة عيني علوجنه غِداة تمـــــطر دموع ودم حزين وصبري يعصيني ويطاوعني مرار البين حُسيناٌُ وآ حسيناه ********************* يوصفولي الصبر وأنه أدور علــــصبر ما صح تهدم ساتر أجفوني ودمعتي أعله الوجن تسفح على إلي أخوته وگومه وبنينه بخـــطة المذبح يشاهدهم جثث صرعى ضحايا تناثروا صوبين حُسيناٌُ وآ حسيناه ********************* تفرق شمله وتوزع بين الشــــــارة والمنحر وبين أمواج خيل أعداه يظل وحده أبو الأكبر تتعاصف رياح الموت ويتــــلافع هجير الحر وحيد أستوحدوه الگوم حـــاير يتتجه لاوين حُسيناٌُ وآ حسيناه ********************* غير السيف ما عنده مناصر بالوغى أينصره رموه أبسهم المثلث وتكـــور من ظهر مهره وگع وگعت أخوه إلي وگع من عصروا الزهره ما أشبه أمس باليوم وجمعت كربله أمصابين حُسيناٌُ وآ حسيناه ********************* وگع ضامي وجمر گلبه أنتقل من گلبه لخيامه بحوافر خيلهم سحگوا مثل سحگاوا أيــــتامه رماح أعله الجسد وسهام من كل كتر تترامه وهجت غدر وأيتام ما تعرف دربها أمنيــــن حُسيناٌُ وآ حسيناه ********************* أنفصل عن الجسم رأسه وگع طود الصبر يمه يتامه وغدر أنسلبت مثل ما سلــــــــبوا جسمه أنطفح دم منحره وحتى المنايه أختنگت أبدمـــه بكل العين أنرسم نحره ودمه تفايض بكل عـين حُسيناٌُ وآ حسيناه

تصبحون علی حب صاحب الزمان ( عج)💚💫🌙👑